Novas

CURSO SOBRE VIOLENCIA DE XÉNERO PARA PERSOAL DAS FORZAS E CORPOS DE SEGURIDADE

Axentes das Forzas e Corpos de Seguridade e profesionais que traballen coas víctimas de violencia de xénero son os destinatarios dun curso promovido polo Concello de Porriño, a través da Policía Local, e co apoio da Secretaría de Estado de Igualdade.
O curso incidirá en moi variados aspectos: dende como tén que ser a primeira actuación policial ante un suposto de violencia de xénero, o posterior seguimento dun caso a través das ordes de protección ás víctimas e afastamento dos agresores, ata os novos tipos de violencia de xénero en formato dixital e a través dos dispositivos móbiles.
As clases desenvolveránse no Centro Cultural Municipal de Porriño, entre o luns 6 ata o venres 10 de maio. A inscripción pódese realizar a través do email, no enderezo electrónico administracion.policialocal@oporrino.org
No curso participarán como instructores dende responsables policiais ata profesionais do mundo de Dereito. Entre os relatores están anunciados Santiago Martínez, Oficial da Policía Local de Vigo; José Manuel Alonso Regueiro, xefe da Unidad de Atención á Familia e á Muller da Comisaría de Vigo, a maxistrada Belén Rubido, xuiza decana de Pontevedra e titular do Xulgado Penal nº 4 e Juan Sagredo, fiscal coordinador da área de Vigo.

22/04/2019 in Alcaldía, Igualdade, Servizos sociais

Xa hai 25 mulleres inscritas no curso de defensa persoal feminina e protección xurídica que está a organizar o Concello

O Concello de Porriño xa está a recoller inscripcións para o curso de defensa persoal feminina e de protección xurídica, prantexado para mulleres de calquera idade, que se impartirá durante catro sábados do mes de maio, a partir do día 4. Neste intre xa hai 25 mulleres inscritas, segundo informou a Policia Local.
As interesadas poden realizar a súa inscripción directamente no Concello, tamén no Pavillón Municipal de Deportes, no Ximnasio Jovhen Sport ou ben por e-mail no enderezo electrónico: administracion.policialocal@oporrino.org
As prazas son ilimitadas. De tal xeito que inicialmente estáse a prever que as clases de defensa persoal impartiránse no ximnasio “Jovhen Sport” pero se a afluencia de mulleres é maior, pasarían ó Pavillón Municipal.
A instrucción sobre técnicas e chaves para defensa persoal ás mulleres serán desenroladas por axentes da Policía Local e profesores especializados. E a información sobre protección xurídica será impartida polo maxistrado Juan José Trashorras, titular do Xulgado Penal número 1 de Pontevedra. No seu caso o maxistrado explicará ás mulleres participantes as diferencias entre lexítima defensa, o medo insuperable e o uso proporcional da forza.
A idea deste curso parte da Policía Local de Porriño. Financiase cos fondos do Pacto de Estado contra a Violencia de Xénero, tramitados a través da Secretaría de Estado de Igualdade.

22/04/2019 in Alcaldía, Igualdade, Servizos sociais

A POLICIA LOCAL DE PORRIÑO CAZOU A UN CONDUCTOR QUE MULTIPLICABA POR 7 A TAXA DE ALCOHOLEMIA E OUTRO QUE DEU POSITIVO EN TODAS AS DROGAS

A Policía Local de Porriño informa de diversas actuacions de control do tráfico e da seguridade desenroladas nestes últimos días que deron como resultado a instrucción de dilixencias contra varios conductores por positivos, nalgún caso espectaculares, tanto por inxesta de alcohol coma por consumo de drogas.

Unha dotación da Policía Local de Porriño instruiu dilixencias a un conductor que presentaba una taxa de alcohol que multiplicaba por sete a legalmente permitida e tamén contra ó piloto dun ciclomotor que daba o cuádruplo da taxa permitida no seu caso.

Segundo informa Daniel Rodríguez, Xefe da Policía Local, as patrullas e controis que realizan os axentes deparan “unha media de 10 alcoholemias positivas ó mes, entre as que se denuncian por vía administrativa e as que se instruen por via xudicial”.

No que atinxe a positivos de detección de drogas na conducción, “son menos, ó redor dunha media de 4 ó mes”; sinalou o Xefe da Policía Local. Ainda que ás veces hai casos tan rechamantes coma un conductor detectado nun control que deu positivo en todalas drogas: heroína, anfetamina, metanfetamina, MDA, cocaína e cannabis. O conductor en cuestión fora denunciado e sancionado cunha multa de 1000 euros e retirada de seis puntos do carnet de conducir.

Por último no resumo de actuacions destas últimas datas, a Xefatura da Policía Local de Porriño informou que detiveron dúas personas, unha delas fuxida da Xustiza e requerida por un Xuzgado de Madrid e a outra detención vencellada cun caso de violencia de xénero.

