Novas - Páxina 203 de 291

CONCENTRACIÓN DE REPULSA POLO CRIME MACHISTA DE VILLALBA

Eva García, alcaldesa do Porriño presidiu este mediodía a concentración de repulsa polo crime machista acontecido onte en Vilalba. O acto celebrouse diante do Concello, na praza Arquitecto Antonio Palacios coa presenza de veciñas, veciños e representantes dos grupos políticos da corporación municipal de Porriño.
Gardouse un minuto de silencio para repudiar este segundo asasinato por violencia de xénero ocurrido no que vai de ano en Galicia.
A vítima, de nome María, tiña 48 anos e estaba en trámites de divorcio do seu home que a acoitelou e logo aforcouse, a pesares de terse decretada polo xulgado unha orde de afastamento.
Ó longo deste ano 2019, 33 mulleres foron asasinadas, vítimas de violencia de xénero. Dende que hai cómputos, concretamente dende 2003, 1.008 mulleres morreron a mans das súas parellas ou ex-parellas.

22/07/2019 in Alcaldía, Igualdade

O CONCELLO DO PORRIÑO CONVOCA PARA O LUNS CONCENTRACIÓN DE REPULSA POLO CRIME MACHISTA DE VILALBA

O Concello do Porriño convoca este luns, ás doce do mediodía, unha concentración de repulsa por un novo crime machista en Galicia, acontecido onte na localidade lucense de Vilalba.
A vítima, de nome María, tiña 48 anos e estaba en trámites de divorcio do seu home que a acoitelou e logo aforcouse, a pesares de terse decretada polo xulgado unha orde de afastamento.
A concentración ante a casa consistorial, na praza do Concello, acordouse entre a alcaldesa e os voceiros de todos os grupos municipais da corporación porriñesa mediante chamadas telefonicas na naoite do domingo
Tanto Eva García como concelleiros do goberno municipal e os voceiros de PP, EU Son, BNG e UDDL asisitrán á concentración á que se invita a participar a cantos veciños e veciñas o desexen.

Este de Vilalba é o segundo asasinato por violencia de xénero ocurrido no que vai de ano en Galicia. O primeiro caso foi en de Valga en marzo e moi semellante o acaecido en Villalba, En Valga, a vítima María Aboy fue asasinada polo seu marido dun tiro de escopeta e logo o home suicidouse.

Ó longo deste ano 2019 33 mulleres foron asasinadas, vítimas de violencia de xénero. Dende que hai cómputos, concretamente dende 2003, 1.008 mulleres morreron a mans das súas parellas ou ex-parellas.

21/07/2019 in Alcaldía, Igualdade

Isidoro Hornillos ponderou a “enorme calidade” da pista de atletismo durante a visita que compartiu coa Alcaldesa de Porriño

O presidente da Federación Galega de Atletismo, Isidro Hornillos destacou a “enorme calidade” da pista de atletismo que se está a construir no polígono da Granxa durante a visita que efectuou en compañía de Eva García, alcaldesa de Porriño e de David Alonso, concelleiro de Deportes. Hornillos manifestou que “esta pista de tartán é do mellor nivel que actualmente pode haber non só en España senón en Europa” e abogou por “ser ambiciosos para intentar nun prazo razoable de tempo, cubrir a instalación con miras a albergar campeonatos autonómicos e nacionais e tamén para garantir o mellor uso da instalación ó longo do ano”.

A pista de atletismo ten unha corda de 200 metros que é a regramentaria para competicións “indoor” ou pista cuberta con seis calles. E ademáis conta cunha pista central para competicións de velocidade e vallas de 60 metros con oito calles.

Asimesmo o presidente da federación interosouse polo módulo de atletismo que sí estará cuberto e permitirá o adestramento de atletas de diversas especialidades. Hornillos considerou que será “un equipamento pioneiro no sur de Galicia”. A comitiva tamén percorreu as instalacions anexas do Club Atletismo Porriño onde tamén estánse a realizar labouras de axeitamento dos vestiarios asi como das oficinas situadas no piso superior.
Todas estas obras contan cun orzamento de 1 millón de euros a cargo do Plan Concellos 2018/2019 da Deputación Provincial.
A previsión do goberno municipal é que pidan estar rematadas e ser inauguradas àra o vindeiro mes de setembro.

