Turismo

A alcaldesa asistirá á lectura do pregón inaugural da IV Feira do Pan do Porriño

Eva García confirmou ós organizadores da IV Feira do Pan do Porriño que mañan sábado asistirá á lectura do pregón inaugural do certame na praza de San Benito, a partir das 12 horas. A Alcaldesa xa participou esta mesma semana na presentación provincial do evento que tivo lugar na sé de “Turismo Rías Baixas”, en Pontevedra, co amparo da Deputación Provincial.

No día de hoxe rematará a montaxe dos 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas aínda que o pregón inaugural será a mediodía a cargo de Carlos Alvarez.

Durante o sábado a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor. Habilitarase tanto o sábado como o domingo unha carpa na Feira para que o público que o desexe poida xantar alí.

De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.

31/05/2019 in Alcaldía, Cultura e festas, Turismo

“TURISMO RIAS BAIXAS” INVITA A ACUDIR ESTE PRÓXIMO FIN DE SEMANA Á IV FEIRA DO PAN DO PORRIÑO

Santos Héctor, deputado delegado de Turismo, no nome da Deputación de Pontevedra invitou a todos cantos poidan acudir á IV Feira do Pan do Porriño que terá lugar os vindeiros días 1 e 2 de xuño. Este mediodía celebrouse en Pontevedra, na sé de “Turismo Rias Baixas” a presentación a nivel provincial deste certame que complementou a presentación previa que se fixo no Concello de Porriño o pasado 20 de maio. A esta comparecencia en Pontevedra asistiu Eva García, alcaldesa de Porriño, que lembrou que dende a súa chegada ó goberno municipal “prestamos o noso apoio á ACIPOR e ós panadeiros para celebrar este evento que serve de referencia”.
“Quero dicir que ademáis do que Porriño significa industrialmente, económicamente e culturalmente, o pan de Porriño é unha seña de identidade e a nosa obriga era darlle o lugar que merece”, engadiu a alcaldesa.


Lembremos que haberá 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas, na praza de San Benito, aínda que o pregón inaugural será a mediodía a cargo de Carlos Alvarez. Ese mesmo día, a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor.
Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.
O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
Con este certame Porriño volve a reivindicarse como “a capital galega do pan” mentres agarda pola certificación de orixe pois aínda segue en tramitación pola Xunta de Galicia o rexistro da marca ‘Pan de Porriño’ que agardan os panadeiros locais.

29/05/2019 in Alcaldía, Cultura e festas, Emprego e formación, Turismo

A sede de “Turismo Rías Baixas” en Pontevedra acollerá a presentación a nivel provincial da IV Feira do Pan do Porriño

Deputación de Pontevedra, a través do organismo “Turismo Rías Baixas” acollerá mañan mércores 29, unha nova presentación da IV Feira do Pan do Porriño que terá lugar os vindeiros días 1 e 2 de xuño. Trátase dunha acción informativa de ámbito provincial que complementará a presentación previa que se fixo no Concello de Porriño o pasado 20 de maio. A esta comparecencia en Pontevedra asistirán Eva García, alcaldesa de Porriño, Santos Héctor, deputado provincial delegado de Turismo e representantes da patronal local ACIPOR e do sector de panaderías de Porriño.


