Vías e obras

O Concello do Porriño saca a licitación a mellora do pavimento de camiños en Devesa, Filgueiras e Portela de Souto por máis de 132.000 euros

 

  • A actuación permitirá mellorar a seguridade viaria e a mobilidade en tres viarios municipais situados en Budiño, O Porriño e Atios

O Porriño, 16 de decembro de 2025.- O Concello do Porriño vén de sacar a licitación o proxecto de mellora do pavimento en tres camiños de titularidade municipal, situados nos lugares de Devesa, Filgueiras e Portela de Souto, cun orzamento base de licitación de 132.979,42 euros (IVE incluído).

A actuación, financiada pola Deputación de Pontevedra a través do Plan + Provincia, ten como obxectivo mellorar o estado actual destes viarios, incrementar a seguridade viaria e facilitar a mobilidade da veciñanza, xa que os camiños presentan diversos signos de deterioro, como fisuras, baches e unha degradación xeral da capa de rodadura.

O alcalde do Porriño, Alejandro Lorenzo, destaca que “esta licitación é unha mostra máis do compromiso do goberno municipal coa mellora das infraestruturas básicas, especialmente nos núcleos rurais, onde os camiños municipais son fundamentais para o día a día da veciñanza”. O rexedor subliña tamén que “seguimos investindo en obras útiles, pensadas para mellorar a seguridade viaria e a calidade de vida dos porriñeses e porriñesas”.

O proxecto contempla, entre outras actuacións, o desbroce e limpeza de marxes e cunetas, o fresado puntual do firme existente, a reposición da zahorra artificial nos puntos necesarios, así como o reforzo do pavimento mediante a execución dunha nova capa de mestura bituminosa en quente de cinco centímetros de espesor.

Ademais, procederase ao recrecido de arquetas e tapas de rexistro, á reposicion dun colector de drenaxe transversal no camiño de Filgueiras e á execución de nova sinalización horizontal e vertical, co fin de mellorar a seguridade e a ordenación do tráfico.

Pola súa banda, o concelleiro de Vías e Obras, Ramón Porto, sinalou que “se trata dunha actuación moi necesaria, que dá resposta ao mal estado do pavimento nalgúns tramos e que permitirá contar con camiños máis seguros e duradeiros”, engadindo que “as obras están deseñadas para minimizar as molestias á veciñanza e garantir unha execución áxil e eficiente”.

As obras desenvolveranse en camiños situados nas parroquias de San Salvador de Budiño, O Porriño e Atios. O prazo previsto de execución dos traballos será de seis semanas, unha vez adxudicadas as obras, establecéndose durante ese período as medidas necesarias de sinalización e regulación do tráfico.

Con esta licitación, o Concello do Porriño reafirma o seu compromiso coa mellora das infraestruturas municipais, especialmente nos núcleos rurais, apostando por actuacións que contribúen á seguridade viaria e á calidade de vida da cidadanía.

16/12/2025 in Parroquias, Vías e obras

Comezan as obras de pavimentación no Camiño da Louriña en Pontellas

 

  • O alcalde do Porriño, Alejandro Lorenzo, e os concelleiros Ramón Porto e Bienvenido Estévez, supervisaron o avance dos traballos
  • A actuación forma parte dun investimento global de máis de 73.000 euros no que se inclúen outro camiño en Pontellas e dous máis na parroquia de Atios

O Porriño, 1 de decembro de 2025.– O Concello do Porriño vén de iniciar as obras de pavimentación no Camiño da Louriña, na parroquia de Pontellas, unha das actuacións incluídas no proxecto de mellora de viarios municipais financiado pola Axencia Galega de Desenvolvemento Rural (Agader) ao abeiro do Plan Camiña Rural 2025-2026.

O alcalde do Porriño, Alejandro Lorenzo, e o concelleiros, Ramón Porto e Bienvenido Estévez, desprazáronse ata a zona para comprobar o avance dos primeiros traballos, centrados na limpeza, o desbroce e a preparación do firme previo ao asfaltado. A intervención forma parte dun investimento global de máis de 73.000 euros no que se inclúen outro camiño en Pontellas e dous máis na parroquia de Atios.

Lorenzo destacou que “a posta en marcha desta actuación responde a unha demanda da veciñanza e suporá unha mellora substancial na seguridade e comodidade das comunicacións interiores. Esta é unha actuación máis nas nosas parroquias, nas que sempre estamos a traballar para que dispoñan e conten cos servizos básicos que merecen”.

