Novas

A Policía Local de O Porriño denunciou a 28 persoas durante a primeira semana do estado de alarma por infrinxir as restriccións impostas polo Goberno. A meirande parte das denuncias por incumprir a limitación da movilidade sen causa xustificada.
Todos os denuncíados enfrentanse a sancións económicas que poden oscilar entre 601 € e 30.000 € en función da gravidade. A tramitación e notificación desas sancións será realizada pola Subdelegación do Goberno de Pontevedra (segundo o cadro adxunto de sancións)

Entre os infractores sorprendidos polos axentes da Policía Local de O Porriño destaca un caso, o do único reincidente que xa acumula dúas denuncias por saír a pasear en bicicleta, sendo cazado unha vez en A Guía (Atios) e outra no paseo do río Louro.
Entre a casuística diversa de denuncíados aparecen situacións tan singulares coma un veciño que dicía que regresaba do supermercado pero non traía nin bolsa nin compra; outro que dicía que ía ao caixeiro e non levaba tarxeta algunha e o protagonizado por tres mozos que foron sorprendidos pola Policía Local tomando unhas bebidas que levaron consigo sentados na terraza dun establecemento pechado.

A Policía Local de O Porriño reitera, unha vez máis, que transcurrido un período de apercibimento dabondo, rematou o tempo da pedagoxía.
Namentres o Concello do Porriño quere agradecer o comportamento responsable da maioría da veciñanza que observa as restriccións que demanda o estado de alarma.

No día de hoxe a Policía Local, cumprindo unha instrucción da Concellería de Cemiterios, procedeu a precintar os accesos ao camposanto municipal para dar cumprimento ás restriccións impostas polo estado de alarma. O Cemiterio Municipal permanecerá pechado, agás para acoller inhumacións que deben realizase cunha mínima presenza de persoas.

Sergio Casal, concelleiro responsable deste servizo, indicou que “a medida adoptouse tras comprobar que ainda este fin de semana había corrillos de xente dentro da necrépole incumprindo as prescripcións do estado de alarma e polo tanto faise en prevención do risco de contaxios”.

Asimesmo o concelleiro sinalou que a medida deberá extenderse aos restantes cemiterios existentes no municipios, nas parroquias de Atios, Budiño, Cans, Chenlo, Mosende, Pontellas e Torneiros.

A Policía Local de O Porriño tramitou dez denuncias máis contra veciños por diversas infraccións das normas de restricción da movilidade impostas polo Goberno pola pandemia do coronavirus.
As denuncias formularonse entre onte venres e hoxe sábado pola mañán.

Segundo informa a Policía Local entre as diferentes infraccións, tres mozos foron denuncíados por estar sentados nunha terraza tomando algo; outros dous por ir xuntos nun vehículo sen causa xustificada e dous máis por ir paseando xuntos tamén sen xustificación.
Os tres casos restantes tamén foron denuncias por saltarse o confinamento.

Co respecto ás denuncias formuladas por excederse no tempo de paseo cos cans, a Policía Local explica que a norma do Goberno que indica “paseos cortos, sólo para cubrir necesidades fisiológicas”, interpretase no senso de que deben ser por unha marxe de 10 minutos e non alonxandose máis de 100 metros do domicilio. Entendese que ambas condicións chegan dabondo para que o can faga as súas necesidades fisiolóxicas.

A Policía Local de O Porriño entende que tanto neste eido como con outros que restrinxen a movilidade para previr o risco de contaxios, despois de numerosos apercibimentos a duzias de veciños e veciñas, xa rematou o tempo da pedagoxía.

Namentres é de agradecer polo Concello o comportamento responsable de numerosos veciños que como se observa nas imaxes na praza de abastos e na cola do super, observan as restriccións que demanda o estado de alarma.

A Policía Local de O Porriño informa que ata onte, denunciaron a cinco veciños por infrinxir o estado de alarma decretado pola pandemia do coronavirus.

Na meirande parte dos casos son persoas que sacan a pasear o can pero que superan a marxe de 10 minutos que establecen as instruccións do estado de alarma. Nun caso, o denunciado foi un motorista que estaba a dar unha volta e cando foi apercibido alegou que buscaba un taller para unha reparación. A Policía Local informa que antes de comezar a denunciar realizou nos días previos numerosas advertencias e apercibimentos por diversas infraccións.

Por outra banda a Policía Local do Porriño informa á veciñanza, á vista de certas queixas nas redes sociais, que as labores de vixiancia nas parroquias do concello corresponden á Garda Civil por decisión da Subdelegación do Goberno que reparte e distribue as tarefas a realizar polos corpos e forzas de seguridade en virtude do decreto de estado de alarma.
A laboura encomendada á Policía Local é o control e vixiancia no centro da vila.

En medio do estado de alarma polo coronavirus e despois do susto de onte co accidente da grúa no Parque do Cristo, hoxe chegou unha moi boa nova ao Concello: o Instituto Nacional de Estadística (INE) confirmou que Porriño xa ten máis de 20.000 habitantes recoñecidos. Oficialmente Porriño ten dende o 1 de xaneiro de 2020, unha poboación de 20.100 habitantes.

A alcaldesa Eva García manifestou hoxe a súa “enorme satisfacción por esta boa nova, ainda máis de agradecer nestes días de desaliento no país abre unha porta de esperanza e orgullo para o pobo do Porriño”, dixou a alcaldesa.

Deste xeito O Porriño entra no “club” dos concellos de maís de 20.000 habitantes o que suporá máis participación nos fondos públicos tanto dos Orzamentos Xerais do Estado como nos da Xunta de Galicia así como acceso directo ás subvencións da Unión Europea. Asimesmo este salto demográfico traducirase en outros feitos futuros como máis competencoas en diferentes eidos. Asimesmo terá outra consecuencia: nas vindeiras eleccións municipais de 2023, os porriñeses xa teran que elexir máis concelleiros pois a próxima corporación local medrará de 17 a 21 membros.

Eva García suliñou que o crecemento demográfico deste concello “que era moi doado de constatar polas matriculacións nos colexios, polas vivendas e outros indicadores como a pirámide poboacional con saldo vexetativo postivo xa que temos máis nacementos que defuncions, agora queda reflexado oficialmente no censo”.
A alcaldesa lembrou que “dende a nosa chegada ao goberno municipal realizamos un esforzo por actualizar o padrón de habitantes que estaba moi desfasado e finalmente ese traballo da os seus froitos”.