Novas

Visita de seguimento ás obras nos campos de futbol de San Campio en Pontellas

Unha comitiva municipal formada pola alcaldesa Eva García, a concelleira Lourdes Moure e Julio Bernárdez, xerente do departamento de Deportes do Concello visitaron as obras que a administración municipal está a costear nos campos de fútbol e vestiarios de San Campio.
Actualmente están a realizarse tarefas de pinchado para aireación do céspede e capa vexetal do campo de herba natural. Neste campo onde xogará os seus partidos como local o Pontellas en Terceira División despois do seu flamante ascenso de categoria, tamén están a realizarse traballos de limpeza e pintura dos vestiarios.


Estés traballos que se están a realizar foron acordados nun recente encontro celebrado na Alcaldía entre Eva García, Julio Bernárdez e directivos do C.D. Pontellas encabezados pola súa presidenta, Marta Costas. Durante esa reunión a alcaldesa recoñeceu á directiva do Pontevedra “a mói boa xestión que están realizar dende a parte administrativa do club que se plasma nos excelentes resultados deportivos en todas as categorías”.

04/07/2019 in Alcaldía, Deportes

Chega a xuizo na Audiencia Provincial o desmantelamento dun “narcopiso” grazas un operativo iniciado pola Policía Local do Porriño

Nove axentes da Policía Local do Porriño, entre eles o Inspector Xefe Daniel Rodríguez, acudirán o vindeiro xoves 4 como testemuñas ó xuizo que se celebrará na Audiencia Provincial polo desmantelamento dun “narcopiso” na nosa cidade.
O operativo iniciouse o 1 de abril de 2018 pola Policía Local de Porriño que realizou un seguemento da actividade sospeitosa que se localizaba no edificio nº 2 da rúa Foz. A partir de xullo, Policía Local do Porriño e a UDEV da Comisaría da Policía Nacional acordan desenrolar a operación de xeito conxunto baixo a tutela do Xulgado de Instrucción nº 2 de Porriño. Deste xeito realizaronse vixiancias autorizadas e comprobacións que permitiron determinar a existencia dunha actividade de venta de drogas ó menudeo a cargo da parella formada por Patricia Conde e Gerardo Riveiro.
Con todas a s probas reunidas pola Policía Local e a UDEV, o Xulgado autorizou a entrada, rexistro e detención da parella dentro do “narcopiso”, a vivenda 4ºC do edificio nº 2 da rúa Foz. A operación efectuouse o 27 de septembro e as dilixencias dan lugar a este xuizo que se desenrolará na Sala IV da Audiencia. No banquillo dos acusados tamén se sentará un tercer procesado Fernando Hernández Asensio, detido en Salceda de Caselas e considerado polas Forzas de Seguridade como un proveedor da droga que vendía a parella porriñesa.

Fiscalía solicitará para os tres procesado seis anos de cárcere.

03/07/2019 in Alcaldía

Programación cultural Xullo 2019: hoxe lectura dramatizada, mañá animación infantil e o venres, concerto musical

Este serán terá lugar unha sesión de lectura dramatizada da obra “Arquivos da Realidade”, de Julio Fer e Francisco Oti. No escenario habilitado na praza do Concello, a partir das 21 horas. A cargo da escola de teatro Xerpo, dirixida por Irene Moreira.

 
Mañá xoves haberá unha sesión de animación infantil. A compañía “Troula Animación” representará a obra “Unha de piratas”. As 18,30 horas, tamén no escenario habilitado na praza do Concello. A trama versa de dos piratas un tanto torpes que contan as súas aventuras en interacción cos nen@s  e realizando diversas habilidades malabares.


E finalmente o venres 5 está programado o concerto musical “Clave de Fado”. Tratase dun dos eventos previstos na programación cultural que organiza o Concello do Porriño coa colaboración da Deputación Provincial e a Xunta de Galicia a través de AGADIC e a Consellería de Cultura e Turismo.
Terá lugar no mesmo escenario na praza Arquitecto Antonio Palacios, a partir das 22 horas.

