Tráfico

O Ministerio de Fomento da luz verde á cesión do tramo da N-120 en Cans pedida polo Concello do Porriño

Eva García, alcaldesa de O Porriño solicitará á Demarcación de Estradas do Estado en Galicia unha entrevista para abordar a inminente cesión ó Concello do tramo da N-120 ó seu paso por Cans, unha vez que o Ministerio de Fomento manifestou por carta a súa disposición de “abordarla satisfactoriamente”.
A cesión solicitouse en 2015 por acordo da Corporación Municipal porriñesa, a instancias da veciñanza de Cans que recolleu firmas e trasladou a proposta ó enton concelleiro de Obras, Marcelino Coto.
Recentemente, o pasado 11 de setembro, a alcaldesa Eva García lembrou por carta ó ministro de Fomento, José Luis Ávalos esta reivindicación que finalmente será facilitada polo Ministerio de Fomento segundo a resposta remitida por Javier Herrero, Director Xeral de Estradas do Ministerio, tamén a través de carta que acaba de recibirse no Concello.

Lembremos que segundo o acordo plenario que se adoptou hai catro anos, que ese tramo da N-120 sexa cedido á titularidade municipal é fundamental xa que ata de agora calquera veciño que quere acometer unha obra ten que solicitar autorización ó Ministerio. Asimesmo a cesión ó Concello permitirá acometer a humanización dese vial e sacar o tráfico pesado desa zona, con cargo a unha partida do propio Ministerio de Fomento, segundo se solicitaba.

Por outra banda, nesa mesma misiva, o responsable ministerial contesta a outra demanda do Concello de O Porriño que ven requerindo a mellora do acceso á Autovía A-55. A resposta de Fomento condiciona unha solución ó proxecto de novo trazado da Autovía A-52 entre O Porriño e Vigo que conlevaría remodelar o enlace de Sanguiñeda coa A-55, “o que redundará nunha mellor conexión co Porriño”. Dito proxecto require tramitación ambiental, será sometido á información pública unha vez que se aprobe provisoriamente.

24/10/2019 in Alcaldía, Tráfico, Vías e obras

O Concello agarda que a Xunta concrete dotación orzamentaria para a execución da variante da PO-510 que semella “boa e ilusionante”, segundo a alcaldesa

A Alcaldesa valorou como “boa e ilusionante” a alternativa que a Xunta de Galicia está a prantexar para resolver o problema de tráfico e seguridade vial no barrio de A Vaquería en Budiño. Eva García reuniuse hoxe cunha representación veciñal para comentar a proposta de variante da estrada PO-510 que a Xunta trasladou onte a veciñanza. Segundo esa proposta a Xunta pretende resolver o problema mediante un vial que conecte a PO-10 coa Autovía A-55 sobrevoando o polígono industrial de A Granxa.
Unha solución de semellante natureza que carece de momento de dotación económica nos Orzamentos Xerais de Galicia para 2020 requerirá establecer acordos co Ministerio de Fomento para realizar a pretendida conexión e cos empresarios do Polígono de A Granxa para resolver os accesos a fábricas e empresas afectadas.
A alcaldesa informou ós veciños que agarda manter en breve unha reunión con Francisco Menéndez, director xeral da Axencia Galega de Infraestructuras que foi o interlocutor da Xunta de Galicia coa veciñanza de A Vaquería. “De feito esta alcaldesa tomará a iniciativa a pedirei a reunión canto antes pois co proxecto de Orzamentos de Galicia 2020 xa en trámite parlamentario non haui tempo que perder”, dixou Eva García.
Por outro lado a rexidora indicou que dará traslado deste asunto ó grupo parlamentario do PSdG-PSOE na cámara autonómica para que faga unha enmenda os Orzamentos da Xunta para 2020 que contemple unha partida para facer o proxecto de execución ou ben os preliminares necesarios”, engadiu a alcaldesa.

