Alcaldía

Concello e Policía Local establecen protocolos coa hostalería local para garantir o cumprimento das restricións

Os establecementos de hostalería do Porriño recibirán unha folla informativa para que coñezan as medidas que deben adoptar e para que teñan a información necesaria para descargar os códigos QR. Axentes da Policía Local e voluntarios de Protección Civil serán os encargados da distribución.

Así se acordou hoxe nunha reunión celebrada na Alcaldía, presidida por Eva García e coa asistencia de Lourdes Moure, concelleira de seguridade, Daniel Rodríguez, inspector xefe, e Antonio Pereira Nandín, oficial de Policía Local, e José Manuel Fernández Sanjuán, Presidente da Asociación de Hostaleiros de Porriño (AHOSPOR).
O obxectivo é evitar problemas de exceso de capacidade e garantir o cumprimento das restricións vixentes tanto no interior como nas terrazas dos establecementos.

Adxuntamos “pdf” coa folla informativa a distribuir 

Medidas Hostalería

02/03/2021 in Alcaldía, Seguridade, Turismo

O Concello ofrece asesoramento á hostalería, microempresas e autónomos para solicitar as axudas da Xunta

O Concello a través das oficinas de “Porremprego” ofrece asesoramento á hostalería, autónomos e microempresas que poidan estar interesados ​​en solicitar e acollerse á liña de axuda económica do II Plan de Rescate da Xunta de Galicia.

O asesoramento que xa se está a proporcionar polo persoal da Axencia Local de Emprego e Desenvolvemento (AEDL). Realizase en horario de mañá, entre 8:00 a 15:00 h.

É necesario solicitar cita no teléfono 986 33 82 17 ou por correo electrónico ao enderezo:  axente.emprego@oporrino.org

Deixamos   ligazóns coas diferentes liñas de axudas

2021-02, 17, Infografía II, TR500A, Autonomos

infografia-TR500C-hostalaria

2021-02, 17, Infografía II, TR500B, Microempresas

infografia-TR500D-outras-actividades

 

 

01/03/2021 in Alcaldía, Emprego e formación, Urbanismo, comercio e industria

Todo o persoal da Policía Local vacinarase contra a Covid

Todo o persoal da Policía Local do Porriño vacinarase contra o Covid.  En total 23 persoas.  A relación xa se enviou ao Servizo Galego de Saúde, a través da FEGAMP que media a xestión e que notificou á Concellería de Seguridade que o persoal policial vacinarase a partir do 5 de marzo.

Doutra banda, a Concellería de Servizos Sociais informa de que xa se vacinaron 10 traballadoras sociosanitarias do Servizo de Axuda no Fogar, así como as 5 traballadoras sanitarias que atenden a Unidade de Asistencia a Drogodependencias.

26/02/2021 in Alcaldía, Seguridade, Servizos sociais

Rematada a construcción dun novo observatorio de aves nas Gándaras de Budiño

O novo observatorio de aves das Gándaras de Budiño xa está rematado.  É o primeiro observatorio en altura establecido neste entorno natural e substitúe a un dos tres preexistentes, segundo explicou a Concellería de Infraestruturas.

Realizouse en madeira de piñeiro tratada en autoclave para a súa integración co entorno das Gándaras de Budiño.  Precisamente a actuación que contou cun orzamento de 24.107 €, foi financiada con fondos achegados pola Rede Natura, segundo informou o departamento que dirixe Pedro Pereira.

26/02/2021 in Alcaldía

A alcaldesa recibe á ministra de Sanidade nas instalacións de “Biofabri” en Torneiros

A alcaldesa Eva García recibiu este mediodía á ministra de Sanidade, Carolina Darías que acudiu a visitar e coñecer de primeira man o traballo que se está a levar a cabo no Porriño para novas vacinas contra o Covid.
A ministra visita as instalacións de “Biofabri”, a planta da compañía farmacéutica “Grupo Zendal” que está a desenvolver en Torneiros, unha parte da nova vacina da firma norteamericana “Novavax” que en breve será a quinta en obter autorizacións da Unión Europea para a súa distribución en España e outros países membros.

Así mesmo, os directivos de “Zendal” explicaron nunha reunión de traballo á ministra, á alcaldesa e ás demais autoridades que realizan a visita, como se está a traballar para a elaboración doutra vacina contra a Covid, totalmente española, que se desenvolve en colaboración co Centro Superior de Investigacións Científicas (CSIC).

