Alcaldía arquivos - Páxina 86 de 186

Medidas preventivas polo coronavirus: O MERCADO AMBULANTE SUSPENDIDO ATA O 31 DE MARZO E A PRAZA DE ABASTOS SEGUIRÁ ABERTA PERO DEBERAN EXTREMARSE PRECAUCIÓNS

Outra das medidas preventivas polo coronavirus que adoptou o goberno municipal do Porriño foi a suspensión do mercadillo ambulante dos martes que se celebra na zona peonil da vila. A medida será de aplicación para os vindeiros martes de xeito que o mercadillo estará suspendido ata o 31 de marzo incluído.

A decisión foi comentada polo alcalde accidental e membros do goberno municipal cos voceiros dos demais grupos políticos da corporación na reunión que se celebrou onte a tarde no Concello.

Outra das medidas ten que ver coa actividade da Praza de Abastos do Porriño. Permanecerá aberta pero o goberno municipal vai trasladar aos titulares dos postos de venda a necesidade de que extremen a medidas de limpeza e hixiene e que establezan un protocolo de acceso e atención mentras duren as medidas de prevención.

13/03/2020 in Alcaldía, Urbanismo, comercio e industria

SUSPENDENSE A FEIRA APÍCOLA, A MOSTRA DA CAMELIA E OUTROS EVENTOS PROGRAMADOS

A aplicación das medidas para evitar a propagación da pandemia do coronavirus “Covid-19” motiva unha vaga de suspensións e cancelacións de actos públicos, feiras e festas no Porriño.
Ademais de para evitar a concentración de persoas, moitos de eses eventos non poderían celebrarse tampouco pola decisión do Concello de pechar diversas instalacións municipais como Centro Cultural, Biblioteca, Centro Cívico e Escola de Música, segundo acordouse onte.

De tal xeito, a Concellería de Cultura, Igualdade e Festexos confirma que SE SUSPENDEN:
– A presentación do ‘spot’ publicitario “Insistir, persistir, resistir e nunca desistir” da campaña pola igualdade co gallo do 8M que estaba prevista hoxe no Centro Cultural Municipal
– O Encontro de Corais que organizaba a Polifónica San Brais de Budiño que ía ter lugar mañá sábado na Igrexa de Santa María do Porriño
– As Masterclass de Banda que estaban a impartirse nos mércores deste mes na Escola Municipal de Música do Porriño
– A XXXII Feira Apícola das Rías Baixas que debería celebrarse o vindeiro sábado 21 cancelándose tanto as xornadas técnicas como a instalación de postos de venda
– A IX Mostra da Camelia que organizaba a AAVV San Salvador de Torneiros e que por tanto non se celebrará nas datas anunciadas de 28 e 29 de marzo.
– Tamén cancelase a representación teatral “As aventuras de Nabiza Girl”, con Isabel Risco que estaba para o venres 27 no Centro Cultural Municipal
– O VIII Festival de Bandas do Porriño que estaba previsto para o sábado 28
– “Ecopercussión”: suspendense tanto os obradoiros para escolares nos centros do Porriño que estaban concertados nas dúas próximas semanas como a exhibición final que estaba datada para o luns 30 de marzo.

13/03/2020 in Alcaldía, Cultura e festas, Educación e tecnoloxía, Igualdade

Máis medidas preventivas polo coronavirus: suspendese a presentación do ‘spot’ pola igualdade e tamén cancelase o Encontro de Corais

A Concellería de Cultura e Igualdade informa da suspensión de duas previsións para venres e sábado, tamén como consecuencia das medidas preventivas ante o coronavirus.

Mañá cancelase a presentación do spot publicitario “Insistir, persistir, resistir e nunca desistir” que ía a ter lugar no Centro Cultural Municipal. Tratase dunha das accións da programación do 8M para visualizar a igualdade a través de deportistas locais femininas e masculinos. Aprazase ata nova data.

Por outra banda, a Concellería de Cultura foi informada polos organizadores do Encontro de Corais que ía ter lugar o sábado 14 de que suspenden o evento polas mesmas razons.

