Alcaldía arquivos - Páxina 114 de 177

Inaugurada a IV Feira do Libro de Porriño

Eva García, alcaldesa de O Porriño inaugurou este serán a IV Feira do Libro de Porriño que conta con oito stands instalados na praza Arquitecto Antonio Palacios.

Anxo Lorenzo, director xeral de Políticas Culturais da Xunta de Galicia e representantes da Federación de Libreiros de Galicia participaron no acto que contou coa escritora Clara do Roxo, mosense e tamén vencellada con Porriño, coma a pregoeira.

A pesar da choiva intensa o publico seguiu as intervencións e logo a primeira charla coloquio programada que tivo como protagonista á propia Clara do Roxo.

Oito stands de librarías, quince actos de presentacións, coloquios e firmas de libros e vinte autores que estarán presentes, son alguns dos números máis salientables da Feira do Libro de Porriño.
Entre os escritores que pasarán pola Feira estarán Ledicia Costas, María Soliño, Raquel Castro, Sonia Mirón ou o porriñés Diego Giráldez co seu libro “Hotel para coleccionistas” publicado hai unas semanas por Editorial Galaxia que será protagonista mañán venres.
Unha das actividades novidosas deste ano esta vencellada cos actos de lembranza á figura de Antonio Palacios que está a realizar o Concello de Porriño. Consistirá nun “roteiro” polas obras que legou o arquitecto na súa cidade. O percorrido será guíado por dous especialistas na obra de Palacios: Xosé Ramón Iglesias e Xosé Ramón Paz Antón e terá lugar o sábado 11.

10/05/2019 in Alcaldía, Cultura e festas, Educación e tecnoloxía

INAUGURADA A EXPOSICIÓN DE FOTOGRAFIAS DE RUTH MATILDA ANDERSON NO CENTRO CULTURAL MUNICIPAL DE PORRIÑO

A Alcaldesa de Porriño, Eva García presidiu hoxe a inauguración da exposición «Unha mirada de antano: Fotografías de Ruth Matilda Anderson en Galicia» que se exhibirá no Centro Cultural Municipal ata o 2 de xuño. Lourdes Moure, concelleira de Educación; Walter Alvarez , director territorial de “ABanca” e Paloma Vela, coordinadora adxunta de Cultura de “AFundación” asistiron tamén en representación das institucións que trouxeron esta exposición a Porriño.

“Como muller e como alcaldesa síntome moi orugullosa de que a nosa cidade acolla esta mostra de fotografía baseada na obra dunha muller pioneira do seu tempo”, dixo Eva García na súa intervención.
A alcaldesa de Porriño valorou que “a calidade do traballo vai máis aló das imaxes; reflexou como ningún antes unha Galicia rural e costeira en tempos de depresión, atraso e pobreza”.
Nesa misma liña, Paloma Vela, en representación de AFundación, sinalou que a mostra “presenta un completo relato documental e antropolóxico da Galicia dos anos vinte”. E salientou a capacidade desa xoven neoiorquina “para aprender algo de galego e castelán o que lle facilitou aproximarse ás xentes e que incluso lle franquearán ó acceso as súas casas para reflectir con tanto coidado e empatía a realidade da nosa terra”.

A exposición, de entrada libre e gratuíta pódese visitar de luns a venres en horario de 8.30 a 20.30 h. Hoxe coincidindo coa inauguración, unha comitiva de 25 estudantes do IES Pino Manso, de Porriño participaron da primeira visita guíada á mostra. En vindeiros días conmtinuarán outros centros educativos de Porriño.
Entre as fotografías seleccionadas para exhibirse en Porriño ocupan un lugar sobranceiro catro imaxes que Anderson tomou na nosa vila e unha delas serve para o cartel anunciador. Titulada “Método para carrexar un cesto entre Mondariz e Porriño”, sacouse por Ruth Matilda Anderson o 12 de septembro de 1924 e serve ademáis como imaxe do programa de mán da exposición.

IMG

09/05/2019 in Alcaldía, Cultura e festas, Educación e tecnoloxía, Igualdade

MAÑAN INAUGURASE A EXPOSICIÓN DE FOTOGRAFIAS DE RUTH MATILDA ANDERSON NO CENTRO CULTURAL MUNICIPAL DE PORRIÑO

A Alcaldesa de Porriño, Eva García presidirá mañán xoves 9 de maio a inauguración da exposición «Unha mirada de antano: Fotografías de Ruth Matilda Anderson en Galicia» que se exhibirá no Centro Cultural Municipal. Walter Alvarez , director territorial de “ABanca” e Paloma Vela, coordinadora adxunta de Cultura de “AFundación” asistirán tamén en representación das institucións que trouxeron esta exposición a Porriño.

