Deportes

Éxitos deportivos: o segundo equipo do Balonmán Porriño ascende á División de Honra Prata feminina. E o Pontellas CF prepara a celebración do seu histórico ascenso á Terceira División.

O equipo de categoría autonómica do Balonmán Porriño feminino acadou hoxe domingo o seu ascenso a División de Honra Prata ó proclamarse campión do sector celebrado dende o venres na nosa cidade. As porriñesas impuxeronse ó Balonmán Zamora no partido decisivo celebrado a mediodía no Pavillón Municipal de Deportes de Porriño. Previamente o Balonmán Porriño derrotou ós outros dous equipos que xogaban o sector: KTM Balsebike e EMD Aceuchal.
Deste xeito na vindeira tempada o Balomán Porriño terá representación nas dúas máximas categorías do “handball” feminino xa que o primeiro equipo “Godoy Maceira Porriño” ocupa a décima praza na Liga Guerreras Iberdrola e tén garantizada a súa continuidade na elite.

Por outra banda, a directiva do Pontellas Club de Futbol que preside Marta Costas comezou cos preparativos para a celebración do histórico ascenso deste modesto á Terceira División. A directiva do Pontellas coa colaboración do Concello de Porriño quere levar a cabo unha homenaxe moi especial á plantilla e cadro técnico que dirixe José Curiel por ter acadado éste éxito deportivo para un club dunha parroquia de apenas 2.000 habitantes e cun orzamento modestísimo de 100.000 euros.
Para a celebración que se prepara aproveitarán que o vindeiro partido de Liga será no campo de San Campio onde o domingo 19 o Pontellas recibirá á USD O Grove.

12/05/2019 in Alcaldía, Deportes

Este domingo Porriño acolle a proba ciclodeportiva “Xarotos Gran Fondo”, a festa gastronómica dos “Cachos” e a última xornada da Feira do Libro

A proba ciclodeportiva “Xarotos Gran Fondo”, organizada polo clube “Máster da Louriña” e patrocinada polo Concello de Porriño e Deputación Provincial, contará finalmente cunha inscripción de 350 participantes. O dorsal número 1 será para o ex-ciclista profesional Gustavo Rodríguez, actualmente adicado ó triatlón, que nesta edición recibirá unha homenaxe especial polos organizadores.


A proba partirá dende o Concello de Porriño onde estará tamén a liña de meta. Cubrirá unha distancia de 130 kilómetros dos que 83 serán cronometrados. Tamén haberá outras duas probas complementarias de medio fondo e mini fondo sobre distancias de de 95 km e 71km, respectivamente que reunirán perto de 200 participantes.
A alcaldesa Eva García realizará a entrega de maillots e premios ós gañadores das diferentes categorías, ó termo da competición.

Por outra banda na mesma praza Arquitecto Antonio Palacios continuará e rematará este domingo a IV Feira do Libro que conta con 8 stands de librarías. Hoxe haberá tamén cinco presentacións de libros entre os que destaca Ledicia Costas que firmará exemplares da súa última obra, “Infamia e outros libros”. A Feira do Libro de Porriño pechará ás 21 horas.

E finalmente hoxe domingo 12 de maio tamén terá lugar a festa gastronómica dos “Cachos”. Organizan a Asociación de Hostaleiros do Porriño e a Asociación Veciñal San Benito e San Sebastian, coa colaboración do Concello do Porriño.
Segundo relata a web del departamento de Cultura do Concello de Porriño, a historia deste evento festivo ven de lonxe.
“Remóntase á resistencia porriñesa para evitar a entrada dos franceses na vila. Para conmemorar aquel momento histórico levantouse un cruceiro en Porriño e, ao redor del, foi crecendo un barrio que se converteu nun dos máis emblemáticos da localidade. Honrando ao Cristo dos Afligidos comezou a celebración dunha festa en maio e aos elementos relixiosos fóronse sumando outras actividades de lecer, entre elas, a parte gastronómica coas centolas como protagonistas; un marisco que aquí chaman “cachos” como se coñece desde entón ao propio barrio. Esta festa foi gañando fama nos arredores, con todo, a principios dos 80 fóronse perdendo seguidores, ata desaparecer. Hai uns anos, e grazas ao apoio da Administración, os veciños recuperárona e para que non volva desaparecer, edición tras edición, esfórzanse por ter unha programación máis atractiva”

Haberá “cachos” (centolas), ademais tamén se poderán degustar polbo, rosca, rosquillas, pan e viño, a partir de mediodía como poden ver na imaxe do cartel que adxuntamos.