A ministra Darías estivo acompañada por diversos cargos do seu departamento, entre eles, María Jesús Lamas, directora da Axencia Española de Medicamentos, así como polo conselleiro de Sanidade da Xunta de Galicia, Julio García Comesaña, o delegado do Goberno central en Galicia, Javier Losada e Abel Caballero, presidente da Federación Española de Municipios e Provincias.

25/02/2021 in Alcaldía

O persoal da Unidade Asistencial de Drogodependencias vacinouse hoxe

O persoal da Unidade Asistencial de Drogodependencias (U.A.D) do Concello do Porriño informa que acudiu hoxe ao Hospital Alvaro Cunqueiro para vacinarse coa primeira dose do inxectable de “Pfizer”. 
Os cinco traballadores da unidade municipal deberán recibir o 16 de de marzo, a segunda dose para a súa plena inmunización. 

Actualmente nesta unidade recíbense uns vinte pacientes por dia, xa sexa para consulta, tratamento ou control. Antes da pandemia, a media de persoas que acudían a esta unidade eran ó redor de 60 diarios pero os protocolos de seguridade anti-covid establecidos polo Servizo Galego de Saúde obrigaron a reducir.

A UAD do Porriño ten a súa dirección na rúa Domingo Bueno, 15- sótano, atende diariamente de luns a venres en horario matinal e de xeito gratuíto. Ofrece tratamento integral personalizado e multidisciplinar.

Atende a persoas con calquera tipo de adicción, xa sexa de sustancias legais (tabaco, alcohol) ou ilegais (cocaína, cannabis, opiáceos, etc) así como ludopatias e outras adiccións e que pertenzan a calquera concello da nosa área sanitaria.

 

 

23/02/2021 in Alcaldía, Benestar, Servizos sociais

68 vendedores instaláronse hoxe no mercado ambulante que se restaurou

Hoxe instaláronse 68 postos de venda na zona peonil de Porriño con motivo da reanudación do mercado ambulante que levaba tres semanas suspendido por decisión municipal.

Só instalaron vendedores con postos impares.  O vindeiro martes 2 de marzo corresponderá aos que teñan un número par. O acordo do goberno municipal é que o mercado volva celebrarse con 50% dps vendedores de cada quenda.

Sergio Casal, concelleiro de mercados, valorou “o resultado da reanudación dun xeito satisfactorio”. Considerou “moi positivo que os vendedores ambulantes poidan volver ao traballo e a vila se revitalice de novo” e eloxiou “a colaboración dos vendedores na observación das medidas de seguridade e distancia “, concluíu Casal Quintas.

23/02/2021 in Alcaldía, Urbanismo, comercio e industria

O Concello decide restaurar o mercado ambulante a partir deste martes

O Concello do Porriño anuncia que a partir de mañá martes restaurarase o mercado ambulante que leva tres semanas suspendido.

Segundo a decisión adoptada e comunicada hoxe aos restantes grupos da corporación local presentes na Comisión de Seguimento Municipal da Covid, o mercado restablecerase coa metade dos postos para garantir o cumprimento dos protocolos de seguridade e distancia.

Sergio Casal, concelleiro de mercados indicou que a Policía Local patrullará durante a mañá para garantir o cumprimento das medidas de seguridade.

22/02/2021 in Alcaldía

O Concello agradece a colaboración e comprensión da veciñanza coa campaña de vacinación anti-Covid

O Concello do Porriño, a través da Concellería de Seguridade, agradece “a colaboración e a paciencia dos cidadáns para que a campaña de vacinación para maiores de 80 anos que comezou hoxe no Centro de Saúde transcorra sen aglomeracións”, segundo a concelleira, Lourdes Moure.

No Centro de Saúde están convocados dende hoxe e nos vindeiros días, veciños de Porriño, Mos e Salceda, maiores de 80 anos, para vacinarse coa primeira dose.

A Policía Local habilitou a marxe dereita da rúa Doutor Paz Varela para o estacionamento de coches que transportan a estas persoas e que poden esperar a que remate o proceso de vacinación.  Esta circunstancia facilitou hoxe a espera que tiveron que manter os convocados para vacinarse, xa que o camión frigorífico que traía as vacinas chegou tarde e o proceso de vacinación comezou unha hora despois.

A este respecto, a concelleira de Seguridade “agradeceu a comprensión e a paciencia das persoas convocadas para ser vacinadas, así como das súas familias e acompañantes”, dixo Lourdes Moure.

22/02/2021 in Alcaldía, Seguridade, Tráfico