O 28 de xuño O Porriño celebra o Día Internacional do Orgullo LGTBIQ+ e dará 1.000 euros en premios para as drag queens gañadoras.
O 28 de xuño O Porriño celebra o Día Internacional do Orgullo LGTBIQ+ e dará 1.000 euros en premios para as drag queens gañadoras.
A rapazada do Porriño aprende as profesións dos cineastas da man de mulleres relevantes na sección “Cans do Futuro” do Festival.
O venres 24 de maio celebrarase, ás 19 h no IES Ribeira do Louro, a gala de entrega do premio organizado polo Concello do Porriño, o IES Ribeira do Louro e a Editorial Galaxia
Contará cunha mostra permanente de materiais inéditos e descoñecidos do arquitecto Antonio Palacios
A praza do Arquitecto Antonio Palacios albergou a actuación do grupo compostelano o 17 de maio co espectáculo “REBOVINA DIVAS LIVE”.
A celebración da lingua e cultura galegas inclúe tamén unha carpa monumental de Luísa Villalta e un concerto do cuarteto De Vacas.
“Cans” recolle os nomes dos lugares, patrimonio e historia desta parroquia porriñesa. O Concello repartirá 100 exemplares entre a veciñanza.
O Porriño acolle desde hoxe a mostra itinerante “Pontevedra e América. Unha mirada en feminino”, organizada pola Deputación de Pontevedra e a Cátedra Iberoamericana da Universidade de Santiago de Compostela.
A mostra inaugurouse esta tarde cun faladoiro a cargo de María Cadaval, directora da Cátedra Iberoamericana, Mª Xosé Rodríguez Galdo, catedrática emérita de Historia e Institucións Económicas da USC e María Xosé Porteiro, adxunta á xornalista e escritora.
A deputada de Igualdade, Sandra Bastos, e a concelleira de Igualdade, Carolina González, participaron no acto inaugural da exposición que poderá visitarse no parque do Cristo ata o 15 de xuño
“Cando pensamos na emigración, esquecemos a aportación que fixeron as mulleres” remarcou a deputada de Igualdade. Neste eido, Bastos subliñou o papel fundamental que desenvolveron, “tanto cando saían como cando quedaban aquí, en Galicia”, e puxo en valor a traxectoria das protagonistas da mostra: “Todas elas marcaron fitos na política, no social, na defensa da lingua ou na educación e, sen embargo, permanecen invisibles nos relatos históricos”.
No mesmo sentido se expresou a concelleira, incidindo na importancia de “rescatar a experiencia e a mirada femenina da inmigración, e devolver ás mulleres o lugar e o protagonismo que lles corresponde nesta andaina que marcou a historia de Galicia e segue a marcala na actualidade”.
Este proxecto de colaboración entre a Deputación de Pontevedra e a Cátedra Iberoamericana non se limita á mostra, ten como obxectivo investigar, recompliar e publicar, en formato dixital, as historias dun nutrido grupo de pontevedresas no eido da cultura, da arte, da empresa, da docencia e, en definitiva, en todos os ámbitos nos que se aplicaron, cunha dobre mirada: o éxito nas Américas e o éxito en Pontevedra daquelas que agardaron. E todo iso sen descoidar a historia de tantas mulleres que foron ignoradas a pesar da súa forte implicación nas migracións laborais e políticas que, de maneira especial, se sucederon no pasado século.
O actor Diego Caro, veciño do Porriño, visita o Concello para presentar e comentar o filme no que participa “As Neves”, un thriller dirixido por Sonia Méndez. O alcalde, Alejandro Lorenzo, e o Concelleiro de Cultura, Bienvenido Estévez, escoitaron de primeira man as impresións do actor porriñés sobre a rodaxe e a presentación da longametraxe, que xa está na carteleira dende o pasado venres 10 de maio.
O filme conta a desaparición dunha moza, durante a celebración do entroido no pobo ficticio de As Neves, na montaña lucense. Unha tremenda nevada e a caída de internet dificultan a búsqueda da protagonista e a investigación. Este feito marcará as vidas dos amigos para sempre.
