Igualdade

O paro volve a baixar no Porriño que o concello que máis emprego creou o mes pasado na Áarea Metropolitana e na provincia

O Porriño liderou en setembro a creación de emprego na Área Metropolitana de Vigo e, xunto con Vila de Cruces, a baixada do paro, non so na provincia de Pontevedra, senón en toda Galicia. A finais do mes pasado había na vila 1.654 persoas desempregadas, unha realidade que non se vía dende hai case unha década.

Dacordo cos datos publicados este martes polo Ministerio de Emprego e Seguridade Social e pola Consellería de Economía, Emprego e Industria, do Goberno de Galicia, a taxa de desemprego situouse no Porriño no 18%, 6 puntos menos que cando o actual Goberno Local empezara  o seu mandato, cando a porcentaxe do paro estaba  no Porriño por riba do 24% e 2.139 veciñas e veciños estaban na procura dun posto de traballo, preto de 500 máis que na actualidade.

En relación co mes de setembro de 2016, o número de persoas anotadas coma demandantes na oficina do Servizo Galego de Emprego do Porriño baixou de 1.836 a 1.654, o que supón que hai 182 traballadoras e traballadores máis no concello. Neste tempo o paro caeu 5,4 puntos nun so ano.

A alcaldesa, Eva García de la Torre, reitera, “como xa veño facendo dende que tomara posesión, o Goberno local do Porriño ten coma a súa primeira prioridade a creación de postos de traballo”. García de la Torre, subliña que este obxectivo pasa “sen dúbida, como estamos a ver, pola formación que aumenta as posibilidades de atopar un emprego das porriñesas e porriñeses que están no paro”.

Pola súa banda, a concelleira de Emprego, a socialista Soledad Girón,  asegura que “as propostas, actividades desenroladas neste mandato para conquerir este obxectivo están a funcionar”. Girón lembra entre elas o programa ‘Porriño Accede’, baseado en convenios asinados entre o Concello e empresas da vila, grazas ao cal hai ducias de veciñas e veciños que volveron ao mercado laboral ou empezaron a traballar.

Tamén influíron, “especialmente”, os  ‘Plans de Emprego’, que foron posibles logo da sinatura dun acordo coa Deputación de Pontevedra e do investimento de fondos municipais, de máis de 600.000 euros no que vai deste ano, así como o feito de chegar a entendementos con outras administracións, o cal facilitou a obtención de axudas e subvencións que tiveron coma destino accións que serviron para incrementar as probabilidades de empregabilidade de moitas persoas.

03/10/2017 in Alcaldía, Benestar, Educación e tecnoloxía, Emprego e formación, Igualdade

Avanzan as obras na senda peonil e ciclista na PO-331 ata o CEIP de Atín, nos concellos do Porriño e Mos

O concelleiro de Vías e Obras, Manuel Carrera, xunto coa alcaldesa de Mos, Nidia Arévalo, e o delegado da Xunta en Vigo, Ignacio López-Chaves, desprazouse hoxe ata a PO-331, no lugar de Atín, para supervisar o avance das obras da senda peonil e ciclista que a Administración galega executa nesta estrada, concretamente entre os puntos quilométricos 1+890 e 2+810, ao seu paso polos concellos de Mos e O Porriño.

Durante a visita constataron que os traballos avanzan a bo ritmo e que as obras iniciadas o pasado 2 de setembro poderían estar finalizadas no vindeiro mes de novembro. Esta actuación conta  cun orzamento de máis de 378.000 euros, e enmárcase no Plan de sendas de Galicia que na comarca de Vigo proxecta 11 treitos, que foron definidos en 9 proxectos de construción. A Axencia Galega de Infraestruturas executará 12,5 quilómetros de novas sendas nesta bisbarra, cun orzamento que se achega aos 5 millóns de euros, para o que conta co financiamento asegurado ao terse incluído no programa operativo de Galicia dos fondos europeos FEDER para o período 2014 -2020.

A senda na estrada PO-331 dará continuidade ao itinerario peonil existente no núcleo do Porriño ata o paso superior existente sobre a AP-9 nas proximidades de Atín.

A intervención iníciase na marxe esquerda da estrada, na que se construirá unha senda da 933 metros de lonxitude, desde as proximidades do Colexio Santo Tomás no que finalizan as actuais beirarrúas, ata a ponte sobre a AP-9, pasando pola intersección existente coa estrada a Pereiras–Tameiga.

Pola marxe dereita da PO-331, a obra terá unha lonxitude de 200 metros e comezará na intersección coa estrada municipal Pereiras- Tameiga, dado que ata este punto xa existe beirarrúa. A senda nesta marxe desviarase da estrada nos últimos 80 metros ata o acceso ao centro escolar de Atín. Neste último tramo terá un ancho de tres metros. Coa execución desta senda existirá un itinerario peonil continuo polas dúas marxes da vía que comunicará os dous centros de ensinanza co Porriño.

