Alcaldía

A Policía Local realizou 155 denuncias por incumprimentos do confinamento nas tres semanas transcorridas do estado de alarma


A Policía Local de O Porriño realizou 155 denuncias por incumprimentos diversos das medidas de confinamento, ata a mañán día de hoxe e durante as tres tres semanas transcorridas dende que se decretou o estado de alarma.
O número de denunciados medrou hoxe venres, xonada na que se impuxeron 16 denuncias ata o mediodía.

A meirande parte dos denuncíados son veciños de Porriño pero tamén hai foráneos e transeúntes de Vigo, Tomiño, Mos, Salceda, As Neves e outros concellos da contorna.
A infracción máis recorrente é sair a pé ou no coche dar unha volta carecendo de motivo xustificado. En cambio, as denuncias por infrinxir ou propasarse co pretexto de sacar o can, rebaixaronse.

Hai varios reincidentes. Destaca o caso dun veciño de Pontellas que xa acumula tres denuncias por infrinxir o confinamento saíndo a pasear coa súa bicicleta sendo interceptado polas patrullas policiais en diferentes puntos do termo municipal.

Todas as denuncias son remitidas á Subdelegación do Goberno que se encaga da súa tramitación, valoración dos feitos, imposición da coantía da multa e xestión da mesma. As multas por incumprimento do estado de alarma van dende os 600 euros ata os 30.000 euros, segundo graos.
Tan só nun caso dun vecino de O Porriño, a Policía Local deu conta tamén da denuncia ao Xulgado pola gravidade do desacato. Tratase dun “sen teito” que tivo unha conducta desconsiderada coa patrulla policial.

Por outra banda, a Policía Local e o Concello de O Porriño “queren agradecer o comportamiento maioritario da veciñanza que observa correctamente o confinamento así como daqueles cidadás que colaboran e avisan ás forzas de seguridade para alertar sobre o comportamento insolidario dalguns”, segundo manifestou Lourdes Moure, concelleira de Seguridade.

Asimesmo a concelleira agradeceu no nome do Concello “o traballo de todos os colectivos profesionais que están a protexernos profesionais sanitarios, servizos de limpeza, forzas e corpos de seguridade do Estado e de xeito particular á Policía Local do Porriño que está ao pé do cañón as 24 horas do día”, engadiu Moure Varela.

03/04/2020 in Alcaldía, Seguridade

O Concello ofrece servizo de apoio sicolóxico para adolescentes e coidadores para sobrelevar o confinamento

O Concello do Porriño en colaboración coa Asociación para a Saúde Emocional na Infancia (ASEIA) ven de poñer en marcha un servizo de primeiros auxilios emocionais para adolescentes nesta sirtuación de confinamento que estamos a vivir.

A prestación deste apoio sicolóxico tamén abrangue a coidadores de nenas/os de 0 a 11 anos. Realizase por profesionais da psicoloxía, traballo social, enfermería e educación social. Encarganse de dar cobertura de apoio emocional e orientación psicolóxica, educativa e social a adolescentes e coidadores que se atopen con dificultades de desbordamento emocional derivadas da situación de illamento social a causa do estado de alarma decretado pola pandemia do Covid-19.

A atención é gratuita e pode solicitarse a través de teléfono e/ou por email:

Teléfono: 622 245 545
E-mail: aseia.galicia@gmail.com

02/04/2020 in Alcaldía, Benestar

O Concello axiliza o pago de 400.000 € a proveedores para inxectar liquidez na economía local nesta situación de alarma

O Concello do Porriño axiliza esta semana o pagamento a proveedores por un importe global de 400.000 euros correspondentes a facturas deste primeiro trimestre co propósito de inxectar líquidez na economía local, prácticamente paralizada pola situación de estado de alarma sanitaria.

“Seguimos intentado paliar os efectos desta pandemia mediante o pago a pequenos proveedoresde tal xeito que esta semana axilizaronse trámites para aboar 400.000 euros en facturas pendentes do primeiro trimestre deste ano”, declarou a alcaldesa Eva García.

