A Concellería de Educación e a Oficina Municipal de Información á Xuventude (OMIX) propoñen á infancia e mocidade de Porriño diversas actividades de tempo libre a realizar para seguir quedando na casa, agora que chega a fin de semana. Tratase de traballos manuais, pasatempos e xogos que se ofrecen a través do enlace coa páxina web de “Cinedomevr360º” , plataforma que colabora coa Concellería de Educación e coa OMIX do Porriño en diversas actividades formativas e de lecer. Agardamos que sexa do voso gusto.
Finalmente o Concello do Porriño non terá que mercar ordenadores portátiles pero si, en cambio, 260 ‘pen drives’ (“pinchos”) de conexión á Internet para outros tantos alumnos de institutos e colexios da vila para que poidan ter acceso ao ensino por vía telemática e rematen o curso en igualdade de condicións cos seus compañeiros. Así determinouse hoxe na segunda reunión que celebraron os directores dos centros docentes do Porriño e Lourdes Moure, concelleira de Educación.
Unha vez identificadas as necesidades, renunciouse a mercar ordenadores por que cos existentes nos centros docentes da vila pódese atender á demanda de nenos e mozos que carecían deles nos seus fogares. Pola contra, é perentoria a necesidade de procurarlles conexión coa Rede para que poidan incorporarse ao ensino “on line” que están a continuar os seus compañeiros. O Concello solicitou presuposto a varios provedores para determinar custes da adquisición deses 260 ‘pen drives’ con conexión a Internet por 3 meses.
Por outra banda nesta reunión de hoxe tamén acordouse que coa colaboración da Agrupación de Voluntarios de Protección Civil do Concello, os centros docentes entregarán aos pais, nais e titores dos alumnos o material de ensino e libros deste terceiro trimestre do curso que non se retiraron pola suspensión das clases dende o 16 de marzo. Por cada centro docente, dacordo co Concello, determinaranse datas e horas de entrega dese material.
A Concellería de Educación e as direccións dos centros de Primaria e Secundaria do vila establecerán as necesidades que poden atenderse dende o Concello para equilibrar a participación de todos os alumnos no ensino por vía telemática como consecuencia da prórroga do estado de alarma sanitaria.
Segundo estableceuse hoxe nunha reunión mantida por Lourdes Moure, concelleira de Educación cos directores dos centros docentes no salón de plenos e coas garantías hixiénicas necesarias, o Concello de Porriño non vai a realizar e repartir fotocopias de apuntes entre os alumnos de familias que carezan de posibilidades de conexión coa Rede e de ordenadores nas súas casas, como se está a facer nalgún concello da contorna. “Entendemos que esa fórmula non equilibra senón que agudizaría os desequilibrios”, explicou Moure Varela.
De tal xeito que o vindeiro venres 17, a concelleira responsable reunirse cos directores dos centros educativos que xa aportarán listados identificando as necesidades que se precisan atender. O Concello do Porriño encargarase de aportar ordenadores portátiles e “pinchos” aos centros educativos para que os fagan chegar aqueles nenos e mozos cuias familias carezan de medios telemáticos ou de conectividade.
Disporase dos ordenadores que hai nos centros, renovaranse cargadores externos e mercaranse portátiles e “pinchos” con conexión a Internet por 3 meses que se facilitarán en préstamo ás familias. Cando remate o estado de alarma, ordenadores e demais material devolverase e quedará en depósito nos centros educativos.
O Concello “afrontará este gasto extra dispoñendo fondos dunha subvención outorgada pola Deputación Provincial ante esta situación de emerxencia que debemos afrontar aínda que se trata dunha competencia que correspondería á Consellería de Educación da Xunta de Galicia”, indicou Lourdes Moure.
O Concello do Porriño, a través da OMIX (Oficina Municipal de Información á Xuventude), está a colaborar coas actividades do 17 de abril, Día Europeo da Información Xuvenil. A OMIX está a colaborar na difusión da actividade proposta pola Dirección Xeral de Xuventude, Participación e Voluntariado da Consellería de Política Social.
“Aínda que nestes momentos estamos confinados polo andazo do ‘Covid-19’ que isto non nos desanime e poidamos facer unha programación física para celebrar de xeito virtual esta data”, manifestou Cami Moreira, concelleira de Xuventude.
Deste xeito a OMIX apoia a campaña “Un minuto de información xuvenil” que propón que cada mozo e moza do Porriño grave e envíe un vídeo de 60 segundos no que resuma o que significa para ti a información xuvenil e o que se está a facer nese eido durante esta situación de confinamento.
Os vídeos poderanse enviar ao enderezo electrónico: información.xuventude@xunta.gal e serán colgados na conta de Instagram da Dirección Xeral de Xuventude da Xunta @xuventudegalicia , a partir do venres 17.
O Concello do Porriño comunica a cancelación definitiva de actividades educativas que estaban programadas para os meses de abril e maio nos centros educativos, a consecuencia de manterse o confinamento pola prórroga do estado de alarma a causa da pandemia do “Covid-19”.
De tal xeito que as Concellerías de Educación e Xuventude do Porriño comunican a anulación do programa “BootCamp” e tamén da “Feira Tecnolóxica”. Ambas dúas serán datadas para o vindeiro curso 2020/2021 despois de que se celebre unha reunión coas direccións dos centros educativos.
