Alcaldía

A cativada do Porriño promete moitos sorrisos e abrazos para este 2025

Como xa é tradición no  Porriño, o último día do ano chega por partida doble, e a celebración comezou este 29 de decembro coa festa do Pre-Fin de Ano Infantil, unha xornada única na que centos de nenos e nenas disfrutaron dunha mañá chea de música, diversión e actividades especiais na Praza do Concello. O evento, organizado polo Concello, marcou o inicio das festas previas á tradicional Noitevella, que, como cada ano, ten lugar un día antes na vila do Louro.

Desde as 11 da mañá, pequenos e grandes disfrutaron da festa mentres os máis pequenos deron as badaladas á súa maneira. Nun escenario decorado para a ocasión, a animación, os obradoiros navideños, os personaxes infantís e a música envolveron ás familias nun ambiente de pura maxia.

Alma, Daniela e Triana foron as encargadas de dirixir as badaladas para dar a benvida ao novo ano, un ano que, como dixeron, “será un novo comezo para todos os nenos e nenas do Porriño. E por iso estamos aquí xuntos, porque nós somos como o novo ano, somos o futuro”.

As mestras de cerimonia fixeron público un compromiso da cativada da vila: “Hoxe aquí, xuntos, prometemos estudar un montón e aprobar todo no cole e no instituto. Prometemos que cada mala cara converterase nun sorriso este 2025 e cada mala palabra, nun abrazo”. Xusto antes de comezar a soar as badaladas deixaron ben claro que “este ano seguro será o mellor ano, pero iso hai que empezalo como se merece”.

E así foi. Co reloxo do Concello marcando as doce en punto, os nenos tomaron as súas uvas de gominola e brindaron con champán de chocolate, facendo desta experiencia un momento inolvidable.

Un dos momentos máis agardados foi o concerto de Uxía Lambona e a Banda Molona que saíu ao escenario tan pronto sonou a última badalada para sorpresa da cativada.

Lembramos que ás 12 da noite, O Porriño vivirá a tradicional celebración pre-fin de ano cos maiores, que tamén disfrutarán das badaladas ao ritmo de El Combo Dominicano e con Raquel Atanes e Juan Fuentes como presentadores. Será na Avda. Domingo Bueno. Os actos comenzarán ás 19 h co pasarrúas das tres rondallas (Rondalla Santa Eulalia de Atios, Rondalla da AC Pontellas e Rondalla Santa María do Porriño). Ás 22 h comezará o concerto de El Combo Dominicano e ás 12 h en punto soarán as badaladas que darán paso ao 2025, que chega con cotillón, chocolate para todos e unha sesión dj para recibilo como merece.

30/12/2024 in Alcaldía, Cultura e festas

Antonio Palacios acompañará aos Reis Magos no Porriño

Como xa é tradición no  Porriño, o último día do ano chega por partida doble, e a celebración comezou este 29 de decembro coa festa do Pre-Fin de Ano Infantil, unha xornada única na que centos de nenos e nenas disfrutaron dunha mañá chea de música, diversión e actividades especiais na Praza do Concello. O evento, organizado polo Concello, marcou o inicio das festas previas á tradicional Noitevella, que, como cada ano, ten lugar un día antes na vila do Louro. 

Desde as 11 da mañá, pequenos e grandes disfrutaron da festa mentres os máis pequenos deron as badaladas á súa maneira. Nun escenario decorado para a ocasión, a animación, os obradoiros navideños, os personaxes infantís e a música envolveron ás familias nun ambiente de pura maxia.

Alma, Daniela e Triana foron as encargadas de dirixir as badaladas para dar a benvida ao novo ano, un ano que, como dixeron, “será un novo comezo para todos os nenos e nenas do Porriño. E por iso estamos aquí xuntos, porque nós somos como o novo ano, somos o futuro”. 

