Alcaldía

Realizase hoxe o reparto urxente de lotes de alimentos ás 40 familias máis necesitadas

Esta mañán Protección Civil do Concello do Porriño e o concelleiro de Servizos Sociais, David Alonso iniciaron a entrega de lotes de alimentos non perecedoiros ás 40 familias que segundo a valoración dos técnicos municipais están nunha situación de maior necesidade.

O departamento de Servizos Sociais do Concello ten referenciadas a 150 familias que están en situación de exclusión social que son receptoras das axudas alimentarias que se canalizan a través de “SOS Porriño”.

Os lotes de productos continuarán distribuindose esta tarde coa colaboración da flota de repartidores da firma “Kebel Logistics” que ofreceu a súa contribución de xeito desinteresado.
“Kebel Logistics”, é unha firma asentada en Barcelona que dispon en Porriño dun parque móbil de 50 furgonetas que traballan habitualmente no reparto a domicilio de pedidos de “Amazon”.

25/03/2020 in Alcaldía, Servizos sociais

O Concello entrega 54 traxes “EPI” para protección do persoal do Servizo de Axuda no Fogar

O Concello de O Porriño, a través da Policía Local, fixo entrega hoxe de 54 traxes EPI (equipo de protección individual) de nivel III ao Servizo de Axuda no Fogar (SAF) para garantir a seguridade dos traballadores que prestan a diario atención domiciliaria a persoas dependentes e maiores.

Normalmente o SAF atende a 120 persoas. Pero nas actuais circunstancias do estado de alarma, decidiuse rebaixar a atención domiciliaria a tan só 25 fogares que son os casos de extrema necesidade, según determinou o departamento de Servizos Sociais do Concello.

25/03/2020 in Alcaldía, Servizos sociais

O Concello habilita unha axuda extra de emerxencia social para as familias e persoas más desfavorecidas co gallo do estado de alarma

O Concello de O Porriño habilitou unha partida de 20.000 euros mediante crédito extraordinario para atender ás familias máis desfavorecidas e persoas con dificultades económicas para que poidan abastecerse de alimentos frescos e productos básicos de primeira necesidade.
Tratase de unha acción extra motivada polo actual estado de alarma pola pandemia do coronavirus e que complementa á axuda periódica que distribue o Banco de Alimentos “SOS Porriño”.

Coa achega deses 20.000 euros estableceuse un contrato co Supermercado Froiz da rúa Ramón Gónzalez para que as persoas e familias más desfavorecidas poidan aprovisionarse de productos de primeira necesidade. As súas compras se van descontando desa cantidade de 20.000 €.

Cada familia ou persoa interesada en acollerse a esta axuda extraordinaria deberá realizar a súa solicitude ao departamento de Servizos Sociais do Concello a través do número electrónico 986 33 50 00 (extensión 6).
Os técnicos de Servizos Sociais valoran cada caso en función de que se trate dun solicitante individual ou familiar, número de membros, se hai menores, parados de longa duración ou persoas dependentes. En función de distintos báremos asignaselles unha coantía semanal por cuio importe poderán realizar a súa compra. Tamén están tipificados os productos e alimentos que poderán adquirir.

Para realizar esa compra indicaselles que deberán acudir individualmente ou unha persoa por familia, preferentemente en horario de tarde, para evitar aglomeracións.

A duración desta achega está prevista para mes e medio “sen descartar que teñamos necesidade dunha ampliación pola duración das actuáis medidas de confinamento e restricción da movilidade”, indicou David Alonso, concelleiro responsable de Servizos Sociais.

24/03/2020 in Alcaldía, Servizos sociais

Hoxe continuou o zafarrancho de limpeza e desinfección por Atios, Mosende, Pontellas e Torneiros

O zafarrancho de limpeza e desinfección iniciasdo o venres en Porriño centro, conitinuou hoxe polas parroquias de Atios, Mosende, Pontellas e Torneiros. 