Tamén se proxecta a mellora da intersección entre a PO-331 e a estrada Pereira-Tameiga, na que se construirá unha semiglorieta para facilitar os xiros á esquerda neste punto.

02/10/2017 in Alcaldía, Benestar, Educación e tecnoloxía, Emprego e formación, Igualdade, Limpeza, Parques e xardíns, Tráfico, Turismo, Vías e obras

O Goberno local porá en marcha medidas para eliminar barreiras sensoriais nos edificios municipais e facelos accesibles a persoas con discapacidade intelectual

A alcaldesa, Eva García de la Torre, e a concelleira de Servizos Sociais e Igualdade, Soledad Girón, mantiveron unha xuntanza con responsábeis de ACEESCA e distintos especialistas co obxectivo de impulsar dende o Goberno local do Porriño un proxecto que permita eliminar as barreiras sensoriais que impiden o acceso á información a través dos sentidos ou as barreiras cognitivas, que impiden a comprensión do entorno e os seus elementos,e facer os edificios municipais, accesíbeis ás persoas con discapacidade intelectual.

A xuntanza, e o feito de expor este obxectivo coincide con varias datas sinaladas: o Día Internacional da Accesibilidade Cognitiva, e a celebración os vindeiros días 19 e 20 de outubro, do Congreso Estatal de Accesibilidade Cognitiva que baixo o lema ”Queremos comprender o mundo”, xuntará en Cáceres a 400 persoas procedentes de España, Europa e os Estados Unidos que debaterán sobre cómo garantir a igualdade de oportunidades para todas as persoas.

Soledad Girón subliña que “para unha persoa con discapacidade intelectual, frecuentemente os iconos resultan moi confuso”, ás veces é case imposible vendo os símbolos saber cal é o baño para cada sexo ou, se usan aparatos auditivos, entender o que se fala debido a posibles interferencias que poden eliminarse doadamente instalando un aparello que as neutralice.

“As dificultades de accesibilidade na discapacidade intelectual é moi pouco coñecida e unha grande esquecida porque habitualmente pensamos nas barreiras físicas”, indica a alcaldesa  quen asumiu o compromiso de manter xuntanzas periódicas para por en marcha ideas que eliminen estas barreiras e faciliten a accesibilidade e a poñer en marcha, nos inmobles municipais, medidas que eliminen as barreiras que se atopan as persoas con discapacidade intelectual.

01/10/2017 in Alcaldía, Benestar, Igualdade

A Corporación esixe, maioritariamente, á Xunta que resolva urxentemente as dificultades de mobilidade xeradas aos veciños do Porriño co novo Plan de Transportes de Galicia

A Xunta de Portavoces da corporación municipal do Porriño, co apoio dos representantes do PSOE, UDDL, EUSON, BNG,  e NON ADSCRITOS,  decidiu esixir á Xunta de Galicia, en concreto á conselleira de Infraestruturas e Vivenda, Ethel Vázquez, que resolva  urxentemente as dificultades de mobilidade xeradas aos veciños  coa implantación do novo Plan de Transportes de Galicia.

A Xunta de Portavoces analizou na súa última reunión a eliminación de liñas, de frecuencias e os continuos atrasos na prestación do servizo de transporte público por parte da Xunta, que están a provocar numerosas queixas dos veciños.

Os representantes do PSOE, UDDL, EUSON, BNG,  e NON ADSCRITOS  esixen  en tanto non se estableza un sistema alternativo eficiente de transporte público  a  recuperación das liñas e frecuencias de autobús eliminadas pola aplicación do novo Plan de Transporte da Xunta. Solicitan ademáis que a consellería de Infraestructuras e Vivenda cumpra o seu compromiso de diálogo cos concellos, para a elaboración dun novo Plan que ruralice o transporte público e fixe poboación con servizos.

30/09/2017 in Alcaldía, Benestar, Igualdade, Tráfico

O Concello impulsa nos centros de Educación Infantil, Primaria e Secundaria do Porriño distintos programas a prol da igualdade e contra a Violencia de Xénero

A Concellería de Igualdade, que dirixe Soledad Girón, presentou este venres dous proxectos que se desenrolarán nos centros educativos do Porriño e que teñen coma obxectivo o de impulsar, “dende as ideades máis temperás” o concepto de igualdade.

O primeiro deles, destinado a cativas e cativas de 5 anos, que cursan Educación Infantil, quere “quitar as etiquetas” de xénero empregando para eles os xoguetes e as profesións de xeito que as pequenas e pequenos visualicen  e perciban unha realidade que xa superada: que non hai xoguetes ou profesións que sexan diferenciadas para homes e para mulleres.

