Novas

O Goberno local continúa coa reforma dos parques infantís: o do Centro Social e Cultural de Atios, que conta cun investimento de 40.000€, estará rematado o mes que vén

O Goberno local segue adiante coa reforma e o arranxo dos parques infantís da vila, que en moitos casos, subliña o concelleiro de Parques e Xardíns, Orlando Márquez, “non se repararan en anos, precisaban xa unha remodelación completa ou estaban xa obsoletos”.

O mes que ven estará en funcionamento o parque do Centro Social e Cultural de Atios, ao que o Concello destina un orzamento de 40.000€ e que contará cunha pista ‘polideportiva’ para a práctica de fútbol, balonmán ou baloncesto; novos bambáns, na zona infantil que “está a ser completamente remodelada” e na que se colocará un moderno chan de caucho para garantir a seguridade das cativas e cativos; e, por primeira vez, un parque de actividade biosaudábel para adultos.

Esta iniciativa, que terá continuidade nas vindeiras semanas noutros parques da vila, súmase ás realizadas no Parque da Urbanización do Sol, no investíronse preto de 22.000€ para  arranxar todos os bambáns, colocar un deles para persoas con diversidade funcional e a instalación dun chan de caucho.

Tamén rematouse hai preto dun ano o do Campo da Feira, que contou cun orzamento de 4.173€; o Parque Lamazares, detrás de Correos, no que se cambiaron os seus elementos investindo 4.655€; o de San Diego, no que ademais colocouse un chan de caucho continuo, logo de facer unha inversión de 1.952€ e o de Torneiros no que, cun investimento de 9.181€, ademais dos distintos xogos, se arranxaron os bancos, as varandas, o valado de madeira e adaptouse para persoas con diversidade funcional.

17/11/2018 in Alcaldía, Parques e xardíns

Veciños da Vaquería cortarán o tráfico na estrada PO-510 para esixir á Xunta a sinalización dunha ‘isleta’ central e pasos peonís para poder cruzar e xirar entre os quilómetros 2,200 e 2,600

Veciñas e veciños do barrio da Vaquería, en Budiño, realizarán cortes de tráfico na estrada PO-510, para esixir, de novo ao Goberno de Galicia, que atenda as súas reivindicacións e que se deseñe unha ‘isleta’ central e pasos peonís entre os quilómetros 2,200 e 2,600.

Así o decidiron este xoves nunha xuntanza, á que acudiu  o tenente de alcalde, Manuel Carrera, e na que aprobaron solicitar permiso para realizar ese corte de tráfico todos os mércores-empezando polo vindeiro, o día 21 de novembro- de 1 a 1 e media da tarde, e denunciar, de novo, que o barrio está dividido por unha liña continua na estrada que fai imposible aos coches xirar para chegar ás casas  ou negocios e cruzar aos peóns que, ante o perigo que supón teñen que andar máis de un quilómetro.

A alcaldesa, Eva García de la Torre, que non puido achegarse hoxe ata a Vaquería, reiterou todo o seu apoio a esta reivindicación e lembrou que “hai xa máis de 6 meses que os responsábeis da Xunta comprometéranse a estudar á proposta dos habitantes desta parte do Porriño para rematar con esta situación e ata hoxe non deron sinais de vida”.

Os veciños amosaron o seu desexo de que na mobilización do vindeiro mércores haxa representantes de todos os grupos políticos do Concello, “porque este é un tema que afecta a toda a veciñanza, que divide a familias e no que temos que estar todos esixindo unha solución que ten que tomarse xa”.

15/11/2018 in Alcaldía

O vindeiro luns, día 19, ábrese o prazo para inscribirse no ‘Campamento de Nadal’ do Concello, financiado pola Deputación de Pontevedra, para rapazas e rapaces de 5 a 12 anos de idade

O Concello do Porriño, a través da Concellería de Igualdade continúa a  mesma liña de actuación que en anos pasados, e “para facilitar a conciliación da vida laboral e familiar das veciñas e veciños”, organiza, de novo, o ‘Campamento de Nadal’, co-financiado pola Deputación de Pontevedra.