20/04/2019 in Alcaldía, Tráfico

CONCLUIDA A VIAXE DO GRUPO DE ESTUDANTES FRANCESES DE INTERCAMBIO CON PORRIÑO

A comitiva de 16 estudantes franceses procedentes de Fronçac que visitaron Porriño durante unha semana concluiron hoxe sábado a súa presenza en Galicia e retornaron a mediodía por vía aérea, dende Oporto, ó seu país.
Tratábase da viaxe de devolución de visita á que fixeron previamente a Fronçac alumnos porriñeses do IES Ribeira do Louro e dos colexios “Hermanos Quiroga” e “Santo Tomás”, concretamente o ano pasado. Estas actividades desenrolanse ó abeiro do acordO de irmandamento que suscribiron o Concello de Porriño e a vila de Fronçac.
A xeito de despedida, na tardiña do venres, a comitiva de estudantes mailos profesores acompañantes e as familias que lles acolleron estes días participaron nunha recepción ofrecida polo Concello de Porriño. E como lembranza fixeron o posado que recolle a imaxe adxunta.


Orlando Márquez, concelleiro do goberno municipal foi o anfitrión debido a una indisposición da alcaldesa Eva García que disculpou a súa ausencia.
Na semana que a comitiva francesa permaneceu entre nós, coñeceron Santiago de Compostela; varias industrias do sector da pedra dos polígonos de Porriño; fixeron un treito do Camiño Portugués dende Tui e recibiron no rocódromo do Polideportivo Municipal unha clase escalada a cargo do alpinista Jesús Martínez Novas.

20/04/2019 in Alcaldía, Cultura e festas, Educación e tecnoloxía, Turismo

O CONCELLO ADQUIRE UN LOCAL NA RÚA FERNÁNDEZ LÓPEZ PARA AULA DA UNED EN PORRIÑO

O Concello de Porriño vén de adquirir esta semana un local de 260 metros cadrados na rúa Fernández López, nº 2 para radicar a aula da UNED que terá esta vila, dando cumprimento ó acordó plenario adoptado pola Corporación Municipal en maio de 2018.
A alcaldesa Eva García de la Torre firmou nunha notaría da cidade a escritura de compra-venda o pasado martes 16. O importe da operación é de 276.342 euros.
O Concello afrontou ese desembolso a través dunha operación de tesorería despois de vender varias parcelas municipais.
“A opción do aluguer dese local desestimouse pola previsible permanencia no tempo das actividades que vanse desenrolar e ademáis fronte á posibilidade de adquirir patrimonio para o Concello”, manifestou a alcaldesa de Porriño.
“A elección deste local na rúa Fernández López responde a súa ubicación estratéxica, ó carón do Centro Cultural Municipal e da Biblioteca o que permite un mellor aproveitamento e sinerxias entre eles” “E tamén cumprir co mandato do acordo plenario que demandaba que fose un local no centro do casco urbán” suliñou Eva García.
Conforme ás xestions realizadas polo Concello coa dirección da UNED e cos presidentes dos Polígonos Industriais de Porriño, a futura aula comprenderá o curso de acceso a maiores de 25 anos á Universidade así como o establecemento de cursos de formación e capacitación para prácticas en empresas.
O futuro aproveitamento do local xa está deseñado polos técnicos municipais conforme o proxecto elaborado do que mostramos dúas imaxes.

17/04/2019 in Alcaldía, Cultura e festas, Educación e tecnoloxía

A ALCALDESA DE PORRIÑO NEGA A SUPOSTA DESATENCION QUE DENUNCIAN AFECTADOS POLAS CANTEIRAS DE ATIOS E LEMBRA A MEDIACION EFECTUADA ENTRE AS PARTES

O Concello de Porriño ten intermediado entre os afectados das canteiras de Atios e a firma Pocasa mediante sendas reunions que recentemente mantivo a alcaldesa Eva García con ambalasdúas partes na casa cosnsitorial. De tal xeito que a alcaldesa nega “a suposta desatención que denuncian os veciños de Atios” que os afectados alegan coma un dos motivos para próximas movilizacions.
Eva García de la Torre lembrou que “na reunión habida hai uns días facilitei ós representantes dos afectados toda a información sobre os expedentes que obran neste Concello e recomendeilles que puxeran o asunto da reclamación da débeda de “Pocasa” en mans dun bufete e que o Concello de Porriño axudaríalles a sufrar eses gastos xurídicos”. “E paralelamente esta Alcaldía instou noutra reunión a “Pocasa” a que pague a débeda que tén cos afectados de Atios conforme a pericial que se fixo na etapa do anterior alcalde Nelson Santos”, engadiu Eva García.
Co respecto ó proxecto de restauración da canteira Vilafría, a alcaldesa sinalou que “O Concello de Porriño atópase ante un procedemento regrado que conta cos informes favorables técnicos, entre eles sinaladamente da Xunta de Galicia, e polo tanto esta administración municipal non pode prohibir esas obras”.
Por último, en relación ás protestas e movilizacions que anuncia a Asociación de Afectados, a alcaldesa limitouse a sinalar que “no eido do máximo respeto ó dereito de manifestación de cada quen, faríalle ver ós veciños que o Concello non é o responsable e que por tanto estarían a petar na porta errada”.

