Alcaldía

A Agrupación de Voluntarios de Protección Civil do Porriño informa que realizou diversas intervencións para retirar árbores, postes, toldos e chapas derrubados polos refachos de vento.

A incidencia máis grave ocorreu hoxe, de madrugada. Requiridos polo 112, acudiron a retirar varias árbores que caeron sobre a Autovía A-55 e provocaron unha colisión en cadea de varios vehículos sen feridos. Aconteceu no quilómetro 22, sentido Tui, na recta do Polígono das Gándaras.

Protección Civil atendeu outros avisos para retirar outras árbores que caeron en Filgueira-Mosende; Casal do Vello-Torneiros e na PO-331, estrada de Porriño a Gondomar. Tamén acudiron a retirar un poste telefónico en Torneiros; chapas dun galpón en Chenlo e achicaron balsas de auga en varios puntos do casco urbano e no Polígono da Granxa.

Eva Garcia pediulle ao conselleiro de Sanidade da Xunta de Galicia información máis detallada sobre infectados e hospitalizados por Covid do Porriño.  A alcaldesa participou hoxe na reunión telemática que Julio Garcia Comesaña mantivo con todos os alcaldes da área sanitaria de Vigo.

O Porriño presenta hoxe 92 novos contaxios, segundo comunicou a Xerencia da Área Sanitaria ao Concello.  A taxa de incidencia elevouse a 438, segundo a actualización do Sergas.

Garcia de la Torre indicou ao remate da reunión que mañá venres convocará a Comisión Municipal de Seguimento da Covid para avaliar a adopción de posibles medidas locais adicionais, complementarias ás que entraron en vigor hoxe no Porriño e noutros concellos da zona.

Por outra banda, a alcaldesa, que permanece en corentena, decidiu que as comisións municipais informativas convocadas para esta tarde e sesión plenaria da corporación que terá lugar na semana que ven, sexan telemáticas.

O Porriño alcanzou unha taxa de incidencia Covid de 405 e rexistráronse 82 novas infeccións, segundo actualizou hoxe a páxina web do Servizo Galego de Saúde. A partir da media noite. O Porriño entrará en maiores restricións do mesmo xeito que outros concellos da área sanitaria de Vigo.

Lembramos que novas restricións supoñen que a hostalería só poida servir en terraza, con 50% da capacidade e ata as 18:00 horas. Non obstante, a Xunta permite aos locais continuar co servizo de recollida no local ou a domicilio. No primeiro caso, condicionado ao toque de queda (actualmente ás 22.00 horas), mentres que o segundo está permitido ata as 24.00 horas.

Outra medida salientable é o peche perimetral individual, co que ninguén pode entrar nin saír do concello agás por causas xustificadas, como sanitarias, laborais ou coidado de maiores e menores.

Eva Garcia, alcaldesa do Porriño que permanece illada no seu domicilio e tele traballando a consecuencia dun positivo entre o persoal de confianza do seu gabinete, participará mañá xoves nunha reunión telemática con Julio Garcia Comesaña, conselleiro de Sanidade e os demais rexedores  municipais dos concellos da área sanitaria de Vigo.

A alcaldesa chamou de novo á veciñanza porriñesa a que “usen as máscaras, garden a distancia, cumpran cos protocolos de hixiene e limiten a súa mobilidade a cuestións indispensables. O compromiso de todos nos é fundamental para vencer esta terceira vaga”, reiterou Eva García de la Torre.

O Porriño é un dos concellos da área sanitaria de Vigo que entrará en maiores restricións a partir das cero horas do xoves 21, cando entrarán en vigor as novas medidas anunciadas hoxe polo conselleiro de Sanidade da Xunta de Galicia.

As máximas restricións supoñen que a hostalería só poida servir en terraza, con 50% da capacidade e ata as 18:00 horas; se non a teñen, a súa actividade limítase ao servizo a domicilio ata a unha da madrugada.

Outra medida salientable é o peche perimetral individual, co que ninguén pode entrar nin saír do seu concello excepto por causas xustificadas, como sanitarias, laborais ou coidado de maiores e menores.

O goberno municipal fará unha valoración máis polo míudo cando o DOG publique a orde coas novas medidas para decidir se engádense outras restricións de ámbito local que se trasladarían á Comisión Municipal de Seguimento da Covid.