Conforme as instruccións do Comité Municipal de Seguimento creado polo Concello do Porriño polo estado de alarma a causa do coronavirus, actuouse sobre beirarrúas, edificios, marquesinas, contenedores e outro elementos do mobiliario urbano.

Persoal propio do Concello e da concesionaria “Ascan”, coordinados polo concelleiro de Medio Ambiente, Sergio Casal realizan as tarefas.

 

23/03/2020 in Alcaldía, Limpeza

A Policía Local denunciou a 28 persoas por infrinxir o estado de alarma despois da primeira semana de confirnamento

A Policía Local de O Porriño denunciou a 28 persoas durante a primeira semana do estado de alarma por infrinxir as restriccións impostas polo Goberno. A meirande parte das denuncias por incumprir a limitación da movilidade sen causa xustificada.
Todos os denuncíados enfrentanse a sancións económicas que poden oscilar entre 601 € e 30.000 € en función da gravidade. A tramitación e notificación desas sancións será realizada pola Subdelegación do Goberno de Pontevedra (segundo o cadro adxunto de sancións)

Entre os infractores sorprendidos polos axentes da Policía Local de O Porriño destaca un caso, o do único reincidente que xa acumula dúas denuncias por saír a pasear en bicicleta, sendo cazado unha vez en A Guía (Atios) e outra no paseo do río Louro.
Entre a casuística diversa de denuncíados aparecen situacións tan singulares coma un veciño que dicía que regresaba do supermercado pero non traía nin bolsa nin compra; outro que dicía que ía ao caixeiro e non levaba tarxeta algunha e o protagonizado por tres mozos que foron sorprendidos pola Policía Local tomando unhas bebidas que levaron consigo sentados na terraza dun establecemento pechado.

A Policía Local de O Porriño reitera, unha vez máis, que transcurrido un período de apercibimento dabondo, rematou o tempo da pedagoxía.
Namentres o Concello do Porriño quere agradecer o comportamento responsable da maioría da veciñanza que observa as restriccións que demanda o estado de alarma.

23/03/2020 in Alcaldía

Acordo do Concello con “Kebel Logistics” para que faga o reparto de alimentos ás familias desfavorecidas, persoas maiores e discapacitados

O Concello do Porriño chegou a un acordo coa firma “Kebel Logistics” para que a súa flota de vehículos faga, de xeito gratuito, o reparto de lotes de comida para as familias máis desfavorecidas. Tamén asumirán o transporte de medicamentos e artigos de primeira necesidade aos domicilios de personas maiores ou discapacitadas que bien sóas que de inmediato artellará o Concello, a través do departamento de Servizos Sociais.

“Kebel Logistics”, é unha firma asentada en Barcelona que dispon en Porriño dun parque móbil de 50 furgonetas que traballan habitualmente no reparto a domicilio de pedidos de “Amazon”. O pasado venres un dos seus directivos, Joan Colet realizou este ofrecemento a colaborar mediante un email remitido ao Concello.

Segundo explicou hoxe David Alonso, concelleiro de Servizos Sociais, “de xeito urxente atenderáse a través desta colaboración, a distribución de 40 lotes de comida, con alimentos non perecedoiros, para outras tantas familias do termo municipal que son as que se atopan nunha situación máis complicada”. Neste reparto tamén colaborará a Agrupación de Voluntarios de Protección Civil do Concello.

Posteriormente, a primeiros de abril, como se manterá o estado de alarma coa prórroga anunciada, realizarase o reparto de 150 lotes de alimentos a outras tantas familias que mensualmente acuden a “SOS Porriño”. Se repartirán ó redor de 30.000 kilos de alimentos non perecedoiros. Para que os destinatarios non vulneren as medidas de confinamento e restricción da movilidade, realizaráse a entrega á domicilio a través desta colaboración con “Kebel Logistics”.
No que atinxe a atender o reparto de alimentos, fármacos ou outros productos de primeira necesidade a persoas maiores ou discapacitadas, realizaráse previa petición ao departamento de Servizos Sociais do Concello, chamando por teléfono ao número 986 33 50 00, extensión 6.