As mestras de cerimonia fixeron público un compromiso da cativada da vila: “Hoxe aquí, xuntos, prometemos estudar un montón e aprobar todo no cole e no instituto. Prometemos que cada mala cara converterase nun sorriso este 2025 e cada mala palabra, nun abrazo”. Xusto antes de comezar a soar as badaladas deixaron ben claro que “este ano seguro será o mellor ano, pero iso hai que empezalo como se merece”. 

E así foi. Co reloxo do Concello marcando as doce en punto, os nenos tomaron as súas uvas de gominola e brindaron con champán de chocolate, facendo desta experiencia un momento inolvidable.

Un dos momentos máis agardados foi o concerto de Uxía Lambona e a Banda Molona que saíu ao escenario tan pronto sonou a última badalada para sorpresa da cativada. 

Lembramos que ás 12 da noite, O Porriño vivirá a tradicional celebración pre-fin de ano cos maiores, que tamén disfrutarán das badaladas ao ritmo de El Combo Dominicano e con Raquel Atanes e Juan Fuentes como presentadores. Será na Avda. Domingo Bueno. Os actos comenzarán ás 19 h co pasarrúas das tres rondallas (Rondalla Santa Eulalia de Atios, Rondalla da AC Pontellas e Rondalla Santa María do Porriño). Ás 22 h comezará o concerto de El Combo Dominicano e ás 12 h en punto soarán as badaladas que darán paso ao 2025, que chega con cotillón, chocolate para todos e unha sesión dj para recibilo como merece. 

30/12/2024 in Alcaldía, Cultura e festas

Acometemos a mellora de 13 marquesiñas cunha inversión de máis de 24.000 euros

O Concello do Porriño culminou recentemente unha serie de melloras en varias marquesiñas de autobús no municipio, con especial atención á instalación dunha nova parada na entrada do IES Pino Manso, unha intervención moi demandada pola comunidade educativa.

A nova marquesiña no IES Pino Manso, que foi completamente derrubada debido ao estado de deterioro que presentaba, renovouse cunha moderna estrutura de aceiro inoxidable (inox) de 8600 x 5000. Ademais, conta cun tellado de panel de sándwich imitación tella e un acabado interior que imita a madeira, o que non só mellora a súa funcionalidade, senón tamén a súa estética. A intervención supuxo un investimento de máis de 16.000 euros e responde á  necesidade do centro educativo, que buscaba unha maior seguridade e confort para os estudantes e persoal do instituto.

Simultaneamente, levaronse a cabo traballos de reparación en doce marquesiñas de autobús situadas en diversas parroquias do municipio, en Atios, Budiño, Mosende e Pontellas. Nestas localidades reparáronse os tellados, garantindo que os usuarios e usuarias das paradas de transporte público conten coa protección necesaria ante as inclemencias do tempo. O investimento nestas reparacións superou os 18.100 euros.

O alcalde do Porriño, Alejandro Lorenzo, quixo destacar a importancia destas melloras: “Desde o Concello sempre traballamos para responder as necesidades da nosa comunidade, e a renovación destas marquesiñas era unha necesadide urxente e real. A do IES Pino Manso era unha das solicitudes máis insistentes da comunidade educativa, e nos enorgullece poder dar resposta a esta demanda, mellorando a seguridade e a comodidade dos nosos mozos e mozas. Seguiremos traballando para mellorar as nosas infraestruturas e garantir unha contorna máis segura e accesible para todos.”

23/12/2024 in Alcaldía, Vías e obras

O Porriño corre por unha boa causa: Carreira solidaria de Nadal

O Concello do Porriño celebrará a tradicional Carreira de Nadal o vindeiro domingo 29 de decembro, un evento aberto a todas as idades. A proba, cun percorrido accesible de tan só 4 quilómetros, consistirá en dúas voltas ao circuíto urbano (2+2 quilómetros) e terá como punto de saída a Praza Arquitecto Antonio Palacios ás 11:00 horas.