Lembremos que na IV Feira do Pan que apoia o Concello haberá 16 stands que acollerán ás oito panaderías de Porriño así como a diversas marcas e produtos convidados. Abrirán o sábado 1 de xuño ás 10 horas, na praza de San Benito, aínda que o pregón inaugural será a mediodía a cargo de Carlos Alvarez. Ese mesmo día, a Feira albergará un “show cooking” mediante maridaxes de pan de Porriño con diferentes produtos en diversas posibilidades culinarias a cargo do centro EFA A Cancela de As Neves”, segundo comentou a presidenta de Acipor.
Habilitarase tanto o sábado como o domingo unha carpa na Feira para que o público que o desexe poida xantar alí.
De novo a Feira do Pan do Porriño celebrará un certame alcumado “Empanadas no Ring” que tivera moita sona cando incorporouse o ano pasado.
O domingo 2, Acipor e os panadeiros porriñeses propoñen que todos os veciños e veciñas dispostas acudan a un almorzo “Brunch” con Pan do Porriño (prezos: 5 € adultos; 3 €, infantil). Tamén na última quenda da Feira terá lugar a “Cata de pans convidados” na que se medirán pans de Porriño, Cea, da Moa, Fisterra e o portugués Broa de Avintes.
Con este certame Porriño volve a reivindicarse como “a capital galega do pan” mentres agarda pola certificación de orixe que “aínda segue en tramitación e agardemos que non demore moito máis o rexistro da marca ‘Pan de Porriño’ que estamos a xestionar ante a Xunta de Galicia”, segundo manifestou José Manuel Fernández, no nome dos panadeiros locais.

28/05/2019 in Alcaldía, Cultura e festas, Turismo, Urbanismo, comercio e industria

XVI FESTIVAL DE CANS: esta noite “procesión de chimpíns”, proxección de apertura no Círculo e outras actividades na praza do Concello

Hoxe xoves, na segunda xornada do Festival de Cans, a meirande parte da actividade de tarde e noite concentrase no entorno do Concello. A partir das 19 horas chegarán a banda de gaitas“Os Zoqueiros” para amenizar a icónica “procesión de chimpíns” que sairá coa comitiva oficial de autoridades e invitados, dende a praza Arquitecto Antonio Palacios. Despois dun percorrido por diversas rúas, a procesión de chimpíns rematará no Círculo Recreativo Cultural onde terá lugar (20 h.) a proxección de “Eroski Paraíso”, coa presenza de Jorge Coira e Xesús Ron, directores da cinta, elenco de actores e outros membros do equipo técnico. No reparto de este filme figuran Miguel de Lira, Patricia de Lorenzo e Cris Iglesias.


Tamén na praza do Concello concentraranse outras actividades como a gastronómica “Tapas de cine”, concurso de videoclips coa presentación de 19 traballos, e de remate un concerto a cargo de “Aries”, novo proxecto musical de Isabel Fernández Reviriego, a partir das 23,30 horas.

23/05/2019 in Alcaldía, Cultura e festas, Turismo

A Federación Galega de Automobilismo e a Escudaría Rías Baixas louvan o apoio do Concello de Porriño co 53º Recalvi Rallye Rías Baixas

Iván Corral, presidente da Federación Galega de Automobilismo e Fernando Mouriño, máximo responsable da Escudaría Rías Baixas louvaron o apoio do Concello de Porriño ó Rallye Rías Baixas que se celebrará os vindeiros días venres 17 e sábado 18. O 53º Rallye Recalvi Rias Baixas é unha proba valedeira para o Campionato Galego de Rallyes. Terá un trazado de máis de 250 kilómetros dos que 110 serán cronometrados.

Esta proba icónica do automobilisimo español e galego presentouse na praza Arquitecto Antonio Palacios coa presenza de Eva Garcia de la Torre, alcaldesa de Porriño, de Lourdes Moure, concelleira de Seguridade; Daniel Rodríguez, Inspector Xefe da Policía Local e Julio Bernárdez, responsable do Servizo de Deportes do Concello.