Lembremos que “BootCamp” ía celebrarse neste mes de abril, despois da Semana Santa, enfocada aos alumnos de Secundaria, para axudarlles a coñecer e elixir saídas profesionais. E a “Feira Tecnolóxica”, tamén en colaboración coa empresa “KidCode”, anulase ata o vindeiro curso pola escasez de datas para a súa preparación xa que estaba prevista celebrarse o 29 de maio.
Para axudar a levar mellor a corentena, a Biblioteca Municipal do Porriño non pecha en internet e traballa ofrecendo unha selección de contidos, lecturas e recursos “online “que de seguro farán máis levadeiro este necesario confinamento.
Deixamos o enlace coa web do departamento de Cutura e coa propia Biblioteca Municipal para que poidan consultar as diferentes propostas e suxerencias.
A Concellería de Educación e a OMIX do Porriño invitan a poboación infantil e xuvenil do Porriño a participar activamente na actividade “Clip Club TV”, proposta polo Comité de UNICEF Galicia.
“Tratase de manter activos a os nosos nenos e xovenes mediante proxectos e actividades que lles fagan máis levadeira esta corentena”, manifestou Lourdes Moure, concelleira de Educación que invita a mocedade porriñesa “a participar na iniciativa proposta por UNICEF.
A concelleira sinalou que “estamos moi orgullosos de cómo está a comportarse a infancia e a xuventude porriñesa durante este estado de alarma. De xeito que iniciativas como as que plantexa semella que pode contribuir a facerlles máis doado o confinamento na casa”, asegurou Moure Varela.
A iniciativa “Clip Club TV” consiste nunha canle de YOUTUBE onde os
protagonistas son os nenos, as nenas e os adolescentes a través dos seus propios videos contándo como están a vivir esta corentena. UNICEF conta para esta iniciativa co apoio da “Alcantara Family Foundation”, vencellada a os xogadores de futbol Tiagho (Bayern Munich), Rafinha (R.C Celta) e o pai de ambos, Mazinho, ex xogador do equipo vigués.
Segundo explica Marta Andrade, de UNICEF, “pretendemos que se miraches unha película ou unha serie, ou ben un libro que te gustou, graba un video e recomendallo a outros rapaces. Igual coa música que estés a escoitar ou cunha receita de cociña ou unha coreografóa ou un baile que queiras compartir”, indicou.
O xeito de participar é moi sinxelo: tan só hai que grabar un video co teléfono móbil, tablet ou ordenador, en formato horizontal e evitando o contraluz que sexa breve (non máis de minuto e medio), evita ruidos e se podes en galego preferiblemente
Para subir os vídeos e moi doado: conectándose a www.clipclubtv.com
A Alcaldesa Eva García ven de firmar un bando adicado aos nenos e nenas de O Porriño polo seu comportamento exemplar axudando a vencer o coronavirus.
A idea de facer este bando infantil é por iniciativa da Concellería de Educación que dirixe Lourdes Moure e da Oficina Municipal de Información Xuvenil, OMIX.
Porriño que é Cidade Amiga da Infancia nomeada pola UNICEF dende 2018, quere rendir deste xeito unha homenaxe aos máis pequenos de cada fogar pola súa contribución para superar esta pandemia.
O Concello do Porriño, a través do departamento de Cultura, ven de promover unha programación especial titulada “Para pasar unha corentena” ideado para o seu seguimento “on line” a consecuencia das restriccións que impon a prórroga do estado de alarma pola pandemia do “Covid-19”.
Esa programación especial que se pode consultar na páxina web do departamento de Cultura, comeza hoxe con unna lembranza á celebración do Día Mundial do Teatro.
Na programación incluense ligazóns para ver e seguir diversas propostas artísticas e culturais para todo tipo de públicos como “Novo Cinema Galego”, conferencias do programa “TDEx Galicia”, funcións de teatro, sesións de contacontos e tamén co Salón virtual do Libro de Pontevedra.
Asimesmo vencellanse tamén diversas propostas da Biblioteca Municipal como unha ligazón con El Libro total”, unha biblioteca dixital gratuita con máis de 45.000 títulos dispoñibles, e tamén outra ligazón con “#KeepReadingencasa”, unha proposta de Editorial Planeta que ira publicando para a súa descarga libre e gratuita, importantes obras de autores contemporáneos “bestsellers” como Dan Brown, Larsson, María Dueñas ou Zafón, así como da literatura infantil e xuvenil como Blue Jeans ou Gerónimo Stilton.
A Oficina Municipal de Información Xuvenil (OMIX) informa que dada a actual prolongación do estado de alarma pola pandemia do Covid-19, tomouse a decisión de aprazar o pleno infantil do Concello de O Porriño que ía celebrarse o 30 de abril.
Ainda que para esa data tiveranse retirado as actuáis medidas de confinamento e restricción da movilidade e que tiverase reanudado a actividade docente, a OMIX sinala que non daría tempo a preparar o pleno infantil cos centros docentes porriñeses.
Coa antelación necesaria, a OMIX anunciará a nova data de celebración do pleno infantil.
Porriño nomeada en 2018 “Cidade Amiga da Infancia” pola UNICEF celebra anualmente dous plenos infantís.
Nesas sesións participan nenos e nenas representantes de todos os centros educativos do concello. Serve para que a infancia porriñesa propoña iniciativas coas que mellorar o cumprimento da Convención sobre os Dereitos do Neno na súa contorna. E por último para promover o seu dereito a decidir sobre os temas que lles afecten no eido local, facendo así da participación algo concreto, posible e aplicable.