Esta carreira non só será unha oportunidade para practicar deporte, senón tamén para mostrar o lado máis solidario do pobo. Todos os participantes deberán deixar un donativo solidario, que deberá ser unidade de produtos ou alimentos para bebés (como artigos de hixiene, cueiros, leite ou cereais) ou pasta tipo macarrón ou espiral.

Estes produtos serán posteriormente distribuídos polo programa municipal de alimentos SOS Porriño entre as familias do municipio con menos recursos, colaborando así a mellorar as súas condicións durante estas festas.

A inscrición á carreira é totalmente gratuita e poderá realizarse a través da ligazón dispoñible en ecultura.net , que estará aberto ata as 23:30 h do 27 de decembro. Tamén se poderá inscribir de forma presencial o propio día do evento, na zona habilitada para tal fin preto da saída da proba, antes de que comece a carreira.

Todos os corredores deberán estar na zona de saída 10 minutos antes do inicio da proba para poder colocarse de forma adecuada e garantir o bo desenvolvemento do evento.

A Carreira de Nadal está organizada polo Concello do Porriño, en colaboración co Club Atletismo Porriño, que contribúe á promoción do deporte en familia e á creación de eventos que unen o deporte e a solidariedade.

Desde o Concello do Porriño convidan á veciñanza a unirse a esta xornada festiva e solidaria que promete ser un éxito rotundo.

23/12/2024 in Alcaldía, Deportes

Clausuramos o Plan Integrado de Emprego que formou a cen persoas

O Concello de Porriño celebrou este mércores a clausura do seu Plan Integrado de Emprego (PIE), un programa que, grazas á colaboración entre a administración local, a Xunta de Galicia e os actores empresariais e comerciais do municipio, conseguiu un alto grao de inserción laboral para os seus participantes.

No acto, que tivo lugar nas instalacións de Porremprego, recibiron o seu diploma os 100 beneficiarios do programa, arroupados por representantes dos polígonos industriais e comercios locais  e as técnicas do PIE, Patricia Gallego e Rosa María Molinos, responsables do desenvolvemento do programa.

O acto contou tamén coa intervención de autoridades como a concelleira de Emprego e Formación, Rosario Costas, o alcalde, Alejandro Lorenzo,  o director territorial de Emprego, José Antonio Rodríguez Fachado e a delegada territorial da Xunta de Galicia en Vigo, Ana Ortiz, quen resaltaron a relevancia deste tipo de iniciativas para mellorar as oportunidades laborais e sociais no municipio.

Durante a súa intervención, Patricia Gallego, técnica do PIE, fixo un balance exhaustivo dos resultados do programa, facendo especial fincapé na súa transcendencia para as persoas que participaron. No mesmo sentido se expresou a concelleira, Rosario Costas, sinalando que  “o noso obxectivo sempre foi proporcionar formación, orientación e oportunidades reais de emprego. O éxito de hoxe, con 79 persoas que traballaron grazas a este programa, reflicte a eficacia das políticas activas de emprego implementadas”. O programa contou con máis de 600 orientacións individuais, 705 horas de formación especializada e 112 contratos de traballo. A destacada cifra de 35 persoas que realizaron prácticas en empresas subliña tamén a relevancia do contacto directo co mundo empresarial.

O alcalde do Porriño, Alejandro Lorenzo, incidiu no impacto positivo deste programa para a sociedade porriñesa, resaltando que “un traballo digno non só mellora a vida das persoas, senón que tamén é a chave para garantir a liberdade e o benestar social”. Asegurou que o Concello continuará apostando por iniciativas que fomenten a formación e a inserción laboral, porque “o futuro do Porriño constrúese con esforzo, colaboración e ganas de mellorar, e as administracións estamos para construir ese futuro de oportunidades con vós”.

A implicación do sector empresarial

Unha das claves do programa foi, sen dúbida, a colaboración do sector empresarial e comercial local. No acto estiveron presentes representantes dos polígonos industriais da Granxa e As Gándaras,David Sobral e Santiago Gomara, Indalecio e da asociación de comerciantes ACIPOR, Noelia Conde, cuxo apoio e participación é clave O alcalde destacou a súa implicación: “O papel do sector empresarial é esencial na xeración de emprego. O apoio e compromiso dos empresarios do Porriño contribúe sempre directamente ao éxito destas iniciativas”.

