Porriño vive “Merca na rúa”

As prazas e rúas do centro urban de Porriño están a vivir cun bó ambiente de público e ventas, unha nova edición de “Merca na rúa”. Este mediodía un tempo solleiro aliouse para un mellor arranque desta XX edición da Feira de Oportunidades que organiza “Acipor” coa colaboración do Concello.
O evento continuará ata o domingo 10, en horario de 11 h a 20 h.

“Merca na rúa”, a feira de oportunidades cumpre 20 anos

Este fin de semana, en Porriño, celebrase a XX edición da feira de oportunidades “Merca na rúa” que se desensrola na zona peonil do centro urban da vila. O evento ten lugar hoxe sábado e mailo domingo en horario ininterrumpido.  O sabado desde as 10 h. ata as 21 h. O domingo, desde as 11 h. ata o peche previsto ás 20 h.
A iniciativa corresponde á Asociación de Comerciantes e Industriais de Porriño (ACIPOR) en colaboración co Concello e tén como obxetivo rematar os stocks para liquidar a campaña de inverno. Ofrecense descontos de ata o 70% en productos nos 30 stands que participan.

Acto institucional do 8M en Porriño: A ALCALDESA EVA GARCIA AFIRMA QUE “AS MULLERES ESTAMOS ANTE UN ‘TEMPO DE EXCEPCION’ ”

“As mulleres estamos nun tempo de excepción: se nos chaman feminazis por defender os nosos dereitos, pois a moita honra porque o que queremos é facer as cousas do mesmo xeito que os homes”, dixo Eva García, alcaldesa de Porriño no acto institucional do 8M celebrado hoxe nesta vila.
“Vimos de ver o que ten pasado en Andalucia: a ameaza de partidos que pretenden arrebatarnos dereitos que creíamos ter gañado para sempre; por eso digo que estamos en tempo de excepción” manifestou na súa intervención diante da Casa Consistorial co gallo do 8 de Marzo.
“As mulleres fan Porriño”, lema da campaña institucional do Concello presidiu a concentración na que participaron hoxe varios centos de veciñas e veciños na praza Arquitecto Antonio Palacios. Eva García sinalou que “hoxe dou grazas por terme permitido ser a vosa alcaldesa e poder ver esta praza completamente chea de mulleres e homes de Porriño pedindo a igualdade”.


Tanto a alcaldesa de Porriño coma o goberno municipal, funcionarias e traballadoras do Concello sumaronse hoxe a folga xeral feminista para reclamar a igualdade real de oportunidades e dereitos entre homes e mulleres.
“Queremos ir polas ruas tranquilas; queremos cobrar o mesmo cos homes; non queremos que nos cosifiquen; queremos ter os mesmos dereitos que teñen os homes” engadiu na sua intervención a alcaldesa porriñesa. Finalmente invitou á veciñanza a sumarse esta noite á manifestación que terá lugar en Vigo para a que o concello fletou autobuses a fin de facilitar o transporte.
Eva García xunto coa concelleira de Servizos Sociais, Soledad Girón así como a concelleira non adscrita Sabela Landín e tamén representantes de “Eu son” fixeron uso da palabra no transcurso do acto que rematou ca entrega de rosas brancas a todalas mulleres que asistiron.
A campaña “As mulleres fan Porriño” continuará ata o 13 de marzo. Entre os diversos actos programados destaca a celebración dunha mesa redonda, prevista para o martes 12 que contará coa presenza de Leire Pajín, ex ministra de Igualdade; Carmen Avendaño, presidenta de “Erguete” e Carla Reyes, xornalista e presidenta de “Executivas Galicia”.

A Biblioteca Municipal do Porriño presenta un extenso programa anual de actividades con especial importancia da ‘Animación á Lectura’ e ‘Aprendizaxe Cidadá’

Ao longo do 2019 a Biblioteca Municipal do Porriño, que depende directamente da Alcaldía, desenvolverá un amplo programa de actividades gratuítas relacionadas coa “aprendizaxe permanente”.

A alcaldesa, Eva García de la Torre, subliña que “trátase de accións formativas non académicas que teñen como obxectivo o desenvolvemento do cidadán no plano laboral, social e persoal”. García de la Torre sinala que  “cada vez hai máis persoas con inquietudes de aprendizaxe permanente, e a Biblioteca Municipal do Porriño tentará responder durante este ano a estas inquietudes cun complto programa de actividades”.