 
“Clave de Fado” é un grupo independente de música que naceu hai unha década. Como o seu nome propón, a súa música está moi influída polo fado portugués que mesturan coa cantiga galega.
O longo da súa traxectoria o ano 2014 marca un antes e un despois pois gravaron o seu primeiro disco que chamaron “Xanelas”. Para iso tiveron que realizar unha campaña de crowfunding e acadaron recadar os cartos necesarios para se costear a edición de seu disco no que contaron coa participación de Uxía Senlle, Dani López, David Otomuro ou Sapoconcho, entre outros.

 

03/07/2019 in Alcaldía, Cultura e festas

ESTE SERÁN PARTIDO AMISTOSO ENTRE A SELECCIÓN FEMININA DA REPUBLICA DOMINICANA E O BALONMAN PORRIÑO

Este serán, ás 20,30 horas no Polideportivo Municipal terá lugar un partido amistoso entre a selección feminina da República Dominicana e o Balonmán Porriño . O encontro forma parte da preparación que está a realizar o combinado centroamericano que se atopa concentrado en Mondariz na Residencia Cemar. Estárán ata o 16 de xullo para preparar a súa participación nos Xogos Panamericanos que terán lugar a finais de mes no Perú. Na súa estadía e concentración en Mondariz está a colaborar o club Balonmán Porriño.

03/07/2019 in Alcaldía, Deportes

Axentes da Policía Local evitaron a extensión dun lume no interior do bar restaurante “La Cueva”

Varios axentes da Policía Local do Porriño e o responsable da Agrupación de Voluntarios de Protección Civil acudiron en axuda do propietario e persoal do Bar Restaurante “La Cueva”, na praza Arquitecto Antonio Palacios onde se declarou ás 13.48 horas un lume no interior da cociña que tivo a súa orixe nunha freidora.
Os axentes empregaron unha manta que mollaron con auga para afogar as lapas ata a chegada dunha doración do Parque Comarcal de Bombeiros de Porriño que remataron de extinguir o lume e de ventilar o local do fume. 
Afortunadamente non houbo que lamentar danos persoais agás unas lixeiras quemaduras que sufriu o propietario do establecemento das que foi atendido polo personal de Emerxencias Sanitarias que se desplazou e trasladado ó Centro de Saúde de Porriño. Posteriormente foi derivado e atendido na Unidade de Queimados de POVISA onde horas despois deronlle a alta.


Tanto o Inspector Xefe da Policía Local, Daniel Rodriguez que foi un dos axentes que interviron na extinción do sinistro como os concelleiros Sergio Casal e David Alonso acudiron a interesarse polo sinistro e polos traballadores do local.

02/07/2019 in Alcaldía

O vindeiro sábado terá lugar a presentación do Edificio “Praza de Ramiráns” que resolve unha conflictiva promoción inmobiliaria

Unha promoción inmobiliaria que quedou obstruída pola crise do ladrillo chega ó seu termo. O sábado 6 de xullo, ás 11 horas, terá lugar a presentación do edificio “Praza Ramiráns”, organizada pola firma “Copernicus”  que retomou o vello emprendemento de “Paseo Marítimo” que naufragou co estallido da burbulla do ladrillo.

Duas axencias inmobiliarias de Porriño “Inmonova” e “LM Inversións” teñen á venta os pisos de 2, 3 e 4 dormitorios con prezos dende 83.000 euros que os interesados poderán visitar o sábado con motivo dunha xornada de portas abertas entre as 10 horas e as 19 horas.

A promoción naceu no ano 2005 baixo o nome “Edificio Paseo Marítimo” pero despois de diversas peripecias, o proxecto quedou en vía morta. En 2009 paralizaronse as obras, en 2011 a promotora anterior entrou en liquidación e finalmente fixose cargo a SAREB (alcumado como “o banco malo”).
No ano 2017 “Copernicus”, un fondo de inversión, adquiriu o edificio e reanudou as obras deste inmoble con cinco andares e baixo cuberta que alberga 147 viviendas.

01/07/2019 in Alcaldía, Urbanismo, comercio e industria

Arranca o Campamento de Verán para axudar á conciliación familiar no Porriño

A partir de hoxe comeza a actividade do Campamento de Verán 2019 que organiza o Concello do Porriño, a través da Concellería de Igualdade e co financiamento da Deputación Provincial. O Concello promove esta actividade como medida de conciliación para as familias de Porriño.