Diego Caro é Óscar, un dos integrantes do grupo de amigos de As Neves, e o elenco o completan Andrea Fernández (Erea, a rapaza desaparecida), David Rodríguez (Manu), Antía Mariño (Paula), Xacobe Bruña (Diego), Irene Rodríguez (Sabela), Santi Carmena (Breo), Jennifer Soto (Paloma), Adriana Fernández (Bea), Lucía Veiga (sarxento Portas), e Luisa Merelas (avoa).
Caro confesa que aínda que As Neves é a súa primeira longametraxe, xa tivo unha pequena participación no filme “Life is Life”, de Dani de la Torre. O seu soño de neno de ser actor convertiuse en realidade, aínda que Caro ten claro que o seguirá compaxinando co grao en Comunicación Audiovisual que está cursando en Pontevedra, para poder ter “unha visión completa do que é a industria audiovisual, tanto diante como detrás das cámaras”. “Asistir a unha rodaxe real é unha aprendizaxe brutal, no que te nutres de actores xa veteráns, coma Lucía Veiga, e de todos os compoñentes do equipo de grabación”.
No Porriño, os asistentes ao Festival de Cine de Cans, poderán disfrutar da proxección de As Neves o venres 24 ás 17:30 no Baixo de Bugarín. “Será unha pasada ver os meus amigos e veciños en Cans”, confesa Caro.
Alejandro Lorenzo convida a “todos os porriñeses e porriñesas a ver As Neves, un filme con mensaxe para adolescentes e adultos, que quedará na historia do noso pobo coma o primeiro film de Diego, un actor que de seguro nos vindeiros anos traerá un Mestre Mateo e outro Goya para O Porriño. Talento e tenacidade non lle falta”.
O vindeiro mércores día 15, os/as alumnos/as da Escola Municipal de Música do Porriño festexarán o Día das Letras Galegas con toda a veciñanza e visitantes a partir das 19 horas na Praza do Arquitecto Antonio Palacios, ou no Círculo Recreativo Cultural en caso de chuvia.
Neste festival, organizado polo Concello e a Agrupación Musical do Porriño, presentarase a Banda Infantil, unha nova formación dirixida por David Trastoy Oseira, que conta con instrumentos de vento madeira, vento metal e percusión, tocados por unha ducia de estudantes da Escola de entre 8 e 14 anos de idade. “É un comezo para asentar las bases dunha banda de música de calidade e referente para o futuro no Porriño”, declara Trastoy.
O festival das Letras Galegas contará tamén coas actuacións dos/as pequenos/as de Música e Movemento, a Coral Infantil, a Coral Polifónica, o Grupo de Música Tradicional e a Banda de Música.
A maiores da celebración das Letras Galegas, a programación musical continúa o sábado 18 co Festival de Bandas de Música a partir das 12 horas, e o Festival de Corais ás 19:30, na praza do Arquitecto Antonio Palacios. En caso de choiva, as actuacións das bandas de música terán lugar no Círculo Recreativo Cultural; e as das corais, na Igrexa de San Rosendo de Torneiros. As agrupacións participantes serán a Banda de Música do Conservatorio de Verín, a Agrupación Musical do Porriño, a Coral Polifónica San Lorenzo de Belesar, a Coral Frol Nova do Círculo Cultural de Chapela e a Coral Polifónica do Porriño (EMMus Porriño).
A Escola imparte as súas clases desde principios de curso no edificio do Centro Cívico na avenida Domingo Bueno.
Este curso a Escola está dirixida por David Trastoy Oseira, e a compoñen trece mestres/as máis que imparten as clases das diferentes disciplinas e instrumentos, ademais de dirixir seis agrupacións.
“A música axuda no aumento da memoria, da atención e da concentración”
Bienvenido Estévez, concelleiro de Cultura
“A Escola de Música é un motor na vida social, cultural e educativa no noso municipio. É ben sabido que a música axuda no aumento da memoria, da atención e da concentración tanto en nenos/as como en adultos/as, e desde o Concello apoiamos todas estas actividades tan beneficiosas para a nosa veciñanza”, salienta Bienvenido Estévez, concelleiro de Cultura.
Alejandro Lorenzo, alcalde do Porriño, conclúe que “a fusión da música e as letras é un dardo directo ao corazón, por iso que mellor que festexar o día das Letras Galegas co son da nosa Escola de Música. As emocións están aseguradas”.