19/12/2024 in Alcaldía, Emprego e formación

Creadores emerxentes mostran as súas obras no Centro Cultural do Porriño

O Centro Cultural do Porriño será o escenario dunha innovadora exposición de arte contemporánea centrada no fogar e a familia, un proxecto que pretende achegar a arte actual ao público e xerar diálogos en torno a estes conceptos universais.

Baixo o título “Origen es: familia e fogar” a mostra inaugurarase o vindeiro 23 de decembro ás 18 h, permanecerá aberta no horario habitual do Centro Cultural ata o día 3 de xaneiro de 2025 e contará con máis de 20 obras de arte creadas por 14 artistas: Alba Fernández, Alicia Prieto, Andrea Chas, Ángel Cerezo, Carlos Tenorio, Carolina Ferro, Evian Alves, Iago Rodríguez, Iñigo Barreiro, Jimena Arenas, José Paniagua, Lucía Rodríguez, Saray M. Santos, Sofía Neira.

Os participantes son alumnos e alumnas da Facultade de Belas Artes da Universidade de Vigo, así como graduados e artistas amateurs. A selección de piezas abarca diversas disciplinas, como pintura, escultura, textiles e incluso arte audiovisual, ofreciendo aos visitantes unha ampla e actualizada visión do panorama artístico actual.

Esta iniciativa xorde como parte dun traballo da asignatura “Xestión, ámbito artístico e mundo profesional”, impartida polo profesor Xosé M. Buxán Bran, que tamén exerce como decano da Facultade de Belas Artes e que, xunto coa comisaria da mostra, Ángela Estévez, presentou a mostra na Casa Consistorial.

Nesta proposta, pediuse ao estudantado do último curso que deseñase e xestionase un evento artístico real, brindándolles a oportunidade de aplicar os coñecementos adquiridos e conectar co público a través da arte. E ese foi o caso da comisaria desta exposición, a porriñesa Ángela Estévez, quen debuta como xestora nun evento destas características. Con esta mostra, Ángela non busca soamente mostrar o talento emerxente, senón tamén acercar a arte contemporánea a persoas alleas ao eido artístico, fomentando a interese e a reflexión en torno ás temáticas propostas.

Arte para xerar diálogo

O fogar e a familia son conceptos profundamente persoais e universais ao mesmo tempo. A través desta exposición, os artistas compartirán os seus puntos de vista e experiencias, invitando ao público a reflexionar e dialogar sobre a importancia, os desafíos e as diversas interpretacións destes temas no contexto actual.

Esta iniciativa representa un espacio de encontro entre creadores e espectadores, onde a arte actúa como unha ponte para o entendemento e a comunicación. Desde a organización agradeceron  ao Concello do Porriño a súa colaboración, destacando quea Concellería de Cultura sigue apostando pola arte e a cultura como piares fundamentais para a comunidade.

19/12/2024 in Alcaldía, Cultura e festas

Concello do Porriño e Cogami reafirman o seu compromiso coa inclusión

O Concello do Porriño e a Confederación Galega de Persoas con Discapacidade (COGAMI) revalidaron hoxe o seu acordo de colaboración anual. Este convenio, que conta cunha achega de 6.000 euros por parte do Concello, centrarase no apoio económico para o transporte adaptado, co fin de facilitar aos veciños e veciñas do Porriño o acceso ás actividades organizadas nas instalacións de COGAMI no Rebullón.

Este centro de recursos é un piar fundamental na atención ás necesidades das persoas con diversidade funcional desde a súa apertura en 2017.  Así, o apoio económico destinarase a cubrir os gastos derivados da contratación dun condutor-coidador, así como a garantir a atención e o desenvolvemento das actividades no centro, onde se ofrecen servizos que van desde o apoio psicolóxico ata a fisioterapia.

