O Concello de Porriño, a través da Escola Municipal de Música, organiza, coa colaboración da Deputación Provincial, a quinta edición do “Festival de Coros” que se celebrará mañán xoves no Círculo Recreativo e Cultural da vila.
Actuarán o Coro Polifónico de Entenza (de Salceda de Caselas); o Coro Voces de Chenlo de Porriño e a Coral Polifónica da Escola Municipal de Música de Porriño. A partir das 19,30 horas con entrada de balde ata completar aforo.
O Concello de Porriño renovou a súa achega económica que se mantén en 20.000 euros para a XVI edición do Festival de Curtametraxes de Cans que terá lugar do 22 ó 25 de maio.
Eva García de la Torre, alcaldesa de Porriño e “Keka” Iglesias, presidenta da Asociación Cultural Arela, organizadora do certame, xa suscribiron o correspondente convenio de colaboración que garante a aportación económica do Concello.
A cantidade que fora incrementada en 2018 polo goberno municipal que preside Eva García supón reeditar a maior achega económica do Concello ó longo da historia do Festival de Cans. “Ese esforzo xustifícase pola maior importancia que cobra cada ano o Festival que pón O Porriño no mapa cultural de Galicia e de España”, valorou a alcaldesa.
No texto do convenio suscrito entre Concello e maila Asociación Arela suliñase que o Festival de Cans “é un dos acontecementos de maior popularidade e, sen dúbida, o que maior impacto mediático acada de xeito que promociona Porriño a nivel galego, estatal e incluso internacional”.
O apoio do Concello de Porriño ó Festival de Cans non se reduce á achega económica senon que tamén é loxístico xa que diversas concellerías cooperan para resolver cuestions de Seguridade, Tráfico, Limpeza, Vías e Obras que contribuen á realización do evento.
A OMIX do Concello de Porriño comunica o aprazamento da actividade ó aire libre prevista para o venres 5 de abril no abeiro da programación “Vive a Cultura Urbana”. As malas previsions meteorolóxicas aconsellan posponer as actividades previstas.
Lourdes Moure y Orlando Marquez, concelleiros do equipo de goberno municipal emprenderán mañan mércores unha viaxe ata a vila croata de Vrgorac para establecer un irmandamento co Concello de Porriño. Tratase dun proceso semellante ó que se fixo coa cidade francesa de Fronçac para o intercambio de escolares que está a realizarse. De feito, representantes da mancomunidade municipal Fronsadais tamén acudirán á vila croata para participar e amplar lazos.
Estas iniciativas de irmandamento de Porriño coas outras vilas producense baixo a declaración de “Cidade Amiga da Infancia” que recibiu de UNICEF no pasado mes de novembro.
Vrgorac é unha vila de orixe medieval que pertence ó distrito de Split-Dalmacia e que tén algo máis de 6.500 habitantes. Os concelleiros porriñeses establecerán con Ante Pranic, alcalde da cidade croata os termos do irmandamento.
No que atinxe á relación entre Porriño e a vila francesa, en breve haberá novas. De feito ó longo deste mes de abril, 16 rapaces de 12 a 17 anos acompañados de tres profesores de centros de ensino de Fronçac visitarán Porriño. Viaxarán en Semana Santa. Estarán en Porriño entre o 14 e 20 de abril e como fixeran os mozos porriñeses cando viaxaron a terras galas, agora os nenos franceses aloxaranse en casas de particulares que recibirán unha axuda municipal.
O Concello de Porriño está a programar unha serie de actividades divulgativas e lúdicas para recibir á expedición francesa. Entre outras unha visita a dúas empresas representativas de Porriño e que fagan un pequeño tramo do Camiño Portugués entre Porriño e Tui e logo viaxen e coñezan Santiago de Compostela. Entre as actividades deportivas e de ocio, os mozos franceses recibirán unha clase do alpinista José Antonio Martínez Novas no Polideportivo Municipal.
O Concello de Porriño lembra que ata hoxe luns 1 de abril podense presentar textos teatrais inéditos, escritos en galego, para aspirar á segunda edición do Premio “Roberto Vidal Bolaño” dotado cun premio económico de 2.000 €. As obras son de temática libre se ben hai que ter en conta que van ser interpretadas por alumnos e alumnas de entre 12 e 18 anos.
O Concello súmase a organización do certame que convocan o IES Ribeira do Louro e a Editorial Galaxia. Precisamente a editorial asinará co gañador ou gañadora do certame, o correspondente contrato para a edición da obra que sexa galardoada.
A resolución do Premio darase a coñecer no mes de xuño e a entrega farase na última semana dese mes.
Cun salón ateigado de público no Centro Cultural Municipal de Porriño, presentouse esta noite o libro “Antonio Palacios, unha viaxe por Galicia”, editado por “Engaiolarte” nunha edición de altísima calidade que sufragou o Concello de Porriño. Xosé Ramón Paz e Xosé Ramón Iglesias encargaronse da selección do material e dos textos explicativos dunha obra que amosanos facetas descoñecidas e apaixoantes do ilustre arquitecto porriñés.
Eva García de la Torre abriu o acto suliñando o seu orgullo personal por ter acadado ese material inédito dos cadernos de Antonio Palacios que posibilitou tanto a exposición que concluirá mañan no Centro Cultural Municipal coma a edición do libro que estaban a presentar. A alcaldesa manifestou que “é un motivo de grande satisfacción colaborar nesta proposta que desvela unha parte en certo xeito inédita do extraordinario arquitecto porriñés”.