Alfabetización dixital,inglés, linguaxe de sinais…

Desta forma están programados cursos de alfabetización dixital para maiores, grupos de conversación en inglés de varios niveis, cursos de lingua de signos, cursos de español para inmigrantes, de ferramentas de Google, obradoiros de cociña sen glute, cursos para aprender a falar en público, club de lectura, un wiki-maratón, ou unha intensa colaboración cos centros de ensino do Porriño que se traduce en visitas escolares á biblioteca con formación no uso da mesma, charlas para a “busca, selección e uso de información en internet” ou obradoiros de ciencia para escolares.

Animación Infantil á Lectura

Ademais desta intensa programación relacionada coa aprendizaxe, a Biblioteca Municipal do Porriño tamén ten presentado o seu programa de animación infantil á lectura para o 2019, que recibe o nome de “A Contateca”. Unha programación que ofrece ata trinta actuacións ao longo do ano, converténdose nunha das máis variadas e extensas das bibliotecas galegas.

Dende este mes, todos os xoves ás 18:00 horas celebrarase unha actividade de animación distinta na biblioteca porriñesa. Haberá contacontos en galego e inglés, obradoiros para toda a familia, talleres participativos, actuacións con kamishibai e libros pop-up, etc.

A biblioteca destaca a gran variedade da proposta, toda articulada ao redor do libro e da lectura, pero na que se tratarán ademais temas como a intelixencia emocional, as tradicións populares, a igualdade de xénero, a concienciación mediambiental ou o bullying. A programación da ‘Contateca’ está pensada para familias e público infantil, de 0 a 12 anos de idade, destacando a realización de numerosas actividades pensadas especificamente para bebés.

Aposta pola innovación e compromiso

Con esta programación, salienta a alcaldesa,  biblioteca do Concello do Porriño redobra a súa aposta pola animación á lectura e o traballo cos veciños e veciñas, coa “intención de afianzarse como un servizo público innovador e comprometido coa súa comunidade”.

…de novo ‘Premio María Moliner’

Eva García de la Torre subliña que por este labor “a nosa Biblioteca Municipal vén de ser  recoñecida, de novo, nos Premios María Moliner de Animación á Lectura convocados polo Ministerio de Cultura e a FEMP, como unha das 350 mellores bibliotecas do Estado”. Unha distinción que a biblioteca porriñesa leva conseguido “¡nada menos que 14 veces!” entre os anos 2002 e 2018.

Un milleiro de veciños da parroquia de Budiño terá servizo da Rede Municipal de Saneamento antes de metade do mes de marzo

Preto dun milleiro de veciños dos barrios de A Vaquería, Vitueira e A Cruz, na parroquia de Budiño, poderán ter servizo da Rede Muncipal de Saneamento do Porriño antes de metade do mes de marzo.

En total, serán unhas 200 vivendas as que poderán conectarse a esta rede en canto remate a  obra realizada por Augas de Galicia, coa financiación europea por medio de FEADER, e que conta cun orzamento de 425.000€.

O Programa do ‘Entroido do Porriño 2019’ abrangue 5 días de troula, actividades para cativos, obradoiros, animación de rúa, música e disfraces

Maxia, música, animación na rúa, charangas, o tradicional Xogo da Ola, comparsas, obradoiros, mesmo chocolatadas, Drags e DJs…todo cabe na Programación do Entroido do Porriño 2019.

Os días clave das festas deste ano serán o sábado, 2 de marzo, no que terá lugar a ‘Lectura do Pregón’, ás 12:30 h. na Praza do Arquitecto Antonio Palacios, a cargo de dous históricos do entroido porriñés, Abel e Maxi.

Ás 14:00 h. será o momento do Xantar do Entroido, animado por charangas e DJs. Ás 16:00 h. empeza o 76º Xogo da Ola. Ás 17:30 h. está marcado o inicio do ‘Desfile de Comparsas’, co espectáculo ‘Lume’ a cargo de Troula Animación. Ao remate do desfile empezará na carpa do Roxy a ‘Festa Rachada’.

Outro dos días centrais será o mércores, 6. Esa xornada será a de despedida do Entroido e abranguerá o ‘Velorio da Sardiña’, no Centro Recreativo e Cultural, ás 17:00h. De seguido o ‘Enterro’, ás 19:00h. con saída do Centro Recreativo cara a Praza de Antonio Palacios. Seguirá a ‘LectUra do Testamento’, a cargo de Drag Star e, finalmente, na Ponte do Valo, a ‘Queimada e últimas vontades’.