O mesmo- que desenrolarase de 9 da mañá a 2 da tarde– abranguerá actividades coma música, obradoiros, xogos, talleres, reciclaxe, animación á lectura e actividades que terán coma fío condutor a igualdade.

O prazo de inscrición para o mesmo abrirase o luns, día 19 de novembro, e non pechará ata o venres, día 30 desde mesmo mes.

A concelleira de Igualdade, Soledad Girón, lembra que poden participar neste campamento as rapazas e rapaces residentes no Porriño que teñan entre 5 e 12 anos -nados entre 2006 e 2013, os dous inclusive– e que as persoas que precisen máis información poden dirixirse ao Centro de Información á Muller, no 3º andar do Concello, ou chamar ao número de teléfono 986 337429.

15/11/2018 in Alcaldía, Benestar, Igualdade

Nenas e nenos, integrantes do ‘Consello Municipal da Infancia’ do Porriño, interveñen no Foro de Participación Infantil do Parlamento de Galicia antes do Pleno Infantil do vindeiro día 20

Representantes do Consello Municipal de Infancia do Concello do Porriño foron convidados a participar no VI Foro de Participación Infantil no Parlamento de Galicia con motivo da conmemoración do ‘Día Universal do Neno’.

É a primeira vez desde que se celebra este foro no parlamento de Galicia da man de UNICEF que conta coa presenza de nenos e nenas de fora de Santiago de Compostela.

Tratouse dunha boa oportunidade para que os representantes no consello municipal de infancia do noso municipio, recoñecido recentemente como Cidade Amiga da Infancia por UNICEF, se achegasen ao espazo no que se toman as decisións sobre as políticas autonómicas, a para que a súa voz fose escoitada mais alá do eido local.

Para esta ocasión a representación do Porriño recaeu en Noa Vázquez Ojea e David Alonso Pérez que como voceiros do CEIP de Atios foron escollidos por sorteo entre os participantes no Pleno Infantil do pasado mes de abril, que estiveron acompañados pola  concelleira de Educación e Xuventude Lourdes Moure Varela, ademais de  por Noelia de la Fuente Pérez, da OMIX do Concello do Porriño, e do director do seu centro educativo, Roberto Devesa Fernández.

A participación neste foro, xunto co Pleno Infantil, previsto para o próximo día 20 de novembro, no Concello,  supoñen unha nova oportunidade para dar relevancia á infancia na axenda pública, reafirmar a vixencia da Convención sobre os Dereitos da infancia e poñer a mirada nos cambios necesarios para que o seu contido sexa realidade para todos os nenos e nenas do Porriño.

15/11/2018 in Alcaldía, Educación e tecnoloxía

A Policía Local leva a cabo a ‘Campaña de Educación Vial’, dirixida a alumnas e alumnos de 6º de Primaria de sete centros de ensino do Porriño

Alumnas e alumnos de 6º de Primaria dos centros de ensino  CEIP de Atios, Cruz Budiño, Santo Tomas , Xosé Fernández López, Antonio Palacios, CEIP da Ribeira e Hermanos Quiroga, recibiron estas semanas a parte teórica da ‘Campaña de Educación Vial’ que, como xa é tradicional, imparte a Policía Local de O Porriño todos os cursos.

Esta actividade divídese en dúas partes: dunha beira, os axentes realizan unha sesión teórica na que falan do seu traballo, das funcións da Policía Local, como contactar coa Policía en caso de necesidade, “salientando sempre a idea de que o policía é o amigo”, ademáis de reforzar o uso correcto do Servizo de Emerxencias 112, subliña o xefe da Policía do Porriño, Daniel Rodríguez.