12/03/2020 in Alcaldía, Cultura e festas, Igualdade

O Concello adopta medidas preventivas polo coronavirus: pechanse instalacións deportivas e culturais e establecense medidas na atención ao público

O Concello do Porriño comunica que a partir do venres 13 pecharánse as instalacións deportivas e culturais de titularidade municipal dacordo coas recomendacións das administracions autonómica e central para previr a expansión do coronavirus.

De tal xeito que pecharan os dous pavillóns do Polideportivo Municipal así como a Piscina Municipal, outras instalacións deportivas e e os diversos campos de futbol que dependen do Concello (Atios, Torneiros, Mosende, Budiño, Pontellas e Chenlo). Asimesmo pecharan o Centro Cultural Municipal, a Biblioteca e o Centro Cívico.

Por outra banda acordouse suspender o mercadillo ambulante dos martes ata o 31 de marzo inclusive.

Esta tarde o alcalde accidental, Pedro Pereira convocou aos grupos municipais a unha reunión para avaliar a posible adopción doutras medidas preventivas a implementar en instalacións de titularidade municipal, en consoancia coas recomendacións que a Xunta de Galicia e o Goberno Central adopten e comuniquen nas vindeiras horas.

Por outra banda, despois de reunirse este mediodía o Comité de Seguridade e Saúde do Concello do Porriño coa concelleira de Persoal, Lourdes Moure acordouse adoptar unha serie de medidas preventivas entre o persoal municipal, especialmente nos servizos de atención ao público. Entre elas, a colocación de dispensadores de solución hidroalcólica en todos os centros de traballo, priorizando as instalacións de atención abertas ao público. Asimesmo acordouse colocar guías explicativas para a correcta hixiene nos centros de traballo do Concello e reforzar a limpeza das instalacións de dependencia municipal.

A Alcaldía promulgou hoxe un bando no que avisa á veciñanza da necesidade de reducir a atención ao público nos servizos e edificios municipais.

O bando indica que “priorizarase a atención telefónica e telemática, evitando na medida do posible achegarse ós edificios municipais”.

Por outra banda, mañá venres haberá unha reunión con responsables e xefes dos diversos departamentos municipais para determinar e facilitar o teletraballo dos funcionarios naqueles servizos onde sexa posible.

12/03/2020 in Alcaldía, Cultura e festas, Deportes

Concello e Club de Atletismo comunican o aprazamento da carrera “Porriño 10K” á vista das recomendacións preventivas sobre o coronavirus

O Concello e o Club de Atletismo comunican o aprazamento da carreira “Porriño 10 K” que ía ter lugar o vindeiro domingo día 15. A decisión adoptouse este serán á vista das recomendacions preventivas das autoridades sanitarias e do Consejo Superior de Deportes sobre o coronavirus.

A inscrición para esta carreira que se realizaba a través da páxina web championchipnorte acadou hoxe os 1300 e as previsións do Concello e do club organizador eran que se superarían os 1500 participantes, cantidade á que habería que engadir 100 voluntarios para manter a seguridade e o numeroso público que seguiría a proba polas rúas de O Porriño.

Todos estes datos tiveronse en conta para tomar a decisión preventiva de aprazar a carrerira “Porriño 10K” ata nova data, ainda por determinar.

10/03/2020 in Alcaldía, Deportes

Presentación do Plan de Igualdade de Mulleres e Homes do Porriño 2020/2024

O mércores 11 de marzo será presentado públicamente o IV Plan de Igualdade entre Mulleres e Homes do Porriño nun acto público que se celebrará no Centro Cultural Municipal ás 20 horas. Están invitados todos os grupos municipais do Concello, Policía Local, Garda Civil e asociacións veciñais, ainda que a entrada é libre e de balde ata completar aforo.
Cami Moreira, concelleira de Igualdade do goberno municipal explicará as directrices do Plan que ven de ser aprobado por unanimidade pola corporación local do Porriño no recente pleno de febreiro.