A OMIX do Porriño organiza ‘QUEROeco’, actividade que forma parte do programa de apoio á posta en marcha do Plan Municipal de Infancia e Adolescencia

A OMIX do Concello do Porriño organiza o vindeiro 25 e 26 de febreiro do 2019 en horario ininterrompido de 11 da mañá a 8 da tarde, a actividade ‘QUEROeco’ –Cultura Urbana co Medio Ambiente- enmarcada dentro do programa de actividades de apoio,  para a posta  en marcha do Plan de Infancia e Adolescencia do Porriño.

Nesta actividade participarán  ao redor de 80 alumnos   dos centros de educación secundaria do noso concello que cursan ensinanzas de FP, Bacharelato e último curso da ESO.

Dita actividade terá lugar en diferentes puntos de Galicia (en 7 Concellos) en contornas rurais e urbanas.Para a realización de dita actividade no Porriño, utilizáranse como  mural  un lateral do Pavillón  do CEIP Fernández López.

‘QUEROeco’, é unha experiencia innovadora que pretende achegar á xuventude, diferentes mensaxes positivas sobre o coidado do medio ambiente, propoñendo alternativas de lecer respectuosas co medio natural (Cultura Urbana), baixo unha metodoloxía que promove prácticas inclusivas e responsables para a ocupación do tempo de lecer.

Neste proxecto se levará  a cabo a elaboración dun Mural Artístico Ecolóxico Colectivo (utilizando pintura foto-catalítica antipolución) de 12 m2 con temática ecolóxica. Esta actividade permite que mozas e mozos de 12 ou máis anos, dos centros de ensino do Porriño,  poidan colaborar na realización dunha parte do mural.

Ademais farase a gravación dun documental do proxecto con imaxes do proceso de realización do mural, a súa preparación, entrevista ao artista e aos promotores do proxecto , aos veciños e participantes.

Por último haberá un portal web, ao que poderase acceder escaneando un código QR que estará pintado sobre o mural. Na web vaise pendurar o documental do proxecto, fotografías e información sobre a iniciativa e sobre como funciona a pintura antipolución.

Obxectivos

O primeiro deles é o de implantar actividades alternativas (Cultura Urbana) dirixidas á xuventude en novos espazos para aproveitar os recursos e infraestruturas existentes. Aplicación da metodoloxía das 3 “R” (re-utilizar, reducir e reciclar).

En segundo lugar, alimentar a capacidade artístico-experesiva innata da mocidade a través da súa participación activa nas actividades programadas.

Finalmente, crear ambientes inclusivos que faciliten a expresión creativa individual e colectiva, dando a coñecer proxectos de ocio que promovan a responsabilidade no coidado do medio natural.

O Concello creará un novo ‘Grupo Municipal de Emerxencias’ para actuar de xeito inmediato ante calquera situación de urxencia

Logo de que a Alcaldía recuperase as competencias en Protección Civil e Emerxencias, detectáronse deficiencias que xa se lle advertirán, hai dous anos, ao anterior concelleiro responsable destes servizos.

As carencias apareceron logo da baga de lunes e recomendáronse  melloras en materia de persoal e material de cara a garantir a seguridade en caso de situacións de emerxencia pero, durante estes anos  non se acometeu acción algunha neste eido.

Na actualidade,  O Porriño conta co parque Comarcal de Bomberos Baixo Miño, no Polígono Industrial das Gándaras e, ainda que a súa sede está dentro do termo municipal, a súa demarcación aglutina varios concellos da zona para dar cobertura a inundacións, accidentes, lunes e outras  catástrofes e O Porriño, con un importante artellamento  industrial, autovías e autopista que pasan polo concello, preto de zonas moi poboadas, non se pode permitir que, en caso dunha emerxencia, no haxa un servizo de primeira intervención, dependendo de se os bomberos do parque comarcal están noutro servizo, coma sucedeu hai pouco.

“Falamos de salvar vidas” e dende a Alcaldía sublíñase que non se pode regatear en emerxencias dado que unha intervención rápida e esencial en calquera situación de perigo.

O Porriño conta cunha Agrupación Municipal de Voluntarios de Protección Civil, sufragada polo Concello por medio dun convenio dotado con  30.000€uros anuais, pero a realidade é que coma norma xeral so hai un  voluntario de servizo e sempre é  mesmo: o propio presidente da agrupación que, coma sinala a alcaldesa, pon de manifestó o seu sacrificio ao estar as 24 horas do día, 365 días ao ano a disposición da cidadanía.  “Pero Protección Civil non poder ser unha soa persoa”.