11/05/2019 in Alcaldía, Benestar, Cultura e festas, Deportes, Educación e tecnoloxía, Turismo

Porriño será a capital do ciclismo pontevedrés durante as vindeiras semanas coas probas “Xarotos” e “Challenge Rías Baixas” que reunirán perto dun milleiro de participantes

A cidade de Porriño converteráse na capital do ciclismo pontevedrés durante as vindeiras semanas ó reunir a perto dun milleiro de participantes nas probas que organiza o club ciclista “Master da Louriña”. Unha de elas, a “Xarotos Gran Fondo” co patrocinio do Concello de Porriño e Deputación Provincial, definese como “proba ciclodeportiva” que se disputará o domingo 12 de maio.
Para a “Xarotos” agardánse más de 500 ciclistas, segundo estimación dos organizadores. Na categoría absoluta disputaráse sobre unha lonxitude de 130 kilómetros dos que 83 serán cronometrados. Tamén haberá outras duas probas complementarias de medio fondo e mini fondo sobre distancias de de 95 km e 71km, respectivamente. A saida será dende a praza do Concello de Porriño. O percorrido de cada unha das tres modalidades será neutralizado os primeiros 19km de cada opción e os últimos 28 km serán sen cronometraxe.
O outro evento organizado por “Master da Louriña” é a “Challenge Rias Baixas” que cumprirá a súa terceira edición. Tratase dunha proba para categorías xuvenil e “master” homologada pola Federación Galega, conta cos patrocinios dos Concellos de Porriño, Mos e Ponteareas e terá lugar o fin de semana do 22 e 23 de xuño.
“Ambas competicions movilizarán en total un milleiro de ciclistas de Galicia, Asturias, Castela e Norte de Portugal que converterán Porriño no epicentro destes eventos que dende a Federación Galega de Ciclismo valoramos moitísimo e agradecemos a colaboración dos concellos pola súia sensibilidade para con noso deporte”, sinalou Juan Carlos Múñiz, presidente federativo.
A alcaldesa Eva García manifestou a súa satisfacción “polo movemento económico, a dinamización social e o ambiente que suporán estas probas para a hostelería e comercio de Porriño” que ademáis “volve a reinvidicase como O Concello do Deporte”.


Na presentación das probas tamén estiveron presentes a concelleira de Turismo de Mos e o concelleiro de Deportes de Ponteareas e o ciclista profesional Gustavo Rodríguez, excorredor do equipo galego “Xacobeo” e hoxe en día adicado ó triatlón. Está piques de participar o vindeiro sábado no Mundial de Triatlón de Longa Distancia que se celebrará en Pontevedra.
A organización das probas decidiu render unha homenaxe a Gustavo quen recibiu de mans do presidente do club “Master da Louriña”, Juan José Alvarez Cerdeira, un maillot especial e anunciou que será o anfitrión e referente destes eventos.

30/04/2019 in Alcaldía, Deportes, Turismo, Urbanismo, comercio e industria

122 RAPACES PARTICIPARON NO III TORNEO ESCOLAR DE XADREZ CONCELLO DE PORRIÑO

Antón Sío Lago, do CEIP “Antonio Palacios” foi o gañador do “III Torneo Escolar de Xadrez Concello de Porriño” que recibiu de máns de Eva García de la Torre. A Alcaldesa de Porriño asistiu á clausura do Torneo xunto coa concelleira de Educación , Lourdes Moure.
Finalmente foron 122 os rapaces e rapazas de dez centros de ensino da cidade con idades comprendidas entre 6 e 16 anos, os que participaron na competición celebrada hoxe.
Este ano correspondeulle ó CEIP “Antonio Palacios” ser o anfitrión da competición que anteriormente acolleron os CEIP de Atios (2016) e “Fernández López” (2017).
Alicia Rodríguez (“Santo Tomás”) foi a segunda clasificada e o seu compañeiro de “cole” Diego Vázquez quedou terceiro. Noa Teixeira Alvarez e Javier R. Rocha, ambos do CEIP Antonio Palacios, completaron as cinco primeiras prazas.

29/04/2019 in Alcaldía, Cultura e festas, Deportes, Educación e tecnoloxía

O CEIP “Antonio Palacios” acollerá o III Torneo Escolar de Xadrez Concello de Porriño con 120 participantes

Cento vinte escolares de dez centros de ensino da cidade con idades comprendidas entre 6 e 16 anos, participarán na terceira edición do Torneo de Xadrez Concello de Porriño que se celebrará o luns 29 de abril.
Este ano correspondelle ó CEIP “Antonio Palacios” ser o anfitrión da competición que anteriormente acolleron os CEIP de Atios (2016) e “Fernández López” (2017).
As partidas comezarán ás 9,30 horas e ó remate do torneo, estimado árredor das 13,15 horas, a alcaldesa de Porriño, Eva García e a concelleira de Educación, Lourdes Moure presidirán a entrega de premios.