O estado do firme facía necesaria esta intervención, que permitirá dotar o camiño dun pavimento seguro e duradeiro. O Camiño da Louriña, cunha lonxitude de 270 metros e un ancho medio de 7 metros, é un dos catro viarios incluídos neste proxecto municipal. O Concello prevé iniciar a obra de Galegos en Atios antes de rematar o ano, mentres que o Camiño Outeiro (Pontellas) e o Camiño da Torre (Atios) quedan programados para o ano 2026.

Con esta actuación, o Concello do Porriño continúa executando a súa liña estratéxica de mellora das infraestruturas do rural, reforzando a seguridade viaria e respondendo ás necesidades da veciñanza.

 

 

01/12/2025 in Parroquias, Vías e obras

O Concello mellora a seguridade viaria no polígono da Granxa coa construción de tres novas glorietas

  • A actuación, cun investimento de 150.000 euros, forma parte do plan de modernización dos polígonos industriais do municipio para o cal conta coa axuda da Xunta de Galicia, comprometida cos Concellos Emprendedores
  • O proxecto permitirá reforzar a seguridade do tráfico e optimizar a circulación nesta zona empresarial do Porriño

O Porriño, 5 de novembro de 2025.- O Concello do Porriño está a acometer obras de mellora da seguridade viaria no Polígono Industrial da Granxa, un proxecto incluído na liña de axudas da Consellería de Economía e Industria para a modernización dos parques empresariais galegos.

Esta actuación, cun investimento de 150.000 euros, súmase ás obras que tamén se están a executar no Polígono das Gándaras, completando así o plan municipal de mellora das infraestruturas industriais, que suma un investimento global de 300.000 euros.

Os traballos consisten na construción de tres novas glorietas nos puntos de maior intensidade de tráfico, co obxectivo de incrementar a seguridade viaria e reducir o risco de accidentes. As obras inclúen a demolición e reposición de beirarrúas, a execución de novas illas centrais con pavimentos de formigón coloreado, a reposición do firme con mestura bituminosa en quente e a instalación de nova sinalización horizontal e vertical.

O alcalde, Alejandro Lorenzo, e o concelleiro de Vías e Obras, Ramón Porto, destacaron durante a visita aos traballos, na que estiveron acompañados do presidente da Entidade Urbanística do Polígono da Granxa, Indalecio Cuevas, que “esta intervención responde a unha demanda do sector empresarial e contribuirá a mellorar a circulación e a seguridade dos miles de vehículos que a diario transitan polo polígono”.

Lorenzo subliñou ademais que “estas actuacións forman parte dun proxecto continuo do Concello para modernizar e dotar de mellores servizos os nosos parques empresariais, que son un piar fundamental da economía local e galega, que contan con máis de 3,5 millóns de metros cadrados de solo industrial e máis de 2.200 empresas asentadas”.

O Concello do Porriño continúa así co seu compromiso de mellora permanente das infraestruturas industriais, traballando man a man coa Xunta de Galicia e co tecido empresarial para garantir espazos máis seguros, accesibles e competitivos.

05/11/2025 in Vías e obras

O Concello saca a licitación as obras de pavimentación de camiños de Pontellas e Atios, cun investimento de máis de 73.000 euros

  • O proxecto, subvencionado ao abeiro do Plan Camiña Rural 2025 da Axencia Galega de Desenvolvemento Rural, mellorará a seguridade e accesibilidade en catro viarios municipais
  • O alcalde, Alejandro Lorenzo, indica que actuacións como estas son fundamentais para enxalzar o rural e dar resposta ás necesidades da veciñanza das parroquias

O Porriño, 27 de outubro de 2025.- O Concello do Porriño vén de iniciar o proceso de licitación para a contratación das obras de pavimentación dos camiños de Louriña (Rocal) e Outeiro, en Pontellas, e Galegos e A Torre, en Atios. A actuación supón un investimento total de 73.868,08 euros, financiados pola Axencia Galega de Desenvolvemento Rural (Agader) ao abeiro do Plan Camiña Rural 2025-2026.

O proxecto contempla a repavimentación de 971 metros de camiños de titularidade municipal, que actualmente presentan un estado de deterioro considerable, afectando á mobilidade e seguridade dos usuarios. As obras, cun prazo de execución de tres meses, inclúen tarefas de desbroce, limpeza e fresado previo ao asfaltado con aglomerado, sen modificar o trazado nin a rasante dos camiños.