Logo de resolver todas as dúbidas, as sesións céntranse na educación vial, expoñendo  o uso axeitado  das medidas de seguridade, a importancia de evitar as distraccións ao volante, o comportamento coma viaxeiros, o paso da bici de xoguete ao vehículo, as normas de circulación, o transporte de mascotas, a protección coma peóns ou as medidas especiais de seguridade cando se monta en moto.

 Carné por puntos   

Na parte práctica, os alumnos deberán circular por un circuíto aplicando o que aprenderon nas  clases teóricas, “de feito hai un carné por puntos para cada un no que se reflicten as sancións se non respectan os sinais, as normas de tráfico ou as indicacións dos axentes”. Ademáis, as rapazas e rapaces asumirán, tamén, a función de policías e serán os responsábeis da seguridade vial e dos peóns.

15/11/2018 in Alcaldía, Tráfico

A Biblioteca Municipal do Porriño premiada, de novo, polo Goberno de España

A Biblioteca Municipal, que depende directamente da Alcaldía do Porriño, volveu a ser galardoada nos premios de animación á lectura “María Moliner” que convoca anualmente o Ministerio de Cultura.

Con esta xa son 14 as veces que a biblioteca porriñesa ten sido recoñecida nestes galardóns como unha das 300 mellores bibliotecas do Estado, destacando ademais en anos pasados a obtención do 1º Premio Nacional e dunha Mención Especial.

Este ano soamente catorce bibliotecas galegas, catro delas na provincia de Pontevedra, foron seleccionadas nestes premios, os máis importantes no ámbito bibliotecario de España.

O galardón, dotado cun premio en metálico de 1.700 €, ten por obxecto premiar aquelas bibliotecas que leven a cabo proxectos de animación á lectura en base a criterios como a claridade e o interese do proxecto para a animación lectora, a boa planificación e viabilidade, a orixinalidade e a innovación, ou as actividades de integración social que conteñan as propostas.

A Biblioteca Municipal do Porriño participou no certame co proxecto “A túa biblioteca é + 2018”, unha ampla programación cunha serie de accións e actividades que se desenvolven ao longo de todo o ano, e que están tendo unha gran resposta de público. O proxecto pretende realzar a biblioteca como espazo de aprendizaxe e de inserción, para aumentar o valor social dos servizos bibliotecarios na súa comunidade.

03/11/2018 in Alcaldía

Mercado Ecolóxico, Noite do Calacú e as tapas do Pinchorriño no Porriño

Ao redor de medio cento de expositores instalarán os seus postos este sábado, día 3 e novembro, na zona de San Sebastián e San Benito, co galo da 6º Mercado Porriño Saudable.
 
O Mercado Ecolóxico, foi presentado pola alcaldesa, Eva García de la Torre, o concelleiro de Comercio, Marcelino Coto, os seus organizadores, e os responsábeis da Asociación Veciñal San Sebastián e San Benito que, coincidindo co mercado organizan una nova edición, a 14ª da ‘Noite do Calacú’, para celebrar a festa do Samaín.
 
Marcelino Coto lembrou que este Mercado Ecolóxico é o que estaba previsto para o pasado mes de abril, e que fora aprazado por mor das malas condicións climatolóxicas, e lembrou a súa a importancia “atraendo cada ano a centos de persoas interesadas na vida sa, os produtos ecolóxicos e as propostas dos especialistas que estarán nesta feira”.
 
Coto chamou a atención sobre o feito de que esta cita chega da man doutras dúas moi salientables: o Calacú e o inicio do Pinchorriño, “o que fará que teñamos unha grande cantidade de visitas no Porriño ao tempo que ofrecemos os nosos produtos e amosamos o bo facer dos comerciantes e hostaleiros locais”.
 
As alternativas que poderán atopar as persoas que se acheguen ao Porriño este domingo abranguen dende alimentación, terapias alternativas, cosmética, panadería ecolóxica, cervexa artesán ou batidos de froitas.
 
