Novas

Traxes de protección e mascariñas confeccionadas por mulleres do Porriño para policías locais, profesionais sanitarios e de atención domiciliaria


Un grupo de veciñas da parroquia porriñesa de Cans fixeron entrega dun lote de traxes de protección confeccionados por elas mesmas que recibiu o Concello do Porriño para a súa utilización polos traballadores do Servizo de Axuda no Fogar (SAF).

Nestes días o persoal do SAF está a prestar unha importantísima tarefa de apoio a persoas maiores, discapacitadas ou que bien soas.

Por outra banda outro grupo de mulleres porriñesas, entre elas a propia Eva García, alcaldesa da vila, están a confeccionar cos seus propios medios e nas súas casas, tanto patróns para os “EPI” como mascariñas de protección de dous tipos que entregan periódicamente tanto á Policía Local como tamén aos profesionais sanitarios que están a traballar no Centro de Saúde.

Tanto o material para os EPIs (traxes de protección) como para as mascariñas procede de doazóns de empresas porriñesas ás que o Concello agradece a súa desinteresada colaboración.

04/04/2020 in Alcaldía

Novas achegas de alimentos de empresas da contorna para socorrer o aumento de familias en risco de exclusión

Diversas industrias alimentarias e empresas de distribución fixeron entrega ao longo da semana de lotes de productos que sumaron máis de 20 toneladas recibidas no banco de alimentos “SOS Porriño”.
Estas achegas permitiron atender o aumento da demanda de axuda que rexistraron os Servizos Sociais do Concello do Porriño. Segundo estimacións deste departamento, “a cifra habitual de 150 familias máis necesitadas que temos normalmente no Porriño, duplicouse a consecuencia da paralización económica co confinamento”, explicou David Alonso, concelleiro de Asuntos Sociais.


Entre onte venres e hoxe sábado recibironse na sede de “SOS Porriño” as doazóns de “Coren” que entregou 500 kilos de conservas e “Gadis” que aportou media tonelada de fariña e azucre. O luns será “Distribucións Froiz” quen aporte 1.000 kilos de arroz e a industria “Ceamsa” patrocine a entrega de 300 botes de cacao instantáneo. E “Nova Pescanova” repetirá aportación de 250 kilos de productos elaborados de peixe e marisco conxelado.
Todas estas doazóns súmanse ás recibidas dende o luns pasado entregadas pola antedita “Nova Pescanova” así como por “Eurobanan” e “Noribérica”. Ademais da entrega semestral da Cruz Vermella que mandou un camión con 20 toneladas de alimentos non perecedoiros.


04/04/2020 in Alcaldía, Servizos sociais

A Policía Local realizou 155 denuncias por incumprimentos do confinamento nas tres semanas transcorridas do estado de alarma


A Policía Local de O Porriño realizou 155 denuncias por incumprimentos diversos das medidas de confinamento, ata a mañán día de hoxe e durante as tres tres semanas transcorridas dende que se decretou o estado de alarma.
O número de denunciados medrou hoxe venres, xonada na que se impuxeron 16 denuncias ata o mediodía.

A meirande parte dos denuncíados son veciños de Porriño pero tamén hai foráneos e transeúntes de Vigo, Tomiño, Mos, Salceda, As Neves e outros concellos da contorna.
A infracción máis recorrente é sair a pé ou no coche dar unha volta carecendo de motivo xustificado. En cambio, as denuncias por infrinxir ou propasarse co pretexto de sacar o can, rebaixaronse.

Hai varios reincidentes. Destaca o caso dun veciño de Pontellas que xa acumula tres denuncias por infrinxir o confinamento saíndo a pasear coa súa bicicleta sendo interceptado polas patrullas policiais en diferentes puntos do termo municipal.

Todas as denuncias son remitidas á Subdelegación do Goberno que se encaga da súa tramitación, valoración dos feitos, imposición da coantía da multa e xestión da mesma. As multas por incumprimento do estado de alarma van dende os 600 euros ata os 30.000 euros, segundo graos.
Tan só nun caso dun vecino de O Porriño, a Policía Local deu conta tamén da denuncia ao Xulgado pola gravidade do desacato. Tratase dun “sen teito” que tivo unha conducta desconsiderada coa patrulla policial.

Por outra banda, a Policía Local e o Concello de O Porriño “queren agradecer o comportamiento maioritario da veciñanza que observa correctamente o confinamento así como daqueles cidadás que colaboran e avisan ás forzas de seguridade para alertar sobre o comportamento insolidario dalguns”, segundo manifestou Lourdes Moure, concelleira de Seguridade.

