Novas

O Concello recoñece ós ciclistas porriñeses polos seus éxitos no cameponato de España de Ciclocross

O Concello ofreceu unha recepción ós ciclistas porriñeses que acadaron títulos e unha sobranceira participación no recente Campeonato de España de Ciclocross celebrado hai dúas semanas en Pontevedra.
Asistiron Laura Mira e Uxía Soto, campeona e subcampeona de España en categoría cadete feminina respectivamente.
Tamén acudiron catro integrantes da selección galega que participaeron no Campeonato de España nas súas respectivas categorías, todos eles integrantes do club local A.D. Avanza. Son Oscar Fernández, Hugo Martínez, André Martínez (líder da Copa Galicia de ciclocross) e David Fernández (campeón galego da modalidade de “Enduro”).


Todos eles recibiron un agasallo do Concello de mans de David Alonso, concelleiro de Deportes que desexoulles moitos éxitos deportivos “pero tamén vos pido que sigades cos vosos estudos porque non se poden descuidar a vosa formación.
Á recepción ofrecida polo Concello tan só faltou Marcial Rodríguez por problemas laborais. O Concelleiro de Deportes entregaralle o agasallo de recoñecento do Concello polo seu título de Campèñon de España de Ciclocross en categoría Master 50 que se une ó título de Campeón de Galicia na mesma categoría que acadou no Porriño en decembro.

30/01/2020 in Alcaldía, Deportes

Presentada a II PORRIÑO 10K que pretende acadar 1500 participantes

David Alonso, concelleiro de Deportes e directivos do Club de Atletismo Porriño presentaron a segunda edición da “Porriño 10k”, carreira pedestre que pretende establecer un novo record de inscricións. En 2019 rexistrou 1385 participantes e a pretensión do Concello e do Club de Atletismo é acadar os 1500.
A proba terá lugar o 15 de marzo pero o prazo de inscrición xa está aberto a través da páxina web www.championchipnorte.com.

“Porriño 10K” naceu en 2019 como consecuencia da desaparición da sua predecesora, a “Interrunning”. “Aprendimos dos erros que cometimos o ano pasado e melloraremos en diversos eidos como a entrega de dorsais e a zona de saída e meta”, dixou Pablo Soto, tesoreiro do club. “Este ano ademais cada participante inscrito recibirá como agasallo unha camiseta técnica de asas e a cambio deberán entregar un kilo de alimentos non perecedoiros para ‘SOS Porriño’”, revelou Soto.

A zona de saída e meta que estará sitúada na praza do Concello tamén acollerá un espazo de avituallamento onde todos os participantes recibirán alimentos diversos elaborados coa colaboración das panaderías porriñesas. Tamén haberá un arco de meta con leds, un camión pódium e unha pantalla xigante para seguir a retransmisión en “streaming” que se realizará da proba con duas cámaras movis e outra fixa na praza.
Patricia Estévez, presidenta do club agradeceu a “gran colaboración do Concello e particularmente do concelleiro de Deportes pola súa implicación e que se nota que ama o atletismo”.

Pola súa banda, o concelleiro de Deportes agradeceu “de xeito moi especial o traballo que van facer os 100 voluntarios entre persoal de Protección Civil, Policía Local e colaboradores do Club de Atletismo que son vitais para garantir a seguridade de todos os participantes”. Asimesmo David Alonso invitou “ós veciños dos concellos da contorna e do norte de Portugal para que se animen a participar nesta carreira que se vai desarrollar nun circuito moi plano que percorrerá o centro da vila” dixou o concelleiro de Deportes.

30/01/2020 in Deportes

Pleno municipal de xaneiro: apoio á sanidade pública e regulación da pirotecnia en festas

Na sesión ordinaria de xaneiro debatiuse e aprobouse por maioria (PSOE, EU SON, BNG e UDDL) que o Concello de O Porriño apoie institucionalmente a manifestación en defensa da sanidade pública de Galicia prevista o vindeiro 9 de febrero en Santiago.
O acordo adoptouse por partida dobre xa que houbo dúas mocións con esa demanda que presentaron os grupos EU Son e BNG. En ambos casos o PP votou en contra.

Por outra banda a Corporación aprobou por unanimidade regular o uso de pirotecnia nos festexos para limitar a contaminación acústica.
Sobre este particular Cami Moreira, concelleira de Festexos anunciou que está a preparar unha ordenanza que será consensuada coas AAVV e comisións de festas. Indicou que nas dúas festas principais do concello, San Benito e do Cristo empregaráse pirotecnia insonora.

29/01/2020 in Alcaldía, Cultura e festas, Servizos sociais

Pleno ordinario de xaneiro: acordada por unanimidade a cesión de parcela para o centro de formación dual de “Aceesca”

Na sesión ordinaria de xaneiro que se celebrou este mércores, o pleno acordou por unanimidade a cesión dunha parcela a asociación ACEESCA para a construcción dun centro de formación dual.

