Novas

Diversas actuacións en Atios da Concellería de Vías e Obras para melloras de saneamento e viais

O Concello do Porriño ven de acometer diversas melloras na parroquia de Atios en viais e saneamento que se executan con medios propios e baixo a dirección da concelleira de Vías e Obras, Lourdes Moure.


Actualmente segue a realizarse a ampliación da rede de saneamento no lugar de Covelo para dar servizo a dez vivendas. Os seus propietarios deberán darse de alta ante o Consorcio de Augas do Louro para realizar a conseguinte acometida. As obras avanzan a bó ritmo, a cargo da empresa “Naturgalia”. Mantense as restriccions de tráfico na zona.

Tamén realizaronse traballos de bacheo e asfaltado en outros puntos da parroquia que a concelleira revisou en compañía do enxeñeiro municipal e o encargado de obras.
En Insuas arranxouse un tramo da estrada que estaba en moi mal estado.

Na subida á Guía, a concelleira comprobou a marcha dos traballos de ampliación da estrada e de canalización de augas pluviais que se realiza coa colaboración dun veciño que cedeu parte do terreno.

Finalmente tamén Lourdes Moure entrevistouse co veciño, Eduardo Romero que instou a intervención do Concello para conectar varias vivendas da Pontenova ó abastecemento de auga potable. As casas, a escasos metros da avenida Domingo Bueno, quedaran sen agua hai uns meses porque secaran os pozos dos que se abastecían e carecían de conexión coa rede xeral.

29/01/2020 in Vías e obras

San Blas celebrarase na Forna cos baños do Casa Cultural conectados á rede de saneamento

As Festas de San Blas, no Torreiro da Forna, en Budiño que empezan este venres 31, celebraranse por primeira vez cos baños da Casa Cultural conectados á rede de saneamento.

A Concellería de Vías e Obras executou esta obra cuio resultado comprobou sobre o terreno a concelleira responsable, Lourdes Moure en compañía do enxeñeiro municipal e o encargado de Obras do Concello.
Eliminaronse tres fosas sépticas e conectouse a tubaxe coa rede de saneamento eliminando un foco de suciedade e malos olores.

A prevision é que milleiros de persoas acudan durante os catro días de celebracións no Torreiro onde montase unha carpa de grandes dimensions, con solo de madeira e canon de calor para que sexa máis acolledor

O Concello de O Porriño colabora coa comisión veciñal organizadora.

Por outra banda, na subida á Forna, a concelleira de Vías e Obras comprobou o resultado doutra actuación do seu departamento que consistira no aslfaltado dun tramo da estrada que fora solicitado polos veciños.

29/01/2020 in Vías e obras

O Concello do Porriño alega contra o proxecto da cidade deportiva do Celta en Mos polo impacto que vai causar no suministro de auga

O Goberno Municipal de O Porriño decidiu presentar hoxe, no último día do prazo, unha alegación contra a modificación do PXOM de Mos que pretende posibilitar o proxecto de cidade deportiva do R.C. Celta de Vigo en Tameiga. A alegación motívase en base “ós graves perxuizos que poden ocasionarse a este concello no abastecemento de auga”.

Argumentase que o proxecto de modificación do PXOM de Mos “conten inexactitudes e previsións que lesionan gravemente os intereses do Porriño” segundo a alcaldesa Eva García que firma a alegación no nome do Concello.

O Concello de Mos realiza unha previsión de caudal no que atinxe ó suministro de auga, contando cos aportes da ETAP de Os Valos (xestionada polo Consorcio de Augas do Louro) e cos aportes dos depósitos de San Antoniño, Veigadaña e Castro-Sanguiñeda, todes eles abastecidos polo encoro de Eiras.

Ó respecto alega Porriño que “a ETAP de Os Valos fora construída nos terrenos previamente adquiridos polo Concello porriñés” e que a captación de auga do embalse de Eiras por Porriño data dos anos 60 por autorización do Ministerio Obras Públicas, que logo asumiu a Xunta a través de Augas de Galicia”. “De feito é Porriño que ten o dereito de captar esa auga que facilita a Mos para o seu uso doméstico e no caso do polígono da Veigadaña para o seu uso industrial, non estando previsto nin aumentar o caudal suministrado nin outros usos”, argumenta a alegación de Porriño.

“Deberá terse en conta que Porriño segue a medrar en poboación cuns polígonos industriais de máxima actividade, de xeito que precisa o caudal que ten asignado”.
A alegación de Porriño acusa a Mos de “obviar totalmente a realidade, pretendendo apropiarse dun dereito sobre unhas instalacións que de xeito algún ten aseguradas e que non lle son propias. O feito de que na actualidade as competencias de xestión de abastecemento e saneamento derivaranse ó Consorcio de Augas do Louro non supón que este ente público sexa propietario de ningunha das instalacións titularidade de cada Concello”.