A tal fin, no pasado mes de abril suscribiuse un convenio de colaboración entre Concello, “Afundación” e ABanca.

A exposición, de entrada libre e gratuíta poderá visitarse ata o 2 de xuño, de luns a venres en horario de 8.30 a 20.30 h. Mañán xoves unha comitiva de 25 estudantes do IES Pino Manso, de Porriño participarán da primeira visita guíada á mostra.
Entre as fotografías seleccionadas para exhibirse en Porriño ocupan un lugar sobranceiro catro imaxes que Anderson tomou na nosa vila e unha delas serve para o cartel anunciador como poden ver na imaxe adxunta e como fondo para o programa de mán da exposición.
A exposición «Unha mirada de antano: Fotografías de Ruth Matilda Anderson en Galicia» presenta un completo relato documental e antropolóxico da Galicia dosa nos vinte. Ruth Matilda Anderson recolleu en imaxes e en anotacións minuciosas o que atopou nas súas expedicións entre 1924 e 1926 pola Galicia interior e costeira. Acompañada polo seu pai, percorreu Galicia, aprendeu as linguas, castelá e galega, e os costumes, dirixiuse ás aldeas e falou coa xente. O seu trato tan próximo coas mulleres e homes de Galicia favoreceu que o seu traballo reflectise con tanto coidado e empatía a realidade galega dos anos vinte.

08/05/2019 in Alcaldía, Cultura e festas, Educación e tecnoloxía

Dous ciberexpertos alertan dos riscos na Rede durante o curso sobre “Violencia de Xénero Dixital”

Javier Soria Pastor, considerado un dos “gurús” da seguridade informática en España, ponente en numerosos congresos, participou esta mañán na segunda xornada do curso sobre “Violencia de Xénero Dixital” promovido polo Concello de Porriño que se desenrola no centro Cultural Municipal. Inscribironse 25 persoas entre axentes de Forzas e Corpos de Seguridade e profesionais que interveñen na investigación destes feitos e na atención das víctimas.

Soria, que traballa como enxeñeiro informático para a empresa “Telefónica”, está a falar da seguridade dos teléfonos móbiles. Na súa exposición recalcou unha idea que repite tanto en conferencias coma nas entrevistas que lle fan: “a sociedade é cada vez máis vulnerable ós ciberataques a través da Rede. Hoxe en día pódese hackear ata unha neveira ou unha lavadora”.

Na sesión vespertina Santiago Martínez Pardo, Oficial da Policía Local de Vigo, experto en ciberdelincuencia falou das evidencias dixitais no proceso penal, polo tanto da laboura da investigación policial nas redes para atopar pegadas das actuacións de ciberdelincuencia e do papel do perito xudicial informático á hora de informar ó xuiz.

07/05/2019 in Alcaldía, Igualdade

A Alcaldesa de Porriño declárase “encantada de compartir nun ano moi especial” a presentación do Festival de Cans que cumpre 16 edicións

Eva García de la Torre abriu as intervencións das autoridades e representantes dos patrocinadores públicos e privados do Festival de Cans que hoxe presentouse na Casa do Cid. A alcaldesa de Porriño declarouse “encantada de estar aquí e compartir con vos esta presentación nun ano que é moi especial pola concesión ó Festival de Cans do Premio da Cultura Galega”.
Eva García lembrou “tiven ocasión de estar na entrega do galardón cos responsables do festival e unha nutrida representación da veciñanza desta parroquia que o fan posible cada ano coa súa colaboración e implicación e para mín foi un dos días máis felices deste mandato como alcaldesa”.

O Concello de Porriño mantén a súa achega de 20.000 euros ó Festival de Cans, renovada de xeito recente mediante convenio coa asociación cultural “Arela”, organizadora do evento. A aportación municipal que fora incrementada no 2018 polo goberno municipal que preside Eva García, supón reeditar a maior achega económica do Concello ó longo da historia do Festival de Cans.
O apoio do Concello non se reduce a esa subvención senón que ademáis é loxística xa que diversas concellerías cooperan para resolver cuestións de Seguridade, tráfico, Limpeza, Vías e Obras vencelladas ó desenrolo do festival.

A XVI edición do festival de Cans comezará o mércores 22 de maio. Este ano haberá 15 curtametraxes a concurso na sección oficial e de xeito paralelo unha intensísima actividade de mesas redondas e coloquios.Entre eles, de xeito sobranceiro, co director Rodrigo Sorogoyen e os organizados pola Fundación AISGE. Entre os actores e actrices que pasarán pola parroquia porriñesa citar a Leonor Waitling, Isabel Blanco, Miguel de Lira, Mariana Carballal, Raquel Espada e Carlos Blanco que recibirá o Premio “Pedrigree” en recoñecemento a súa traxectoria.
Suliñar asimesmo as actuacións musicais entre as que destacan “Marlango” (venres 24 ás 20.30 h.) e o Gran Wyoming e o seu grupo “Los Insolventes” que tocarán no concerto de peche, na medianoite do sábado 25.