22/10/2019 in Alcaldía, Tráfico, Vías e obras

Este sábado, segunda quenda do curso de conducción segura, patrocinado polo Concello

Catro pilotos de rally, entre eles Ivan Ares e José Pintor, campeóns de España en 2017, impartirán de novo as súas ensinanzas na segunda quenda do curso “Conduce con xeito” que se reanuda mañá sábado 19.
Neste intre son veciñas e veciños de Porriño de máis de 40 anos que participan no curso gratuito de conducción segura, organizado polo Concello, a través da Concellería de Seguridade, e que se financia cos cartos recaudados coas multas de tráfico.
O curso impartese entre as 9 da mañán e as 13,30 horas. A parte teórica, no Multiusos de Torneiros e a práctica en vehículo nun circuito habilitado no PPI-6 do Polígono Industrial de A Granxa.

 

18/10/2019 in Alcaldía, Tráfico

O Concello prepara a venta dos vehículos retirados do parque móbil municipal

O Concello do Porriño está a elaborar o expediente para vender os 26 vehículos que formaban parte do parque móbil municipal, cunha antigüidade media de 20 anos que veñen de ser retirados.

Serán vendidos un por un, cun prezo mínimo de partida. As ofertas deberán facerse en sobre pechado no prazo que se determine. Os sobres coas plicas serán abertos e coñecidos nun acto público  no salón de plenos do Concello na data que se determine.

A través de esta páxina web do Concello se dará coñecemento do estado, características e prezo mínimo de cada un dos vehículos para que os interesados dispoñan de información.

Os vehículos retirados atopanse nun recinto municipal onde poderán ser vistos polos interesados nas datas que se estipulen no prego que está a prepararse.

Entre os vehículos retirados que serán vendidos figuran un “Volvo 580” comprado polo Concello do Porriño e matriculado en 2002 (con José Manuel Barros de alcalde), así como diversas furgonetas C-15, Citroen Berlingo, Peugeot Partner con 23, 25 e 27 anos de uso ata vehículos da Policía Local como un “Land Rover Freelander”, un “Nissan Almera” ou un “Peugeot 607” de 2.900 centímetros cúbicos, matrículado hai 17 anos que xa estaban fora de uso.

Os vellos vehículos foron retirados o pasado 8 de outubro, data na que se entregaron os 25 novos que se incorporan mediante “renting”.

Segundo informouse hai días, o Concello do Porriño licitou a renovación total do parque móbil do Concello para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público.
Deste xeito determinouse un prego de condicións para renovar mediante concurso público que se iniciou con data 26 de marzo deste ano e rematou en setembro.
Na licitación estableceronse cinco lotes. Presentaronse un total de seis empresas, ningunha delas de Porriño. Eran da provincia de Pontevedra, doutras provincias galegas e tamén había firmas doutras comunidades autónomas.
Catro lotes foron gañados por “GrupiVazgle”, de Lugo e o restante pola firma “Rodosa”, de Vigo.

18/10/2019 in Alcaldía, Tráfico, Vías e obras

Entrega de novos vehículos do parque móbil municipal a diferentes servizos do Concello

Este mediodía realizouse o acto formal de entrega dos novos vehículos do parque móbil municipal ós diferentes servizos do Concello, dentro da operación de renovación que acometeu o goberno local.
No acto, ó que asistiron a concelleira de Seguridade e Fazenda, Lourdes Moure e o concelleiro de Medio Ambiente, Sergio Casal, entregaronse nove vehículos para os servizos de Vías e Obras, Parques e Xardíns, Deportes, Servizos Sociais e Urbanismo.