Serán un total de 120 nenos e nenas nacidos entre 2007 e 2014 que disfrutan das diferentes actividades, xogos e talleres que componen este programa lúdico de ocio e tempo libre, durante o mes de xullo ata o 9 de agosto. As actividades do Campamento de Verán 2019 desenrolanse nas instalacións do Pabellón e Piscina municipais así como no colexio público Fernández López.

01/07/2019 in Alcaldía, Benestar, Igualdade

O Club Atletismo Porriño fará coincidir o domingo a XIV Carreira de Xóvenes Atletas co Memorial “As Agüíñas Diego Salgueiriño”

O Club de Atletismo de Porriño informou que este ano fará coincidir a XIV edición da Carrera de Xóvenes Atletas coa celebración do Memorial “As Agüiñas Diego Salgueiriño”.

O evento deportivo terá lugar este domingo 30, a partir das 10 horas. Desenvolverase nas instalacións do Club no Polígono Industrial A Granxa e nos montes aledaños, segundo informou á Concellería de Deportes, á Policía Local e á Agrupación de Voluntarios de Protección Civil de Porriño.

Dito evento consta de distintas probas dende a categoría Pitufos ata Cadete e tamén categoría absoluta, sendo todas elas carreiras a pé. O Club estima unha presenza de unhas 200 persoas entre participantes e organización.

28/06/2019 in Alcaldía, Deportes

Entrega da segunda edición do Premio Roberto Vidal Bolaño

O Concello de Porriño lembra que este sábado 29 terá lugar a entrega do II Premio “Roberto Vidal Bolaño” para textos teatrais inéditos, escritos en galego, dotado cun premio económico de 2.000 €.

O premio corresponderá a Ana Abad de Larriva pola obra “A sombra das árbores”, segundo o fallo do xurado, coñecido hai días, ó que se dará lectura durante a ceremonia. Comezará ás 19 horas no Instituto de Ensino Secundario Ribeira do Louro coas intervencións do escritor Francisco Castro, director xeral de Editorial Galaxia; Delio García Represas, profesor do IES Ribeira do Louro, e Lourdes Moure, concelleira de Educación.

O Concello sumouse a partir deste ano á organización do certame que convocaron o IES Ribeira do Louro e a Editorial Galaxia. Precisamente a editorial asinará coa gañadora do premio o correspondente contrato para a edición da obra galardoada.

28/06/2019 in Alcaldía, Cultura e festas, Educación e tecnoloxía

O subcampión galego de Kick Boxing adestrará ás mulleres que participan no curso de defensa persoal feminina

Juan Rivera, subcampeón de Galicia en Kick Boxing modalidade K1, participará o sábado na instrucción ás mulleres que están a participar no curso permanente de defensa persoal feminina que patrocina o Concello do Porriño. Juan Rivera é de Mos e leva unha carreira deportiva exitosa que en breve propiciará o seu salto ó profesionalismo como dice o seu entrenador, Juan Alonso que tamén é outro dos monitores do curso de defensa persoal feminina.

Lembremos que o Concello do Porriño tomou a decisión de proseguir coas clases de defensa persoal feminina despois do éxito acadado polo curso que se realizou no pasado mes de maio. A partir de agora con carácter permanente. Deste xeito O Porriño é o primeiro concello de Galicia en ter ese curso de forma continuada, segundo a decisión que tomaron a alcaldesa Eva García e maila concelleira de Seguridade, Lourdes Moure baseándose na grande acollida e repercusión que tivo entre as mulleres do Porriño e bisbarra.
De feito foron as propias alumnas as que instaron a manter de xeito permanente este tipo de formación para garantir a súa seguridade e saber como respostar diante de calquera agresión. Das 137 mulleres que participaron no primeiro curso xa hai 68 que participan nesta acción formativa continua.
O curso comezou o pasado sábado 15 de xuño no Pavillón Municipal de Deportes, na pista 2. A formación realizase en dous sábados ó mes. A vindeira clase será o sábado 29 de xuño en horario de 10:00 a 12:00 horas. Non compre anotarse para asistir. Abonda con acudir con roupa deportiva no lugar e hora. A Policía Local de O Porriño seguirá a colaborar na organización e instrucción das mulleres participantes.

28/06/2019 in Alcaldía, Deportes, Igualdade, Servizos sociais