07/05/2019 in Alcaldía, Cultura e festas, Turismo

O GOBERNO MUNICIPAL ACADA QUE O PLENO APROBE A RELACIÓN DE POSTOS DE TRABALLO DO CONCELLO DE PORRIÑO

Por primeira vez na historia do Concello de Porriño, haberá un organigrama e relación de postos de traballo do persoal que traballa na administración municipal. A proposta da “RPT” levouse hoxe ó pleno da corporación e aprobouse por maioría 11 votos a favor (PSOE e PP) e catro abstencións de UDDL, BNG, EU-Son e a concelleira non adscrita, Sabela Landín. Nesta sesión plenaria non acudiron dous representantes, un de UDDL e outro do PP.
A aprobación da Relación de Postos de Traballo “trátase dun fito para este Concello e de un gran avance para os dereitos dos traballadores municipais”, manifestou Lourdes Moure, concelleira de Fazenda e Persoal que defendeu a proposta durante o debate plenario. Argumentou que “despois de meses de negociacións cos sindicatos que representan á plantilla municipal, acadamos un acordo que reflicte a necesidade que tiñamos”.
Lembrou que o catálogo de postos de traballo e organigrama municipal negociouse polo goberno municipal coa xunta de persoal e que os delegados de UXT, CCOO, CIG e CSIF aprobaron por unanimidade a proposta que se levou ó pleno que “entre outras cousas garantirá a equiparación salarial dos funcionarios deste concello cos de outros limítrofes” dixo Moure.
A “RPT” establece que a plantilla do Concello sexa de 105 traballadores máis 20 postos que serían de nova creación. Determina o organigrama administrativo e establece doce departamentos. A súa entrada en vigor será a partir do 1 de xaneiro de 2020.

O acordo de aprobación foi recibido con aplausos por unha nutrida representación de funcionarios municipais que acudiron ó pleno

O pleno extraordinario tiña outros tres puntos máis na orde do día que tamén foron aprobados.
Polo tanto acordouse a aprobación inicial da desafectación da Escola Unitaria de Torneiros, producto das negociacións coa Comunidade de Montes, baseadas nunha sentenza firme.
Tamén lévouse ó pleno a aprobación provisoria da modificación do PXOM para facilitar a ampliación das instalacións da empresa bio-farmacéutica “Lonza” en Torneiros, asunto que vén tramitándose dende 2016. O goberno municipal confire a este acordo un valor especial xa que facilitará a ampliación da producción e polo tanto un incremento das contratacións dunha empresa que actualmente da emprego a 350 persoas. Nesa mesma liña os voceiros de PP, Carlos Martínez e UDDL, Marcelino Coto argumentaron o apoio dos seus grupos á modificación do PXOM proposta. Abstiveronse por diferentes razons, BNG, EU-son e a concelleira non adscrita.

E finalmente aprobouse por unanimidade un novo cadro de condicións técnicas para as contratacións do Servizo de Axuda no Fogar facendo constar os voceiros dos grupos o bo traballo feito pola concelleira de Servizos Sociais, Soledad Girón.

06/05/2019 in Alcaldía, Emprego e formación, Servizos sociais, Urbanismo, comercio e industria

Policías, gardas civís e outros profesionais participan no curso sobre Violencia de Xénero no ámbito tecnolóxico que comezou hoxe en Porriño