O terreno de 8.000 metros cadrados que serán adecuados polo Concello para que ACEESCA acometa a execución do proxecto.
A cesión é por 30 anos.

O tenente alcalde, Pedro Pereira explicou que a parcela cumpre cos requisitos que a entidade precisaba.

29/01/2020 in Alcaldía, Educación e tecnoloxía, Urbanismo, comercio e industria

Diversas actuacións en Atios da Concellería de Vías e Obras para melloras de saneamento e viais

O Concello do Porriño ven de acometer diversas melloras na parroquia de Atios en viais e saneamento que se executan con medios propios e baixo a dirección da concelleira de Vías e Obras, Lourdes Moure.


Actualmente segue a realizarse a ampliación da rede de saneamento no lugar de Covelo para dar servizo a dez vivendas. Os seus propietarios deberán darse de alta ante o Consorcio de Augas do Louro para realizar a conseguinte acometida. As obras avanzan a bó ritmo, a cargo da empresa “Naturgalia”. Mantense as restriccions de tráfico na zona.

Tamén realizaronse traballos de bacheo e asfaltado en outros puntos da parroquia que a concelleira revisou en compañía do enxeñeiro municipal e o encargado de obras.
En Insuas arranxouse un tramo da estrada que estaba en moi mal estado.

Na subida á Guía, a concelleira comprobou a marcha dos traballos de ampliación da estrada e de canalización de augas pluviais que se realiza coa colaboración dun veciño que cedeu parte do terreno.

Finalmente tamén Lourdes Moure entrevistouse co veciño, Eduardo Romero que instou a intervención do Concello para conectar varias vivendas da Pontenova ó abastecemento de auga potable. As casas, a escasos metros da avenida Domingo Bueno, quedaran sen agua hai uns meses porque secaran os pozos dos que se abastecían e carecían de conexión coa rede xeral.

29/01/2020 in Vías e obras

San Blas celebrarase na Forna cos baños do Casa Cultural conectados á rede de saneamento

As Festas de San Blas, no Torreiro da Forna, en Budiño que empezan este venres 31, celebraranse por primeira vez cos baños da Casa Cultural conectados á rede de saneamento.

A Concellería de Vías e Obras executou esta obra cuio resultado comprobou sobre o terreno a concelleira responsable, Lourdes Moure en compañía do enxeñeiro municipal e o encargado de Obras do Concello.
Eliminaronse tres fosas sépticas e conectouse a tubaxe coa rede de saneamento eliminando un foco de suciedade e malos olores.

A prevision é que milleiros de persoas acudan durante os catro días de celebracións no Torreiro onde montase unha carpa de grandes dimensions, con solo de madeira e canon de calor para que sexa máis acolledor

O Concello de O Porriño colabora coa comisión veciñal organizadora.

Por outra banda, na subida á Forna, a concelleira de Vías e Obras comprobou o resultado doutra actuación do seu departamento que consistira no aslfaltado dun tramo da estrada que fora solicitado polos veciños.

29/01/2020 in Vías e obras

O Concello do Porriño alega contra o proxecto da cidade deportiva do Celta en Mos polo impacto que vai causar no suministro de auga

O Goberno Municipal de O Porriño decidiu presentar hoxe, no último día do prazo, unha alegación contra a modificación do PXOM de Mos que pretende posibilitar o proxecto de cidade deportiva do R.C. Celta de Vigo en Tameiga. A alegación motívase en base “ós graves perxuizos que poden ocasionarse a este concello no abastecemento de auga”.

Argumentase que o proxecto de modificación do PXOM de Mos “conten inexactitudes e previsións que lesionan gravemente os intereses do Porriño” segundo a alcaldesa Eva García que firma a alegación no nome do Concello.

O Concello de Mos realiza unha previsión de caudal no que atinxe ó suministro de auga, contando cos aportes da ETAP de Os Valos (xestionada polo Consorcio de Augas do Louro) e cos aportes dos depósitos de San Antoniño, Veigadaña e Castro-Sanguiñeda, todes eles abastecidos polo encoro de Eiras.

Ó respecto alega Porriño que “a ETAP de Os Valos fora construída nos terrenos previamente adquiridos polo Concello porriñés” e que a captación de auga do embalse de Eiras por Porriño data dos anos 60 por autorización do Ministerio Obras Públicas, que logo asumiu a Xunta a través de Augas de Galicia”. “De feito é Porriño que ten o dereito de captar esa auga que facilita a Mos para o seu uso doméstico e no caso do polígono da Veigadaña para o seu uso industrial, non estando previsto nin aumentar o caudal suministrado nin outros usos”, argumenta a alegación de Porriño.

