Novas - Páxina 151 de 271

Graves danos na capela do Cristo a consecuencia da caída dun guindastre de grandes dimensións dunha obra cercana

Afortunadamente non houbo feridos pero hai que lamentar graves daños materiais na capela do Cristo como consecuencia do accidente que aconteceu hoxe en torno ás 10,40 da mañá.
Un guindastre de grandes dimensións derrubouse e bateu contra o tellado da capela e tamén alcanzou ao edificio de Telefónica na súa cuberta como podese ver nas fotos.

Os danos na capela son moi importantes xa que afectaron á cuberta do templo. Tras unha primeira inspección constatouse que as imaxes relixiosas están indemnes.

A caída o guindastre tamén ocasionou danos nun muro de peche do Hotel Parque.

Eva García, alcaldesa de O Porriño xunto con outros membros do goberno municipal e as forzas de seguridade (Guardia Civil e Polícia Local) Bombeiros e Protección Civil acudiu ó lugar para coñecer o alcance dos danos.

A zona está acordoada. No transcurso da tarde iniciaron os traballos para retirar o artefacto.

Segundo as primeiras pesquisas, a causa do accidente foi un fallo estructural ocasionado nun bulón que soporta a base do guindastre. Cando aconteceu o accidente o guindastre non tiña carga.

A alcaldesa do Porriño nunha primeira declaración sobre os feitos sobre o accidente indicou que “dentro do estado de alarma no que nos atopamos, ainda hai que agradecer que tanto o parque infantil como a capela do Cristo estiveran pechados e baleiros, de xeito que non temos que lamentar máis que danos materiais”.

17/03/2020 in Alcaldía

Alerta coronavirus: constituído comité de seguemento no Concello presidido pola alcaldesa

Eva García, alcaldesa de O Porriño presidiu hoxe luns a constitución do Comité de Seguemento pola alerta do coronavirus que xa adoptou as primeiras medidas.
Entre elas, encargou unha desinfección de diversos edificios e instalacións municipai que comezou xa nos dous pavillóns e na piscina do Polideportivo Municipal.

O Comité de Seguemento que preside a rexidora municipal está formado por Pedro Pereira, primeiro tenente de alcalde; Lourdes Moure, segunda tenente de alcalde concelleira de Seguridade e Persoal; Sergio Casal, concelleiro de Limpeza, Medioa Ambiente e Tráfico; Cami Moreira, concelleira de Igualdade e Xuventude; Daniel Rodríguez, Inspector Xefe da Policía Local e Jesús Gónzalez Pexegueiro “Carrola”, responsable de la agrupación de Protección Civil. Asimesmo invitouse aos voceiros dos grupos municipais da Corporación a integrarse así como un representante dos traballadores do Concello e un representante do persoal sanitario do Centro de Saúde.

Os acordos adoptados hoxe son os seguintes:

– As quendas de traballo da Policía Local serán 3 con polo menos dous policías en cada quenda.

– O persoal do Concello que poida facer teletraballo, así o fará, sempre que o servizo ao que afecta permítao.

– Manteranse activos con persoal presencial, o Padrón de habitantes, o Rexistro, e a Secretaría Xeral do Concello.

– O Concello permanecerá pechado ao público, e só se atenderán casos urxentes e previa cita.

– Garántense os servizos de limpeza e de Mercado Municipal, sendo o responsable destes servizos o concelleiro Sergio Casal, debendo informar dos postos do mercado que non cumpran a súa obrigación de atender axeitadamente aos usuarios.

– Encargase unha limpeza con desinfección das instalacións deportivas municipais, facendo fincapé nos vestiarios e na piscina municipal.

– Asimesmo realizarase unha limpeza e desinfección do resto de instalacións municipais.

– Este Comité de seguimento reunirase, previa consulta aos voceiros, cando as circunstancias e urxencia así o requiran. Namentres manterán comunicación telemática e de forma diaria para informar das incidencias da xornada.

16/03/2020 in Alcaldía, Limpeza

Decreto da Alcaldía coas medidas implementadas en prevención do coronavirus

Un decreto da Alcaldía do Porriño da conta do paquete de medidas implementadas polo Concello en aplicación das recomendacións para previr a expansión do coronavirus “Covid-19”, segundo as indicacións das administraciones competentes.

O decreto, firmado polo alcalde accidental, Pedro Pereira Fernández, recolle o peche de instalacións municipais, a suspensión de diferentes servizos e habilita opcións como o teletraballo para garantir a seguridade de funcionarios municipais e dos veciños que teñan que facer xestións ante o Concello.

13/03/2020 in Alcaldía

O Consorcio de Augas do Louro suspende a atención presencial

O Consorcio de Augas do Louro, en coordinación coa empresa xestora do servizo e co fin deminimizar os riscos para os traballadores e usuarios dos servizos, debido á alerta sanitaria polo Coronavirus COVID-19, manterá pechadas as oficinas de atención ao público cando menos dende o luns 16 de Marzo ata o luns 30 de Marzo.

