Entrega de medallas na 2ª Etapa da Liga Amateur FSV de Velocidade de patinaxe en liña

O tenente de alcalde e concelleiro de Deportes do Porriño, Manuel Carrera, entregou este domingo, día 2,as medallas ás e os participantes na 2ª Etapa da Liga Amateur FSV de Velocidade, desputada no Circuito de Torneiros.

Ducias de deportistas e amantes do patín en liña, disfrutaron dende as 11 da mañá da experiencia de patinar neste circuito nunha xornada organizada polo Clube FSV, que contou coa colaboración do Concello de O Porriño e do Centro Cultural Alba.

XVI Marcha BTT Faro de Budiño

300 participantes tomarán a saída na XVI Marcha BTT Faro de Budiño, na que colabora a Concellería de Deportes

BudiñoBike-Canteiros, coa colaboración da Consellería de Deportes do Concello do Porriño, que dirixe Manuel Carrera, organiza o vindeiro domingo, día 26 de marzo, a XVI Marcha BTT Faro de Budiño, sobre un percorrido de 30 quilómetros que sairá do Centro Cultural A Forna ás 9 e media da mañá, pasará pola Picoña, en Salceda, Couso e Atios, para volver A Forna sobre a 1 e media da tarde. Alí os participantes poderán quedar a comer lacón con grelos.

Un ano máis, coma salientou Manuel Carrera, o Concello do Porriño colabora con esta proba, “a máis numerosa da provincia na súa especialidade, con preto de 300 participantes, e unha das máis importantes de Galicia”.

O concelleiro sinalou durante a presentación da proba, que a mesma “amosa a importancia da actividade deportiva no Porriño que é referencia e distintas modalidades, entre elas a da bicicleta de montaña”.

Os organizadores lembraron que esta marcha non ten carácter competitivo o que supón que a dureza da proba está na exixencia que se fagan a sí mesmos cada un dos participantes o cal é un dos seus principais atractivos, xunto coa posibilidade de gozar da beleza do Porriño, algo que non sería posible sen a aportación das distintas comunidades de montes locais, “en especial da Comunidade de Montes de Budiño” .

Centos de rapazas e rapaces participan no Porriño no Xogajudo

Centos de rapazas e rapaces participan no Porriño no Xogajudo
O Pavillón Municipal do Porriño él o escenario de Xogajudo un evento no que participan centos de cativas e cativos que practican este deporte.
Hai uns días estudantes porriñeses achegàronse ao judo, neste mesmo escenario, da man da Federación Galega e da Concellerīa de Deportes

Rúas nas que se corta o tráfico pola Interrunning

AVISO: Rúas nas que se corta o tráfico e estará prohibido aparcar o domingo pola Interrunning-Concello do Porriño

Debido á celebración da Interrunning-Concello do Porriño, a Policía Local informa de que o vindeiro domingo, día 12 de marzo, estarán cortadas ao tráfico, dende as 9 da mañá á 1 e media da tarde, as seguintes rúas nas que tamén estará prohibido aparcar dende as 8:

Rúa Cando-prohibido estacionar en toda a rúa-, Leandro Diz, Ramiranes, Peña-nas tres prohibido estacionar-, Avenida de Galicia-carril dirección Tui-; Domingo Bueno-prohibido estacionar-, ata o cruzamento de Riego e Atios-La Guía; Xogo da Ola-prohibido estacionar-, Manuel Rodriguez- con prohibición de estacionar dende o cruzamento de Pontenova ata Panadería Chinchina; PíoXII-prohibido estacionar-, José Fernández López-cortada ao tráfico-; San Sebastián-Cortada ao tráfico dende a Pontenova á Fuente.

Ademais, o parking da Avenida de Galicia estará aberto con entrada e salida sentido O Porriño-Vigo.

Sorteo da fase final da Copa da Raíña de balonmán feminino

O Balonmán Porriño empezará a fase final da Copa da Raiña, que se xoga no Porriño do 29 de abril ao 1 de maio, enfrontándose ao Helvetia Alcobendas

Presidido pola alcaldesa, Eva García de la Torre, este venres tivo lugar no Porriño o sorteo da fase final da Copa da Raíña de balonmán feminino, que se celebrará na vila, por segundo ano consecutivo, entre os días 29 de abril e 1 de maio.