Entregaronse nove furgonetas “Peugeot” modelo “Rifter”, rotuladas e co escudo do Concello do Porriño.
Ainda restan por recibirse e entregar tres furgons máis grandes, marca “Renault” que serán adxudicadas ós servizos de Vías e Obras e Parques e Xardíns.
Con anterioridade entregaronse os catro vehículos para desplazamentos do goberno municipal (3 “Seat” modelo “Ateca” e un “Mini”) e outros vehículos “Peugeot 308” para diferentes departamentos do Concello ata totalizar os 25 que forman parte desta operación de renovación do parque móvil municipal mediante “renting” por 4 anos.
Segundo informouse hai días, o Concello do Porriño licitou a renovación total do parque móbil do Concello para garantir a seguridade dos vehículos e dos traballadores municipais empregando criterios de eficiencia enerxética e aforro do gasto público.
Deste xeito determinouse un prego de condicións para renovar o parque móbil con 25 vehículos mediante concurso público que se iniciou con data 26 de marzo deste ano e rematou en setembro.
Na licitación estableceronse cinco lotes. Presentaronse un total de seis empresas, ningunha delas de Porriño. Eran da provincia de Pontevedra, doutras provincias galegas e tamén había firmas doutras comunidades autónomas.
Catro lotes foron gañados por “GrupiVazgle”, de Lugo e o restante pola firma “Rodosa”, de Vigo.
O parque móbil do Concello tiña unha media de 15 anos, pero hai vehículos que superan as dúas décadas de antigüidade. Especialmente o que atinxe os vehículos adscritos ó departamento de Vías e Obras que “teñen unha idade media de 25 anos cun evidente mal estado e obsolescencia”, segundo un dos informes técnicos recabados polo goberno municipal.
A meirande parte dos vehículos antigos serán subastados e os que non saian por ese procedemento, serán achatarrados.

08/10/2019 in Alcaldía, Limpeza, Parques e xardíns, Servizos sociais, Tráfico, Urbanismo, comercio e industria, Vías e obras

Primeira quenda do curso “Conduce con xeito”

A alcaldesa Eva García asistiu á primeira quenda do curso de conducción segura, de carácter gratuito, que imparte o Concello do Porriño.
Un primeiro grupo de mulleres e homes menores de 40 anos participaron nesta primeira quenda do curso “Conduce con xeito”.
Catro pilotos recoñecidos interviron como monitores. Entre eles Iván Ares e José Pintor, campións de España de Rallys en 2017.


Ó remate desta primeira quenda, a alcaldesa do Porriño acompañada dos concelleiros do goberno municipal, Lourdes Moure; Sergio Casal e David Alonso entregaron os diplomas acreditativos do curso a cada un dos participantes no mesmo.
O curso “Conduce con éxito” reanudarase o vindeiro sábado 19 de outubro.

07/10/2019 in Alcaldía, Tráfico

A alcaldesa e a concelleira de Seguridade acudirán á primeira quenda do curso “Conduce con xeito”

Eva García de la Torre, alcaldesa do Porriño, e Lourdes Moure, concelleira de Seguridade asistirán maña sábado á primeira quenda de veciñas e veciños do concello que recibirán un curso de conducción segura, de xeito gratuito, e impartido por pilotos de rallys. Alcaldesa e concelleira entregarán diplomas acreditativos ós participantes cando rematen as clases prácticas, ó redor das 13 horas.

Cada sábado un grupo paritario de homes e mulleres, composto por 30 persoas máximo, recibirán clases teóricas no Multiusos de Torneiros e logo prácticas nun circuito habilitado no PPI-6 do Polígono Industrial de A Granxa. En cada quenda seleccionanse por idades. Nesta primera de mañá, acudirán persoas de 18 a 40 anos. Na seguinte, prevista para o 19 de outubro, serán persoas maiores de 40 anos.

Catro pilotos de rallys galegos, entre eles Ivan Ares e José Pintor campións de España no 2017, son os encargados de impartir a parte práctica a cada participante a bordo dun vehículo cedido á Policía Local do Porriño, encargada de organizar a o curso “Conduce con xeito”.

04/10/2019 in Alcaldía, Tráfico

O sábado comeza “Conduce con xeito”, o primeiro curso gratuito de conducción segura para veciños e veciñas do Porriño

Catro pilotos de rally, entre eles Ivan Ares e José Pintor, campións de España en 2017, impartirán as súas ensinanzas este vindeiro sábado día 5 ós veciños e veciñas de Porriño que participan no curso gratuito de conducción segura. O curso “Conduce con xeito” é organizado polo Concello, a través da Concellería de Seguridade, e se financia cos cartos recaudados coas multas de tráfico.