Os usuarios do servizo poderán seguir realizando os seus trámites como ata o de agora a través do servizo de atención telefónico 900 81 01 03, a través da páxina web do Consorcio ou ben a través da sede electrónica.

Paralelamente a empresa xestora do servizo ten desenvolvido un Plan de Continxencia, con medidas específicas de aplicación no desarrollo dos traballos de mantemento e conservación das instalacións ou lectura de contadores, co fin de garantir a adecuada prestación do servizo mentres dure esta situación de alerta, durante a cal o Consorcio solicita a colaboración de todos os ciudadanos.

13/03/2020 in Alcaldía

Medidas preventivas polo coronavirus: O MERCADO AMBULANTE SUSPENDIDO ATA O 31 DE MARZO E A PRAZA DE ABASTOS SEGUIRÁ ABERTA PERO DEBERAN EXTREMARSE PRECAUCIÓNS

Outra das medidas preventivas polo coronavirus que adoptou o goberno municipal do Porriño foi a suspensión do mercadillo ambulante dos martes que se celebra na zona peonil da vila. A medida será de aplicación para os vindeiros martes de xeito que o mercadillo estará suspendido ata o 31 de marzo incluído.

A decisión foi comentada polo alcalde accidental e membros do goberno municipal cos voceiros dos demais grupos políticos da corporación na reunión que se celebrou onte a tarde no Concello.

Outra das medidas ten que ver coa actividade da Praza de Abastos do Porriño. Permanecerá aberta pero o goberno municipal vai trasladar aos titulares dos postos de venda a necesidade de que extremen a medidas de limpeza e hixiene e que establezan un protocolo de acceso e atención mentras duren as medidas de prevención.

13/03/2020 in Alcaldía, Urbanismo, comercio e industria

SUSPENDENSE A FEIRA APÍCOLA, A MOSTRA DA CAMELIA E OUTROS EVENTOS PROGRAMADOS

A aplicación das medidas para evitar a propagación da pandemia do coronavirus “Covid-19” motiva unha vaga de suspensións e cancelacións de actos públicos, feiras e festas no Porriño.
Ademais de para evitar a concentración de persoas, moitos de eses eventos non poderían celebrarse tampouco pola decisión do Concello de pechar diversas instalacións municipais como Centro Cultural, Biblioteca, Centro Cívico e Escola de Música, segundo acordouse onte.

De tal xeito, a Concellería de Cultura, Igualdade e Festexos confirma que SE SUSPENDEN:
– A presentación do ‘spot’ publicitario “Insistir, persistir, resistir e nunca desistir” da campaña pola igualdade co gallo do 8M que estaba prevista hoxe no Centro Cultural Municipal
– O Encontro de Corais que organizaba a Polifónica San Brais de Budiño que ía ter lugar mañá sábado na Igrexa de Santa María do Porriño
– As Masterclass de Banda que estaban a impartirse nos mércores deste mes na Escola Municipal de Música do Porriño
– A XXXII Feira Apícola das Rías Baixas que debería celebrarse o vindeiro sábado 21 cancelándose tanto as xornadas técnicas como a instalación de postos de venda
– A IX Mostra da Camelia que organizaba a AAVV San Salvador de Torneiros e que por tanto non se celebrará nas datas anunciadas de 28 e 29 de marzo.
– Tamén cancelase a representación teatral “As aventuras de Nabiza Girl”, con Isabel Risco que estaba para o venres 27 no Centro Cultural Municipal
– O VIII Festival de Bandas do Porriño que estaba previsto para o sábado 28
– “Ecopercussión”: suspendense tanto os obradoiros para escolares nos centros do Porriño que estaban concertados nas dúas próximas semanas como a exhibición final que estaba datada para o luns 30 de marzo.

13/03/2020 in Alcaldía, Cultura e festas, Educación e tecnoloxía, Igualdade

Porriño presentou o Plan de Igualdade 2020/2024 como “unha ferramenta real e efectiva”

O Plan de Igualdade aprobado polo Concello do Porriño “é unha ferramenta para establecer a igualdade de oportunidades real e efectiva entre mulleres e homes da nosa vila”, manifestou Cami Moreira, concelleira responsable desta área no goberno municipal. Ela presentou ante unha representación da corporación local, asociacións de veciños, Policía Local, Garda Civil, persoal do Centro de Información á Muller (CIM) e representantes doutros sectores sociais, o Plan de Igualdade entre Mulleres e Homes do Porriño para o cuatrienio 2020/2024 que aprobou por unanimidade a corporación local no recente pleno de febreiro.

A concelleira de Igualdade explicou que o Concello como administración pública que está máis perto da veciñanza, pretende acadar a igualdade de oportunidades. “Significa que calquera muller poida ter as mesmas oportunidades de acceso a un emprego, a unha subvención ou a medidas de conciliación laboral e familiar como calquera home que, en principio, ten máis facilidades”, engadiu.