Por último, a alegación de Porriño subliña o feito de que “as captacións que se dicen do Eiras, sonlle de Porriño, ben polo depósito sito na Risca que capta do encoro de Eiras para o seu uso no termo municipal e do que deriva caudal para Mos e outros concellos; ben desde a ETAP de Os Valos que insistimos, construíse nuns terrenos previamente adquiridos polo Concello de O Porriño, para uso de Porriño e desde onde tamén abastecese a Mos e outros concellos, a través da facultade que Porriño ten directamente atribuída”.

 

 
28/01/2020 in Alcaldía

O Concello pon en marcha o programa de emprego “Porriño Accede”

A Concellería de Servizos Sociais anuncia a posta en marcha do programa de emprego “Porriño Accede” dirixido a veciños e veciñas do concello en situación de desemprego.

Tratase por cuarto ano consecutivo de de mellorar as posibilidades de atopar traballo mediante accións formativas deseñadas en colaboración con empresas radicadas no Porriño que incorporan prácticas non laborais.
“A nosa pretensión é mellorar as competencias profesionais e contribuir á inserción no mercado laboral das persoas que participan en ‘Porrino Accede’”, manifestou David Alonso, concelleiro de Emprego.

Deste xeito abrese un proceso de inscripcións para participar nun primeiro curso de formación de operarios de loxística e almacenaxe que se realizará ó longo do mes de febreiro no Multiusos de Torneiros.
As inscricións poderán realizarse no mesmo Multiusos de Torneiros ou chamanado ó número 986 338217 ou enviando un e mail ó enderezo electrónico formacion@porremprego.org

A previsión é que unhas 40 persoas que participen nos cursos de “Porriño Accede” fagan formación nas empresas e que aproximadamente o 60% delas acaden un contrato despois do período de prácticas.

28/01/2020 in Alcaldía, Emprego e formación

Programación do Entroido 2020: Convocase concurso para elixir o cartel anunciador

O Concello do Porriño convoca a primeira edición do concurso de carteis do que sairá o que servirá para anunciar o Entroido 2020. O prazo de presentación de deseños rematará ó 10 de febrero ás 20 horas.

Poderán participar todos cantos queiran con plena liberdade de técnica sempre que non presente dificultade para súa posterior reprodución litográfica.
O tema referirase o Entroido, e sempre en lingua galega. Os participantes entregarán un CD onde aparecerá o cartel en formato jpg, formato A3, 300ppp (puntos por pulgada) 3508×4960 píxeles, no Rexistro de entrada do Concello.

No cartel aparecerá o seguinte texto: “ENTROIDO NO PORRIÑO Dende 22 o 26 de febreiro 2020 Concellería de Festexos- Concello do Porriño”

O xurado estará presidido por Cami Moreira, concelleira de Festexos e integrado por 3 membros relacionados co mundo das artes.
O deseño gañador terá un premio en metálico de 600 euros. Haberá tamén un accésit de 500 euros.
O cartel gañador quedará en propiedade do Concello do Porriño que terá todos os dereitos e explotación do mesmo.

Bases consurso cartel Entroido 2020 (2)Descarga
25/01/2020 in Cultura e festas

Programación do Entroido 2020: Publicanse as bases do desfile de comparsas

A partir do 3 de febreiro abre o prazo de inscrición para o Desfile de Comparsas do Entroido 2020 que pechará o día 18 incluído, segundo ven de anunciar a Concelleróia de Festexos do Concello do Porriño.

O importe total de premios a repartir será de 13.950 euros entre comparsas infantis e de adultos. O importe dos premios se determinará segundo o número de compoñentes da comparsa.

Segundo as bases da convocatoria que xa se poden consultar a través do enlace que figura nesta mesma web, a orde de participación nos desfiles será por orde de  inscrición. 

As comparsas que aspiren ós premios de participación teñen a obriga de estar inscritas e participar nos desfiles do Sábado e Martes de Entroido, e no acompañamento do Enterro da Sardiña no Mércores de Cinza. Os percorridos de cada desfile tamén aparecen detallados na convocatoria.

 

BasesComparsasEntroido2020Descarga
24/01/2020 in Cultura e festas

Eva García mostrou a súa satisfacción polo protagonismo que vai ter O Porriño no Xeodestino “Ría de Vigo e Baixo Miño”

A Alcaldesa Eva García manifestou hoxe a súa “satisfacción polo protagonismo que vai ter O Porriño na proposta de rutas turísticas do primeiro reino medieval de Europa que se presentou onte en FITUR. Tratase do primeiro producto turístico que propón o Xeo destino “Ría de Vigo e Baixo Miño” do que forma parte O Porriño xunto con outros trece concellos da contorna.  

Eva García expresou a súa convicción de que “O Porriño probablemente sexa o gran descoñecido do Xeodestino que vimos de presenta porque moita xente ignora que a nosa vila está no centro do Camiño Portugués e os atractivos que ofrecemos en patrimonio artístico, paisaxístico, e para a práctica de deportes de aventura”, manifestou.   