Nesta primeira quenda serán 30 persoas (15 homes e 15 mulleres) de idades comprendidas entre 18 e 40 anos, todas elas empadroadas no Porriño dende hai seis meses alomenos, os que reciban as clases teóricas e prácticas. Entre as 9 da mañán e as 13,30 horas. A parte teórica impartiráse no Multiusos de Torneiros e a práctica en vehículo nun circuito habilitado no PPI-6 do Polígono Industrial de A Granxa.


Os devanditos Ivan Ares e José Pintor partiticparán como monitores xunto ós pilotos locais David Gónzalez, de Porriño e o mosense Miguel Rodríguez. Ademaís acolaborarán varios axentes da Policía Local do Porriño que coordina a intendencia e loxística deste curso.
Ó longo dos meses de outubro, novembro e decembro, sempre en sábados, continuará o curso “Conduce con xeito”. En cada quenda haberá 30 personas. Na prevista para o 19 de outubro, será un grupo de maiores de 40 anos, tamén paritario.

03/10/2019 in Alcaldía, Tráfico

A Policía Local do Porriño informa de cortes e restriccións de tráfico para o venres 27

A Policía Local informa dunha serie de cortes e restriccións de tráfico que se realizarán mañá venres co gallo de diversos eventos deportivos, no abeiro da programación das Festas do Cristo. 

Tratase dos seguintes eventos: Marcha Popular e Exhibición de Patín en Liña; a Milla Urbana de Atletismo e finalmente o Criterium Trofeo Festas do Cristo de Ciclismo, que cumpre a súa 42ª edición e que é popularmente coñecida como “A Nocturna”.

A continuación detallamos os cortes e restriccións

 

26/09/2019 in Alcaldía, Cultura e festas, Deportes, Tráfico

O primeiro Rally Mix Concello do Porriño discurrirá pola Graña e A Risca

As dúas mangas no que estará dividido o primeiro Rally Mix “Concello do Porriño” discurrirán entre o centro da vila, A Graña e A Risca, ó longo da tarde do sábado 28 e a mañán do domingo 29. 

Os detalles da proba deronse a coñecer hoxe nunha roda de prensa presidida pola concelleira de Seguridade, Lourdes Moure na que participaron representantes da escudería “Surco” organizadora do evento; Federación Galega de Automobilismo; Xunta de Galicia e Concello de Porriño. Tamén estiveron representados os patrocinadores privados, os concesionarios “Gumerjo”, “Rivada” e A Banca.

“Promovemos o Rally Mix Concello de Porriño coa intención de que se consolide na programación das Festas durante o derradeiro fin de semana, é dicir durante o chamado “Recristo” e tamén coincidindo coa Festa dos Callos e cos milleiros de visitantes na nosa vila”, dixo Lourdes Moure, concelleira de Seguridade.

Iván Corral, presidente da FGA suliñou que “o chamado rally mix é unha fórmula low cost que ven de Irlanda e que permite incoporarse ó mundo do automovilismo a moitos afecionados dun xeito económicamente moito máis doado”.

Trátase dunha modalidade de competición que se desenrola sobre terreno mixto na que poden participar dende KartCross ata carrozados de todo tipo sen matricular o que simplifica as inscripcións.

Na mesma liña Daniel Benavides, xefe do Servizo Provincial de Deportes enagadiu que “a Secretaria Xeral do Deporte conveniu coa Federación patrocinar este tipo de probas das que hai dúas na provincia (Cuntis e Porriño) como achegamento a este deporte”.

Pola súa banda o concelleiro de Deportes, David Alonso agradeceu “a colaboración dos veciños do barrio de A Graña que nos permiten realizar esta proba e son moi comprensivos a pesares das molestias”.

25/09/2019 in Alcaldía, Cultura e festas, Deportes, Tráfico