O alcalde do Porriño, Alejandro Lorenzo, destacou a importancia deste tipo de investimentos no rural, “seguimos avanzando na mellora das infraestruturas nas nosas parroquias. Estas actuacións son fundamentais para velar polo benestar da veciñanza que viven no rural e enxalzar os espazos que son parte da nosa identidade como concello. Este proxecto é unha mostra máis do compromiso do Goberno municipal con atender as demandas reais dos veciños e veciñas e garantir unhas comunicacións seguras e accesibles en todo o territorio”, engadiu.

Os camiños que se verán beneficiados polas obras son Camiño Louriña (Pontellas), de 270 metros de lonxitude e 7 metros de ancho medio; Camiño Outeiro (Pontellas), 365 metros, con tramos de 5 e 4,5 metros de ancho; Camiño A Torre (Atios), 100 metros de lonxitude e 4 metros de ancho medio e Camiño Galegos (Atios), con 136 metros divididos en tres tramos con anchos de 4,5, 3,5 e 4,5 metros, respectivamente.

Con este proxecto, o Concello de O Porriño continúa coa súa liña de actuación enfocada na dinamización do medio rural, co obxectivo de mellorar a calidade de vida e os servizos en todo o termo municipal

27/10/2025 in Parroquias, Vías e obras

O Porriño inicia as obras de asfaltado de dúas rotondas no Polígono da Granxa

  • Os traballos supoñen unha inversión de 65.000 euros, financiados íntegramente polo Concello, e prolongaranse ata este mércores, 1 de outubro.

O Porriño, 29 de setembro de 2025.– Esta mañá, coincidindo coa festividade local do Luns do Cristo, o alcalde do Porriño, Alejandro Lorenzo, acompañado polo concelleiro Ramón Porto; o presidente da Entidade Urbanística de Conservación de A Granxa, Indalecio Cuevas; o presidente da Asociación de Empresarios de As Gándaras, Jorge Trigo; o secretario xeral da Federación Galega de Parques Empresariais, David Sobral e enxeñeiros municipais, visitou o inicio das obras de asfaltado de dúas rotondas no Polígono Industrial da Granxa. Con motivo destas actuacións de mellora, establécense cortes de tráfico puntuais na glorieta situada ao carón de Intersport Piñeiro e na glorieta de Inoxcenter.

O proxecto, promovido polo Concello do Porriño, ten como obxectivo mellorar a seguridade viaria e a circulación en dous dos principais accesos desta área empresarial, onde o intenso tránsito de vehículos pesados deteriorou notablemente o firme nos últimos anos.

Os traballos, que rematan este mércores, consisten no fresado do pavimento actual e na posterior reposición da capa de rodadura con mestura bituminosa en quente, ademais da correspondente sinalización horizontal. O orzamento total da actuación ascende a 64.990,36 euros, financiados íntegramente polo Concello.

A escolla da data de inicio, en plena xornada festiva, responde ao compromiso municipal de minimizar as molestias ás empresas e ás persoas traballadoras do polígono. 

Durante a visita, o alcalde subliñou a importancia da obra: “Queremos que os nosos polígonos conten con infraestruturas modernas e seguras, porque son un motor económico fundamental non só para O Porriño senón para toda a comarca. Aproveitamos unha festividade local para comezar os traballos, buscando causar as menores incomodidades posibles ao tecido empresarial e á veciñanza que cada día se move por aquí”.

Con esta intervención, o Concello reforza a súa aposta por dotar os polígonos empresariais de mellores servizos e condicións, garantindo así a competitividade e o bo funcionamento dun dos espazos produtivos máis importantes de Galicia.

29/09/2025 in Industria, Vías e obras

O Concello do Porriño presenta dous proxectos de mellora de infraestruturas e seguridade viaria nos polígonos das Gándaras e A Granxa por valor de 300.000 euros

  • A conselleira de Economía e Industria María Jesús Lorenzana anunciou esta mañá nun encontro con empresarios do municipio a ampliación do crédito dunha liña de axudas a través da cal se poderán executar ambos proxectos
  • O alcalde do Porriño Alejandro Lorenzo resalta os máis de 3,5 millóns de metros cadrados de solo industrial os cales con axudas como estas veranse modernizados e acondicionados

