8 Maio, 2017
horario: 17:00 – 20:00
Biblioteca Municipal do Porriño
> Requírese inscrición previa
Enlace á páxina web da Biblioteca municipal do Porriño.
8 Maio, 2017
horario: 17:00 – 20:00
Biblioteca Municipal do Porriño
> Requírese inscrición previa
Enlace á páxina web da Biblioteca municipal do Porriño.
A Alcaldesa, asistiu a celebración dos 25 anos do I.E.S. Ribeira do Louro
O número de parados descendeu o mes pasado no Porriño en 37 persoas, segundo os datos difundidos este xoves polo Ministerio de Emprego e Seguridade Social. Dacordo cos mesmos, na vila hai 1.842 desempregados anotados na oficina do Servizo Galego de Emprego.
Isto supón que o paro situouse ao remate de abril no 20,3%, preto de 5 décimas menos que en marzo. En relación co mes de abril de 2016 o desemprego descendeu no Porriño en 285 persoas, pasando de 2.127 a 1.842 e, porcentualmente, do 23,4 ao 20,3%, tres puntos menos nun ano.
Isto sitúa o desemprego na vila en valores descoñecidos dende hai 8 anos, no 2009, cando o número de parados era semellante ao de hoxe e, isto engade un dato máis esperanzador: tendo en conta que aquel ano a poboación do Porriño era de 17.475 habitantes, 2.000 persoas menos que na actualidade.
Dacordo coas cifras oficiais sobre a evolución do paro, dende que actual Goberno local tomara posesión, o desemprego en O Porriño reduciuse de 2.139 persoas en xuño de 2015 a 1.842 este mes de abril, o que supón unha caída de preto de 3 puntos e medio.
A alcaldesa salienta que son boas novas e amósase segura de que as iniciativas impulsadas dende o Concello funcionan, como os acordos acadados con empresas para a formación de traballadores demandantes de emprego-que permitiu acadar traballo a varios veciños desempregados-, os convenios con outras Administracións, como os ‘Obradoiros de Emprego’ co-financiados coa Xunta de Galicia, e os ‘Plans de Emprego’ posibles logo da sinatura dun convenio coa Deputación de Pontevedra, e o investimento de fondos municipais-so no que vai deste ano máis de 350.000€-adicados integramente a poñer as condicións axeitadas para facilitar a empregabilidade de aquelas porriñesas e porriñeses que queren traballar.
Eva García de la Torre insiste en que no Goberno local “nunca estamos satisfeitos” e lembra que “temos coma prioridade número un a creación de emprego e non imos reparar en esforzos, iniciativas e inversións para que os veciños que están na procura dun traballo o atopen canto antes”.
A empresa ‘Teimas Desenvolvemento’, en colaboración coa Concellería de Limpeza do Porriño, que dirixe Orlando Márquez, veñen de poñer en marcha o proxecto ‘Tropa Verde’ que ten coma finalidade concienciar ás veciñas e veciños do Porriño da importancia da reciclaxe e da correcta xestión dos residuos.
Esta iniciativa, como explicaron este mércores en rolda de prensa Marta Morán, dinamizadora de ‘Tropa Verde’, Ricardo Vila, socio de ‘Teimas Desenvolvemento’ e o propio Orlando Márquez, segue un proceso de participación moi sinxelo: os participantes teñen que inscribirse na webtroparverde.org e cando leven os seus residuos a un punto limpo, ou avisen aos servizos municipais de limpeza que pasen a recoller algún obxecto dos coñecidos coma ‘voluminosos’, usen os colectores de aceite ou os ‘Mini Puntos Limpos’ para deixar neles pilas, lámpadas, cartuchos de impresora, toner ou CDS, entre outros obxectos, obterán un cheque cun código que deberán introducir na devandita web.
Entón, recibirán uns puntos, chamados ‘estrelas’, que poderán trocar por produtos e descontos no comercio e na hostalería local.
