Alcaldía

O CTAG desenvolve un sistema intelixente para detección de semáforos que está a proba no Porriño

O Centro Tecnolóxico da Automoción de Galicia, establecido no polígono da Granxa do Porriño, desenvolveu un sistema intelixente de axuda á condución que recibe información en tempo real dos semáforos para a mellora de seguridade viaria.

Os responsables do CTAG, encabezados polo director xeral, Luis Moreno explicaron o sistema que aínda está en fase de proba á alcaldesa de Porriño, Eva García, e aos concelleiros de Tráfico, Sergio Casal e Novas Tecnoloxías, David Alonso. Foi durante unha viaxe de demostración en varios vehículos equipados con esta tecnoloxía.

 A proba tivo lugar na avenida Domingo Bueno e na avenida Antonio Palacios.  Nas dúas rúas hai un total de sete semáforos equipados con dispositivos “V2X” que envían o sinal a través de ITS, G5 ou a teléfonos móbiles.  Informan sobre a fase na que se atopa o semáforo (verde, ámbar ou vermello) e sobre o tempo restante para que o semáforo cambie de fase.

 

Ao remate da viaxe a alcaldesa Eva García manifestou “o orgullo que sentimos no Porriño pola contribución que centros de investigación como o CTAG realizan para a mellora da seguridade, que supón un pulo para o desenvolvemento tecnolóxico”. “Como falaba con Luis Moreno, teño a satisfacción de ser a alcaldesa dunha cidade laboratorio”. O director xeral do CTAG engadiu que “nos imos perder o tempo investigando o xenoma da miñoca, senón que temos como norte desenvolver tecnoloxía útil”.

 

15/12/2020 in Alcaldía, Tráfico

O Concello pon ao dispor da veciñanza un novo servizo municipal “O Concello informa” a través dunha aplicación para o móbil

O Concello pon ao dispor da veciñanza un novo servizo municipal denominado “O Porriño Informa”. Trátase dunha app de comunicación bidireccional entre Concello e os cidadáns.

“O Porriño informa” é unha aplicación para teléfonos móbiles que notifica aos veciños e veciñas sobre bandos, anuncios, noticias e información do Concello de xeito inmediato a través do teléfono móbil. E ademais os veciños poderán reportar incidencias, consultas e propostas ao Concello.
A partir de hoxe o Concello inclúe nas súas redes sociais información sobre este novo servizo así como o xeito de descargarse a aplicación no móbil. Ao mesmos tempo están a colocarse en edificios e dependencias municipais, carteis co anuncio do servizo e as instrucións e o código QR para descargar a “app”.

A través deste servizo, calquera veciño ou veciña poderá reportar incidencias, formular consultas e propoñer novas ideas ao seu concello. Todo desde o teléfono móbil, dunha forma sinxela e intuitiva.

David Alonso, concelleiro de Novas Tecnoloxías valorou que esta nova aplicación “permite a proximidade tanto para o Concello como para os veciños que nos poden avisar inmediatamente de avisos sobre avarías, actos vandálicos e moitas outras anomalías que constitúen unha información moi valiosa para os servizos municipais e aforra aos cidadáns o proceso de rexistro destes incidentes ante o Concello”.

14/12/2020 in Alcaldía, Educación e tecnoloxía

A alcaldesa alégrase de que a Xunta alivie restricións no Porriño e se recupere a mobilidade con Mos e Vigo

Eva Garcia manifestou este mediodía a súa satisfacción polo alivio das restricións no Porriño que ven de decidir a Consellería de Sanidade, despois de escoitar ao comité clínico.

 A alcaldesa felicitase de que a Xunta aceptase equiparar ao Porriño cos concellos de Mos, Vigo, Gondomar e Nigrán cos que recuperará plena mobilidade que foi unha petición expresa que Eva Garcia de la Torre realizou onte ao conselleiro de Sanidade, coa ocasión da reunión telemática semanal que Julio Garcia Comesaña realiza cos alcaldes da área de Vigo.

Ademais O Porriño pasa ao nivel medio-alto de restricións o que implica que o sector da hostalaría poderá abrir o interior dos seus establecementos cun aforo do 30%. Mantense o aforo do 50% nas terrazas, o límite de catro persoas por mesa (sexan ou non conviventes) e o peche de cafeterías, bares e restaurantes a partir das 17 horas.

Todas estas medidas entrarán vigor a partir desta media noite.

11/12/2020 in Alcaldía

Finalmente o pleno municipal de hoxe será presencial, a proposta de EU Son e co apoio do PP

A sesión plenaria extraordinaria que vai celebrar este mediodía a corporación municipal do Porriño será, finalmente, presencial e non telemática como constaba inicialmente na convocatoria da mesma.

A decisión adoptouse nas comisións municipais informativas celebradas previamente. Foi a proposta de EU SON á que se sumou o PP.

O pleno celebrase a petición do grupo municipal do Partido Popular con catro asuntos na orde do día.

Axuntamos en “pdf”, a orde do día.