O Porriño, 4 de setembro 2025.- O Concello do Porriño foi o lugar elixido pola conselleira de Economía e Industria, María Jesús Lorenzana, para anunciar a ampliación do crédito en 2,5 millóns das axudas encamiñadas á mellora de infraestruturas dos parques empresariais de Galicia, publicada hoxe no Diario Oficial de Galicia. Nun encontro con empresarios do municipio, celebrado esta mañá na casa consistorial porriñesa, o alcalde Alejandro Lorenzo agradeceu a asistencia tanto da conselleira, acompañada da directora xeral de Estratexia Industrial e Solo Empresarial, Margarita Ardao, como dos propios empresarios animándoos a aproveitar esta xuntanza para formular suxestións e propostas, xerando un diálogo construtivo entre administracións e empresariado.

Nesta liña, o rexedor local destacou e agradeceu “a complicidade e colaboración que existe xa entre o Concello e os entes empresariais”, algo que se traduce na coordinación á hora da posta en marcha de diversas actuacións ou incluso na solicitude de subvencións como as que hoxe se anunciaron, “pois ao estudar os proxectos presentados vese que ides da man e vos complementades”, subliñaba Ardao. E é que, de xeito paralelo a estas axudas dirixidas aos concellos galegos, dende a Consellería de Economía e Industria sacaron tamén outra orde de subvencións dirixida ás asociacións e entidades de parques empresariais co mesmo obxectivo de mellora de infraestruturas e servizos, e das que os empresarios do Porriño serán tamén seguramente beneficiarios podendo así executar os seus proxectos que contribuirán á modernización e á competitividade dos seus polígonos industriais.

Lorenzo remarcou que “ao Porriño non se lle dá o apoio con palabras senón con feitos e a Xunta de Galicia faino unha vez máis con subvencións como estas destinadas á mellora deste noso pulmón industrial, con máis de 3,5 millóns de metros cadrados de solo industrial e 2.200 empresas”. A conselleira pola súa parte explicou que dado o elevado volume de solicitudes recibidas e vendo que existe unha gran demanda de necesidades reais, dende a Xunta de Galicia considerouse aumentar a partida orzamentaria inicial, de 3.032.718,00 euros, en 2.582.743,30 euros máis, de maneira que a anualidade de 2025 desta liña de axudas, pasa a ser de 5.615.461,30 euros. “Unha orde de subvencións que permite modernizarse e implementar melloras nas infraestruturas de todo tipo. Porriño foi beneficiario o ano pasado e está agora mesmo esperando que se lle poidan conceder, ao amparo desta ampliación, novas axudas para os seus parques empresariais”. Deste xeito, a falta da reunión da comisión de valoración, todo apunta a que O Porriño será un dos concellos aos que se lles concederá subvención para a execución dos dous proxectos presentados polo Concello a esta liña de axudas, un centrado na mellora de infraestruturas do Parque Empresarial das Gándaras e outro de mellora de seguridade vial do Polígono de A Granxa, que suporán unha inversión de preto de 150.000 euros cada un deles.

 

04/09/2025 in Urbanismo, comercio e industria, Vías e obras

A obra de saneamento da Travesía de Novás, en Atios, entra na fase final de asfaltado

  • O Concello do Porriño inviste máis de 27.000 euros na instalacións dun novo colector, tres pozos de rexistro e catro acometidas domiciliarias

O Porriño, 28 de agosto de 2025.- O alcalde do Porriño Alejandro Lorenzo visitou as obras de saneamento que se están a executar na Travesía de Novás, na parroquia de Atios, e que xa se atopan na súa fase final coa repavimentación do camiño. A actuación enmárcase nunha serie de melloras nos servizos e infraestruturas que o Concello do Porriño está a realizar a favor dos usuarios dos mesmos.

Esta actuación, cun investimento de 27.710 euros financiada a través do Plan +Provincia da Deputación de Pontevedra, supón unha mellora substancial na rede de saneamento desta zona rural, que presentaba importantes deficiencias.

“A rede de saneamento dalgúns núcleos rurais do municipio resulta totalmente insuficiente nalgúns casos ou atópase nun estado de precariedade noutros, feito que fai necesaria unha importante intervención de mellora sobre a mesma”, explica o alcalde. É por este motivo que o Concello puxo en marcha este proxecto de cara a ampliar e modernizar dita rede en prol da mellora da calidade de vida da veciñanza desta zona da parroquia de Atios.

