Novas

Ponse a proba no Multiusos de Torneiros unha cabina anti-covid desarrollada por unha empresa do Porriño

Esta semana, na porta de acceso principal ao Multiusos de Torneiros, está a proba unha cabina anti-Covid desarrollada por “Ramecq”, unha empresa do Porriño.

O pórtico de entrada, está dotado cun sistema de toma de temperatura, dispersor vaporizador, xel hidroalcohólico e alfombra desinfectante como xa tiveron oportunidade de comprobar as persoas que acuden ás oficinas de “Porreemprego” e demais servizos ubicados no Multiusos de Torneiros.

Segundo explica a empresa “Ramecq” na súa páxina web, o sistema co que está dotada a cabina “Smart Sanitizer” que desarrollaron, emprega productos químicos e desinfectantes aprobados polas normativas europeas e respetuosos co medio ambiente.  Esta empresa ten a súa sede no polígono industrial de A Granxa.

David Alonso, concelleiro de Servizos Sociais e Emprego manifestou que “colocaremos a cabina a proba noutras instalacións municipais coma o Polideportivo, tamén no Centro Cultural e falei con Alfonso Pato, director do Festival de Cans para que valoren a súa instalación na vindeira edición deste evento”.  

19/08/2020 in Deportes, Emprego e formación, Limpeza, Servizos sociais

Concello e Deputación comprobaron as obras de reforma urbana na rúa Doantes de Sangue

A alcaldesa, Eva García e o primeiro tenente de alcalde, Pedro Pereira comprobaron hoxe, xunto cos deputados provinciais, Carlos López Font e Santos Héctor o desarrollo das obras de reforma urbana na rúa Doantes de Sangue. A actuación tradúcese nunha ampliación de beirarrúas, mellora da seguridade vial mediante resaltos para o calmado do tráfico e pasos peonís nos accesos tanto aos centros docentes alí existentes como tamén ás instalacións do Polideportivo Municipal e outros edificios oficiais e privados.

Para o orzamento da obra, que chega ao medio millón de euros, a Deputación Provincial aportou a través do Plan “Depo-Remse” o 85% do mesmo e o Concello o 15% restante. As obras que están a executarse pola empresa “COVSA”.  

“Esta actuación no Porriño é exemplar para que as persoas recuperen e ocupen os espazos públicos que antes utilizaban os vehículos”, manifestou Carlos López Font. “Neste caso concreto estamos nun entorno que definiría coma paradigmático pois temos un instituto, un colexio, polideportivo municipal, edificios oficiais como a Tesoreria da Seguridade Social, Centro de Saúde o so Xulgados, que moven xente de todas as idades que se beneficiarán deste cambio radical por unha mobilidade tranformadora e segura”, engadiu o deputado responsable de Infraestructuras.

Pola súa banda, Eva García ponderou “o traballo realizado” polo concelleiro de Infraestructuras, Pedro Pereira “pola súa capacidade para buscar e axeitar solucións constructivas conforme avanzaba a obra”, manifestou a alcaldesa.   

Para Eva García “esta obra é un primeiro paso para evidenciar que o concepto de cidade que compartimos neste goberno de coalición vaise facendo realidade para transformar O Porriño e agardo que sexa coa plena colaboración da Deputación Provincial coma acontece dende hai 5 anos”.

18/08/2020 in Alcaldía, Educación e tecnoloxía, Tráfico, Urbanismo, comercio e industria, Vías e obras

A Policía Local impón as tres primeiras denuncias por fumar en público sen respetar a restrición de 2 metros de distancia



A Policía Local do Porriño informa que onte domingo, pola tarde, impuxeronse as tres primeiras denuncias por incumprimento da restricción de fumar sen respetar unha distancia de 2 metros. Dúas desas sanciones levantaronse contra un camareiro e un cliente dun mesmo establecemento de hostalaría do casco urbano que estaban fumando sen gardar a distancia social.

O terceiro caso denunciouse por fumar na vía pública incumprindo tamén o preceptúado na normativa que aprobou a Xunta de Galicia e que está en vigor dende o pasado xoves 14 de agosto.

A Policía Local do Porriño informa que tamén onte levantaronse 5 denuncias a peóns que circulaban sen facer uso da máscara. Dúas delas, tramitaronse contra veciños do Polígono de Torneiros e as tres restantes no casco urbano.

Dende a Concellería de Seguridade lémbrase á veciñanza do Porriño a obrigatoriedade de empregar a máscara de protección cando salgan ás rúas, aínda que sexa para baixar o lixo ou para coller o coche así como nas zonas comúns nos edificios de vivendas.

17/08/2020 in Alcaldía, Seguridade

A Concellería de Cultura anuncia o Festival “Sons da canteira” que terá lugar en Vilafría

O Concello do Porriño, a través da Concellería de Cultura, anuncia a celebración do festival musical “Sons da Canteira” que terá lugar o sábado 29 de agosto, no espazo en restauración que ocupou a canteira de Vilafría.

“Este festival de música galega que organiza o Concello nace con vontade de continuidade e supon que a modernidade da música galega entre nunha canteira en restauración no Porriño”, segundo valorou Cami Moreira, concelleira responsable.