Á vista dun informe interno, que recomendaba, de novo, melloras no que se refire a Emerxencias,e co visto bo da Secretaría do Concello, ven de proporse a creación dun Grupo Municipal de Emergencias, formado nun principio, por seis bombeiros que cubrirían as 24 horas do día, con posibilidade de aumentar a plantilla no verán para combater os incendios e actuar contra a vespa velutina.

A parroquia de Torneiros sería a primeira beneficiada pola creación deste novo grupo  que tería o seu centro no Edificio Multiusos Municipal.

Nos vindeiros días haberá unha xuntanza coa Deputación de Pontevedra coa finalidade de solicitar unha achega para a compra de materia, empezando por un camión de Bombeiros.

Así mesmo, está previsto potenciar o aumento no número de voluntarios de Protección Civil que sexan un apoio para o novo grupo de Emerxencias.

Rematadas as obras na Fase V de Torneiros que permitiron solucionar varios problemas graves de seguridade e salobridade

As obras iniciadas hai unhas semanas na Fase V de Torneiros están rematadas. A alcaldesa do Porriño, Eva García de la Torre, visitou o lugar no que puido comprobar que o resultado das mesmas.

Os traballos solucionaron “varios problemas graves de seguridade e salobridade” que estaban a sufrir os veciños dun dos edificios desta parroquia. A día de hoxe está impermeabilizada a terraza,os muros e rehabilitouse a entrada ao garaxe.

Ao mesmo tempo, acometeuse a eliminación de barreiras arquitectónicas, quitando escaleiras e desniveis, creando ramplas e adaptando todos os elementos á normativa vixente de accesibilidade.

As obras permitiron recuperar as zonas de xardíns; mellorar o mobiliario urbano, instalar elementos de protección, coma una varanda de aceiro inoxidábel.

García de la Torre lembra que o estado da terraza era desastroso, había lousas soltas, co perigo que supuña para os nenos que xogan aquí, a impermeabilización estaba esnaquizada, os garaxes anegábanse os días que chove, a varanda que había sobre eles estaba enferruxada e case solta e “as filtracións ameazaban con causar problemas na propia estrutura do edificio”.

Nos vindieros días comezará unha nova fase de actuacións no mesmo lugar coa colocación dun sistema de alumeado en toda a área do inmoble e en cada un dos portais do mesmo.

@depo_es aproba a financiación da adecuación paisaxística da Avenida de Galicia do Porriño con máis de 600.000€

A presidenta da Deputación de Pontevedra  informou á alcaldesa do Porriño, Eva García de la Torre, da aprobación pola Xunta de Goberno dun investimento para O Porriño con cargo á liña 1 do Plan Concellos 2019.

En concreto, son 604.227,42€ cos que O Porriño poderá financiar a adecuación paisaxística da Avenida de Galicia e o seu entorno. Este ano a institución provincial pon a disposición de O Porriño ao través do Plan un total de 1.132.222,96€ un 3,22% máis que no 2018.

Máis polo miúdo, coma Carmela Silva comentou con Eva García de la Torre, a actuación está orientada a acondicionar o espazo urbano da avenida e a súa contorna, como acceso principal a O Porriño.

As obras contemplan a mellora estética e dotacional de máis de 2.000 metros cadrados, vaise incrementar o espazo para usos pasivos e recreativos, dotarase de atractivo e unidade o conxunto e limparanse os elementos confusos e negativos. Amais, vaise executar a implantación de mobiliario, creación de zonas recreativas e de descanso, integración a través da vexetación, e instalación de beirarrúas con zonas verdes. A actuación tamén implica a execución dunha zona de estancia cuberta e axardiñada, unha mediana de viario con xardín descontinuo de céspede e macizos, novos xardíns, supresión de barreiras arquitectónicas e rotonda con novo xardín.

Ademais das achegas correspondentes á Liña 1, que son este ano de 786.933,47€, o concello de O Porriño tamén ten á súa disposición polo Plan Concellos 2019 un total de 100.133,94€ na Liña 2 de amortizacións e débedas. Así mesmo, outros 245.155,51€ da Liña 3 de emprego cos que a Deputación financia a contratación de 40 traballadores e traballadoras para o concello.