19/07/2019 in Alcaldía, Deportes

Reunión da Alcaldesa coa Comunidade de Augas de Atios

A nova xunta directiva da Comunidade de Augas de Atios visitou hoxe á alcaldesa do Porriño para presentarse e cambiar impresións sobre asuntos comúns.
Eva García de la Torre recibió información dos directivos da Comunidade de Atios sobre o estado da traída e as necesidades que teñen que acometer.
A alcaldesa manifestoulles a disposición do Concello a colaborar con eles mediante axudas económicas e apoio loxístico nas obras que vaian acometer para renovación das conduccións do suministro.

17/07/2019 in Alcaldía

Obradoiros na “SmartPeme” de Porriño para esta semana

Ó longo desta semana terán lugar dous obradoiros na “SmartePeme” de Porriño para que os interesados melloren o uso das novas tecnoloxías, nas instalacións do Multiusos de Torneiros.
Mañá martes o obradoiro tratará de “Pluggings de WordPress para mellorar a túa web”. En horario de sete da tarde ás nove da noite.
O xoves 18, tamén na mesma franxa horaria, impartiráse un obradoiro titulado “Emprego de video nas redes sociais: Youtube”.
Para os interesados (autónomos, emprendedores e microempresas) poden inscribirse: chamando por teléfono ó 886 202 020 ou enviando un correo a oporrino.smartpeme@depo.es

15/07/2019 in Alcaldía, Educación e tecnoloxía, Emprego e formación

O Consorcio de Augas do Louro ven de aprobar o calendario fiscal de 2019

O Consorcio de Augas do Louro ven de aprobar o calendario fiscal para o ano 2019, como unha medida máis de organización na tramitación dos recibos en período voluntario e en período executivo. Establecense as quendas fixando ademais as datas de cargo nas contas bancarias dos usuarios que teñan solicitado o pago mediante domiciliación, para cada un dos bimestres que se aprobarán no que resta de ano.

Segundo informanos o Consosrcio de Augas do Louro, as datas fixadas son:

. DATA INICIO DATA FIN DATA CARGO CONTA
3º BIMESTRE 2019 10/08/2019 10/10/2019 09/09/2019
4º BIMESTRE 2018 10/09/2019 10/11/2019 14/10/2019
5º BIMESTRE 2018 10/09/2019 10/11/2019 14/10/2019
4º BIMESTRE 2019 10/10/2019 10/12/2019 11/11/2019
5º BIMESTRE 2019 10/12/2019 10/02/2020 13/01/2020

No último trimestre de 2019 o Consorcio publicará o calendario fiscal para o vindeiro ano 2020.

15/07/2019 in Alcaldía

PLENO DE ORGANIZACIÓN DA NOVA CORPORACIÓN MUNICIPAL: HABERA SEIS ADICACIÓNS EXCLUSIVAS COAS MESMAS RETRIBUCIÓNS DO 2018

A Corporación Local de Porriño terá catro grupos políticos (PP, PSOE, BNG y EU Son) e un concelleiro polo grupo mixto que será Manuel Carrera. Conforme a lexislación vixente Carrera non pode constituirse en grupo político da UDDL por ter tan só un concelleiro.
Asimesmo determinaronse os voceiros de cada grupo: polo PP, Manuel Alejandro Lorenzo; polo PSOE, Lourdes Moure; polo BNG, Pedro Pereira; por EU Son Porriño, Pedro Ocampo y Manuel Carrera polo grupo mixto.
A sesión tamén determinou por maioría (PSOE, BNG, EU Son e Carrera) a periodicidade dos plenos corporativos que serán mensuais, o último mércores, ás 18 horas. Na semana anterior e tamén en mércores, terán lugar as reunións das comisións municipais informativas. En ambos puntos, o PP abstívose porque entendía mellor celebrar plenos cada dous meses e do mesmo xeito coas comisóns.
Finalmente haberá sete comisións informativas:
Urbanismo, Medio Ambiente, Obras e Infraestructuras
Economía, Fazenda e Persoal
Contas
Seguridade, Policía, Protección Civil e Mobilidade
Parques, Xardíns, Limpeza, Industria e Mercados
Deportes, Cultura, Xuventude e Festas
E finalmenete Servizos Sociais e Igualdade.
En cada comisión o PP terá 4 concelleiros; PSOE, 2; BNG, 1; EU Son, 1 e Grupo Mixto, 1.

O derradeiro punto da orde do día determinaba as adicacións e retribucións do mebros do goberno municipal.
Haberá 6 adicacións exclusivas que corresponden á Alcaldesa Eva García e ós concelleiros Lourdes Moure, Sergio Casal e David Alonso, polo PSOE, e Pedro Pereira e Ana Belén Crespo, polo BNG como resultado do pacto de goberno que está prácticamente negociado entre ambas as dúas forzas políticas.

