Educación e tecnoloxía

Mañá 1 de decembro é o “Giving Tuesday” ou “Martes de dar”, un movemento internacional que quere incentivar e multiplicar as boas accións das persoas.

Este ano 2020, por iniciativa dos nenos e nenas do Porriño e segundo acordouse no último pleno infantil celebrado, realizarase unha recollida específica de alimentos, leite e produtos de hixiene para bebés para a súa posterior distribución entre as familias do concello con menores recursos. Recomendase doar cremas, toalliñas, purés, leites e alimentos infantís de todo tipo.

A actividade central de recollida terá lugar o martes 1 de decembro, e realizarase fundamentalmente en colaboración cos centros escolares, nos que se instalarán os puntos de recollida.
A alcaldesa Eva Garcia e a concelleira de Educación, Lourdes Moure acudirán ás 12,30 horas ao CEIP “Fernández López” a comprobar como vai a campaña de recollida.

O “Giving Tuesday” ou “Martes de dar” naceu como alternativa ao Black Friday e Cyber Monday, que promoven o consumismo.

A mellora da conectividade á Internet en todo o territorio municipal e unha maior dinamización de actividades de lecer a través da Rede, foron as dúas demandas máis reiteradas pola maioría dos nenos e nenas do Porriño que participaron hoxe na sesión telemática do pleno infantil.

A convocatoria anual responde ao compromiso adquirido logo do recoñecemento de O Porriño como “Cidade amiga da Infancia” por parte de UNICEF e como xeito de conmemorar o Día Mundial dos Dereitos da Infancia.

Ademais o pleno que finalmente presidiu Lourdes Moure, concelleira de Educación, serviu  para solicitar o apoio e compromiso dos nenos, nenas e adolescentes na resposta aos retos da situación actual, e para impulsar a Axenda 2030 e cumprir cos Obxectivos de Desenvolvemento Sustentable.

Na sesión acordouse realizar de novo co Concello unha iniciativa semellante á do ano pasado no ámbito de movemento internacional #GivingTuesday que consistirá nunha recollida de alimentos e produtos de hixiene infantil para colaborar con “SOS Porriño”.

Tamén se recolleron as propostas da meirande parte dos nenos e nenas participantes a propósito de manter o alumeado de Nadal nas rúas e prazas para como elemento de animación nas actuais circunstancias.

O Concello celebrara este venres 20 un novo pleno infantil coa ocasión do Día Mundial dos Dereitos da Infancia

Os nenos e nenas do consello municipal da infancia e adolescencia do Porriño presentarán desta volta as súas propostas en sesión telemática debido a situación actual, de xeito que non se repetirán imaxes como as que lembramos.

A Alcaldesa Eva García convocou este novo pleno infantil que se celebrará como sesión telemática, a partir das 10,30 horas. A convocatoria é para cumprir co compromiso adquirido logo do recoñecemento de O Porriño como “Cidade amiga da Infancia” por parte de UNICEF e como xeito de conmemorar o Día Mundial dos Dereitos da Infancia

Ademais o pleno servirá para solicitar o apoio e compromiso dos nenos, nenas e adolescentes na resposta aos retos da situación actual, e para impulsar a Axenda 2030 e cumprir cos Obxectivos de Desenvolvemento Sustentable xa que son os que contribuirán a saír desta crise de xeito mais sostible, con mais equidade e sobre todo con mais oportunidades de prosperidade para todos e todas.

Neste pleno, os/as voceiros de cada un dos centros de ensino, terán a oportunidade de transmitirlle de primeira man tanto a alcaldesa o resultado do traballo feito cos seus compañeiros nas aulas sobre os efectos da pande

Na orde do día do pleno infantil tamén está recoller propostas para a realización de actividades durante este Nadal, que sen dúbida será diferente e someter a votación a realización dunha nova iniciativa no marco do movemento internacional #GivingTuesday, este ano centrada na recollida de alimentos e elementos de hixiene infantil.

O pleno infantil do Porriño que este ano non poderá realizarse no salón de sesións do Concello. Sen embargo poderá seguirse dende a web do concello,na pestana da “Mediateca de plenos” o que facilitará a participación do resto da comunidade educativa, que poderá interactuar igual que en anteriores ocasións dende as redes sociais coa etiqueta #PlenoInfantilPorriño.

Este martes terá lugar o VIII Foro Autonómico de Participación infantil e Adolescente que organiza o Parlamento de Galicia no que intervirá o alumno porriñés Alejandro Gómez Granja en representación do Consello Municipal da Infancia. A sesión será telemática a partir das 12,30 horas e poderá seguirse a través da páxina web do Parlamento. Deixamos ligazón.

www.parlamentodegalicia.gal

Trátase dun acto organizado por UNICEF Galicia en colaboración co Parlamento Autonómico para conmemorar o Día Universal dos dereitos da Infancia. Ademais dos representantes dos distintos consellos municipais de infancia e adolescencia de toda Galicia, intervirán o Presidente do Parlamento, Miguel Ángel Santalices, a Presidenta de UNICEF Comité Galicia, Myriam Garabito, representantes dos tres grupos parlamentarios e a Conselleira de Política Social, Fabiola García.

