Alcaldía

O Concello do Porriño sigue avanzando na elaboración da súa axenda urbana abrindoa á participación de toda a veciñanza a través dun cuestionario que ten como principal obxectivo coñecer as súas impresións acerca da situación actual do municipio e as súas propostas para o futuro.

Como adiantaron dende a entidade en días anteriores, a elaboración do documento estratéxico que marcará o camiño a seguir os próximos anos atópase en fase de participación tras o diagnóstico inicial. Esta semana están a desenvolverse as mesas sectoriais para determinar aspectos clave nos diferentes eidos, nas que están chamadas a participar as entidades sociais, económicas, medioambientais e políticas do Porriño.

Amte a importancia dos cambios que xerarán os proxectos e actuacións incluídos nesta axenda urbana de cara a xerar novas oportunidades para persoas e empresas na vila, dende o Concello abren o proceso para coñecer a opinión dos veciños e veciñas e convidalos a participar a través do cuestionario disponible na páxina web https://axendaurbanaoporrino.com/ , onde tamén se poderá acceder a toda a información relativa á Axenda Urbana e Rural que se está a desenvolver.

“A participación e o compromiso de toda a poboación é clave para alcanzar os obxectivos propostos e construír un futuro sostible para O Porriño a través dun enfoque integrador e inclusivo”, explicou o rexedor, “O consenso é esencial para crear un Porriño máis cohesionado, dinámico e amable”.

Cabe destacar que a enquisa é totalmente anónima, e pretende tan só obter a valoración por parte da cidadanía dos retos identificados nunha primeira fase de diagnose para, a continuación, dar resposta a estas problemáticas a través de proxectos e accións concretas.

O Concello do Porriño iniciará os trámites necesarios para declarar a Festa dos Callos e a Feira Apícola Rías Baixas, dous emblemáticos eventos da localidade, como Festas de Interese Turístico de Galicia, en recoñecemento á súa importancia cultural, gastronómica e turística para a rexión.

A Festa dos Callos é un evento enraizado na cultura e tradición do municipio que este chegará xa á súa trixésimo primeira edición. Esta festividade, que se celebra anualmente os meses de setembro/outubro, é unha ocasión única para exaltar os sabores da gastronomía local e para compartir momentos de convivencia e fraternidade coa comunidade e visitantes. “A Festa dos Callos, ademais de ser unha celebración gastronómica, é unha oportunidade para poñer en valor os nosos produtos e os nosos artesáns, así como para dinamizar a nosa economía local e promover o turismo na nosa rexión”, expuxo a concelleira de Turismo, Vanessa Ucha, “Cada ano, a festa atrae a un gran número de visitantes, que quedan cautivados pola autenticidade e o ambiente festivo que se vive nas nosas rúas”. Neste sentido, a declaración da Festa dos Callos como Festa de Interese Turístico de Galicia non só recoñecería o valor e a trascendencia desta festa para O Porriño, senón que tamén abriría novas oportunidades para a súa promoción e difusión a nivel rexional e nacional. “Ademais, esta declaración contribuiría a reforzar a nosa identidade cultural e turística e a poñer en valor os nosos recursos gastronómicos e turísticos”, continuou a edil.

Unha declaración á que aspirará tamén a Feira Apícola Rías Baixas, un evento emblemático en toda a rexión que se celebra cada ano na vila do Louro. Esta feira, que pon en valor tradición apícola do concello e a calidade dos nosos produtos derivados da colmea, é un verdadeiro escaparate da cultura e gastronomía local.

A Feira Apícola Rías Baixas non só é un evento de interese para os amantes da apicultura e da natureza, senón tamén unha oportunidade para dinamizar o sector turístico e promover a identidade do Porriño como destino turístico. Cada ano, a feira atrae a un gran número de visitantes, que gozan das actividades, exposicións e degustacións que se organizan durante os días do evento.

“A súa declaración como Festa de Interese Turístico de Galicia tamén nos permitiría reforzar o noso compromiso co turismo sostible e responsable e poñer en valor os nosos recursos naturais e gastronómicos”, concluíu a concelleira.

O primeiro paso para iniciar a solicitude deuse hoxe no pleno da corporación, onde as propostas do executivo foron aprobadas, sumándose á do Xogo da Ola que se está a tramitar tamén.

O alcalde do Porriño, Alejandro Lorenzo, e o concelleiro de Benestar Social, Abel Estévez, fixeron hoxe balance da xestión realizada polos Servizos Sociais do Concello do Porriño, un departamento fundamental para protexer ás persoas máis vulnerables.