20201126_Comunicación_Comunicación da convocatoria (2)

10/12/2020 in Alcaldía

A alcaldesa solicitalle unha reunión de traballo ao presidente da Xunta

A alcaldesa, Eva García ven de solicitar ao presidente da Xunta de Galicia, Alberto Núñez Feijóo, unha reunión de traballo para “abordar os asuntos pendentes de resolución no termo municipal que dirixo”, segundo expresa a rexedora porriñesa nunha carta.

Esta mañá o Concello enviou a petición de audiencia á sede da presidencia da Xunta.

A alcaldesa argumenta o encontro co titular do goberno galego como “de especial interese”. “O Concello do Porriño é, hoxe, un dos poucos de Galicia que medra en poboación, xera postos de traballo estables e constitue unha referencia industrial sólida para a proxección de Galicia”, segundo reivindica a rexedora no seu escrito ao titular do goberno autonómico.

Eva García manifesta finalmente na súa carta que “estou segura que chegaremos a acordos que beneficiarán aos veciños e veciñas do Porriño”.  

  

09/12/2020 in Alcaldía

689 764 717, número da liña telefónica de axuda pola Covid do Concello

 
Dende esta tarde quedou habilitado o número de teléfono 687 76 47 17 como liña para canalizar as axudas que poidan requirir persoas que teñan que gardar illamento pola Covid.
A liña telefónica está atendida pola Agrupación de Protección Civil do Porriño.
 
Deste xeito se da cumprimento a un dos acordos acadados pola Comisión Municipal de Seguimento da Covid.
Aínda que esta axuda a domicilio xa se está prestar a través de contactar coa Policía Local e Protección Civil.
07/12/2020 in Alcaldía

Comisión municipal anti-Covid: ante a melloría dos datos, amplíanse aforos deportivos e reabriranse os parques infantís

O goberno municipal porriñés, á vista da melloría que reflicten os datos de contaxios e incidencia da pandemia, decidiu aliviar algunhas das restricións existentes. Hoxe o SERGAS comunicou que no Porriño os novos contaxios baixaron a 39 casos activos aínda que seguimos cunha incidencia acumulada de máis de 150 e menos de 250. 

Entre as novas medidas, o Concello acordou:

-Ampliar os aforos nos eventos deportivos. En pavillóns e recintos pechados, haberá 250 espectadores. Nos campos de fútbol e recinto ao aire libre, permitiranse 500 espectadores, medida que poderá estrear mañá martes o C.D. Pontellas no seu campo, coa ocasión do partido de Liga de Terceira División contra o Arenteiro.

– Reapertura de todos os parques infantís que leven pechados dende o 22 de outubro. Estes recintos de xogo volverán a estar dispoñibles a partir do venres 11, segundo indicou o concelleiro responsable, Sergio Casal.

Estas medidas comentáronse hoxe pola alcaldesa Eva García cos representantes dos grupos políticos da corporación e demais membros que forman a Comisión Municipal de Seguimento da Covid.

Tamén lembrouse que mañá martes volverá a celebrarse o mercado semanal, despois de seis semanas de suspensión aínda que coa metade dos postos.

07/12/2020 in Alcaldía, Deportes, Parques e xardíns, Urbanismo, comercio e industria

Reparto de carteis por establecementos e na praza de abastos da campaña de apoio ao comercio local

Persoal do Concello repartiu esta mañá por establecementos e na Praza de Abastos, carteis da campaña “Agora máis que nunca nos perdamos a proximidade”, en apoio do comercio local.


O lema da campaña que promove a Deputación de Pontevedra, “chama á cidadanía a mercar nas tendas locais e de proximidade, nas praza e no mercado da nosa vila apostando polo consumo de produto de tempada das nosas produtoras e produtores”, manifestou Sergio Casal, concelleiro de Comercio.


O concelleiro apelou a que “mercar no comercio de proximidade é un xeito de amosar a nosa solidariedade cun sector que o está a pasar moi mal e que temos que axudar”.

 

07/12/2020 in Alcaldía, Turismo, Urbanismo, comercio e industria

O Porriño ofreceu terreos para acoller a futura plataforma loxística da automoción

O Concello do Porriño ven de ofrecer terreos para albergar a futura plataforma loxística do sector da automoción que promove Zona Franca de Vigo, segundo confirmou David Regades, delegado do Estado nesta entidade. A alcaldesa Eva García defendeu a candidatura do Porriño para acoller esa plataforma loxística durante a reunión que mantivo con Regades o pasado mércores 2.


O ofrecemento do Concello do Porriño para ese asentamento conta con terreos en chan industrial, preto da liña ferroviaria e con acceso á Autovía e polo tanto con conexión coa Autoestrada do Atlántico. Ambas son dúas das esixencias da oferta pública para a adquisición dunha parcela que fixo a Zona Franca de Vigo e que está piques de rematar o prazo de presentación de ofertas.


Ademais a oferta porriñesa suma como valor engadido a presenza do CTAG -Centro Tecnolóxico da Automoción de Galicia-.
David Regades manifestou que “O Porriño é o lugar idóneo, porque reúne todas as condicións”, segundo a información que hoxe publica o xornal “Faro de Vigo”.
Deixamos ligazón con esa información.

https://www.farodevigo.es/comarcas/2020/12/06/porrino-aspira-albergar-futura-plataforma-25988890.html

06/12/2020 in Alcaldía