23/03/2020 in Alcaldía, Servizos sociais

Estado de alarma: precintaronse os accesos ao cemiterio municipal que permanecerá pechado

No día de hoxe a Policía Local, cumprindo unha instrucción da Concellería de Cemiterios, procedeu a precintar os accesos ao camposanto municipal para dar cumprimento ás restriccións impostas polo estado de alarma. O Cemiterio Municipal permanecerá pechado, agás para acoller inhumacións que deben realizase cunha mínima presenza de persoas.

Sergio Casal, concelleiro responsable deste servizo, indicou que “a medida adoptouse tras comprobar que ainda este fin de semana había corrillos de xente dentro da necrépole incumprindo as prescripcións do estado de alarma e polo tanto faise en prevención do risco de contaxios”.

Asimesmo o concelleiro sinalou que a medida deberá extenderse aos restantes cemiterios existentes no municipios, nas parroquias de Atios, Budiño, Cans, Chenlo, Mosende, Pontellas e Torneiros.

23/03/2020 in Alcaldía

Alarma coronavirus. Dez denuncias máis por incumprir as restriccións da movilidade

A Policía Local de O Porriño tramitou dez denuncias máis contra veciños por diversas infraccións das normas de restricción da movilidade impostas polo Goberno pola pandemia do coronavirus.
As denuncias formularonse entre onte venres e hoxe sábado pola mañán.

Segundo informa a Policía Local entre as diferentes infraccións, tres mozos foron denuncíados por estar sentados nunha terraza tomando algo; outros dous por ir xuntos nun vehículo sen causa xustificada e dous máis por ir paseando xuntos tamén sen xustificación.
Os tres casos restantes tamén foron denuncias por saltarse o confinamento.

Co respecto ás denuncias formuladas por excederse no tempo de paseo cos cans, a Policía Local explica que a norma do Goberno que indica “paseos cortos, sólo para cubrir necesidades fisiológicas”, interpretase no senso de que deben ser por unha marxe de 10 minutos e non alonxandose máis de 100 metros do domicilio. Entendese que ambas condicións chegan dabondo para que o can faga as súas necesidades fisiolóxicas.

A Policía Local de O Porriño entende que tanto neste eido como con outros que restrinxen a movilidade para previr o risco de contaxios, despois de numerosos apercibimentos a duzias de veciños e veciñas, xa rematou o tempo da pedagoxía.

Namentres é de agradecer polo Concello o comportamento responsable de numerosos veciños que como se observa nas imaxes na praza de abastos e na cola do super, observan as restriccións que demanda o estado de alarma.

21/03/2020 in Alcaldía

Zafarrancho de limpeza e desinfección en rúas, mobiliario urbano, edificios oficiais e supermercados

Conforme as instruccións do Comité Municipal de Seguimento creado polo Concello do Porriño polo estado de alarma a causa do coronavirus, hoxe realizouse un zafarrancho de limpeza e desinfección en diversos puntos do casco urbano e tamén en Torneiros.

Ao longo da mañán, un equipo de 10 operarios, con persoal propio do Concello e da concesionaria “Ascan”, con apoio de dous vehículos, coordinados polo concelleiro de Medio Ambiente, Sergio Casal coa colaboración do operario municipal Paulo Santorio realizaron as tarefas.

Actuaron no Centro de Saúde, no Edificio de Xulgados, na estación de ferrocarril, no Mercado de Abastos, nos entornos de igrexas, supermercados, no mobiliario urbano, parques infantís e beirarrúas.

O concelleiro Sergio Casal informou que o luns reanudaranse estas tarefas que se extenderán a outros puntos do termo municipal.

20/03/2020 in Alcaldía, Limpeza