Coma indicou o concelleiro, ‘Tropa Verde’ conta coa colaboración de 25 establecementos do Porriño que son os encargados de ‘recompensar’ aos bos recicladores con ‘premios’ que abranguen varias categorías: Hostalería, Comercio, Cultura, Deporte, Saúde, Infantil ou Estética, de xeito que quen recicle pode lograr dende cortes de pelo de balde, pasando por descontos en tendas de moda, agasallos de libros ou galanos sorpresa.
Orlando Márquez subliñou que é “moi importante” lograr que as veciñas e veciños usen correctamente os Puntos Limpos, que empreguen os colectores de aceite, que reciclen, nos ‘Mini Puntos limpos’, cargadores, cartuchos de tinta, baterías ou teléfonos móbiles, e que fagan un bo uso do Servizo de Recollida de Voluminosos, “que pasa os días 1 e 15 de cada mes con so chamar ao Concello se calquera cidadán quere desfacerse de mobles, electrodomésticos ou obxectos de grande tamaño que non poden deixarse no lixo”.
‘Tropa Verde’, que xa funciona, ademais, nos concellos de Compostela, Lugo, Sarria, Ames e Redondela, estará colaborando co Concello do Porriño durante un prazo inicial dun ano, aínda que a intención do Goberno local é que ese tempo se prorrogue se a experiencia é positiva.
Sábados de 11:00 a 13:00 h. e xoves de 18:00 a 20:00 h. 2016
Centro Cívico
Retómase a actividade de xadrez, o martes día 4 de outubro, ás 18:00 h. na segunda planta do Centro Cívico do Porriño, onde os interesados e interesadas poderar aprender, xogar e mellorar os seus coñecementos, e tambén, coñecer as actividades programadas para a formación, organización e competición durante o Curso Escolar. A entrada é libre e de balde, só con rexistrarse no lugar.
O calendario de actividades de xadrez desenvolverase os sábados de 11:00 a 13:00 h. e xoves de 18:00 a 20:00 h., de outubro a maio.
Toda a información cultural do Porriño aquí:http://ecultura.net/
Entrega de premios às mellores da Minicopa da Raiña de balonmán co Granollers, Campión da competición á fronte
A Concellería de Vías e Obras ven de rematar a colocación da marquesiña na parada de autobús de O Cerquido, preto da conexión coa A-55, que era, como subliña o concelleiro Manuel Carrera, unha vella demanda dos veciños da parroquia de Budiño.
A mesma, coma moitos dos traballos que está a levar a diante a concellería de Vías e Obras, está rematada en ‘rosa Porriño’ e incorpora un banco de pedra.
Esta mellora é outra máis das actuacións que está a levar adiante a Concellería de Vías e Obras nos últimos meses e que abranguen, entre outras iniciativas, o remate da mellora das rúas Buenos Aires e Progreso; a nova beirarrúa de preto de 2 quilómetros entre as parroquias de Atios e Pontellas; o adecentamento da Praza de Abastos ou as distintas conexións á rede de saneamento de vivendas de todas as parroquias, traballos que seguen adiante en diferentes puntos do Porriño
O Goberno local amosa o seu apoio “total e incondicional” ao Club Balonmano Porriño que este sábado, nun emocionantísimo encontro, no que as xogadoras puxeron todo sobre a pista, caeu contra o Helvetia Alcobendas.
A alcaldesa agradeceu o comportamento do equipo e reiterou a súa fascinación pola entrega de todo o plantel e polo labor de adestradores e directivos. Eva García de la Torre amosouse “absolutamente segura” de que este gran equipo seguirá dándonos alegrías e facendo que todas as porriñesas e porriñeses esteamos aínda máis orgullosas e orgullosos delas.
García de la Torre, quen asegurou que “en O Porriño levamos a este equipo e as súas xogadoras nos nosos corazóns”, animou a todos os aficionados a seguir gozando do torneo, “que disputan as mellores xogadoras do país na nosa casa”, e a animar ás representantes porriñesas que están a xogar a ‘Minicopa’ e que, lembrou, son o futuro do noso balonmán.