A alcaldesa do Porriño e o concelleiro de Turismo, David Alonso asistiron á presentación do “Xeodestino” no pavillón de Galicia en Fitur que contou co apoio de Nava Castro, director xeral de Turismo da Xunta. Xunto a ela interviron no nome dos catorce concellos do Xeodestino, as alcaldesas de Redondela, Mos e Tomiño que ademáis é a presidenta de turno do Grupo de Desarrollo Rural.

Desde Madrid onde sigue a participar en diversos actos da Feira Internacional de Turismo, Eva García declarou que “estamos adquirindo experiencias para saber que temos que ofrecer que sexa atractivo para o turismo”.

A alcaldesa e o concelleiro participaron este mediodía como invitados na presentación da campaña da Deputación de Pontevedra de promoción turística para 2020 baixo o lema “Sigue o teu instinto”.

 

23/01/2020 in Alcaldía, Turismo

A Concellería de Cultura lanza a iniciativa de crear un Rexistro de Artistas Locais

A Concellería de Cultura propón a creación dun Rexistro de Artistas Locais de O Porriño para o que nas redes sociais de Concello e nesta mesma web incluímos a correspondente información así como o formulario coa solicitude de inscrición.

A iniciativa que lanza o departamento que dirixe Cami Moreira consiste en que todas aquelas persoas ou grupos adicados ás diversas actividades artísticas culturais e que teñan a súa residencia no concello de O Porriño, poidan inscribirse no devandito Rexistro.

A finalidade é dobre: contribuir ao desenvolvemento da comunidade artística local e dar a coñecer e fomentar a contratación de grupos e creadores do Porriño.
As inscricións faranse de acordo á instancia establecida que pode descargarse nesta mesma páxina web do concello.

No caso de artistas menores de idade, a solicitude será asinada polo pai, nai ou titor/a legal do menor.

No Rexistro de Artistas Locais, os inscritos estarán divididos segundo as disciplinas presentadas. O acceso a este Rexistro será público de tal forma que poderán acceder todas as persoas interesadas, de forma telemática a través desta mesma páxina web do Concello.

Pódese acceder aos formularios nas seguintes ligazóns:

Solicitude Inscrición

Regulamento Rexistro

23/01/2020 in Cultura e festas

Este xoves comeza o ciclo “Bibliosaúde” que de novo amosa a sobranceira labor da Biblioteca Municipal no eido da divulgación

Este xoves día 23 arrincará na Biblioteca Municipal unha novidosa proposta de conferencias, un ciclo divulgativo chamado “Bibliosaúde”.
Na primeira quenda tratase o tema do desenvolvemento visual, incidindo de xeito especial nos nenos e nenas tendo en conta que 1 de cada 4 rapaces non é diagnosticado ou é mal diagnosticado e no mundo hai 217 millóns de persoas con problemas visuais.

Lucila Tó García-Miranda será a encargada de impartir esta primeira conferencia. É unha óptica-optometrista especializada en terapia visual baixo unha filosofía do comportamento, con máis de 25 anos de experiencia e que dirixe o seu propio centro en Andorra.

Esta nova proposta da Biblioteca Municipal está na liña do desenvolvemento de programas formativos polos que ten destacado nos últimos anos de xeito sobranceiro.
Para 2020 elixiuse o ámbito da saúde en resposta ó Obxectivo nº 3 da Axenda 2030 para o Desenvolvemento Sostible, auspicíada pola ONU, que propón aos centros bibliotecarios apoiar o acceso público a información sobre saúde e benestar.

22/01/2020 in Alcaldía, Cultura e festas, Educación e tecnoloxía

Reunión dos grupos municipais preparatoria da vindeira Comisión de Deslinde con Mos

Hoxe mércores, está convocada reunión dos representantes dos grupos municipais do Concello de O Porriño na Comisión Especial de Deslinde con Mos, a partires das 18,30 horas.

Trátase dunha reunión unha reunión preparatoria para unificar criterios e fixar unha posición común fronte a vindeira Comisión Especial de Deslinde que vai celebrarse o xoves 6 de febreiro, ás 16,30 horas xa que a anterior foi suspendida polo temporal. A nova convocatoria realizase no mesmo punto de encontro, no Cristo de Belén, para que os representantes municipais e veciñais de Porriño e Mos percorran a zona de litixio.

Cada Concello achega representantes dos grupos municipais de cada corporación; o secretario municipal e ademais veciños da zona en litixio.
No que atinxe a Porriño foron nomeados para integrar a Comisión a alcaldesa Eva García, o tenente de alcalde Pedro Pereira (BNG) e os voceiros do PP, Alejandro Lorenzo; Pedro Ocampo (EU Son) e Manuel Carrera (UDDL).

Na historia das relacións entre Mos e Porriño hai un antecedente recente de acordo entre ambos concellos acontecido en 2016. Entón a comisión coas respectivas alcaldesas ó fronte -como reflicte a imaxe de arquivo- acadaron o acordo de establecer o marco de deslinde entre ambas vilas no centro da rotonda do Cristo de Belén

22/01/2020 in Alcaldía