Este IV Plan de Igualdade entre Mulleres e Homes do Porriño que estará vixente para o período 2020 / 2024 contempla que o Concello como administración máis preto da cidadanía ten un papel relevante no fomento de oportunidades entre mulleres e homes como medio para a construción dunha sociedade máis xusta.
O Plan Municipal aborda 7 eixes de intervención con 54 medidas de acción como son:
+A Promoción da Igualdade na Política Municipal.
+Emprego e Conciliación da Vida Persoal, Laboral e Profesional.
+Coeducación, deporte e calidade de vida.
+Urbanismo, Mobilidade e Seguridade.
+Atención a situacións de vulnerabilidade.
+Empoderamento e participación.
+A Violencia de Xénero
A responsable da Concellería de Igualdade explicou que “dende este concello, hai unha clara aposta por medidas de carácter estrutural con vocación transformadora e de permanencia que permitirán incorporar a perspectiva de xénero a toda a política municipal”.
“Por iso agardamos a implicación de todas e todos, sabendo que esta é a receita para chegar á efectividade dos resultados”, engadiu Cami Moreira.

10/03/2020 in Alcaldía, Igualdade

A Escola Municipal de Música do Porriño imparte “Masterclass” para bandas

Por primeira vez na súa andaina, a Escola Municipal de Música do Porriño celebrará tres “Masterclass” que impartirá Juan Carlos Díaz, mestre musical de gran experiencia e director de recoñecido prestixio.

As tres “Masterclass” terán lugar os mércores 11, 18 e 25 do presente mes de marzo, en horario vespetino, entre as 18 e 20 horas, no local da Escola Municipal de Música.
O traballo que se realizará durante estas “Masterclass” presentara no programa que tocará a Banda da Escola Municipal no VIII Festival de Bandas de Música que se celebrará o sábado 28 de marzo, na praza do Concello, a partir das 19,30 horas.

Con esta iniciativa a Escola Municipal de Música pretende espertar o interese pola música e os instrumentos de banda, entre os nenos e nenas do Porriño.

10/03/2020 in Alcaldía, Cultura e festas

ADIF confirma á Alcaldesa que mañá martes 10 abrense as plicas da licitación do proxecto de supresión de paso a nivel

O ADIF confirmou hoxe a Eva García, alcaldesa de O Porriño que maña martes día 10 abriranse as plicas das empresas interesadas no proxecto de supresión do paso a nivel existente no centro urbán da vila. A resolución deste concurso “será inminente e desarrollase en tres fases, sendo a primeira o estudio xeotécnico” segundo manifestaronlle responsables do Administrador de infraestructuras Ferroviarias á alcaldesa do Porriño.

Eva García de la Torre trasladouse hoxe a Madrid e reuniuse na sede de ADIF con María Luisa Domínguez Gónzalez, directora xeral de Proxectos e Planificación e dous técnicos deste departamento reponsables da licitación. A alcaldesa valorou que “a reunión foi moi ben”.

Segundo as explicacións recibidas “confirmaronnos que mañá martes abriranse as plicas para coñecer as ofertas das empresas interesadas na primeira das tres licitacións que se desarrollarán, que corresponde ao estudio xeotécnico e de xeito inminente, en tres semanas, adxudicarase” explicou Eva García.
As dúas seguintes licitacións serán para resolver o proxecto básico e finalmente o proxecto constructivo.
Para a alcaldesa de O Porriño “non hai dúbida de que ADIF ten o firme propósito de eliminar ese paso a nivel”.
A solución técnica que se prantexa é mediante a depresión da rasante da vía férrea polo que ADIF inclue na licitación do proxecto a realización de sondaxes e estudio xeotécnico para dispoñer dunha valoración axustada do orzamento que terá a obra.

A reunión de hoxe foi continuidade das xestions realizadas no mes de setembro de 2019 e anteriormente en agosto de 2018 pola alcaldesa Eva García coa presidenta do ADIF, Isabel Pardo de Vera cando lle trasladou a proposta unánime dos grupos municipais e dos colectivos sociais e económicos de Porriño para suprimir o paso a nivel como evidenciouse na histórica manifestación celebrada o 1 de xuño dese ano.
O paso a nivel existe en Porriño dende 1948. A súa supresión é unha demanda histórica que se reforzou a partires do accidente de hai catro anos cando o Tren Celta descarrilou por exceso de velocidade o que provocou catro mortos e perto de medio centenar de feridos.