17/04/2019 in Alcaldía, Urbanismo, comercio e industria, Vías e obras

A COMITIVA DE ESTUDANTES FRANCESES DE INTERCAMBIO CON PORRIÑO VISITARON HOXE EMPRESAS SENLLEIRAS DO SECTOR DA PEDRA

Esta mañán a comitiva de 16 estudantes franceses máilos profesores acompañantes visitaron as instalacions das empresas “Blokdegal” e “Granilouro” para coñecer de primeira mán a importancia do sector da pedra na economía e na industria porriñesa. Trátase doutra das actividades culturais, de ocio e deportivas organizadas polo Concello de Porriño en colaboración co IES Ribeira do Louro e os colexios Santo Tomás e Hermanos Quiroga para este grupo de estudantes de intercambio procedentes da vila francesa de Fronçac que están entre nós dende o pasado domingo.
O mércores no horario matinal terán una actividade na sála “Ingrávida” cunha presentación de curtas rodados en Francia e de tarde recibirán unha clase de escalada no rocódromo do Polideportivo a cargo do alpinista Jesús Martínez Novas.
O xoves realizarán un treito do Camiño Portugués, entre Tui e Porriño en compañía das familias porriñesas que lles están a dar aloxamento. E o venres 19, a alcaldesa Eva García ofreceralles unha recepción no Concello coma despedida antes de que emprendan o día seguinte a viaxe de volta ó seu país.

16/04/2019 in Alcaldía, Educación e tecnoloxía, Turismo

Concello de Porriño celebra que Patrimonio desbloquee a reconstrucción da capela de San Campio en Pontellas que se iniciará cunha subvención municipal de 50.000 euros

Eva García, alcaldesa de Porriño vén de recibir notificación da Dirección Xeral de Patrimonio da Xunta de Galicia que comunica que levanta a cautela que establecera meses antes e que, polo tanto, por fin autoriza a reconstrucción da capela de San Campio, na parroquia de Pontellas.
Deuse a coincidencia de que o Concello de Porriño recibiu a notificación de Patrimonio xusto na mesma tarde que ocurría o gravísimo lume que afectou onte a catedral parisina de Notre Dame. Como no caso do templo francés, en Pontellas a capela de San Campio resultara gravemente afectada por un lume que se declarou na tarde do 16 de xullo do ano pasado, en plenas festas patronais. As lapas destruiron o teito e a estructura interior da capela e tamén bancos e algunhas das tallas religiosas.
Eva García agarda que as obras poidan acometerse o máis cedo posible para o que compre resolver o proxecto de reconstrucción que financiou o Concello de Porriño que ademáis aporta unha subvención de 50.000 euros que xa comprometera a alcaldesa cos vecinos e o párroco de Pontellas.
A ermita de San Campio, datada en 1838, “ten un valor moi importante para o patrimonio cultural e histórico de Porriño polo que a súa recuperación resulta primordial para este goberno municipal”, sinalou Eva García.

16/04/2019 in Alcaldía, Cultura e festas

APRAZADA A FESTA INFANTIL DO MÉRCORES 17 DEBIDO Á MALA PREVISIÓN METEOROLÓXICA. ADIASE Ó SÁBADO.

O Concello de Porriño informa do aprazamento da Festa Infantil que dentro da programación do Abril Cultural ía celebrarse pasado mañán mércores 17. Á vista da mala previsión meteorológica para ese día, decidiuse adiar ó sábado 20 de abril.

A Festa Infantil celebraráse na Praza Arquitecto Antonio Palacios a partir das 17,30 horas co programa previsto de música, globoflexia, pintacaras e Os Minion.Tratase dun espectáculo patrocinado pola Deputación Provincial de Pontevedra.

15/04/2019 in Alcaldía, Cultura e festas

Perto de 40 traballadores incorporanse á plantilla municipal grazas á subvención concedida a Porriño polo Plan Concellos 2019 da Deputación Provincial

Perto de 40 traballadores contratados por catro meses grazas á subvención outorgada a Porriño pola Deputación Provincial ó abeiro do Plan Concellos 2019, están a reforzar dende estas semanas á plantilla municipal.
Trátase de contratacions da chamada “Liña 3” do antedito Plan Concellos adicada a “Emprego para a conservación e funcionamiento dos bens e servizos municipais”.
A coantía da subvención que recibe o Concello de Porriño é por un importe de 254.058 euros.
Os postos solicitados e que se cubren son moi diversos. Dende unha auxiliar de enfermería para a Unidade de Atención a Drogodependentes; duas prazas de conserxes, varias de oficiais de electricidade, fontanería e outros servizos do departamento de obras municipais, pasando por dous técnicos de arquivo e ata 21 prazas para peons de limpeza, traballos forestais e obras.
A meirande parte dos contratados incorporaronse hoxe luns ó seus postos.

15/04/2019 in Alcaldía, Emprego e formación