Moreira detallou que os obxetivos que se persiguen acadar neste cuatrienio son: “a integración da administración municipal nas políticas de igualdade; proxectar O Porriño como cidade de igualdade; contribuir á erradicación dos obstáculos que impiden que as mulleres acaden a súa promoción na vida profesional e laboral; convertir ao Porriño nunha economía integradora da igualdade e. finalmente concienciar e promover a corresponsabilidade de homes e mulleres en todos os eidos”.

Para achegarse a eses obxetivos, o Plan Municipal aborda 7 eixes de intervención, través de 54 medidas, que son:
+A Promoción da Igualdade na Política Municipal.
+Emprego e Conciliación da Vida Persoal, Laboral e Profesional.
+Coeducación, deporte e calidade de vida.
+Urbanismo, Mobilidade e Seguridade.
+Atención a situacións de vulnerabilidade.
+Empoderamento e participación.
+A Violencia de Xénero.

12/03/2020 in Igualdade

Máis medidas preventivas polo coronavirus: suspendese a presentación do ‘spot’ pola igualdade e tamén cancelase o Encontro de Corais

A Concellería de Cultura e Igualdade informa da suspensión de duas previsións para venres e sábado, tamén como consecuencia das medidas preventivas ante o coronavirus.

Mañá cancelase a presentación do spot publicitario “Insistir, persistir, resistir e nunca desistir” que ía a ter lugar no Centro Cultural Municipal. Tratase dunha das accións da programación do 8M para visualizar a igualdade a través de deportistas locais femininas e masculinos. Aprazase ata nova data.

Por outra banda, a Concellería de Cultura foi informada polos organizadores do Encontro de Corais que ía ter lugar o sábado 14 de que suspenden o evento polas mesmas razons.

12/03/2020 in Alcaldía, Cultura e festas, Igualdade

O Concello adopta medidas preventivas polo coronavirus: pechanse instalacións deportivas e culturais e establecense medidas na atención ao público

O Concello do Porriño comunica que a partir do venres 13 pecharánse as instalacións deportivas e culturais de titularidade municipal dacordo coas recomendacións das administracions autonómica e central para previr a expansión do coronavirus.

De tal xeito que pecharan os dous pavillóns do Polideportivo Municipal así como a Piscina Municipal, outras instalacións deportivas e e os diversos campos de futbol que dependen do Concello (Atios, Torneiros, Mosende, Budiño, Pontellas e Chenlo). Asimesmo pecharan o Centro Cultural Municipal, a Biblioteca e o Centro Cívico.

Por outra banda acordouse suspender o mercadillo ambulante dos martes ata o 31 de marzo inclusive.

Esta tarde o alcalde accidental, Pedro Pereira convocou aos grupos municipais a unha reunión para avaliar a posible adopción doutras medidas preventivas a implementar en instalacións de titularidade municipal, en consoancia coas recomendacións que a Xunta de Galicia e o Goberno Central adopten e comuniquen nas vindeiras horas.

Por outra banda, despois de reunirse este mediodía o Comité de Seguridade e Saúde do Concello do Porriño coa concelleira de Persoal, Lourdes Moure acordouse adoptar unha serie de medidas preventivas entre o persoal municipal, especialmente nos servizos de atención ao público. Entre elas, a colocación de dispensadores de solución hidroalcólica en todos os centros de traballo, priorizando as instalacións de atención abertas ao público. Asimesmo acordouse colocar guías explicativas para a correcta hixiene nos centros de traballo do Concello e reforzar a limpeza das instalacións de dependencia municipal.

A Alcaldía promulgou hoxe un bando no que avisa á veciñanza da necesidade de reducir a atención ao público nos servizos e edificios municipais.

O bando indica que “priorizarase a atención telefónica e telemática, evitando na medida do posible achegarse ós edificios municipais”.

Por outra banda, mañá venres haberá unha reunión con responsables e xefes dos diversos departamentos municipais para determinar e facilitar o teletraballo dos funcionarios naqueles servizos onde sexa posible.

12/03/2020 in Alcaldía, Cultura e festas, Deportes

Cancelada a charla do ciclo “Bibliosaúde” prevista para mañá por decisión do conferenciante ante o coronavirus

A Concellería de Cultura informa da cancelación da charla do ciclo “Bibliosaúde” prevista para mañá xoves día 12, na Biblioteca Municipal do Porriño, por decisión do conferenciante.

Segundo a información recibida hoxe pola Biblioteca Municipal do Porriño, a axencia que leva ao conferenciante anuncíado que é Iñaki Pastor solicitou que a charla fose adiada ante o avance do coronavirus e as recomendacións preventivas que se están a realizar en todo o Estado.

Iñaki Pastor é fisoterapeuta experto en pediatría e dirixe o Instituto de Terapias Integrativas de Zaragoza.
Polo momento ainda non está decidida unha nova data para a celebrarción da charla “Guía práctica para acompañar ao teu bebé no seu desenvolvemento”.