Asimesmo a concelleira agradeceu no nome do Concello “o traballo de todos os colectivos profesionais que están a protexernos profesionais sanitarios, servizos de limpeza, forzas e corpos de seguridade do Estado e de xeito particular á Policía Local do Porriño que está ao pé do cañón as 24 horas do día”, engadiu Moure Varela.

03/04/2020 in Alcaldía, Seguridade

IV Plan Municipal de Igualdade de Oportunidades entre Mulleres e Homes do Porriño 2020/2024

Desde a Concellería de Igualdade continuase co compromiso de
difundir o IV Plan Municipal de Igualdade de Oportunidades entre
Mulleres e Homes do Porriño 2020-2024; que foi aprobado por
unanimidade no Pleno do 27 de febreiro, e presentado á cidadanía
o 11 de marzo.
Esta é unha versión resumida onde se dan a coñecer as medidas a
realizaren no 1º semestre deste ano 2020; que se irá completando
coas medidas seguintes, 2º semestre do ano e así sucesivamente,
segundo a cronoloxía do plan.

A continuación deixamos o enlace

Resumo-1ªParteIVPlanIgualdadeOPortunidadesMulleresHomesPorriño-2020-2024Descarga
03/04/2020 in Igualdade

O Concello ofrece servizo de apoio sicolóxico para adolescentes e coidadores para sobrelevar o confinamento

O Concello do Porriño en colaboración coa Asociación para a Saúde Emocional na Infancia (ASEIA) ven de poñer en marcha un servizo de primeiros auxilios emocionais para adolescentes nesta sirtuación de confinamento que estamos a vivir.

A prestación deste apoio sicolóxico tamén abrangue a coidadores de nenas/os de 0 a 11 anos. Realizase por profesionais da psicoloxía, traballo social, enfermería e educación social. Encarganse de dar cobertura de apoio emocional e orientación psicolóxica, educativa e social a adolescentes e coidadores que se atopen con dificultades de desbordamento emocional derivadas da situación de illamento social a causa do estado de alarma decretado pola pandemia do Covid-19.

A atención é gratuita e pode solicitarse a través de teléfono e/ou por email:

Teléfono: 622 245 545
E-mail: aseia.galicia@gmail.com

02/04/2020 in Alcaldía, Benestar

O Concello axiliza o pago de 400.000 € a proveedores para inxectar liquidez na economía local nesta situación de alarma

O Concello do Porriño axiliza esta semana o pagamento a proveedores por un importe global de 400.000 euros correspondentes a facturas deste primeiro trimestre co propósito de inxectar líquidez na economía local, prácticamente paralizada pola situación de estado de alarma sanitaria.

“Seguimos intentado paliar os efectos desta pandemia mediante o pago a pequenos proveedoresde tal xeito que esta semana axilizaronse trámites para aboar 400.000 euros en facturas pendentes do primeiro trimestre deste ano”, declarou a alcaldesa Eva García.

A rexidora indicou que mediante tele traballo tanto Intervención, Tesoreria, Secretaria e a propia Alcaldía “seguen a tramitarse máis pagamentos tanto por suministros como luz, telefonía e recollida de basuras así como con servizos prestados por outros proveedores cuia licitación está en marcha”, rematou Eva García.

Lembremos que en materia económica o Concello do Porriño acordou hai unha semana o aprazamento de todas as obrigas tributarias municipais ata que rematen as medidas de confinamento.

01/04/2020 in Alcaldía

Hoxe recibironse 21 toneladas de alimentos doados por industrias do sector alimentario e pola Cruz Vermella para abastecer ás familias máis necesitadas de Porriño

Ao longo deste martes recibironse no almacén do Banco de Alimentos “SOS Porriño”, 21 toneladas de productos doados por industrias do sector alimentario da contorna e tamén pola Cruz Vermella.

Nos vindeiros días continuaran as achegas doutras empresas segundo comprometeron con David Alonso, concelleiro de Asuntos Sociais que xestionou unha achega extra tendo en conta a actual situación do estado de alarma. Segundo os datos recabados polos técnicos do departamento de Servizos Sociais, a demanda de axuda extra para familias máis necesitadas no Porriño medrou ao dobre do habitual.

Hoxe recibironse as achegas de “Eurobanan” que aportou 300 kilos de froita fresca (plátanos e mazás); 750 kilos de peixe conxelado (bacallau e pescada) doados por Noribérica, e 20.000 kilos de alimentos non perecedoiros aportados pola Cruz Vermella. Tratase da primeira das achegas semestrais que realiza a ong para “SOS Porriño”.