Desde o seu domicilio onde garda corentena, a alcaldesa Eva Garcia prégalle a toda a veciñanza que “usen as máscaras, garden a distancia, cumpran cos protocolos de hixiene e limiten a súa mobilidade a cuestións indispensables. O compromiso de todos nos é fundamental para vencer esta terceira vaga”, manifestou a rexedora.

A aparición dun positivo por Covid, aínda que asintomático, entre o persoal de confianza da Alcaldía do Porriño, obriga á propia alcaldesa, Eva García, e a outras persoas do seu equipo, a gardar corentena durante dez días, segundo establecen os protocolos.

De xeito que a axenda oficial para hoxe luns 18 cancelouse. A alcaldesa vese na obriga de suspender as reunións presenciais que ía manter hoxe. Unha delas con Andrés Fernández, conselleiro delegado do “Grupo Zendal”, que fabrica na factoría “Biofabri”, sita no Porriño, unha das vacinas contra a actual pandemia. A entrevista que se adía está relacionada cos plans de expansión desta firma no Porriño.

Tamén a alcaldesa porriñesa ten que aprazar a visita e reunión que ía manter co empresario Indalecio Cuevas, presidente da entidade urbanística de conservación do polígono da Granxa.

Sen embargo, a alcaldesa manterá parte da súa actividade a través de tele traballo.

O último número da revista mensual “Carta Local”, editada pola Federación Española de Municipios e Provincias (FEMP), publica un extenso informe baixo o título “Municipios de vacinas” no que eloxia o papel protagonista do Porriño e da fábrica “Biofabri “na produción dunha das vacinas contra a pandemia actual.

O informe inclúe declaracións da alcaldesa, Eva García de la Torre a “Carta Local”, que expresou a súa satisfacción polo papel protagonista de “Biofabri” e o “Grupo Zendal” que “amosa o alto nivel tecnolóxico que teñen as empresas de Porriño “.
A alcaldesa tamén salientou o impacto que pode ter a produción da vacina na creación de emprego para o municipio.

As ilustracións do informe inclúen imaxes da visita do ministro de Sanidade ás instalacións do “Grupo Zendal” en Porriño o pasado 5 de novembro, onde foi recibido pola alcaldesa Eva García e por Abel Caballero, presidente da FEMP.

Axuntamos ligazón co “pdf” da publicación

file:///C:/Users/Usuario/Downloads/Carta%20Local%20n%C2%BA%20341,%20diciembre%202020.pdf

A Corporación Local do Porriño celebrará este mércores 30, a partir das 18:00 horas, o último pleno municipal do ano 2020. É a sesión ordinaria de decembro, con dez puntos na orde do día. 

Por acordo maioritario da corporación, os plenos volven ser presenciais na sala de reunións pero a porta pechada, polos protocolos anti-Covid.

A sesión inclúe a comparecencia da concelleira delegado de Economía e Facenda, solicitada polo grupo municipal do PP, relativa á dispoñibilidade de créditos do Concello.  E varios expedientes de arrendamentos e venda de parcelas de titularidade municipal para explotacións mineiras e outros usos.

pleno ordinario diciembre 2020

A ampliación en 60 minutos (de 17 a 18 horas) do horario de apertura dos establecementos de hostalería e restauración do Porriño, como no resto de poboacións que teñen un nivel medio-alto de restricións debido á pandemia, entrará en vigor mañá día 30.
A decisión tomouna a Xunta de Galicia logo de consultar co comité clínico.

Cargos públicos da Consellería de Sanidade comentaron tanto esta como outras medidas decididas para estas datas de Fin de Ano e Aninovo, coa rexedora porriñesa, Eva García e outros alcaldes e alcaldesas da área de Vigo na reunión telemática semanal que mantiveron hoxe ao mediodía.

O Porriño continúa coas mesmas restricións que tiña. A mobilidade aínda segue reducida ao alcance do perímetro que forma con Vigo, Mos, Redondela, Gondomar e NIgrán. Os establecementos de hostalería poden utilizar o 30% da capacidade interior e o 50% da capacidade exterior. As reunións son para un máximo de 4 persoas, estean ou non convivindo. O toque de queda mantense entre as 23:00 e as 6:00 a.m. Agás a noite de fin de ano, que durará ata a unha e media da mañá.

E como novidade en toda Galicia, na mañá de Aninovoa, a hostalería non poderá abrir antes das 11 da mañá, unha decisión xustificada pola Xunta para evitar aglomeracións de clientes para tomar o tradicional chocolate con churros.