As retribucións dos membros do goberno municipal serán as mesmas contempladas no Orzamento Municipal en vigor sen o incremento que debería engadirse polo que determina o Real Decreto 24/2018. Ese natiz deu lugar a un debate intenso entre os voceiros do BNG e EU Son.
Finalmente Os votos dos 8 concelleiros do PP e os 2 de EU Son Porriño, derrotaron a proposta que votaban PSOE, BNG e Manuel Carrera.
Deste xeito e ata a elaboración dun novo orzamento Municipal, as retribucións dos membros do goberno serán as mesmas que tiñan en 2018.

12/07/2019 in Alcaldía, Benestar, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Turismo, Urbanismo, comercio e industria, Vías e obras

NO PORRIÑO CREARONSE 35 NOVAS EMPRESAS NO QUE VAI DE ANO

Porriño é o concello co segundo mellor índice de dinamismo empresarial no ámbito da Zona Franca, despois da cidade de Vigo. Segundo datos dese organismo público difundidos esta semana, no que vai de ano en Vigo crearonse 287 empresas. E a continuación é O Porriño o concello con máis sociedades creadas, nada menos que 35 novas empresas, grazas ó seu gran peso industrial cos polígonos de A Granxa e As Gándaras.

Con respecto a outros concellos da área metropolitana, Porriño supera a Nigrán e Redondela que contabilizan 16 y 15 novas empresas respectivamente. Asimesmo Porriño marca unha notoria diferencia en relación con Mos que rexistrou a creación no que vai de ano de 8 empresas.

12/07/2019 in Alcaldía, Emprego e formación, Urbanismo, comercio e industria

A Xunta de Galicia comprometeuse coa Alcaldesa e veciños a presentar en tres meses un proxecto de mellora da seguridade vial na travesía de A Vaquería

A Xunta de Galicia tén de prazo ata o 11de outubro para presentar un proxecto de mellora da seguridade viaria na travesía do barrio A Vaquería, en Budiño, segundo o compromiso adquirido hoxe ante a alcaldesa do Porriño e unha representación vecinal. Nun encontro celebrado en Vigo na sede da Delegación Territorial da Xunta,con Francisco Menéndez, Director da Axencia Galega de Infraestructuras, acadouse ese compromiso.
Segundo explicóu Eva García, despois da reunión de dúas horas de duración, “achegamos posturas entre vecinos de A Vaquería e Xunta de Galicia para unha mellor solución ós problemas de seguridade viaria da travesía da estrada autonómica PO-510 por ese barrio de Budiño”.
A alcaldesa explicou que o Director da Axencia Galega de Infraestructuras aceptou incorporar dúas rotondas, un semáforo con pulsador e sendas para peóns para mellorar a seguridade dos veciños. Cando sexa presentado o proxecto, “os veciños disporán dun período de alegacións para formular as súas aportacións que poidan ser incorporadas co correspondente aval dos técnicos da Consellería”, declarou Eva García.

11/07/2019 in Alcaldía, Vías e obras

ARRANCA A FESTA DE SAN BENITO 2019

Eva García, alcaldesa da cidade invitou a “a todos e todas porriñesas a vir ás Festas da San Benito así como a todos os habitantes da bisbarra e da área metropolitana para que se acerquen a Porriño e veñan a disfrutar con nós” segundo dixo na presentación do programa festivo realizada esta mañán no Concello,

Este serán haberá verbena co grupo “Chastón” a partires das 21,30 horas

Mañá xoves 11, festivo local, Día de San Benito, haberá pasarrúas matinal a cargo da Banda de Música Municipal de Redondela.

Polo serán un concerto da Banda da Escola Municipal de Porriño (20 horas), unha verbena a cargo do grupo “Canela” (21 horas) e outra ás 23 horas con “Kubo”.

O venres 12 os actos comezarán ás 19,30 horas coa actuación da Agrupación San Xurxo de Mosende. Ás 21 horas haberá un concerto de acordeóns da “Argonat Band”. E de noite, dende as 22,30 horas verbena a cargo do grupo M-3.

Os festexos están organizados polo Concello de Porriño en colaboración coa Comisión de Festas de San Benito, cun orzamento que non chega ós 20.000 €uros.

David Alonso, como concelleiro de Festas neste intre, valorou que “o programa que fixemos moi completo é para todas as idades”.

No que atinxe ós actos relixiosos o xoves celebraranse varios oficios e a mediodía a Misa Solemne na Igrexa Parroquial de Santa María. Ó remate da misa, haberá procesión ata a Capela de San Benito e despois a tradicional subasta das uvas do santo e as ofrendas diante da capela.

IMG