Nos vindeiros días agardanse as achegas doutras firmas e distribuidores da contorna que anunciaron a súa colaboración como “El Corte Inglés”, “Coren”, “Froiz”, “Mercadona”, “Carrefour”, “Frinova” e “Pescapuerta” entre outras.

31/03/2020 in Servizos sociais

A Concellería de Educación anima á infancia e xuventude porriñesa a participar na actividade “Clip Club TV” promovida por Unicef e a familia Alcántara

A Concellería de Educación e a OMIX do Porriño invitan a poboación infantil e xuvenil do Porriño a participar activamente na actividade “Clip Club TV”, proposta polo Comité de UNICEF Galicia.

“Tratase de manter activos a os nosos nenos e xovenes mediante proxectos e actividades que lles fagan máis levadeira esta corentena”, manifestou Lourdes Moure, concelleira de Educación que invita a mocedade porriñesa “a participar na iniciativa proposta por UNICEF.
A concelleira sinalou que “estamos moi orgullosos de cómo está a comportarse a infancia e a xuventude porriñesa durante este estado de alarma. De xeito que iniciativas como as que plantexa semella que pode contribuir a facerlles máis doado o confinamento na casa”, asegurou Moure Varela.

A iniciativa “Clip Club TV” consiste nunha canle de YOUTUBE onde os
protagonistas son os nenos, as nenas e os adolescentes a través dos seus propios videos contándo como están a vivir esta corentena. UNICEF conta para esta iniciativa co apoio da “Alcantara Family Foundation”, vencellada a os xogadores de futbol Tiagho (Bayern Munich), Rafinha (R.C Celta) e o pai de ambos, Mazinho, ex xogador do equipo vigués.

Segundo explica Marta Andrade, de UNICEF, “pretendemos que se miraches unha película ou unha serie, ou ben un libro que te gustou, graba un video e recomendallo a outros rapaces. Igual coa música que estés a escoitar ou cunha receita de cociña ou unha coreografóa ou un baile que queiras compartir”, indicou.
O xeito de participar é moi sinxelo: tan só hai que grabar un video co teléfono móbil, tablet ou ordenador, en formato horizontal e evitando o contraluz que sexa breve (non máis de minuto e medio), evita ruidos e se podes en galego preferiblemente

Para subir os vídeos e moi doado: conectándose a www.clipclubtv.com

31/03/2020 in Educación e tecnoloxía

Porriño, Cidade Amiga da Infancia, agradece nun bando aos nenos e nenas o seu comportamento exemplar axudando a vencer o coronavirus

A Alcaldesa Eva García ven de firmar un bando adicado aos nenos e nenas de O Porriño polo seu comportamento exemplar axudando a vencer o coronavirus.

A idea de facer este bando infantil é por iniciativa da Concellería de Educación que dirixe Lourdes Moure e da Oficina Municipal de Información Xuvenil, OMIX.

Porriño que é Cidade Amiga da Infancia nomeada pola UNICEF dende 2018, quere rendir deste xeito unha homenaxe aos máis pequenos de cada fogar pola súa contribución para superar esta pandemia.

Deixamos a continuación o Bando.

30/03/2020 in Alcaldía, Educación e tecnoloxía

Industrias do sector alimentario doan toneladas de productos ao Concello para abastecer ás familias máis necesitadas do Porriño

Diversas industrias do sector de elaboración de productos alimentarios sitas na contorna están a realizar doazóns ao Concello do Porriño para poder abastecer ás familias máis necesitadas.

Segundo novos cálculos do departamento de Servizos Sociais, a cifra de familias en risco de exclusión social pasou das 150 censadas ás 300 debido á paralización de actividades económicas derivada do estado de alarma e do endurecemento das medidas de confinamento pola pandemia do “Covid-19”.

Hoxe foi a empresa “Nova Pescanova” a que fixo entrega de 200 kilos de elaborados de peixe cuio reparto realizaron a Agrupación de Protección Civil e o propio concelleiro de Servizos Sociais, David Alonso coa axuda de voluntarios que colaboran con Banco de Alimentos “SOS Porriño”.

Mañá martes recibiránse as doazóns das empresas “Eurobanan”, que aportará 300 kilos en froitas e “Coren” que doa 250 kgs. en diversos elaborados cárnicos. E nos vindeiros días “apalabraronse as entregas de “Pescapuerta”, “El Corte Inglés” e “Frinova” que garantirán o aporte de outra tonelada e media máis de alimentos para solventar esta emerxencia”, manifestou o concelleiro David Alonso.

30/03/2020 in Servizos sociais