Ambas as entidades selaron o acordo nun acto no que estiveron presentes o alcalde do Porriño, Alejandro Lorenzo, a concelleira de Política Social, Teresa Veloso, o vicepresidente de COGAMI, Ramón Xestallo, e o presidente provincial, Ángel Holguera. Na xuntanza, abordaron máis inciativas para traballar da man na vila.

A concelleira de Política Social, Teresa Veloso, quixo resaltar a relevancia desta colaboración.  “O acceso das persoas con diversidade funcional a todos os espazos e servizos non é só unha necesidade, senón unha obriga para as administracións. Favorecer que as persoas poidan acudir cada día aos seus quefaceres e participar na vida social da comunidade enriquécenos a todos. Este acordo é un paso máis na nosa misión de construír un Porriño máis inclusivo”.

No mesmo sentido expresouse o alcalde, Alejandro Lorenzo, destacando que con cada traballo con COGAMI “damos un paso máis cara a un Porriño máis accesible e inclusivo. Con este acordo, non só estamos apoiáondoos no seu labor fundamental, senón que tamén estamos a asegurar que todas as persoas, sen excepción, poidan participar plenamente na vida no Porriño. A inclusión é un valor que nos enriquece a todos”.

19/12/2024 in Alcaldía, Política Social

Non pasa nada, pasa algo?

A Concellería de Sanidade, que dirixe Teresa Veloso, en colaboración coa OMIX do Porriño e a financiación da Consellería de Sanidade,  impulsan o Programa de Prevención Selectiva do consumo de drogas no ámbito educativo. Baixo o lema `NON PASA NADA, PASA ALGO´ traballará co alumnado de 4º da ESO e Formación Profesional Básica dos centros educativos de Mos e O Porriño.

“O obxectivo principal desta iniciativa é proporcionar á mocidade ferramentas efectivas para evitar adiccións, fomentando un crecemento saudable e consciente”, explicou a concelleira, “Para iso, o Concello estableceu unha colaboración coa Asociación Alborada, que achegará a súa experiencia na prevención de condutas adictivas”.

Ao longo do programa, abordaranse temas cruciais como o consumo de alcol, tabaco e bebidas enerxéticas. Ademais, ofrecerase formación ao servizo de orientación dos centros educativos para asegurar un enfoque integral na prevención.

O programa estruturarase en dúas partes: unha fase inicial que incluirá sesións co persoal docente e as familias para analizar os problemas existentes nos centros, e unha segunda fase que consiste en talleres interactivos cos adolescentes nas aulas, onde se detectaron problemas relacionados co consumo de drogas. Durante estas sesións, trataranse conceptos clave sobre adiccións, así como temas relevantes como o xénero, a adolescencia e os factores de risco e protección.

O alcalde, Alejandro Lorenzo, visitou hoxe xunto coa concelleira o IES Ribeira do Louro, onde o  equipo de profesionais de prevención da Asociación Alborada imparte unhas das charlas catro charlas presenciais dirixidas. Ademais do alumnado, tamén se traballará co equipo de orientación, para garantir unha atención personalizada e adaptada ás características dos destinatarios.

“A prevención nas aulas é clave para evitar que a mocidade caiga no consumo de sustancias e conductas adictivas, é necesario brindarlles a información adecuada e as ferramentas necesarias, proporcionarlles alternativas de ocio saudables, e sobre todo, darlles o apoio emocional e social que necesitan para tomar decisións responsables”, concluíu o alcalde.

18/12/2024 in Alcaldía, Sanidade

DGusta Porriño entrega os seus premios

De entre os máis de 8.000 trípticos selados nesta edición da ruta tapas e petiscos do Porriño, DGusta Porriño,  once foron os agraciados con tarxetas regalo para gastar no comercio e na hostalería local.

O alcalde do Porriño, Alejandro Lorenzo, e os representantes de Ahospor, José Manuel Fernández e Silvana Rodríguez, foron os encargados de entregar onte os premios aos gañadores.