A intervención de Alejandro Gómez Granja, que será o representante dos nenos e nenas do Porriño e que foi elixido entre os/as voceiros/as dos distintos centros educativos, xirará en relación aos Obxectivos de Desenvolvemento Sostibles que teñen que ver coa redución das desigualdades, as cidades e comunidades sustentables e a produción e consumo responsable

Lourdes Moure, Concelleira de Educación e promotora xunto ca OMIX do Porriño,  da iniciativa “Cidades amigas da infancia”, indicou que “é un pracer que por terceiro ano consecutivo os nenos e nenas do Porriño teñan oportunidade de expoñer as súas opinións directamente no parlamento autonómico”. Moure Varela convidou “a todos os centros educativos a que poidan seguir a retransmisión do acto a través de internet”.

O Concello do Porriño acadou a aprobación pola Unión Europea dun proxecto sobre mocedade e cambio climático no abeiro do Programa de Desenvolvemento das Capacidades da Mocedade, xestionado directamente pola Comisión Europea e cun orzamento total de 150.000€.

O proxecto internacional liderado polo Concello de Porriño “inclúe accións de capacitación con cursos, seminarios e campamentos formativos, e accións de mobilidade coa organización de eventos no Porriño e nos países participantes que son Portugal, Cabo Verde e Mozambique”, segundo explicou Lourdes Moure, concelleira de Educación e Fondos Europeos.  

O vindeiro xoves 19 “haberá unha primeira reunión telemática dos socios do proxecto que suporá o comezo das actividades que se desenvolverán durante 24 meses”, informou Moure Varela que ponderou que “se trata do primeiro proxecto formativo presentado e promovido polo Concello do Porriño que acada financiación europea”.

A concelleira celebrou unha reunión de traballo preparatoria con asistencia da alcaldesa, Eva García; de Noelia de la Fuente, responsable da OMIX e do profesor Amador Ordóñez, coordinador de proxectos internacionais e docente do IES Ribeira do Louro.

Xunto co Concello participarán as ong’s ASPEA (Asociación Portuguesa de Protección Ambiental) e a mozambiqueña ASEJANA (Asociación para a Xuventude e Educación de Adultos de Nampula). Tamén o centro de ensino porriñés IES Ribeira do Louro en representación da Consellería de Ediucación da Xunta de Galicia e finalmente a Universidade de Cabo Verde.  Finalmente serán invitadas a participar asociacións culturais e veciñais e organizacións empresariais e sectoriais.  

O proxecto denominado “EYFEC” (siglas en inglés de “Empowering Youth for Facilitating Ecological Transition”) ten como obxectivo empoderar á mocedade e ás institucións públicas e ás ong’s como axentes de cambio para o desenvolvemento ambiental sostible, obxetivo que cobra especial importancia no contexto actual de crise económica provocada pola pandemia sanitaria.

Esta semana comezou a actividade formativa presencial “Planetario 3D” para alumnos de Infantil e Primaria. A primeira sesión foi onte no no CEIP de Cruz-Budiño e hoxe martes celebrouse no CEIP Antonio Palacios, de Torneiros, onde acudiron a alcaldesa Eva García e a concelleira de Educación, Lourdes Moure este mediodía. Neste mesmo colexio tamén desenvolveuse hoxe unha quenda do obradoiro de educación en valores que imparte con cans de terapia e que tamén está percorrer os colexios do Porriño.

PLANETARIO E CINEMA 

“Planetario 3D” é unha proposta formativa que se desenvolve coa ocasión do Día Mundial da Ciencia. Celebrase de xeito presencial namentres que outra actividade denominada “Cinema 360º”, enfocada ao alumnado de Secundaria, Bacharelato e FP, terá lugar mediante sesións telemáticas, a partir do vindeiro luns 16 nos institutos do Porriño ata o luns 23. 

Ambas actividades están promovidas polo Concello do Porriño a través da Concellería de Educación e a Oficina Municipal de Información a Xuventude (OMIX) que asumiron a proposta que fixera no seu día o Consello de Participación da Infancia e Adolescencia do Porriño.

ARRANXOS NO PAVILLÓN VELLO

Coa ocasión da visita ao CEIP de Torneiros, a alcaldesa e a concelleira comprobaron o resultado final dos traballos de arranxo e pintura do vello Pavillón e dos vestiarios do mesmo que se recuperaron para o seu uso cotián. “Esta actuación desenvolveuse con medios propios do Concello, a través do departamento de Vías e Obras e a petición da dirección do colexio xa que, a causa dos protocolos anti-Covid, o pavillón deportivo novo ten que empregarse para as quendas do comedor escolar por necesidades de espazo”, segundo explicou Lourdes Moure.

Hoxe comezou no CEIP de Cruz-Budiño a actividade “Planetario 3D” que xunto coa denominada “Cinema 360º”, están promovidas polo Concello do Porriño a través da Concellería de Educación e a Oficina Municipal de Información a Xuventude (OMIX).

Esta proposta formativa desenvolvese coa ocasión do Día Mundial da Ciencia. Terá lugar dende hoxe ata o 23 de novembro polos centros educativos da vila, de xeito presencial e tamén en liña con horarios de mañá e tarde.

Trátase dunha actividade proposta no seu día polo Consello de Participación da Infancia e Adolescencia do Porriño que aprobou o Concello.

“Planetario 3D” vai dirixido aos ciclos de educación infantil e primaria, mentres que o “Cinema 360º” enfocase ao alumnado de Secundaria, Bacharelato e ciclos de Formación Profesional.

Deixamos ligazón coa páxina web do departamento de Cultura

Planetario 3D – Cinema 360º