Mocidade

Tres alumnos porriñeses foron galardoados no IV Concurso de Debuxo Infantil do Consorcio do Louro que este ano tiña como lema “Os Investigadores da Auga trala pista do ciclo integral da auga”.
Os tres nenos porriñeses premiados foron Brais Rodríguez Valoria, do CEIP Antonio Palacios, Mario Rocha Pérez e Andrea López Ramilo
Coincidindo coa celebración do día mundial do medio ambiente, fíxose a
entrega dos premios Os catro primeiros premios, un por cada Concello consorciado, recibiron unha tableta electrónica e os oito finalistas, dous por Concello, recibiron unha pulseira de actividade.

Os representantes dos Concellos de O Porriño, Salceda de Caselas, Mos e Tui así como a Directora de Augas de Galicia agradeceron a participación dos nenos nesta cuarta convocatoria, na que se presentaron preto de 250 debuxos, e resaltaron a importancia de concienciar sobre a importancia da boa xestión e do uso responsable dun ben escaso e prezado como é a auga.
Os 12 debuxos seleccionados serán utilizados para editar un calendario do ano 2020 que, como xa é costume, será distribuído polo Consorcio en diferentes puntos.
Os debuxos gañadores poden consultarse tamén accedendo á web do Consorcio na dirección
www.consorciodolouro.es

Incluímos os debuxos dos trea lumnos porriñeses galardoados

Nenos e nenas de 2º de primaria dos colexios do Porriño participan dende esta semana nun obradoiro de Aprendizaxe da Linguaxe Canina. O mesmo xira ao redor do can ‘Choupa’ que, coa dirección dunha especialista amosa ás rapazas e rapaces menores de 14 anos cómo achegarse aos cans, recoñecer o intre no que é posible acariñalo, coma actuar diante del, que deben facer cando se atopan de fronte cun can ou que teñen que facer cando os tira ao chan.

As cativas e cativos aprenden a distinguir entre un can enfadado, asustado ou ledo, que facer antes de tocarlle ou cales son os sinais que deben atopar para lograr que estea tranquilo.

O obradoiro, que ten coma obxectivo evitar que o can os trabe, te unha duración de 45 minutos en el participan, a un tempo, un máximo de 20 alumnas e alumnos dos centros porriñeses de ensino infantil e de primaria.

Segundo un estudo realizado polo Complexo Hospitalario Júan Canalejo de A Coruña, o 75% das trabadas de cans sucédenlle a nenos e nenas menores de 14 anos, con predilección polos nenos a respecto das nenas. O 65% das lesións localízanse na cabeza e pescozo.

Os especialistas recomendan que se informe acerca de esta problemática, para lograr una conciencia social e conseguir establecer unas normas de prevención, tanto no ámbito familiar como social, para axudar así a evitar, ou cando menos reducir,a ampla frecuencia de estas lesións.