Os asistentes estaban pendentes do cruce que lle tocaría ao Godoy Maceira BM Porriño que, xunto co Mecalia Atlético Guardés, disputará esta fase final xunto con outros seis equipos.

Finalmente, as porriñesas se medirán ao equipo do Helvetia Alcobendas, mentres que as guardesas xogarán contra o KH-7 Granollers.

Durante o acto, celebrado no Concello e que retransmitido por streaming, o presidente da Federación española de Balonmán, Francisco V. Blázquez, amosou o seu agradecemento ao Concello do Porriño e a súa alcaldesa por acoller, un ano máis esta fase final e gabou o “estupendo traballo” durante a competición de 2016, motivo polo cal volvía á vila.

Pola súa banda, o concelleiro de Deportes, Manuel Carrera, salientou que O Porriño leva con honra ser o concello do Deporte e poder ser o escenario, “unha vez máis” desta fase final na que estarán presentes as mellores xogadoras de España.

Manuel Carrera subliñou que a Concellería de Deportes “porá toda a súa experiencia, o seu bo facer e súa ilusión” para que entre o 29 de abri e o 1 de maio as deportistas, adestradores, árbitros, afeizoados e medios de comunicación “se sintan coma na casa”.

Pechou o sorteo, ao que tamén asistiron as deputadas Chelo Besada e Montse Magallanes, o presidente da Federación Galega de Balonmán, Xosé Lois Pérez Ouro e a medallista olímpica e ex xogadora internacional, Begoña Fernández, ademáis de representantes dos dous clubs galegos, a alcaldesa transmitiu ás integrantes do Godoy Maceira BM Porriño “o orgullo que sentimos por vos todas as veciñas e os veciños do Porriño”.

Este ano, como xa sucederá o pasado, a Copa da Raíña virá acompañada da mini-copa (categorías cadetes), que agora xa está considerada unha competición oficial. O torneo será retransmitido por Teledeporte e a TVG (os partidos dos equipos galegos).

Así, os cruces dos cuartos de final da Copa da Raíña quedaron da seguinte forma: Super Amara Bera Bera-as actuáis campionas- contra Elche Mustang, o 29 de marzo; o mesmo día, Rocasa Gran Canaria ACE contra Rincón Fertilidad Málaga; o mesmo día 29, debuta o Godoy Maceira Porriño contra o Helvetia Alcobendas.

Atios, escenario da III Marcha BTT ‘Virxe da Guía’

A proba de bicicleta da montaña máis atractiva do circuíto galego volve cunha nova edición chea de sorpresas. A parroquia de Atios, no Concello do Porriño, será o vindeiro 5 de marzo escenario da III Marcha BTT Virxe da Guía, que nesta ocasión presenta un trazado de 45 quilómetros con dificultade media-alta.

Para os menos arriscados hai un percorrido alternativo de 35 quilómetros de dificultade media. O 80% do trazado é novo con respecto a edicións anteriores, incluídos todos os descensos. A edición deste ano prevé un paso elevado sobre auga, de 27 metros, ademais dun treito completo sobre penedos.

Nesta ocasión a proba contará coa presenza de Desirée Duarte, campiona de España de ciclocross, Isabel Castro, campiona de Galicia, e Luis Oliveira, ex ciclista profesional, campión da Volta a Galicia. A saída está programada para ás 9 e media da mañá dende o campo de fútbol do Carballo. Haberá premios para os primeiros clasificados, en categoría masculina e feminina. Tamén se premiará ao corredor máis novo, ao máis vello e ao que proceda de máis lonxe.

Durante o percorrido un dron gravará o paso dos ciclistas polos lugares de máis interese. Estas imaxes poderán ser vistas nunha pantalla xigante instalada na meta, situada tamén no campo do Carballo. A organización ofrece un seguro individual, vestiarios con duchas, lavado de bicicletas, e un petisco para cada participante.

A inscrición está aberta ata o xoves 2 de marzo, cun custo de 8€ por participante. Para apuntarse hai varias posibilidades: no teléfono 609 037 469; nos seguintes establecementos colaboradores: cafetería do Centro Cultural de Atios, Qué Bici (Vigo), Tramo Libre (Cangas) e Xtrembike (Pontevedra); ou directamente na entidade Abanca cando se realice o ingreso da inscrición (enviando xustificante a virxendaguía@gmail.com). O número de conta é: ES55 2080 5452 6430 0020 6400. Toda a información está dispoñible en facebook/festavirxedaguía.