Os organizadores da Feira, sublimaron que o obxectivo é “fomentar a alimentación e a vida saudábeis, a reciclaxe e o ecoloxismo” por medio dun mercado que é completamente sostible e que ofrece obradoiros para cativos, taller de cabazos, ou castañas asadas.
 
A NOITE DO CALACÚ
Ao mesmo tempo que o Mercado Ecolóxico, no Paseo de San Benito, e da man da Asociación de Veciños de San Benito e San Sebastián, celebrarase a agardada ‘Noite do Calacú’, na que as rapazas e rapaces gozan do Samaín.
 
O pregoeiro deste ano será José Vaqueiro Pazos, quen dirixirase aos asistentes ás 7 da tarde; dará paso, ás 7 e media, ao nomeamento de José e Fita coma cabaleiro e dama do Calacú; ás 8 da tarde empezará o grande desfile do Calacú e ás 8 e media o Gran Magosto de Castañas, viño e auga.
 
Ademáis, como sinalou a presidenta da Asociación de Veciños de San Benito e San Sebastián, ás 5 empezará o obradoiro para nenos e durante toda a tarde a animación estará a cargo da charanga ‘Cantos somos’.
 
A alcaldesa invitou a todos as veciñas e veciños da Área Metropolitana a achegarse ao Porriño e gozar o sábado dunha “oferta variadísima, interesante para todos, que propón algo que debe ser unha prioridade: dunha beira ter unha vida sa por medio dunha alimentación equilibrada e natural e doutra fomentar a diversión, o lecer e a xuntanza entre os veciños”.
 
13ª EDICIÓN DO PINCHORRIÑO
 
37 bares e restaurantes participan este ano- todos os venres e sábados de novembro, de 7 da tarde a 11 da noite-na 13ª edición do Pinchorriño, unha das máis coñecidas citas para os amantes das tapas.
Os ‘tapeiros’ poderán elixir entre propostas coma unha ‘tosta de raxo con roquefort’, pinchos vexetarianos e sen glute… e, ao tempo, participar no sorteo de dúas fins de semana nunha casa de turismo rural.
Os afeizoados ao tapeo teñen todos estes locais onde elixir: Amaquia, A Francachela, Adega de Montero Vinoteca, Argentino 2, Bar Celtiña, Bumba, Café Bar Adèle-que serve tapas sen glute-, Cafetería Alameda, Cafetería El Pincho, Cafetería El Sol, Cafetería O Porriño, Cafetería-Pastelería Seijo, Cafetería Platinum, Cafetería Xuntos, Cólleo con Pinzas, Deja Vu, Don Kebab, El Alambre del Abuelo, El cincuentaicinco, El Patio, El Ultramarino, Hamburguesería Fran, La Bici, La Cueva, La de Chato, La Pantera Rosa-que ten tapas para vexetarianos-, Liceum, Los Milagros Panadería, Maloserá, Mesón Mondariz, Millenium 33, O Xantar de Pepa, Paso a Nivel, Saspi, Scala, Telepizza, e Zentral.
02/11/2018 in Alcaldía, Cultura e festas, Urbanismo, comercio e industria

Actividades formativas gratuitas na Aula CeMIT do Porriño o mes de novembro

A Aula da Rede CeMIT, do concello do Porriño impartirá as seguintes actividades formativas gratuítas no mes de novembro.

Charla: Dálle luz a túa factura. Bono social eléctrico e outras axudas  . 5 de novembro, de 12:00 a 13:30horas

Contidos:

Dálle luz á túa factura pretende facilitar os coñecementos básicos necesarios para comprender a factura eléctrica, para adoitar medidas de aforro no gasto eléctrico e para realizar unha reclamación nos distintos supostos que se poidan presentar en relación á contratación dos servizos prestados polas compañías eléctricas. Centrarémonos ademais, nas tarifas con descontos como son o Bono social (a nivel estatal) e axudas específicas a consumidores vulnerables severos en risco de exclusión social (a nivel autonómico).