A rexidora indicou que mediante tele traballo tanto Intervención, Tesoreria, Secretaria e a propia Alcaldía “seguen a tramitarse máis pagamentos tanto por suministros como luz, telefonía e recollida de basuras así como con servizos prestados por outros proveedores cuia licitación está en marcha”, rematou Eva García.

Lembremos que en materia económica o Concello do Porriño acordou hai unha semana o aprazamento de todas as obrigas tributarias municipais ata que rematen as medidas de confinamento.

01/04/2020 in Alcaldía

Porriño, Cidade Amiga da Infancia, agradece nun bando aos nenos e nenas o seu comportamento exemplar axudando a vencer o coronavirus

A Alcaldesa Eva García ven de firmar un bando adicado aos nenos e nenas de O Porriño polo seu comportamento exemplar axudando a vencer o coronavirus.

A idea de facer este bando infantil é por iniciativa da Concellería de Educación que dirixe Lourdes Moure e da Oficina Municipal de Información Xuvenil, OMIX.

Porriño que é Cidade Amiga da Infancia nomeada pola UNICEF dende 2018, quere rendir deste xeito unha homenaxe aos máis pequenos de cada fogar pola súa contribución para superar esta pandemia.

Deixamos a continuación o Bando.

30/03/2020 in Alcaldía, Educación e tecnoloxía

O Concello apraza o pago de impostos e recibos municipais e valora outras medidas para aliviar a presión fiscal

A alcaldesa Eva Garcia promulgou un decreto polo que o Concello de O Porriño comunica o aprazamento de todas as obrigas tributarias municipais ata que rematen as medidas de confinamento, suspensión de actividades económicas e restricción da movilidade con motivo da pandemia de coronavirus.

A rexidora porriñesa explicou que “imos devolver pagamentos xa realizados por servizos que non puideron prestarse como por exemplo aos usuarios da piscina municipal,”. Asimesmo Eva Garcia indicou que “están a valorarse outras medidas entre as que estudamos como facer cos recibos do Imposto de Bens Inmobles (IBI), pero de momento, aprazaremos os devengos”, sinalou a alcaldesa.

28/03/2020 in Alcaldía

O Consorcio de Augas do Louro apraza e adía o pagamento de taxas

O Consorcio de Augas do Louro anuncia aos veciños de Porriño, Salceda, Mos e Tui o aprazamento do pago das taxas con motivo da situación de alarma por coronavirus.

O comité directivo do Consorcio que preside a alcaldesa de O Porriño, Eva García, valorou os efectos económicos que as medidas de confinamento e cese das actividades decretadas están a provocar especialmente nas familias e pequenos comercios así como as limitacións que esta situación supón aos usuarios para acceder fisicamente ás entidades bancarias.

Polo que decidiuse modificar o calendario fiscal de 2020 aprazando 20 días, ata o 30 de abril, a data de pago en voluntaria dos recibos de novembro-decembro de 2019, retrasar dous meses os prazos de inicio e fin de pago en voluntaria dos recibos de xaneiro-febreiro de 2020 e retrasar un mes os prazos previstos para os recibos de marzo-abril de 2020.

Por outra banda, o Consorcio lembra que o importe dos recibos que emite depende en grande medida do consumo de auga realmente realizado polo que todos aqueles establecementos que tiveran que cesar a súa actividade durante os meses de marzo e abril verán cómo se reduce o importe do recibo proporcionalmente á cantidade de auga non utilizada.

O Consorcio tamén informa que as persoas en risco de exclusión social están exentas do pago das taxas polo que, de darse esta situación a consecuencia do estado de alarma por coronavirus, poden solicitar dos servicios sociais municipais os informes que acrediten esta nova situación para poder acceder a esta exención.

O Consorcio lembra aos usuarios que mantén a súa disposición o número 900810103 así como a súa sede electrónica e páxina web as 24 horas do día.

28/03/2020 in Alcaldía

O Concello promove unha programación cultural especial “para pasar unha corentena”

O Concello do Porriño, a través do departamento de Cultura, ven de promover unha programación especial titulada “Para pasar unha corentena” ideado para o seu seguimento “on line” a consecuencia das restriccións que impon a prórroga do estado de alarma pola pandemia do “Covid-19”.