A proba, que un ano máis terá Porriño como centro neurálxico, reunirá 153 pilotos inscritos que farán a verificacións administrativas e técnicas na praza do Concello de Porriño a partir das primeiras horas do venres. E ó longo do sábado faranse dous reagrupamentos dos vehículos participantes despois dos tramos cronometrados. Un deles a Baixada de Chenlo, moi espectacular, reunirá coma sempre moitísimo público.
Daniel Rodríguez, Inspector Xefe da Policía Local solicitou ós espectadores que “fagan caso das recomendacións dos 400 voluntarios da organización que velarán pola súa seguridade”.
Precisamente o presidente da Federación Galega de Automobilismo agradeceu “ós precursores e tamén ás novas xeneracións que estades a incorporarvos á organización, o voso esforzo. Sen vos sería imposible acometer unha proba tan complexa. Quería subliñar ese recoñecemento no nome dos milleiros de siareiros ó automobilismo do noroeste de España que acoden a ver este rallye”, dixo Iván Corral.
Pola súa banda Fernando Mouriño agradeceu “de xeito moi especial” a colaboración do Concello de Porriño coa organización da proba, “non só a importantísima achega económica senón tamén a cooperación loxística, fundamental para nós”, segundo recoñeceu o presidente da escudaría organizadora.
Finalmente Eva Garcia de la Torre sinalou que “tocoume a min pero calquera outro que estivera no meu posto na Alcaldía, tería colaborado do mesmo xeito pola importancia deste Rallye, polo vencellado que está con Porriño e porque, ó fin e ó cabo, Porriño é alcumado O Concello do Deporte por razóns dabondo”, dixo a alcaldesa.

15/05/2019 in Alcaldía, Deportes, Turismo

A PRAZA DO CONCELLO ACOLLERÁ A PRESENTACIÓN DO 53º RALLYE RIAS BAIXAS

A praza Arquitecto Antonio Palacios acollerá mañán martes 14 a presentación da 53ª edición do Rallye Rías Baixas que un ano máis terá a Porriño como centro neurálxico.
Ás trece horas faráse diante da casa consistorial una roda de prensa con asistencia de Eva García de la Torre, alcaldesa de Porriño; Lourdes Moure, concelleira de Seguridade; Daniel Rodríguez, Inspector Xefe da Policía Local, Julio Bernárdez, responsable do Servizo de Deportes do Concello e por outra banda, Fernando Mouriño, presidente da Escudería Rías Baixas e outras persoas do staff da organización, para detallar os aspectos deportivos e de intendencia desta edición.
O 53º Rallye Recalvi Rias Baixas é unha proba valedeira para o Campeonato Galego de Rallyes. Terá un trazado de máis de 250 kilómetros dos que 110 serán cronometrados.
O Concello de Porriño colabora un ano máis co Rallye, non só como un dos copatrocinadores, senon tamén cun importantísimo apoio loxístico xa que na nosa cidade terán lugar as verificacións técnicas e administrativos así como os distintos reagrupamentos despois dos tramos cronometrados.

13/05/2019 in Alcaldía, Deportes, Turismo

Este domingo Porriño acolle a proba ciclodeportiva “Xarotos Gran Fondo”, a festa gastronómica dos “Cachos” e a última xornada da Feira do Libro

A proba ciclodeportiva “Xarotos Gran Fondo”, organizada polo clube “Máster da Louriña” e patrocinada polo Concello de Porriño e Deputación Provincial, contará finalmente cunha inscripción de 350 participantes. O dorsal número 1 será para o ex-ciclista profesional Gustavo Rodríguez, actualmente adicado ó triatlón, que nesta edición recibirá unha homenaxe especial polos organizadores.


A proba partirá dende o Concello de Porriño onde estará tamén a liña de meta. Cubrirá unha distancia de 130 kilómetros dos que 83 serán cronometrados. Tamén haberá outras duas probas complementarias de medio fondo e mini fondo sobre distancias de de 95 km e 71km, respectivamente que reunirán perto de 200 participantes.
A alcaldesa Eva García realizará a entrega de maillots e premios ós gañadores das diferentes categorías, ó termo da competición.

Por outra banda na mesma praza Arquitecto Antonio Palacios continuará e rematará este domingo a IV Feira do Libro que conta con 8 stands de librarías. Hoxe haberá tamén cinco presentacións de libros entre os que destaca Ledicia Costas que firmará exemplares da súa última obra, “Infamia e outros libros”. A Feira do Libro de Porriño pechará ás 21 horas.