As dez tarxetas por valor de 50 euros corresponderon a Emilio Rodríguez, Andrea Debén, Fran Alberti, Sergio Otero, Begoña Domínguez, Asfa Márquez, Jose Luis Álvarez, Lorena Silva, Catia Fernández e Dora. O premio gordo, o cheque de 500 euros, foi para Catarina Fernández.

Este ano foron 29 os establecementos participantes nesta ruta gastronómica que xa é cita obrigada na axenda porriñesa no mes de novembro, cando miles de persoas disfrutan das propostas da hostalería local. Concello e Ahospor aproveitaron para agradecer e felicitar novamente aos participantes nestas xornadas, tanto aos clientes que participaron como aos hostaleiros que, co seu bo facer, fixo que este evento fora un ano máis todo un éxito.

18/12/2024 in Alcaldía, Cultura e festas, Urbanismo, comercio e industria

O Porriño reforza a súa aposta polo deporte con 500.000 euros en axudas directas aos clubs

O Concello do Porriño continúa apostando de maneira firme polo fomento do deporte e o fortalecemento do tecido deportivo. En total, a administración local destina este ano 2 millóns de euros do orzamento municipal a promover a actividade deportiva, cunha énfase especial no deporte base e a organización de eventos de primeiro nivel.

Un dos puntos crave desta aposta é a concesión de preto de 500.000 euros en axudas directas aos clubs deportivos. Este importe supón un incremento de 50.000 euros respecto ao ano anterior.

Estas subvencións benefician a un total de 15 entidades de diversas modalidades deportivas. Neste sentido, destacan dúas novas subvencións directas: a Asociación Deportiva A Forna, organizadora do Budiño Raid, recibe unha axuda de 5.000 euros, e o Club Master Louriña obtén 15.000 euros para as súas actividades. Ademais, outras axudas xa existentes aumentan nun 20% para o Patín Porriño, un 10% para o Porriño Industrial FC, un 10% para a Unión Deportiva Atios e tamén un 10% para a Escudería Rías Baixas, organizadora do recoñecido Rallye Rías Baixas.

O alcalde do Porriño, Alejandro Lorenzo, subliñou a importancia destes investimentos, destacando que “o deporte é unha peza crave para o desenvolvemento do Porriño, non só en termos de saúde e benestar, senón tamén como motor de integración social e promoción do noso pobo. Con este importante investimento, reafirmamos o noso compromiso cos clubs deportivos, apoiando o seu traballo e axudando a consolidar o Porriño como un referente no deporte a nivel nacional”.

Pola súa banda, o concelleiro de Deportes, Abel Estévez, quixo resaltar o papel fundamental que desempeñan, “os clubs deportivos de Porriño son o corazón do noso deporte base, e é a nosa responsabilidade darlles o apoio que merecen. Grazas a este aumento nas axudas, buscamos que os nosos deportistas, adestradores e entidades poidan seguir crecendo, e que os eventos que organizan sigan sendo un referente en Galicia e máis aló”.

Con máis de 2.500 licenzas deportivas nunha poboación de pouco máis de 20.000 habitantes, Porriño demostra ser un municipio cunha forte vocación deportiva, abarcando disciplinas de todo tipo e con representación en competicións nacionais.

O compromiso do Concello non se limita só ás axudas aos clubs deportivos, senón que tamén se estende á promoción cultural, veciñal e asociativa. En total, destina preto de 800.000 euros en axudas directas a asociacións culturais, veciñais e deportivas.

O rexedor concluíu destacando que “O Porriño é un exemplo claro do que pode lograrse cando se aposta polo deporte como parte da educación e o benestar. Seguiremos traballando para que todos os nosos deportistas, desde os máis pequenos ata os máis experimentados, sigan gozando de oportunidades para crecer e destacar nas disciplinas que elixan sen ter saír do seu pobo”.

 

17/12/2024 in Alcaldía, Deportes