Neste primeiro “Sons da Canteira”  haberá catro actuacións. Abrirá o dj e o artista multimedia Juanma LoDo. Polo escenario seguirán o grupo “Baiuca”, Mercedes Peón e o dúo Laura Lamontagne e PicoAmperio.  Todos eles empregarán (videomapping) proxeccións en vídeo contra a muralla de pedra que servirá de anfiteatro natural. Tamén colaborarán no festival catro componentes da Asociación “Os Penediños” de Atios.

Estableceronse estritos protocolos anti-Covid para garantir a seguridade de público e participantes. O aforo está restrinxido, a tan só 500 persoas, con espazos reservados para cadeiras e mesas pois poderáse comer namentres se miran as actuacións xa que haberá duas “food trucks”.

As localidades están á venda na páxina web www.woutick.es. Co prezo da entrada incluese o autobús que traslada aos espectadores dende a Avenida de Galicia, no Porriño, ata a canteira de Vilafría.

O Festival está programado para comezar ás 18 horas.

Deixamos ligazón coa páxina web do departamento de Cultura

Festival Sons da Canteira

12/08/2020 in Cultura e festas

O Concello colabora coa Seguridade Social para facilitar trámites para obter o Ingreso Mínimo Vital


O Concello do Porriño acadou un acordo coa Dirección Provincial do Instituto Nacional da Seguridad Social (INSS) para simplificar trámites aos solicitantes do Ingreso Mínimo Vital. A medida estrearáse a vindeira semana, segundo anunciou David Alonso, concelleiro de Emprego e Servizos Sociais.

Coa finalidade de evitar aos solicitantes desprazamentos e colas, o INSS solicitará por vía telemática os certificados de empadroamento históricos e colectivos, que é un trámite indispensable para pedir e acceder ao Ingreso Mínimo Vital.

“Deste xeito simplificanse as xestións aos demandantes que non terán a obriga de ter que acudir ao Concello xa que será a propia administración municipal a que se encargará de enviar os certificados á Seguridade Social”, manifestou o concelleiro. Neste senso, David Alonso agradeceu a colaboración de Fernando Alvarez-Blázquez, director provincial do INSS “polo que supon de axilizar trámites aos veciños e veciñas do Porriño evitandolles que corran riscos por causa da pandemia”, rematou o concelleiro.

12/08/2020 in Alcaldía, Emprego e formación, Servizos sociais

O Porriño acada a aprobación pola Unión Europea dun proxecto formativo sobre mocedade e cambio climático

Por primeira vez na historia deste municipio, o Concello do Porriño ven de acadar a aprobación pola Unión Europea dun proxecto formativo sobre mocedade e cambio climático. O anuncio realizouno Lourdes Moure, concelleira responsable de Proxectos Europeos que é unha competencia que se estrea neste mandato no goberno municipal.

O Concello do Porriño é o promotor e coordinador do proxecto que se circunscribe ao “Programa de Desarrollo de Capacidades da Xuventude”, xestionado directamente pola UE e dotado cun orzamento de 150.000 €. Xunto co Con cello do Porriño partici`pan diversas institucións e universidades de España, Portugal, Mozambique e Cabo Verde.

O proxecto “EYFEC”, siglas que corresponden a súa denominación en inglés (“Empowering Youth for Facilitating Ecological Transition”), ten como obxetivo empoderar aos mozos e mozas e ás institucións públicas e organizacións non gubernamentais, polo desarrollo ambiental e sostible.

A concelleira Lourdes Moure explicou que “o proxecto ten como destinataria á mocedade e como propósito convertir aos nosos mozos e mozas en axentes activos contra o cambio climático”. Lembrou que neste eido “O Porriño tivo un papel moi sobranceiro como acreditou a implicación de centos de escolares e os seus centros educativos nas reivindicacións dos ‘Fridays for Future’ que se celebraron na nosa vila”.

Tamén lembrou a “participación de Miriam Campos Leirós na Cumbre do Cambio Climático en Madrid en representación do movemiento “Profes polo futuro” que tivo o seu centro de operacións no CEIP Antonio Palacios.

Por último, Moure citou que entre as entidades que participarán neste proxecto da UE figura o IES Ribeira do Louro, centro docente porriñés que xa ten unha ampla experiencia en intercambios escolares e traballos internacionais.

A concelleira de Proxectos Europeos valorou que “ao reto de implementar o proxecto haberá que sumar agora as restriccions derivadas do Covid-19 no que atinxe á realización de viaxes internacionais e celebración de actividades conxuntas que tamén albergaremos no Porriño”, manifestou Lourdes Moure.

11/08/2020 in Alcaldía, Educación e tecnoloxía

O Concello felicita á Agrupación de Voluntarios de Protección Civil polo seu constante traballo, especialmente sobranceiro con esta pandemia

O Concello do Porriño felicitou á Agrupación de Voluntarios de Protección Civil polo seu continuado traballo a prol da veciñanza como ven amosando dende o estado de alarma e no período posterior.