E finalmente hoxe domingo 12 de maio tamén terá lugar a festa gastronómica dos “Cachos”. Organizan a Asociación de Hostaleiros do Porriño e a Asociación Veciñal San Benito e San Sebastian, coa colaboración do Concello do Porriño.
Segundo relata a web del departamento de Cultura do Concello de Porriño, a historia deste evento festivo ven de lonxe.
“Remóntase á resistencia porriñesa para evitar a entrada dos franceses na vila. Para conmemorar aquel momento histórico levantouse un cruceiro en Porriño e, ao redor del, foi crecendo un barrio que se converteu nun dos máis emblemáticos da localidade. Honrando ao Cristo dos Afligidos comezou a celebración dunha festa en maio e aos elementos relixiosos fóronse sumando outras actividades de lecer, entre elas, a parte gastronómica coas centolas como protagonistas; un marisco que aquí chaman “cachos” como se coñece desde entón ao propio barrio. Esta festa foi gañando fama nos arredores, con todo, a principios dos 80 fóronse perdendo seguidores, ata desaparecer. Hai uns anos, e grazas ao apoio da Administración, os veciños recuperárona e para que non volva desaparecer, edición tras edición, esfórzanse por ter unha programación máis atractiva”

Haberá “cachos” (centolas), ademais tamén se poderán degustar polbo, rosca, rosquillas, pan e viño, a partir de mediodía como poden ver na imaxe do cartel que adxuntamos.

11/05/2019 in Alcaldía, Benestar, Cultura e festas, Deportes, Educación e tecnoloxía, Turismo

A Alcaldesa de Porriño declárase “encantada de compartir nun ano moi especial” a presentación do Festival de Cans que cumpre 16 edicións

Eva García de la Torre abriu as intervencións das autoridades e representantes dos patrocinadores públicos e privados do Festival de Cans que hoxe presentouse na Casa do Cid. A alcaldesa de Porriño declarouse “encantada de estar aquí e compartir con vos esta presentación nun ano que é moi especial pola concesión ó Festival de Cans do Premio da Cultura Galega”.
Eva García lembrou “tiven ocasión de estar na entrega do galardón cos responsables do festival e unha nutrida representación da veciñanza desta parroquia que o fan posible cada ano coa súa colaboración e implicación e para mín foi un dos días máis felices deste mandato como alcaldesa”.

O Concello de Porriño mantén a súa achega de 20.000 euros ó Festival de Cans, renovada de xeito recente mediante convenio coa asociación cultural “Arela”, organizadora do evento. A aportación municipal que fora incrementada no 2018 polo goberno municipal que preside Eva García, supón reeditar a maior achega económica do Concello ó longo da historia do Festival de Cans.
O apoio do Concello non se reduce a esa subvención senón que ademáis é loxística xa que diversas concellerías cooperan para resolver cuestións de Seguridade, tráfico, Limpeza, Vías e Obras vencelladas ó desenrolo do festival.

A XVI edición do festival de Cans comezará o mércores 22 de maio. Este ano haberá 15 curtametraxes a concurso na sección oficial e de xeito paralelo unha intensísima actividade de mesas redondas e coloquios.Entre eles, de xeito sobranceiro, co director Rodrigo Sorogoyen e os organizados pola Fundación AISGE. Entre os actores e actrices que pasarán pola parroquia porriñesa citar a Leonor Waitling, Isabel Blanco, Miguel de Lira, Mariana Carballal, Raquel Espada e Carlos Blanco que recibirá o Premio “Pedrigree” en recoñecemento a súa traxectoria.
Suliñar asimesmo as actuacións musicais entre as que destacan “Marlango” (venres 24 ás 20.30 h.) e o Gran Wyoming e o seu grupo “Los Insolventes” que tocarán no concerto de peche, na medianoite do sábado 25.

07/05/2019 in Alcaldía, Cultura e festas, Turismo

CONCLUE “O PORRIÑO STREET FOOD”

Esta noite conclue “O Porriño Street Food”, evento que trouxo un ambiente de animación extraordinario ao combinarse coas diversas actividades de lecer que se desenrolaron ó longo dos tres días.