“Deberá terse en conta que Porriño segue a medrar en poboación cuns polígonos industriais de máxima actividade, de xeito que precisa o caudal que ten asignado”.
A alegación de Porriño acusa a Mos de “obviar totalmente a realidade, pretendendo apropiarse dun dereito sobre unhas instalacións que de xeito algún ten aseguradas e que non lle son propias. O feito de que na actualidade as competencias de xestión de abastecemento e saneamento derivaranse ó Consorcio de Augas do Louro non supón que este ente público sexa propietario de ningunha das instalacións titularidade de cada Concello”.

Por último, a alegación de Porriño subliña o feito de que “as captacións que se dicen do Eiras, sonlle de Porriño, ben polo depósito sito na Risca que capta do encoro de Eiras para o seu uso no termo municipal e do que deriva caudal para Mos e outros concellos; ben desde a ETAP de Os Valos que insistimos, construíse nuns terrenos previamente adquiridos polo Concello de O Porriño, para uso de Porriño e desde onde tamén abastecese a Mos e outros concellos, a través da facultade que Porriño ten directamente atribuída”.

 

 
28/01/2020 in Alcaldía

O Concello pon en marcha o programa de emprego “Porriño Accede”

A Concellería de Servizos Sociais anuncia a posta en marcha do programa de emprego “Porriño Accede” dirixido a veciños e veciñas do concello en situación de desemprego.

Tratase por cuarto ano consecutivo de de mellorar as posibilidades de atopar traballo mediante accións formativas deseñadas en colaboración con empresas radicadas no Porriño que incorporan prácticas non laborais.
“A nosa pretensión é mellorar as competencias profesionais e contribuir á inserción no mercado laboral das persoas que participan en ‘Porrino Accede’”, manifestou David Alonso, concelleiro de Emprego.

Deste xeito abrese un proceso de inscripcións para participar nun primeiro curso de formación de operarios de loxística e almacenaxe que se realizará ó longo do mes de febreiro no Multiusos de Torneiros.
As inscricións poderán realizarse no mesmo Multiusos de Torneiros ou chamanado ó número 986 338217 ou enviando un e mail ó enderezo electrónico formacion@porremprego.org

A previsión é que unhas 40 persoas que participen nos cursos de “Porriño Accede” fagan formación nas empresas e que aproximadamente o 60% delas acaden un contrato despois do período de prácticas.

28/01/2020 in Alcaldía, Emprego e formación

Programación do Entroido 2020: Convocase concurso para elixir o cartel anunciador

O Concello do Porriño convoca a primeira edición do concurso de carteis do que sairá o que servirá para anunciar o Entroido 2020. O prazo de presentación de deseños rematará ó 10 de febrero ás 20 horas.

Poderán participar todos cantos queiran con plena liberdade de técnica sempre que non presente dificultade para súa posterior reprodución litográfica.
O tema referirase o Entroido, e sempre en lingua galega. Os participantes entregarán un CD onde aparecerá o cartel en formato jpg, formato A3, 300ppp (puntos por pulgada) 3508×4960 píxeles, no Rexistro de entrada do Concello.

No cartel aparecerá o seguinte texto: “ENTROIDO NO PORRIÑO Dende 22 o 26 de febreiro 2020 Concellería de Festexos- Concello do Porriño”

O xurado estará presidido por Cami Moreira, concelleira de Festexos e integrado por 3 membros relacionados co mundo das artes.
O deseño gañador terá un premio en metálico de 600 euros. Haberá tamén un accésit de 500 euros.
O cartel gañador quedará en propiedade do Concello do Porriño que terá todos os dereitos e explotación do mesmo.

Bases consurso cartel Entroido 2020 (2)Descarga
25/01/2020 in Cultura e festas

Programación do Entroido 2020: Publicanse as bases do desfile de comparsas

A partir do 3 de febreiro abre o prazo de inscrición para o Desfile de Comparsas do Entroido 2020 que pechará o día 18 incluído, segundo ven de anunciar a Concelleróia de Festexos do Concello do Porriño.

O importe total de premios a repartir será de 13.950 euros entre comparsas infantis e de adultos. O importe dos premios se determinará segundo o número de compoñentes da comparsa.

Segundo as bases da convocatoria que xa se poden consultar a través do enlace que figura nesta mesma web, a orde de participación nos desfiles será por orde de  inscrición. 

As comparsas que aspiren ós premios de participación teñen a obriga de estar inscritas e participar nos desfiles do Sábado e Martes de Entroido, e no acompañamento do Enterro da Sardiña no Mércores de Cinza. Os percorridos de cada desfile tamén aparecen detallados na convocatoria.

 

BasesComparsasEntroido2020Descarga
24/01/2020 in Cultura e festas