Instalarase unha cuberta no acceso ás instalacións e levaranse a cabo actuacións na zona axardinada respondendo ás demandas da dirección do centro e das persoas usuarias
Instalarase unha cuberta no acceso ás instalacións e levaranse a cabo actuacións na zona axardinada respondendo ás demandas da dirección do centro e das persoas usuarias
O Centro Cultural Alba albergará esta primeira rolda das xornadas o 12 de xuño ás 18:30. Este evento farase en tódalas parroquias do Concello.
Os mércores polas mañás a oficina municipal itinerante estará nunha das 7 parroquias do Concello para facilitar o acceso aos servizos municipais
O Concello do Porriño acometeu varias melloras na cantina das Reloas atendendo á demanda do club e da veciñanza da parroquia
“Cans” recolle os nomes dos lugares, patrimonio e historia desta parroquia porriñesa. O Concello repartirá 100 exemplares entre a veciñanza.
O Concello está a desenvolver melloras para acondicionar estas instalacións nas que se desenvolven moitas das actividades das parroquias.
A participación foi a través de mesas de traballo de técnicos municipais, grupos políticos, axentes sociais e económicos, e unha enquisa entre a cidadanía
A Xunta licita as obras dunha senda peonil na Vaquería, en Budiño. As obras comezarán en agosto e a senda estará disponible en privamera do 2025
O Concello do Porriño presentou esta mañá unha iniciativa innovadora de atención cidadá. “Trátase dun servizo pioneiro en España, co que reafirmamos o noso compromiso coa proximidade e a atención directa á nosa veciñanza”, sinala o alcalde Alejandro Lorenzo. Consiste nunha oficina itinerante que percorrerá as sete parroquias e todos os barrios do Porriño ofrecendo un servizo integral de atención cidadá.
O rexedor explicaba hoxe, durante a presentación na casa consistorial, que o obxectivo deste servizo é “proporcionar unha cobertura completa ás diversas necesidades e demandas dos veciños e veciñas do Porriño, incluíndo temas relacionados con servizos sociais, atención ao cidadán, urbanismo, limpeza, obras públicas e saneamento”.
A unidade móbil, materializada nunha autocaravana, visitará cada parroquia unha vez ao mes, facilitando o acceso aos servizos municipais dunha maneira máis próxima e directa. Ademais, este servizo único permitirá aos cidadáns rexistrar entradas e saídas de documentos, realizar consultas e recibir asesoramento directamente nos seus barrios, sen necesidade de desprazarse á casa consistorial, no centro urbano. “Con esta iniciativa tratamos de facilitar, sobre todo ás persoas maiores, o acceso aos servicios municipais sen necesidade de desprazamentos”
Como parte deste esforzo por mellorar a comunicación e a transparencia, o propio alcalde, xunto con funcionarios habilitados, estará dispoñible para citas na autocaravana, ofrecendo un enfoque persoal e accesible á xestión municipal.
Coa posta en marcha desta iniciativa, “O Porriño establécese como un punto de encontro pioneiro na prestación de servizos municipais, demostrando un enfoque innovador e centrado no cidadán. Este proxecto non só busca mellorar a eficiencia dos servizos municipais, senón tamén fortalecer a conexión entre o Concello e a veciñanza”, conclúe Alejandro Lorenzo.
O Concello do Porriño reuníu hoxe ás directivas das comunidades de usuarios auga para explicarlles polo miúdo a convocatoria de axudas municipais e facilitarlles a tramitación das solicitudes.
“Esta liña de axudas vai dirixida a promover a mellora do servizo de abastecemento de auga para o consumo humano e a calidade da auga xestionada polas traídas, subvencionando o mantemento nas instalación da rede de distribución, analíticas de control sanitario e tamén obras de inversión que impliquen a mellora na prestación deste servizo”, explicou o alcalde Alejandro Lorenzo, “A esta nova convocatoria, a de maior contía proposta desde a administración local, destínanse 175.000 euros, un 85% máis do consignado no anterior orzamento. Súmase ademais unha nova liña, a destinada a inversións anteriormente non contemplada”. O rexedor engadiu que a intención destas axudas tamén é a “de promover un uso máis eficiente dos recursos hídricos dos que dispoñemos”.
Tal e como explicou o concelleiro Marcos Martínez, a través da primeira liña de incentivos subvencionaranse a captación de augas, o mantemento e conservación dos sistemas de almacenamento e potabilización das instalacións, a reparación de redes de distribución de auga. A segunda liña, contemplará as obras de inversión en inmobles e a sustitución de redes de distribución.
As axudas cubrirán o 80% do proxecto. A contía máxima por comunidade será de 12.000 euros e poderase percibir o 80% do importe por anticipado e o restante unha vez se acredite a obra.