Unha segunda actividade estará destinada a alumnas e alumnos de 6º de Primaria e terá coma obxectivos a eliminación do ‘Bulling’, o acoso escolar, usando o que se coñece coma ‘Mapa de Empatía’ que pon o foco deste problema na persoas acosada e no seu acosador ou acosadora, de xeito que as rapazas e rapaces se poñan no pel delas.

Os mesmos estudantes traballarán, en equipo, cunha APP que lles permitirá fomentar a creatividade tendo coma referencia o xénero.

Polo que atangue a Educación Secundaria, a Concellería de Igualdade impulsa un programa para a Prevención da Violencia de Xénero en Adolescentes, no que os protagonistas son as rapazas e rapaces de 2º e 3º.

A súa finalidade es que sexan elas e eles mesmos os que o desenrolen e o xestionen como queiran para chegar ás conclusións e deducións propias debatendo sobre certos roles que teñen que ver con este problema.

A necesidade de poñer en marcha este proxecto veu dado polas conclusións dun estudo sobre a Violencia de Xénero nestas idades que aportaron datos tan preocupantes como que en España número de adolescentes con problemas relacionados coa violencia de xénero aumentou nun 50% no último ano; máis de 2.000 adolescentes contan con protección coma vítimas deste tipo de maltrato; un 12,2% de menores de 18 está sometido a medidas policiais neste ámbito.

Aínda que o 96% das chicas e o 92% dos chicos rexeiten a violencia de xénero, non recoñecen que haxa este tipo de violencia en actitudes ou comportamentos coma o control por parte da súa  parella do seu teléfono móbil ou o seu xeito de vestir.

O 60% das rapazas que denuncian este comportamento non recoñecen que son elas as vítimas; as primeiras relacións sexuais consúmanse con 12-13 anos e nesa mesma idade moitas rapazas e rapaces xa tiveron contacto co alcohol e as drogas.

“O feito de que o 27,7% dos centros, o 39,9% das profesoras e profesores traballen nestes temas e que a metade dos adolescentes sinalen que lles falaron nos seus centros educativos de violencia de xénero, fai que os institutos sexan o lugar máis axeitado e convinte para impulsar este programa”, indica Soledad Girón.

23/09/2017 in Alcaldía, Benestar, Educación e tecnoloxía, Emprego e formación, Igualdade

O deportista Daniel Fernández fai unha parada no Porriño na súa ruta de 180 quilómetros en bici, nun so día, para darlle visibilidade ao Alzheimer

Daniel Fernández Cerzón fixo unha parada este venres no Porriño na ruta que comezou hoxe e e que ten coma obxectivo darlle visibilidade ao Alzheimer e, ao tempo, recadar fondos para a Asociación Galega de Familiares de Enfermos de Alzheimer (Afaga).

O deportista de Gondomar, que saíu de Vigo ás 9 e media da mañá tiña coma desafío facer 180 quilómetros en bicicleta seguindo por Redondela, Mos, Porriño, Ponteareas, Salceda, Tui, A Guarda e Nigrán e volvendo a Vigo.

Daniel, que foi recibido diante do Concello pola alcaldesa, Eva García de la Torre, a concelleira de Igualdade e Benestar, Soledad Girón, o concelleiro de Comercio, Medio Ambiente e Urbanismo, Marcelino Coto, e o presidente de Afaga, Juan Carlos Rodríguez, ademais doutros representantes da asociación, xa completara outros dous desafíos igual de duros: o pasado mes de maio estivo correndo 24 horas sen parar por Praia América e o mes pasado fixo o mesmo no Parque de Castrelos, en Vigo.

22/09/2017 in Alcaldía, Benestar, Deportes, Educación e tecnoloxía, Igualdade, Tráfico, Turismo

A Concellería de Emprego e Benestar impulsa a sinatura de 20 contratos por 1 ano e a tempo completo por persoas que cobren a RISGA

A Concellería de Emprego e Benestar, que dirixe Soledad Girón, impulsa a sinatura de 20 contratos laborais a outras tantas veciñas e veciños do Porriño que na actualidade están percibindo a Renda de Inserción Social de Galicia (RISGA).

A diferencia doutros anos, nesta ocasión a duración dos contratos aumenta ata 1 ano e serán a tempo completo. Ata o dagora os mesmos eran por un período de 7 meses e abranguían o 75% da xornada laboral.

Soledad Giron explica que para facer posible este incremento de duración, á cantidade que aporta o Goberno galego para a realización dos mesmos, 119.463,4€, o Concello do Porriño, por medio da Concellería de Emprego, engade 160.000€ máis que cobren, os 5 meses de duración dos traballos que quedaban ata completar o ano, e o 25% que restaba para que a contratación pasase do 75% a ser a xornada completa.