28/04/2019 in Alcaldía, Cultura e festas, Deportes, Educación e tecnoloxía

Recepción ó equipo “infantil A” da U.D. Atios polo seu ascenso a Liga Galega

Eva García de la Torre, alcaldesa de Porriño ofreceu unha recepción ós xogadores, adestradores e directivos do equipo “infantil A” da Unión Deportiva Atios, acto ó que se sumaron tamén pais e nais dos rapaces.
O equipo formadopor nenos de ata 14 anos vén de acadar o seu ascenso a Liga Galega. Gañaron o pasado 6 de abril no seu campo, O Carballo, á U.D. Comesaña no pasado decisivio polo ascenso. Foi una victoria pola mínima (1-0) pero dabondo para acadar un fito histórico no medio século de historia que a Unión Deportiva Atios está a cumprir neste ano.


Eva García recibiulles no salón de plenos da casa consistorial. Eloxiou o espírito de loita do equipo e manifestou a súa honra como alcaldesa do Concello de Porriño, principal patrocinador da U.D. Atios.

27/04/2019 in Alcaldía, Deportes

Agardanse 450 participantes nas probas de bicicleta de montaña “Concello de Porriño” que organiza a “AD Avanza” nos Montes da Risca

A Asociación Deportiva Avanza, organizadora do evento, agarda acadar mañán sábado 450 participantes nas dúas probas de bicicleta de montaña que se celebrarán nos Montes da Risca, patrocinadas polo Concello de Porriño. Dese total, 250 serán nenos e nenas de ata 13 anos de idade inscritos para o “Trofeo Mini BTT Concello de Porriño” que se celebrará a partir das 10 da mañán. E por outra banda, estímase que haberá 200 participantes na proba “I Trofeo XCO Concello de Porriño” que agrupará a 200 participantes das categorías cadete, senior e master 50. Esta proba de bicicleta de montaña campo a través comezará ás 16,30 e rematará árredor das 19,30 coa entrega de premios segundo as previsions dos organizadores.
Eva García, alcaldesa de Porriño, Julio Bernárdez, do Servizo de Deportes do Concello e Ricardo Maquieira, representante da AD Avanza realizaron a presentación acompañados por Adrián Maquieira, que será un dos participantes na proba infantil.


A organización destes eventos deportivos “reflicten o traballo de canteira que estamos a facer dende a Asociacion Deportiva Avanza que conta con aproximadamente 90 rapaces e rapazas, a meirande parte de Porriño, na súa escola de ciclismo, unha laboura que non seríamos quén de realizar senon fora polo importantísimo apoio económico do Concello de Porriño”, sinalou Ricardo Maquieira.
“Estamos moi orgullosos dese traballo de formación que por iso apoiamos dende O Concello e que está en consoancia co apoio xeral ó deporte e en particular ó ciclismo que está tan vencellado a nosa cidade”, respostou Eva García de la Torre que desexou “moita sorte e bo tempo para o mellor desenrolo das competicions”.

26/04/2019 in Alcaldía, Deportes

Aberta a inscripción para a VI edición do Triatlón Concello de Porriño

O Concello de Porriño, a través da Concellería de Deportes e coa colaboración do Concello de Tui, pon en marcha a vindeira edición do Triatlón Concello de Porriño que terá lugar, dentro de dous meses, o sábado 8 de xuño.
Trátase da sexta edición da proba posto que en 2018 non chegou a celebrarse polo terrible suceso de Paramos, en Tui. A organización decidiu suspender ó atoparse Tui de loito oficial e máxime sendo este concello o punto de partida da Triatlón coa proba de natación no río Miño.
Polo tanto doce meses despois o Triatlón Concello de Porriño retorna coas forzas renovadas. A organización está cos preparativos da proba que será oficialmente presentada o 24 de maio, nun formato novedoso.
O prazo de inscripción xa está aberto. Podese consultar e tramitar a través da páxina web triatlonconcellodoporrino.com que dispón dun enlace para o formulario de inscripción on line coa Federación Galega de Triatlón (FEGATRI).

08/04/2019 in Alcaldía, Benestar, Deportes

A alcaldesa inspeccionou as obras de renovación do sistema de climatización da piscina municipal

Eva García, acompañada de técnicos municipais, inspeccionou esta mañán o desenrolo das obras de renovación do sistema de climatización da piscina municipal.


A alcaldesa de Porriño comprobou os traballos que realizan os operarios da empresa adxudicataria. Retiranse a vellas e oxidadas canalizacions e sustituense por outras novas, axeitadas á regulación sanitaria exisible para piscinas. A renovación das tuberías e maquinaria para a climatización da piscina municipal ten un orzamento de algo máis de 94.000 euros.
Tratase dunha vella demanda dos usuarios desta instalación deportiva. Un proxecto que vén de 2016 pero que finalmente estase a executar dende hai un mes.
O Concello de Porriño roga ós usuarios desta instalación disculpas polas molestias ocasionadas.

01/04/2019 in Alcaldía, Benestar, Deportes