Esa programación especial que se pode consultar na páxina web do departamento de Cultura, comeza hoxe con unna lembranza á celebración do Día Mundial do Teatro.
Na programación incluense ligazóns para ver e seguir diversas propostas artísticas e culturais para todo tipo de públicos como “Novo Cinema Galego”, conferencias do programa “TDEx Galicia”, funcións de teatro, sesións de contacontos e tamén co Salón virtual do Libro de Pontevedra.

Asimesmo vencellanse tamén diversas propostas da Biblioteca Municipal como unha ligazón con El Libro total”, unha biblioteca dixital gratuita con máis de 45.000 títulos dispoñibles, e tamén outra ligazón con “#KeepReadingencasa”, unha proposta de Editorial Planeta que ira publicando para a súa descarga libre e gratuita, importantes obras de autores contemporáneos “bestsellers” como Dan Brown, Larsson, María Dueñas ou Zafón, así como da literatura infantil e xuvenil como Blue Jeans ou Gerónimo Stilton.

27/03/2020 in Alcaldía, Cultura e festas, Educación e tecnoloxía, Igualdade

O Concello vencellouse ao Plan de Continxencia contra a violencia machista durante o estado de alarma sanitaria

A Concellería de Igualdade informa que o Concello de O Porriño vencellouse ao Plan de Continxencia contra a violencia machista, activado polo Goberno Central debido a pandemia do coronavirus e a obriga do confinamento domiciliario.

O Concello do Porriño garante que todos os servizos de asistencia integral ás víctimas de violencia contra as mulleres están en funcionamento. No que atinxe ao Concello porriñés, o Centro de Información ás Mulleres (CIM) que atende no número telefónica 986 337 429, e a Policía Local que atende no número 620 40 40 40.

Ademais o Concello faise eco das accións do Plan de Continxencia do Goberno Central que establece outras medidas complementarias nestas circunstancias excepcionais
con mulleres en situación de illamento domiciliario que poden ver dificultado ou imposibilitado o acceso aos medios habituais de comunicación e denuncia de situacións de violencia de xénero.

Polo tanto se habilita un sistema de alerta instantánea mediante mensaxe con xeolocalización que recibirián as fozas e corpos de seguridade; e nun chat-sistema de mensaxería urxente de contención e asistencia psicolóxica en situación de permanencia en domicilios que xestiona a Administración Central.

27/03/2020 in Alcaldía, Igualdade

Aprazado o primeiro pleno infantil do ano

A Oficina Municipal de Información Xuvenil (OMIX) informa que dada a actual prolongación do estado de alarma pola pandemia do Covid-19, tomouse a decisión de aprazar o pleno infantil do Concello de O Porriño que ía celebrarse o 30 de abril.
Ainda que para esa data tiveranse retirado as actuáis medidas de confinamento e restricción da movilidade e que tiverase reanudado a actividade docente, a OMIX sinala que non daría tempo a preparar o pleno infantil cos centros docentes porriñeses.
Coa antelación necesaria, a OMIX anunciará a nova data de celebración do pleno infantil.

Porriño nomeada en 2018 “Cidade Amiga da Infancia” pola UNICEF celebra anualmente dous plenos infantís.
Nesas sesións participan nenos e nenas representantes de todos os centros educativos do concello. Serve para que a infancia porriñesa propoña iniciativas coas que mellorar o cumprimento da Convención sobre os Dereitos do Neno na súa contorna. E por último para promover o seu dereito a decidir sobre os temas que lles afecten no eido local, facendo así da participación algo concreto, posible e aplicable.

25/03/2020 in Alcaldía, Benestar, Educación e tecnoloxía, Igualdade

Precintaranse os contenedores de roupa por falta de garantías sanitarias pola actual pandemia

Sergio Casal, concelleiro de Limpeza e Medio Ambiente informou hoxe que van ser precintados os contenedores de roupa e calzado “debido á falta de garantías sanitarias” segundo determinouse dacordo coa empresa responsable de ese servizo. A empresa informou ao Concello que neste intre non poden garantir as condicións de hixiene.
Actualmente hai por Porriño unha duzia de contenedores como o que estamos a ver na imaxe adxunta.

25/03/2020 in Alcaldía, Limpeza