Campionato Galego de Grupos Show de Patinaxe

Este sábado no Pavillón de Deportes do Porriño Campionato Galego de Grupos Show de Patinaxe para Xuvenís e Cuartetos

O Club Patín Porriño organiza este sábado, 25 de febreiro, o Campionato Galego de Grupos Show de Patinaxe para Xuvenís e Cuartetos. O Pavillón Municipal será o escenario no que 11 clubs de A Coruña e 6 de Pontevedra, competirán polo trono desta especialidade.

Pola mañá realizáronse os adestramentos- de 10 a 12:45h. dos grupos xuvenís e de 12:45 a 14:45, os cuartetos-, iniciándose a competición ás 17:30 horas cos Xuvenís, cuxos combinados deben estar formados por ,cando menos, oito patinadores e patinadoras con idades comprendidas entre os 13 e os 17 anos.

Tras un pequeno descanso dun cuarto de hora, ás 19:15 está previsto comezar a categoría de Cuartetos, con grupos de catro deportistas e maiores de 16 anos.

A ‘Interrunning Concello do Porriño’ xa ten máis de 800 atletas inscritos

A ‘Interrunning Concello do Porriño’ xa ten máis de 800 atletas inscritos, o dobre que o ano pasado nestas mesmas datas

Segundo informa a organización, a falla dun mes para que se dispute a XI edición da Interrunning-Concello do Porriño, a proba está superando todas as marcas de atletas inscritos. Hoxe hai xa máis de 800, máis do dobre que nas mesmas datas da edición do pasado ano 2016.

Os organizadores salientan que “todo apunta a que o 12 de marzo O Porriño será a capital do atletismo popular en Galicia”, cunha homenaxe especial á muller corredora. Ademais do circuíto de 10 quilómetros, homologado pola Real Federación Española de Atletismo (RFEA), este 2017 haberá a posibilidade de correr 5 quilómetros e, para os cativos, dende as 10 da mañá, percorridos adaptados a súa idade.

Un ano máis, a ‘Interrunning-Concello do Porriño’ lembra o seu compromiso con ‘SOS Porriño’ e o feito de que cada un dos participantes na proba deportiva debe traer para participar na mesma un quilo de comida non perecedoira que será entregada a esta ONG.

A Concellería de Deportes acometerá melloras do campo de fútbol de Atios

A Concellería de Deportes acometerá, con cargo ao Plan de Obras 2017 da Deputación,a mellora do campo de fútbol de Atios, co cambio do céspede por un novo de calidade Fifa Quality Pro

A Concellería de Deportes, que dirixe Manuel Carrera, acometerá, con cargo ao Plan de Obras e Servizos 2017, da Deputación de Pontevedra, a mellora do campo de fútbol de Atios, no que adestran e xogan 250 deportistas, dende rapaces ata os integrantes dos equipos de maiores dos Clube de Fútbol Carballo.

Manuel Carrera subliña que hai partes do campo que están xa sen herba o que teñen menos dun centímetro dela, o cal “é coma xoga directamente sobre asfalto” o cal causa lesións a todos aqueles que o utilizan.

O concelleiro lembra que esta obra é “un compromiso firme”, non so do seu departamento, senón, unha promesa persoal que abrangue, ademais, as obras nos vestiarios situados debaixo da grada, “obras que xa están contratadas”, e o acondicionamento exterior do campo.

O novo céspede que se colocará no recinto para substituír ao actual, que fora colocado en 2008, estará homologado coma “FIFA Quality Pro”, o que garante a mellor calidade posible en este tipo de céspedes.

O presidente da Unión Deportiva Atios, José Cerbreiro, que mantivo unha xuntanza con Carrera, agradeceu o interese e o apoio no so do Concello, senón, “particularmente de Manuel Carrera” que, salientou, asumiu un compromiso longamente agardado por todas e todos os deportistas que empregan a diario este campo.

A intención do Goberno local é que as obras empecen a finais da tempada actual, “no verán”, nos meses de xullo ou agosto, de xeito que o campo poida estar listo e a dispor de todos os equipos para o inicio da seguinte campaña.