Curso: A Administración Electrónica. DNI electrónico. Certificados dixitais. Chave365. Cl@avePIN.

Do 6  ao 9 de novembro. En horario de 09:30 a 12:30horas.

Contidos:

  1. Que é Administración electrónica.
  2. O Certificado dixital e cales son os pasos para obtelo.

III.          Coñecer os trámites electrónicos que ofrecen as Administracións públicas.

  1. Realizar algúns trámites con distintas Administracións.
  2. Chave 365. Cl@lavePIN.

Duración: 12 horas.

Curso: Coñece e disfruta das posibilidades do teu teléfono intelixente.

Os días 19 e 20 de novembro. En horario de 10:00 a 12:00horas.

Contidos

  1. Conceptos básicos
  2. Funcionalidades

III.          Axustes e personalización básica

  1. Aplicacións útiles

Duración: 4  horas.

 

Curso: Sácalle o máximo partido ao teu navegador Google Chrome. Personaliza as súas funcións e a súa configuración

Os días 22 e 23 de novembro. En horario de 10:00 a 12:00horas.

Contidos

  1. Interfaz
  2. Xestión de marcadores

III.          Configuración e personalización

  1. Consellos prácticos.

Duración: 4 horas.

Curso: Sácalle partido á cámara dixital do teu teléfono intelixente.Trucos e consellos.

Os días 26  e 27 de novembro. En horario de 10:00 a 12:00horas.

Contidos

  1. Conceptos básicos
  2. Edita as túas fotos

III.          Crea as túas composiciones

  1. Crea, edita os teus videos.

Duración: 4 horas.

Curso: Seguridade na internet: consellos de prevención e protección

Os días 28 e 29 de novembro. En horario de 10:00 a 12:00horas.

Contidos

  1. Coñecer os riscos que supón a navegación pola Internet.
  2. Tomar as precaucións adecuadas para a navegación. Medidas preventivas.

III.          Coñecer os filtros de control parental e a súa configuración.

  1. Detectar riscos da presenza en redes sociais.

Duración: 4 horas.

As persoas interesadas en realizar algúns dos talleres programados, deberán facer a súa reserva da praza na propia Aula CeMIT, no teléfono 986.338.217 ou ben enviando un correo electrónico a cemit.oporrino@xunta.gal.

30/10/2018 in Alcaldía, Emprego e formación

UNICEF outorga a O Porriño o título de ‘Cidade Amiga da Infancia’

Na reunión celebrada este xoves pasado, 25 de outubro, a Secretaría Permanente do Programa Cidades Amigas da Infancia (CAI), representada por membros pertencentes a UNICEF Comité Español; Ministerio de Sanidade, Consumo e Benestar Social; Federación Española de Municipios e Provincias (FEMP) e o Instituto Universitario de Necesidades de Dereitos da Infancia e a Adolescencia (IUNDIA), acordou galardoar ao Concello de Porriño co Recoñecemento ‘Cidade Amiga da Infancia’ no marco da VIII Convocatoria de Recoñecementos 2018-2022.

UNICEF sinala que “o recoñecemento pon en valor o labor do Concello, en coordinación coas entidades locais e cos nenos e nenas, para liderar o proceso continuo de implementación de políticas e medidas que melloran o benestar da infancia e adolescencia no municipio”.

O do Porriño é xa un dos Gobernos Locales que veñen de situar á Infancia no centro das súas políticas públicas. Na actualidade, o 41% das nenas, nenos e adolescentes que viven en  en España, son veciñas e veciños dunha Ciudade Amiga da Infancia.

O acto formal de entrega deste galardón, terá lugar no Palacio de Exposicións e Congresos de Oviedo, o vindeiro 27 de novembro.

26/10/2018 in Alcaldía