O proxecto inclúe a instalación dun colector novo por gravidade composto por 120 metros de tubaxe e tres pozos de rexistro, para dar servizo a catro vivendas unifamiliares e a repavimentación do vial. Precisamente, os traballos céntranse estes días na aplicación do novo aglomerado asfáltico nun treito de 180 metros, cun ancho medio de 5 metros, que deixará o

Segundo explicou o alcalde durante a visita, “esta obra responde a unha demanda histórica da veciñanza e encaixa dentro do noso compromiso de ir paso a paso ata acadar o cen por cen do saneamento, garantindo servizos públicos de calidade en todas as parroquias do Porriño”.

Os traballos estanse a desenvolver con normalidade e rematarán nos vindeiros días, cumprindo os prazos previstos.

28/08/2025 in Vías e obras

O Concello do Porriño acondiciona cinco camiños nas parroquias Torneiros, Mosende e Pontellas

  • Esta mañá comezaba o asfaltado nun deles co que se pecha un proxecto de máis de 177.000 euros que terá continuidade con novas actuacións para a mellora da seguridade viaria

O Porriño, 27 de agosto de 2025.- O Concello do Porriño rematará nestes días un proxecto de camiños municipais que supuxo unha inversión de máis de 177.000 euros no que se inclúen diversos viarios nas parroquias de Torneiros, Mosende e Pontellas. Precisamente esta mañá o alcalde Alejandro Lorenzo visitou os traballos de asfaltado nun deles, no lugar de Casal de Vello, que se prolongarán ao longo do día de hoxe e mañá. O principal obxectivo é a reposición do firme para unha mellora da seguridade viaria, así “estas obras responden á necesidade de manter en bo estado a extensa rede de camiños municipais que temos no Porriño, moitos deles con gran tránsito diario. Non se trata só de mellorar a comodidade dos desprazamentos, senón tamén de garantir a seguridade de todas as persoas usuarias, peóns e condutores, e dar resposta ás demandas da veciñanza, que levaba tempo reclamando estas melloras”, sinalou o rexedor.

E por iso que este é un máis dos diferentes proxectos que ten levado e seguirá levando a cabo o goberno local centrado na mellora dos numerosos viarios municipais existentes, tanto no centro urbano como, sobre todo, na zona rural das diferentes parroquias. O alcalde mantense na premisa sostida dende o inicio do seu mandato e fai fincapé en que “é moi importante que a veciñanza que paga os seus impostos teña cubertos os servizos básicos e esenciais como pode ser o saneamento, a recollida do lixo e tamén este de mantemento das infraestruturas viarias. Sempre o foi e seguirá sendo unha das nosas prioridades ao fronte do goberno municipal”, remarca.

Neste proxecto en concreto contémplanse cinco actuacións, unha no lugar da Louriña, no viario que une Mosende e Pontellas e outras catro en Torneiros: unha entre as estradas EP-2401 e PO-331, outra na intersección na súa parte sur coa mesma estrada provincial 2401, en dúas zonas destinadas a aparcamentos nos polígonos I e II e a do lugar de Casal Vello a onde hoxe se desprazou o alcalde.

En todas elas leváronse a cabo actuacións previas de limpeza e desbroce, tamén movementos de terras, rehabilitación de firmes e pavimentos, traballos de drenaxe, colocación da sinalización horizontal e nalgún caso incluso a execución dun tramo de beirarrúa e ampliación de zona destinada ao estacionamento de vehículos

27/08/2025 in Vías e obras

O Concello do Porriño dá prioridade absoluta ao saneamento coa creación dunha concellería e a execución de obras por máis de 4,6 millóns

  • Este novo departamento disporá de persoal municipal propio e centralizará todos os esforzos en dar resposta e avanzar na realización de pequenas e puntuais actuacións
  • A folla de ruta coa que traballa o goberno local cuantifica, a día de hoxe, en preto de 12 millóns de euros as obras pendentes de partida orzamentaria

O Porriño, 25 de agosto de 2025.- A elaboración de todos os proxectos para completar a rede de saneamento do Porriño foi o primeiro dos pasos que levou a cabo o alcalde Alejandro Lorenzo fai tres anos e medio cando accedeu ao goberno municipal. “Desde o inicio do noso mandato, as obras de saneamento foron unha prioridade absoluta e a redacción destes proxectos foi o punto de partida da nosa folla de ruta”, asegura o rexedor. Levouse a cabo un esforzo económico e organizativo sen precedentes, “dispoñíamos unicamente dun plan técnico no que non estaban delimitadas as contías de cada unha das obras a levar a cabo, de aí esa inversión de preto de 600.000 euros para elaborar cada un deses proxectos e así identificar e valorar economicamente todas e cada unha das necesidades, para consecuentemente solicitar os informes sectoriais precisos e tramitar as autorizacións dos veciños pola cesión dos terreos, non deixando ningún detalle atrás”.