Pola súa banda tanto Xosé Ramón Paz como Xosé Ramón Iglesias explicaron os criterios de selección do material atopado dando preferencia ós debuxos de Galicia, seleccionados dos cadernos de viaxes nos que Palacios debuxaba apuntes de mosteiros, igrexas, pazos e demáis mostras da arquitectura popular. Entre eses bocetos destacaron “pola súa capacidade premonitoria” un deseño dunha posible ponte sobra a ría de Vigo que Antonio Palacios imaixnou e esbozou nun apunte con décadas de antelación”.
O venres 29 será o derradeiro día no que permacerá aberta a exposición adicada a desvelar eses aspectos menos coñecidos do extraodinario arquitecto porriñés.
O vindeiro domingo 31 de Marzo, a Asociación Deportiva A Forna de Budiño organiza, un ano máis, a súa tradicional marcha cicloturista de montaña, que chega a súa decimoctava edición o que a convirte nunha das máis antigas de Galicia. Tamén terá lugar o mesmo día a cuarta edición do Trail de montaña asimesmo organizado pola antedita asociación. Para a organización de ambalasdúas probas, o Concello de Porriño colabora dun xeito moi importante.
O recorrido da marcha BTT –que non é competitiva- terá 30 quilómetros cunha dificultade media-alta e 26 km de dificultade media. Discorrerá por camiños das parroquias de de Budiño e Atios, no concello de O Porriño, e de S. Xurxo e Picoña en Salceda de Caselas.
O Trail de montaña sí que é competitivo, establecéndose varias categorías femiminas e masculinas. Consta de duas distancias, 23 km e 13 km. Tamén percorrerá por camiños das parroquias de Budiño, Atios e Cans no concello de O Porriño e S. Xurxo no concello de Salceda de Caselas.
Para a inscrición nos dous eventos, a Asociación Deportiva ten habilitado un espazo na web www.aforna.org no que se pode atopar os planos e perfís dos recorridos e toda a información relativa ós dous eventos.
A organización agarda entre 400 e 500 participantes para os que vai dispor dun servizo de axuda ós ciclistas que incluirá ambulancia e avituallamento á metade das duas probas con subministro de líquidos e sólidos.
Ó final da marcha a organización dispón dun servizo de duchas para tódolos participantes así como un servizo de lavado de bicicletas, así mesmo os participantes poderán degustar ao remate unha tapa de callos.
A Asociación Deportiva A Forna agradece a importante colaboración do Concello do Porriño e as comunidades de montes, así como das empresas que aportan alimentos, bebidas e agasallos para os participantes.
O xoves 28 presentase o libro “Antonio Palacios, unha viaxe por Galicia” que recopila bocetos, debuxos, apuntes e pinturas dos que unha parte se exhibe na exposición que alberga o Centro Cultural Municipal dende febreiro. Precisamente a presentación do libro farase no mesmo Centro Cultural ás 20,30 horas.
Moitos porriñeses e visitantes tiveron a oportunidade con esta exposición de descubrir que, ademáis dun acreditado arquitecto, o noso paisano Antonio Palacios agochaba outras aficions artísticas descoñecidas.
Grazas á iniciativa do Concello de Porriño coa antedita exposición e a edición do libro que vai presentarse, a veciñanza tivo a oportunidade de coñecer esas outras habilidades de Antonio Palacios.
De feito a mostra “Debuxos e pinturas do arquitecto Antonio Palacios” supon un legado inédito e importante que confirma a faceta de pintor de Palacios non só de elementos arquitectónicos, propios da súa profesión, senon de figuras humanas e animais así como de escenas costumbristas.
Dentro da reivindicación da figura de Palacios tamén hai que lembrar a recente presentación da obra “Arquitectura rexionalista galega. Antonio Palacios, Gómez Román e outros”, producto de José Ramón Iglesias quen fixo un resumo en 300 páxinas da súa propia tése para editar como libro. Iglesias destaca “a importancia extraordinaria” do material recuperado polo Concello de Porriño, unha duzia de libretas, perante unha xestión coa familia de Palacios e “a súa aposta para que sexa difundido entre todala veciñanza”.
O 27 de marzo conmemórase o Día Mundial do Teatro que en Porriño se celebrará cunha representación da obra “Ratas” a cargo da compañía “Indignati”. A posta en escea está programada na praza Arquitecto Palacios, a partir das 18 horas.
Máis de 80 nen@s inscribironse nesta tempada de 2019 nas escolas de ciclismo da Asociación Deportiva “Avanza-Concello de Porriño” que fixo a súa presentación oficial neste serán. A mocidade que vai aprender ciclismo, BTT e ciclocross da mán de antigas figuras do deporte do pedal, abranguen un amplio espectro que vai dende os máis pequenos, os pre-benxamíns, ata os maiores que militarán na categoría junior.
A súa formación estará nas máns de adestradores coma Abel Maceiras, Xacobe Agra e Luis Fernández Oliveira, de contrastada calidade e historial no ciclismo, que agora adican os seus esforzos a formación desta canteira..
Miguel Angel García, presidente da A.D. Avanza, agradeceu ó Concello de Porriño “ter sido o concello que máis apoia ó ciclismo e o deporte en xeral”, manifestou.
Pola súa banda Eva García, alcaldesa de Porriño sinalou que “os cartos que se gastan no deporte son unha inversión en acadar cidadans mellores”, “Temos que sentirnos moi orgullosos de que en Porriño teñamos un clube coma a A.D. Avanza”. engadiu a alcaldesa.
