Alcaldía

A evolución dos datos de infectados no Porriño aínda seguen empeorando. Hoxe o Sergas comunicou ao Concello que o número de casos activos da Covid no municipio é de 85 infectados. 

Actualmente Sanidade comunica diariamente o número de infectados ao Concello. Esa información trasladase aos grupos políticos da Corporación segundo acordo acadado o pasado luns 16 na Comisión Municipal anti-Covid. 

Tendo en conta que o xoves 12 de novembro había 78 casos, a tendencia non evidencia melloría ao cabo dunha semana. 

Precisamente este xoves, ás 13 horas, Eva García de la Torre participará na conferencia telemática que Julio García Comesaña, conselleiro de Sanidade manterá cos alcaldes e alcaldesas dos concellos da área de Vigo que están en alerta vermella e con medidas restritivas. 

O Concello do Porriño habilitará unha liña telefónica para canalizar as axudas que poidan requirir persoas que teñan que gardar illamento pola Covid. Esta acordo adoptouse hoxe na reunión que mantivo a Comisión Municipal de Seguimento da Covid. Aínda que esta axuda á domicilio xa se está prestar a través de contactar coa Policía Local e Protección Civil.

A sesión foi telemática e presidida pola alcaldesa Eva Garcia e con participación dos grupos políticos da corporación representados por Lourdes Moure, David Alonso e Sergio Casal (PSOE), Abel Estévez (PP), Patricia Sío (EU SON) e Cami Moreira (BNG). Ademais participaron os responsables da Policía Local e Protección Civil. 

A alcaldesa reportou os últimos informes sobre incidencia de contaxios que finalmente a Consellería de Sanidade xa remite a diario ao Concello. O dato de hoxe é de 78 contaxios activos. O Porriño segue en alerta vermella pola alta incidencia de contaxios que continúa a presentar.

A Comisión Municipal de Seguimento do Covid tamén acordou autorizar un aforo de 30 espectadores en eventos deportivos en recintos pechados. A petición do concelleiro Abel Estévez, tamén presidente do Balonmán Porriño, reservarase unha parte de ese aforo para os acompañantes dos equipos foráneos.

A alcaldesa informou aos asistentes do recente decreto que autoriza nas instalacións deportivas ao aire libre un máximo de 75 espectadores. E recalcou que mantense a prohibición expresa de que os clubs de fútbol abran as cantinas dos seus campos.  

Eva García, presidenta do Consorcio de Augas do Louro, amósase “sorprendida” polo anuncio da alcaldesa de Mos de que estea a buscar apoios no Consorcio para axudar á hostalaría.

A alcaldesa porriñesa sinalou que “sendo eu a presidenta do Consorcio, ninguén de Mos, púxose en contacto comigo para suxerir medidas para axudar aos hostaleiros o que, por un sinxelo principio de cortesía institucional, debería telo feito antes de acudir á prensa”.

“Sorpréndeme que a alcaldesa de Mos que nunca asiste ás reunión do comité directivo do Consorcio, pretenda liderar unha iniciativa tal sen sequera facer previamente unha proposta no órgano de deliberación que precisamente reuniuse hai unha semana”, engadiu Eva García de la Torre.

A presidenta do Consorcio lembrou que nesa reunión o concelleiro de Mos que asistiu non manifestou nada ao respecto desa proposta que “sen embargo cónstame que Nidia Arévalo trasladouna en conversas telefónicas aos meus homólogos de Salceda e Tui así como ao xerente do Consorcio”.

A rexedora do Porriño considera que “este novo episodio protagonizado por Nidia Arévalo é a enésima falta de consideración e respecto aos 20.300 porriñeses na persoa da súa alcaldesa”.   

Finalmente, Eva García indicou que o vindeiro xoves convocarase unha reunión do comité directivo do Consorcio na poderá discutirse esa medida no caso de ser presentada”.