Neste tres anos e medio de goberno “realizouse unha inversión histórica en materia de saneamento, cun total de 4.654.806 euros en obras, o que representa un verdadeiro avance se o comparamos co período previo, de 2015 a 2021, no que se investiron 1,9 millóns”, remarca o alcalde. As cifras falan por si soas, dende o ano 2022 executáronse unha vintena de obras; actualmente están outras dúas en execución, unha na Gulpilleira e outra na Travesía de Novás, na parroquia de Atios, que suman un importe de preto de 400.000 euros e están pendentes de licitación actuacións por valor de máis de 1,1 millón euros.

“Traballamos a diario para avanzar na nosa folla de ruta. Somos plenamente conscientes de que o saneamento é unha prioridade para moitos dos nosos veciños e veciñas, pero tamén debemos lembrar que se trata dun servizo cunha altísima complexidade técnica e cun custo económico moi elevado”. Por este motivo, a súa execución ten que facerse de maneira progresiva, segundo a dispoñibilidade orzamentaria. “O Concello non conta cunha partida económica nin cos medios suficientes para asumir en solitario o financiamento destas infraestruturas, polo que é imprescindible buscar colaboración noutras administracións, como a Xunta de Galicia, a Deputación de Pontevedra ou o Consorcio Augas do Louro. Gracias a ese apoio e ao esforzo do equipo de goberno temos conseguido mobilizar investimentos históricos nestes últimos anos e seguiremos traballando con rigor e responsabilidade para dar resposta ás demandas de toda a veciñanza”.

 Nova Concellería de Saneamento

Para atender e centralizar todas estas necesidades, sobre todo aquelas pequenas actuacións que dan resposta a demandas particulares, dende o Concello valorouse a creación dunha concellería específica nesta materia. Con todos os proxectos xa redactados, obras realizadas, en execución e pendentes de licitación, súmase a próxima incorporación de sete operarios de obras e servizos, incluídos no cadro de persoal do Concello. “Disporemos de traballadores municipais que dependerán desta nova concellería para, sobre todo, facer estas acometidas pequenas e puntuais e ir completando así toda a rede de saneamento, combinando grandes e pequenas obras”.

A día de hoxe, partindo dos máis de 16 millóns pendentes inicialmente, tendo en conta a actualización de prezos, o xa executado, o que se está a realizar e máis o pendente de licitar, a cifra total de inversión que resta para acadar o cen por cen do saneamento elévase a 11.899.632,68 euros.

“Este goberno local ten claro que o acceso a un saneamento digno é un dereito fundamental, non unha opción. Por iso, investiranse eses case 12 millóns de euros que aínda son necesarios para completar a cobertura en todas as parroquias. Con máis medios propios, un equipo reforzado e unha colaboración activa coas administracións supramunicipais, o Concello está decidido a cumprir este obxectivo con determinación e sen demoras. O saneamento completo é un compromiso firme, innegociable e prioritario”, conclúe Alejandro Lorenzo.

A continuación especifícase cada un dos proxectos de saneamento pendentes de partida orzamentaria en tódalas parroquias e o seu custo 