09/03/2020 in Alcaldía

O Porriño acollerá o inicio e remate do Campionato de Galicia de Karting 2020

A concelleira de Educación e Seguridade, Lourdes Moure manifestou hoxe que “é para Porriño unha satisfacción acoller o inicio e o remate do Campionato de Galicia de Karting 2020 que comezará o vindeiro domingo 8, no circuito da nosa vila”.
A concelleira, en representación do Concello anfitrión da presentación do Campionato foi a encargada de abrir o acto que contou con representacións da Secretaria Xeral para O Deporte da Xunta de Galicia, ABanca, Gadis e outras firmas que copatrocinan o evento que organiza a Federación Galega de Automobilismo que tamén estivo representada polo seu presidente, Iván Corral. O acto desarrollouse nas instalacións do CEIP Antonio Palacios, en Torneiros.

O circuito de karting existente na vila de O Porriño acollerá este domingo 8 de marzo a primeira proba das 7 programadas pola Federación ao longo do ano. E tamén recibirá a última que pechará o Campionato, prevista para o domingo 26 de outubro.

A concelleira de Educación e Seguridade aproveitou tamén a súa intervención para lembrar “os vínculos de O Porriño co deporte do motor”. Citou que o pasado 8 de febreiro, Porriño acolleu a Gala Anual da Federación Galega de Automobilismo que se celebrou no Pavillón Municipal de Deportes. Na mesma o Concello foi galardoado nesa Gala polo seu apoio ó automovilismo en 2019. Un apoio manifestado na súa duradeira colaboración co Rally Rías Baixas, polo patrocinio do I Rally Mix Concello do Porriño, celebrado nas Festas do Cristo, e finalmente, polo curso “Conduce con Xeito” para mellorar a capacidade de reacción dos veciños e veciñas do Porriño que participaron nas clases prácticas e teóricas.

06/03/2020 in Alcaldía, Deportes, Tráfico

Porriño adxudica a “Urbaser” o contrato de limpeza viaria e acorda adherirse ao Programa contra Velutina

Por maioría, a Corporacion local do Porriño acordou hoxe volver a adxudicar o contrato de limpeza viaria que agora será unha concesión que desempeñará a empresa “Urbaser S.A”. O acordo adoptouse con 14 votos favorables (PSOE+PP+EuSon+UDDL) e as abstencións dos dous concelleiros do BNG. Tan só faltou ao pleno, o voceiro de EU Son, Pedro Ocampo.

A proposta que se levou ao pleno baseabase na resolución previa da Mesa de Contratación celebrada esta semana e nos informes solicitados ao Tribunal de Contratación Administrativa de Galicia (TACGAL) e á consultora “Lagares e Oca”. En base a eles, decidiuse retirar do concurso a “Ascan” que foi a primeira adxudicataria, así como á firma “Eulen” e polo tanto recalcular e propoñer en favor da segunda clasificada na licitación, a firma “Urbaser”.

Outro dos puntos da orde do día deste pleno extraordinario celebrado hoxe foi acordar por unanimidade a adhesión do Concello do Porriño ao Programa Galego de Vixiancia e Control da Vespa Velutina, suscrito pola Vicepresidencia da Xunta de Galicia e a Federación Galega de Municipios e Provincias (FEGAMP).

O Programa garante a retirada e destrucción dos niños de velutina coa colaboración do Concello. Serán retirados por persoal da empresa pública “SEAGA” sempre que estean a menos de 25 metros do chan en un prazo de 5 días laborais. O Concello de Porriño recibirá e canalizará as chamadas dos veciños que alerten da existencia de niños e comunicará a información á Xunta de Galicia. “Para o Concello supón un aforro de gasto anual importante dado que era a administración municipal ata de agora a que asumía esa tarefa”, manifestou o concelleiro de Medio Ambiente Sergio Casal, na defensa do punto.

Por último, neste pleno ademais realizouse o sorteo mediante ordenador para a designación de membros das mesas electorais para os comicios autonómicos do vindeiro 5 de abril. As concelleiras Blanqui Francés, Cami Moreira e Ana María Martínez Paradela actuaron de testemuñas.