O Goberno Municipal mantén a súa forte aposta por este área tan sensible, invertindo no último ano máis de 2,5 M de euros, un 31,14% máis que no anterior exercicio. O reforzo da inversión na atención social por parte do executivo incrementouse nun 68,13% desde o ano 2020.

“Os Servizos Sociais son un eixo fundamental do Concello dando resposta á veciñanza máis vulnerable e que máis o necesita”, apuntou o alcalde, “O traballo que realizan moitas veces é invisible pero sen eles deixaríamos a moita xente atrás. Por iso reforzaremos sempre as nosas políticas sociais e tamén inversión”.

As cifras reflicten a importancia dos Servizos Comunitarios, que pechan o 2023 con 5.928 atencións de información, orientación e asesoramento á veciñanza no que respecta a recursos públicos en xeral.

Ademais, lévanse a cabo diferentes programas municipais creados directamente para respostar a necesidades detectadas a través da propia actividade do departamento. Entre eles, o Programa municipal de emerxencia social, do que se tramitaron 85 solicitudes relacionadas con necesidades de carácter básico (alimentación, farmacia, etc…) e outro de caracter urxente, o Programa de Bono enerxético municipal do que se benefician 213 familias, o Préstamo de axudas técnicas que resolveu de xeito favorable o prestamo de 13 camas articuladas e 3 grúas eléctricas, a intervención no Servizo de axuda no fogar que atende a 147 persoas, Xantar na casa con 14 usuarios ou a Teleasistencia, tramitando o traslado de 59 usuarios ao sistema de Dependencia.

Outro dos programas fundamentais é o programa de alimentos SOS Porriño, no que causaron alta o pasado ano 222 familias, ao que hai que sumar Xoguetes polo Nadal que achegou lotes de xoguetes libros a 109 menores.

Infancia e educación

A infancia e a educación é un dos grandes núcleos deste departamento, intervindo a través de diferentes programas. No marco do Programa de Educación Familiar atendeuse a 130 familias, 80 persoas participaron no Programa de formación básica para familias en situación de risco, centrándose na preparación do graduado da ESO, e 81 menores o fixeron no Programa de reforzo escolar. Cabe destacar deste último o alto nivel de satisfacción das familias e a mellora dos resultados académicos dos pequenos/as. Ademais, está funcionando como un importante elemento prpotector fronte ao abandono escolar. Destacable tamén é o Servizo de Atención Temperá, que atendeu a 89 menores.

Maiores

Os maiores tamén xogan un papel importante no día a día dos servizos sociais con programas de respiro familiar, Obradoiros de prevención do deterioro cognitivo no que participaron 36 persoas, Depotermal ou Tempo para Nós, con máis de 310 usuarios/as. Á xestión nesta área hai que suma as tramitacións da área de inclusión, dependencia, discapacidade ou pensións non contributivas.

O vindeiro 25 de marzo comenzará o Campamento de Semana Santa para os e as máis pequenas da casa ; e como ben sendo de costume, o mesmo desenvolverase no C.E.I.P Plurilingüe Xosé Fernández López e instalacións municipais

O lugar de entrega e recollida dos e das participantes será na porta principal do centro escolar no horario,de 8:30 a 14:00 horas. Os rapaces e rapazas deberán levar roupa cómoda : calzado cómodo e outro de reposto para poder utilizar ,no seu caso, as pistas do pavillón , unha mochila co calzado de reposto, unha merenda e auga.

No caso de precisar algunha vestimenta diferente , serán as monitores e monitores as persoas encargadas de comunicalo.

Recordade as únicas persoas autorizadas a entregar e recoller aos rapaces e rapazas do Campamento de Semana Santa serán as que instaron a solicitude.

En caso de ser outra persoa a encargada, ésta, deberá ser maior de idade e levar xunto ós monitores e monitoras a autorización correspondente, asinada con copia dos D.N.I ou N.I.E da persoa autorizante e autorizada

Listado de admitidos: https://oporrino.org/wp-content/uploads/2024/03/LISTADO-DE-ADMINISTIDOS-E-ADMITIDAS-NO-CAMPAMENTO-DE-SEMANA-SANTA-2024-1.pdf

Consentimento para fotografías e gravacións: https://oporrino.org/wp-content/uploads/2024/03/Consentimento-para-fotografias-e-gravacions.pdf

Nota de Información sobre o Proceso da Secretaría Xeral da Igualdade: https://oporrino.org/wp-content/uploads/2024/03/Nota-de-Informacion-sobre-o-Proceso-da-Secretaria-Xeral-da-Igualdade.pdf