Denominación Coste    
   
PROXECTO DE SANEAMENTO EN OS EIDOS-CANS       128.304,07 €    
SANEAMENTO EN A DEVESA – FOLÓN       612.174,38 €    
SANEAMENTO EN A SÉ E QUINTENLA       779.427,74 €    
SANEAMENTO EN CENTEÁNS       688.636,14 €    
SANEAMENTO EN LOÑO – CASAL DO VELLO       415.105,43 €    
SANEAMENTO EN BARBEITO, MADORRAS – IGLESIA, MOSENDE       612.474,12 €    
SANEAMENTO EN A TORRE E OS EIDOS       458.720,52 €    
SANEAMENTO EN PONTENOVA 40.136,86 €    
SANEAMENTO EN A CANTOÑA – POUSADELA       559.891,36 €    
SANEAMENTO EN TRAPA – FASE 2       141.695,50 €    
SANEAMENTO EN A GULPILLEIRA       105.833,13 €    
SANEAMENTO EN OS EIDOS, O POMBAL E A ESCUSA       473.763,47 €    
SANEAMENTO EN O POMARIÑO     78.556,19 €    
SANEAMENTO EN O SARAMAGAL       212.900,00 €    
SANEAMENTO EN A COCHILRA – CADAVAL       145.272,58 €    
SANEAMENTO EN O MONTE       433.992,06 €    
SANEAMENTO EN A LOURIÑA       197.332,50 €    
SANEAMENTO EN SANGUÍO       334.645,27 €    
SANEAMENTO EN POXEIRA       193.759,67 €    
SANEAMENTO EN ACCESO A SAN BLAS       421.231,75 €    
SANEAMENTO EN O CASAL – FASE 2       130.629,35 €    
SANEAMENTO EN CANADELO – FILGUEIRAS       502.822,13 €    
SANEAMENTO EN MADORRAS-CAVADIÑA       398.913,42 €    
SANEAMENTO EN O CAEIRO       471.903,45 €    
SANEAMENTO AS ABAS – PORTO DE EIRAS       320.564,16 €    
SANEAMENTO EN ATIOS-PONTELLAS E MOSENDE       196.182,49 €    
SANEAMENTO EN FONTELIÑO        45.639,95 €    
SANEAMENTO EN CARBÓN – RIAL       473.575,11 €    
SANEAMENTO EN SAN ROQUE – A AREEIRA        21.611,35 €    
SANEAMENTO CAMIÑO MIRAFLORES E ASFALTADOS       120.009,65 €    
PROXECTO DE SANEAMENTO EN A GRAÑA E SEQUEIRAS       742.300,60 €    
SANEAMENTO EN PENEDO – O TOXAL. CHENLO       505.136,17 €    
SANEAMENTO EN BENUNES       538.529,12 €    
SANEAMENTO EN REGA DA LAMA     62.658,93 €    
SANEAMENTO EN ABELENDA E FIGUEIRAS       120.140,31 €    
TOTAL  11.899.632,68 €    
25/08/2025 in Alcaldía, Vías e obras

O Porriño pon a punto os colexios para o inicio do curso escolar

  • O Concello executa traballos de mantemento e reparación nas instalacións de seis centros educativos

O Porriño, 19 de agosto de 2025.– Ás portas do inicio dun novo curso escolar, o Concello do Porriño ultima os preparativos de posta a punto das instalacións dos diferentes colexios públicos do municipio. Así, estanse a levar a cabo diversos traballos de mantemento e mellora dos CEIP´s Fernández López, Atios, Budiño, Antonio Palacios e Ribeira e da Escola Unitaria de Mosende.

que comprenden diversas reparacións que abranguen dende as superficies de pavillóns e ximnasios, a persianas, aseos, tellados e redes que bordean os patios. Tamén se están lavando e pintando os muros exteriores e fachadas.

O alcalde do Porriño, Alejandro Lorenzo, destacou que “o mantemento e a mellora das infraestruturas escolares é unha prioridade para este goberno, pois entendemos que un bo ambiente escolar é fundamental para o benestar dos nosos nenos e nenas, así como para a calidade educativa. Non só se trata de mellorar a estética dos colexios, senón de garantir a súa seguridade e funcionalidade”.

Todos estes labores de mellora das instalacións estarán rematadas para o inicio do comezo do curso, “así todos os centros estarán listos para antes do inicio das clases o vindeiro 8 de setembro. Queremos que os estudantes e o profesorado poidan empezar o curso nun ambiente renovado e seguro, que lles permita concentrarse no máis importante: a súa educación”, explicou o rexedor local.  Non obstante, “temos programadas algunhas intervencións a maiores a executar ao longo do curso para seguir mellorando e dar resposta ás demandas que nos van trasladando dende os propios centros, como é o caso do acondicionamento dun patio de recreo na zona de Primaria no CPI da Ribeira”, puntualiza.

As melloras realizadas nas instalacións escolares do Porriño son unha mostra do compromiso do Concello co benestar e a calidade educativa da comunidade. Ao investir na reparación e acondicionamento das infraestruturas, non só se garante un espazo seguro e agradable para o alumnado, senón que tamén se fomenta un ambiente que favoreza a aprendizaxe e a motivación

19/08/2025 in Educación e tecnoloxía, Vías e obras