A concelleira Lourdes Moure, responsable de Protección Civil, trasladou a Suso Gónzalez Pexegueiro, a felicitación no nome do Concello para que a fixera extensiva a todos os membros da Agrupación que, ás ordes de “Carrola” están a traballar diariamente nun feixe de actividades.

Neste días, os voluntarios de Protección Civil están a colaborar na extinción de incendios forestais como aconteceu onte nos lugares de Sanguío e Eirís, na parroquia de Budiño onde os lunes ameazaban núcleos habitados.

A concelleira Moure Varela lembrou o papel desarrollado polos voluntarios de Protección Civil do Porriño na recollida, clasificación e reparto de alimentos, a través de “SOS Porriño”, en colaboración co departamento de Servizos Sociais do Concello.

Tamén recordou a concelleira no seu ámbito de Educación que “o persoal de Protección Civil foi indispensable para o reparto dos 250 “routers” e “pinchos” de 60 GB entre escolares dos centros educativos do Porriño que carecían de conexión á Internet nas súas casas” para que poideran seguir as clases e rematar o curso sen fenda dixital co respecto aos seus compañeiros”, maifestou.  Do mesmo xeito, tamén Protección Civil encargouse do reparto de material didáctico en centros de día, para o alumnado de ACEESCA ou da distribución de medicamentos entre as persoas maiores durante o confinamento.

 

11/08/2020 in Alcaldía, Servizos sociais

Porriño acollerá un curso de cociña creativa dos itinerarios formativos “Coas mans na masa”

As cociñas do Centro Multiusos de Torneiros, dependentes do Concello do Porriño, acolleran a finais do presente mes, un curso de cociña creativa que impartirá o chef galego Iván Méndez, orientado a persoas cunha actividad laboral ligada ao sector hostaleiro.

Esta actividade forma parte dos itinerarios formativos “Coas mans na masa” que propon a Asociación de Desenvolvemento Galicia Suroeste Eu Rural que retoma a súa programación despois dos meses de forzosa paralización polo estado de alarma.


“Eu Rural” conta coa colaboración do Concello que facilitará as instalacións de cociña no Multiusos de Torneiros para o curso que terá lugar os días 31 de agosto, 1 e 2 de setembro, en horario de tarde.

As persoas interesadas poden inscribirse a través do formulario habilitado para este curso na páxina web de Eurural

https://eurural.org/formulario-coas-mans-na-masa-2020-profesionais/.

O curso será de balde e poderán asistir como máximo 15 participantes. En canto ao contido do mesmo, o chef galego Iván Méndez proporá novas formas de empregar os produtos locais para a elaboración de pratos creativos, innovadores e novidosos. Iván Méndez é un experto en cociña creativa, de recoñecida reputación, gran capacidade de comunicación e ampla experiencia na celebración de eventos de cociña, gastronomía e turismo, ademais de ser o “chef de cabeceira” no programa de Eu Rural “Un Chef no Rural”.

08/08/2020 in Emprego e formación

Pleno municipal extraordinario

A Corporación Local do Porriño celebrará este venres 7, a partir das 12 horas, un pleno extraordinario con tres asuntos na orde do día que reproducimos a continuación. 

Debido aos protocolos anti-Covid, a sesión será a porta pechada, cos concelleiros repartidos entre os seus sitios habituais e nas butacas do público.

A sesión poderá seguirse en directo, a través da retransmisión por “streamming” que faremos nesta mesma páxina web, a través de “mediateca de plenos”. 

 

06/08/2020 in Alcaldía

Aclaración sobre o proceso selectivo para cubrir 3 prazas vacantes de auxiliar administrativo no Concello

A Concellería de Persoal quere aclarar que as persoas interesadas en participar no proceso selectivo para cubrir interinamente 3 prazas vacantes de auxiliar administrativo no Concello, NON DEBEN PRESENTAR AÍNDA AS SÚAS SOLICITUDES ANTE O CONCELLO.

Ás persoas que xa fixeron esa presentación DEBERÁN REPETIR AS SÚAS SOLICITUDES POR QUE ACTUALMENTE CARECEN DE VÁLIDEZ. 

Ás que acuden presencialmente a realizar o trámite ante o rexistro xeral do Concello, xa se lles avisa que deberán agardar. 

Algunhas xa o fixeron a través da sede electrónica do Concello e se lles avisa a través deste medio, que non ten válidez e que deberán repetir a solicitude cando a convocatoria sexa publicada no Diario Oficial de Galicia (DOG).

Neste intre tan só publicouse no Boletín Oficinl da Provincial (BOPPO) nº 137, de data 20 de xullo.

Unha vez sexa publicada no DOG, os aspirantes terán un prazo de 20 días naturais a contar dende o día seguinte á data de publicación. NON SERÁ NECESARIO SOLICITAR CITA PREVIA. 

Deixamos ligazón coa convocatoria 

http://www.porremprego.org/archivos_editor/file/PUBLICACI%C3%83%E2%80%9CN%20BASES%20PARA%20CUBRIR%203%20PRAZAS%20INTERINAS%20DE%20AUXILIAR%20ADMINISTRATIVO.pdf

 

06/08/2020 in Alcaldía, Emprego e formación