No espazo que ocupou entre a rúa peonil e a praza do Concello, congregou unha seleccionada oferta gastronómica, música en directo e un mercado con expositores de Porriño e bisbarra.
Deste xeito Porriño incorporouse a unha tendencia cada vez máis extendida que demanda estas novas fórmulas que reúnen comercio non convencional, ocio e gastronomía en espazos abertos o que se evidenciou nunha altísima presenza de público da área metropolitana.
Os seis camions con cociñas sobre rodas participantes foron os pontevedreses “Mean Dogs e “Crepes & Roll”; “Faiscas”,“Matafame” e “Gale-Truck” (todos eles de Ourense) e “Rock & Dog” (de León).
Os “food trucks” “ofreceron propostas gastronómicas suculentas e orixinais coma hamburguesas premium, bocadillos gourmet, tapas orixinais, cociña
vegana, crepes e gofres artesás e cervexas de autor.


A oferta gastronómica estivo complementada dende o venres pasado por diversas actividades musicais e de animación infantil que reflexamos nas fotografías que acompañan esta información.


A organización estivo a cargo da OMIX de Porriño e a empresa de eventos “Galicia Street Food”.

05/05/2019 in Alcaldía, Cultura e festas, Turismo

Porriño será a capital do ciclismo pontevedrés durante as vindeiras semanas coas probas “Xarotos” e “Challenge Rías Baixas” que reunirán perto dun milleiro de participantes

A cidade de Porriño converteráse na capital do ciclismo pontevedrés durante as vindeiras semanas ó reunir a perto dun milleiro de participantes nas probas que organiza o club ciclista “Master da Louriña”. Unha de elas, a “Xarotos Gran Fondo” co patrocinio do Concello de Porriño e Deputación Provincial, definese como “proba ciclodeportiva” que se disputará o domingo 12 de maio.
Para a “Xarotos” agardánse más de 500 ciclistas, segundo estimación dos organizadores. Na categoría absoluta disputaráse sobre unha lonxitude de 130 kilómetros dos que 83 serán cronometrados. Tamén haberá outras duas probas complementarias de medio fondo e mini fondo sobre distancias de de 95 km e 71km, respectivamente. A saida será dende a praza do Concello de Porriño. O percorrido de cada unha das tres modalidades será neutralizado os primeiros 19km de cada opción e os últimos 28 km serán sen cronometraxe.
O outro evento organizado por “Master da Louriña” é a “Challenge Rias Baixas” que cumprirá a súa terceira edición. Tratase dunha proba para categorías xuvenil e “master” homologada pola Federación Galega, conta cos patrocinios dos Concellos de Porriño, Mos e Ponteareas e terá lugar o fin de semana do 22 e 23 de xuño.
“Ambas competicions movilizarán en total un milleiro de ciclistas de Galicia, Asturias, Castela e Norte de Portugal que converterán Porriño no epicentro destes eventos que dende a Federación Galega de Ciclismo valoramos moitísimo e agradecemos a colaboración dos concellos pola súia sensibilidade para con noso deporte”, sinalou Juan Carlos Múñiz, presidente federativo.
A alcaldesa Eva García manifestou a súa satisfacción “polo movemento económico, a dinamización social e o ambiente que suporán estas probas para a hostelería e comercio de Porriño” que ademáis “volve a reinvidicase como O Concello do Deporte”.


Na presentación das probas tamén estiveron presentes a concelleira de Turismo de Mos e o concelleiro de Deportes de Ponteareas e o ciclista profesional Gustavo Rodríguez, excorredor do equipo galego “Xacobeo” e hoxe en día adicado ó triatlón. Está piques de participar o vindeiro sábado no Mundial de Triatlón de Longa Distancia que se celebrará en Pontevedra.
A organización das probas decidiu render unha homenaxe a Gustavo quen recibiu de mans do presidente do club “Master da Louriña”, Juan José Alvarez Cerdeira, un maillot especial e anunciou que será o anfitrión e referente destes eventos.

30/04/2019 in Alcaldía, Deportes, Turismo, Urbanismo, comercio e industria