A concelleira salienta a importancia que ten a dobre ampliación da duración destes contratos dado que as persoas que traballen este ano a tempo completo adquirirán, ademais da experiencia laboral, uns dereitos, á finalización do contrato, que son moi distintos aos que outorgaban contratos de 7 meses ao 75% da xornada.

Soledad reitera, de novo, que “a creación de emprego segue a ser a principal prioridade do Goberno local” e que neste eido fará todos os esforzos e impulsará, coma ven facendo, todas as iniciativas que faciliten a creación de postos de traballo no Porriño.

Por último, indica que as persoas que asinen estes contratos empezarán a traballar xa en outubro.

17/09/2017 in Alcaldía, Educación e tecnoloxía, Emprego e formación, Igualdade

A alcaldesa aiste no CEIP Fernández López ao primiero día de clase en Infantil e Primaria

A alcaldesa, Eva García de la Torre, xunto coa concelleira e Educación, Lourdes Moure, asistiu este luns no CEIP Fernández López ao inicio das clases en Infantil e Primaria. Acompañadas polo director do centro, Benito Rodríguez, estiveron nunha das clases de Primaria na que aproveitaron para falar coas cativas e cativos que afrontaban hoxe o seu primeiro día da ‘Volta ao colexio’.

A alcaldesa subliñou que nos centros educativos do Porriño cursan os seus estudos uns 520 alumnas e alumnos de Infantil e 1.200 de Primaria e indicou que o número de estudantes medrara neste curso en preto de 180 nos colexios da vila, “un dato que reafirma o feito de que O Porriño é o concello que máis medra de toda Galicia”.

Eva García de la Torre insistiu, unha vez máis, nas necesidades que teñen os centros educativos porriñeses en xeral e, en concreto a esixencia “urxente” de mellorar e ampliar as instalacións do CEIP Fernández López e esixiu, de novo, ao Goberno de Galicia, “que ten as competencias en Educación”, que atenda esta demanda.

A alcaldesa reiterou que “o Goberno local seguirá a facer todo o que estea na súa man” para que as profesoras e profesores dos colexios do Porriño teñan todos os recursos que precisen para que a formación que imparten “siga tendo este altísimo nivel”, e para que as rapazas e rapaces dispoñan de canto sexa preciso para a súa educación.

García de la Torre lembrou con emoción a María Ferreira, a novísima profesora do Colexio Santo Tomás, quen perdeu a vida nun accidente no Angliru, e trasladou a súa familia e aos seus amigos “todo o meu agarimo e o apoio, meu, de toda a Corporación e todas e cada unha das veciñas e dos veciños do Porriño”.

12/09/2017 in Alcaldía, Educación e tecnoloxía, Emprego e formación, Igualdade

A Concellería de Igualdade atende á demanda e amplía os talleres de ‘Crecemento Persoal e Adquisición de Habilidades Sociais, con perspectiva de xénero’

A Concellería de Igualdade do Concello do Porriño, logo da importante demanda dos mesmos, ven de ampliar os talleres de ‘Crecemento Persoal e Adquisición de Habilidades Sociais, con perspectiva de xénero’.

Os mesmos, o último dos cales clausurouse o pasado venres, día 1 de setembro, no Centro Cultural Municipal, subliñou a necesidade de “aumentar a conciencia sobre as nosas vidas, a realización persoal e individual, descubrir as diferencias, compartilas, crear novos camiños, atopando ferramentas para afrontar doutro xeito a experiencia da vida e empoderarse”, sinala a concelleira Soledad Girón.

A ampliación do taller está programada para a segunda semana deste mes, chegando ás parroquias, empezando coa primeira parte de ‘Descóbrete: unha nova ollada de ti’, con grupos reducidos, sobre o que pode obterse máis información no Centro de Información á Muller (CIM) do Concello ou chamando ao teléfono 986 337 429.

A concelleira lembra, unha vez máis, que o obxectivo destes talleres “non é outro que o de incrementar e favorecer a participación da cidadanía en favor da igualdade”.

05/09/2017 in Alcaldía, Benestar, Igualdade

A Corporación do Porriño convoca unha concentración ás 12 horas en contra do terrorismo e en apoio ás vítimas dos atentados de Barcelona e Cambrils

A Corporación Municipal do Porriño invita ás veciñas e veciños a participar este venres, día 18 de agosto, ás 12:00 h. nunha concentración, diante do Concello, na Praza do Arquitecto Antonio Palacios, para amosar o seu rexeitamento do terrorismo e dar o seu apoio ás vítimas dos atentados de Barcelona e Cambrils, as súas familias e a todo o pobo de Cataluña.

18/08/2017 in Alcaldía, Benestar, Igualdade