Vintecinco profesionais entre gardas civís, policías nacionais e locais así como outros axentes que interveñen na atención ás víctimas inscribironse noutro dos cursos que promove o Concello de Porriño con fondos do Pacto de Estado contra a Violencia de Xénero.
Daniel Rodríguez, Inspector Xefe da Policía Local de Porriño inaugurou este serán o curso denominado “Violencia de Xénero: ámbito xurídico e tecnolóxico forense”. Adícase ó persoal dos Corpos e Forzas de Seguridade e profesionais que interveñen na atención e investigación desta casuística. O Inspector Xefe disculpou as ausencias tanto da alcaldesa coma da concelleira de Seguridade, xustificadas pola coincidencia horaria co pleno municipal extraordinario que celebraba esta tarde a corporación local de Porriño.
A primeira ponencia correu a cargo de Encarni Igrexas Pereira, presidenta de “Stop Violencia de Xénero Dixital” que informou sobre os tipos de violencia de xéneros que se atopan nas redes sociais e a través das tecnoloxías da comunicación.
Segundo explicou a persecución e castigo deste tipo de delitos “tropeza con dous inconvientes: a falta de preparación do persoal policial que tén que investigarlos e a diferenza de criterio dos xuices á hora de procesar ou non.
Encarni Igrexas engadiu que os formatos más habituais que se están a dar hoxe en día para a violencia de xénero dixital son o ciberacoso e o sexting ou sextorsión. “Dánse nas redes sociais coma Facebook, Snapchat ou Whatsapp de xeito masivo e a diario”, dixo.
No curso participarán nos vindeiros días dende responsables policiais ata profesionais do mundo de Dereito. Entre os relatores están anunciados Santiago Martínez, Oficial da Policía Local de Vigo; José Manuel Alonso Regueiro, xefe da Unidad de Atención á Familia e á Muller (UFAM) da Comisaría de Vigo, a maxistrada Belén Rubido, xuiza decana de Pontevedra e titular do Xulgado Penal nº 4 e Juan Sagredo, fiscal coordinador da área de Vigo.

06/05/2019 in Alcaldía, Igualdade

CONCLUE “O PORRIÑO STREET FOOD”

Esta noite conclue “O Porriño Street Food”, evento que trouxo un ambiente de animación extraordinario ao combinarse coas diversas actividades de lecer que se desenrolaron ó longo dos tres días.

No espazo que ocupou entre a rúa peonil e a praza do Concello, congregou unha seleccionada oferta gastronómica, música en directo e un mercado con expositores de Porriño e bisbarra.
Deste xeito Porriño incorporouse a unha tendencia cada vez máis extendida que demanda estas novas fórmulas que reúnen comercio non convencional, ocio e gastronomía en espazos abertos o que se evidenciou nunha altísima presenza de público da área metropolitana.
Os seis camions con cociñas sobre rodas participantes foron os pontevedreses “Mean Dogs e “Crepes & Roll”; “Faiscas”,“Matafame” e “Gale-Truck” (todos eles de Ourense) e “Rock & Dog” (de León).
Os “food trucks” “ofreceron propostas gastronómicas suculentas e orixinais coma hamburguesas premium, bocadillos gourmet, tapas orixinais, cociña
vegana, crepes e gofres artesás e cervexas de autor.

A oferta gastronómica estivo complementada dende o venres pasado por diversas actividades musicais e de animación infantil que reflexamos nas fotografías que acompañan esta información.

A organización estivo a cargo da OMIX de Porriño e a empresa de eventos “Galicia Street Food”.

05/05/2019 in Alcaldía, Cultura e festas, Turismo

COMEZARON AS CLASES DO CURSO DE DEFENSA PERSOAL FEMININA E PROTECCIÓN XURÍDICA

Con 138 mulleres inscritas das que finalmente participaron hoxe 127, arrancaron as clases do curso de defensa personal feminina e protección xurídica. Trátase dunha actividade formativa promovida polo Concello de Porriño, subvencionada con fondos do Pacto de Estado contra a Violencia de Xénero e organizada pola Policía Local.

Lourdes Moure, concelleira de Seguridade e Daniel Rodríguez, Inspector Xefe da Policía Local asisitiron ás 9 horas desta mañán o inicio das actividades prácticas e teóricas que se desenrolan na pista 1 do Pavillón Municipal. As clases intercalanse coas mulleres divididas en grupos entre prácticas cos monitores e a teoría xurídica sobre lexítima defensa e uso proporcional da forza que imparte o magistrado Juan José Trashorras.

04/05/2019 in Alcaldía, Igualdade, Servizos sociais

Arranca o curso de Defensa Persoal Feminina e Protección Xurídica no Pavillón Municipal

Lembramos que mañán sábado día 4 de maio arrancará o curso de Defensa Persoal Feminina e Protección Xurídica que promove o Concello de Porriño, organizado a través da Xefatura da Policía Local.
As clases serán de catro horas diarias. Mañán comezarán ás 9 h. na pista 1 do pavillón Municipal de Deportes de Porriño. Lourdes Moure, concelleira de Seguridade e Daniel Rodríguez, Inspector Xefe da Policía Local asistirán á apertura das clases.
Por certo, a inscripción non cesou de medrar. Ata este serán chegaba á 132 mulleres, segundo informaron os organizadores.
Para que as sesions sexan máis levadeiras intercalaránse as clases prácticas en grupos de 18 mulleres con cada monitor de defensa persoal coa instrucción xurídica da que se encarga o maxistrado Juan José Trashorras.
O curso consta de catro xornadas e continuará nos restantes sábados de maio ata rematar o día 25.