Está dirixido a nenos e nenas de entre 3 e 12 anos cumpridos e terá lugar entre o 1 de xullo e o 8 de agosto.
Está dirixido a nenos e nenas de entre 3 e 12 anos cumpridos e terá lugar entre o 1 de xullo e o 8 de agosto.
O 28 de xuño O Porriño celebra o Día Internacional do Orgullo LGTBIQ+ e dará 1.000 euros en premios para as drag queens gañadoras.
O Porriño acolle desde hoxe a mostra itinerante “Pontevedra e América. Unha mirada en feminino”, organizada pola Deputación de Pontevedra e a Cátedra Iberoamericana da Universidade de Santiago de Compostela.
A mostra inaugurouse esta tarde cun faladoiro a cargo de María Cadaval, directora da Cátedra Iberoamericana, Mª Xosé Rodríguez Galdo, catedrática emérita de Historia e Institucións Económicas da USC e María Xosé Porteiro, adxunta á xornalista e escritora.
A deputada de Igualdade, Sandra Bastos, e a concelleira de Igualdade, Carolina González, participaron no acto inaugural da exposición que poderá visitarse no parque do Cristo ata o 15 de xuño
“Cando pensamos na emigración, esquecemos a aportación que fixeron as mulleres” remarcou a deputada de Igualdade. Neste eido, Bastos subliñou o papel fundamental que desenvolveron, “tanto cando saían como cando quedaban aquí, en Galicia”, e puxo en valor a traxectoria das protagonistas da mostra: “Todas elas marcaron fitos na política, no social, na defensa da lingua ou na educación e, sen embargo, permanecen invisibles nos relatos históricos”.
No mesmo sentido se expresou a concelleira, incidindo na importancia de “rescatar a experiencia e a mirada femenina da inmigración, e devolver ás mulleres o lugar e o protagonismo que lles corresponde nesta andaina que marcou a historia de Galicia e segue a marcala na actualidade”.
Este proxecto de colaboración entre a Deputación de Pontevedra e a Cátedra Iberoamericana non se limita á mostra, ten como obxectivo investigar, recompliar e publicar, en formato dixital, as historias dun nutrido grupo de pontevedresas no eido da cultura, da arte, da empresa, da docencia e, en definitiva, en todos os ámbitos nos que se aplicaron, cunha dobre mirada: o éxito nas Américas e o éxito en Pontevedra daquelas que agardaron. E todo iso sen descoidar a historia de tantas mulleres que foron ignoradas a pesar da súa forte implicación nas migracións laborais e políticas que, de maneira especial, se sucederon no pasado século.
O Concello do Porriño segue traballando co obxectivo de sensibilizar á veciñanza en xeral da gravidade e dimensión do problema da violencia contra as mulleres e, á vez, avanzar na prevención destas condutas violentas. Neste eido, dende a concellería de Igualdade, que dirixe Carolina González, inclúen na súa folla rota tamén a necesidade de dotar ás mulleres das ferramentas necesarias para defenderse dun ataque adquirindo coñecementos de defensa persoal da man de persoal cualificado.
A proposta abrangue dúas iniciativas: unha dirixida ao alumnado dos centros de educación secundaria e unha segunda dirixida ás mulleres en xeral aberta a participación de todas aquelas que queiran formarse.
Hoxe desenvolveuse a primeira das sesións, no IES Pino Manso, na que participaron os alumnos e alumnas de primeiro de bacharelato. Comezaron cunha ponencia sobre a violencia machista da man de Juan Antonio Sagredo, fiscal en violencia de xénero do partido xudicial de Ponteareas con máis de 20 anos de experiencia. A continuación, da man de axentes da policía local e expertos en defensa persoal, comezou a sesión práctica na que as rapazas, acompañadas polos seus compañeiros de clase, aprenderon maniobras de defensa para solventar un posible ataque.
O día 2 a actividade desenvolverase no IES Ribeira do Louro.
As quendas abertas ao público serán os días 13, 20, 27 de abril e o 4 de maio, no pavillón municipal, e contarán coa intervención do maxistrado Juan José Trashorras, titular do Xulgado Penal número 1 de Pontevedra. Serán de 10 a 13 h.
Están dirixidas a mulleres, co fin de desenvolver máis confianza nelas memas e no seu entorno, implementar estratexias de preveción e detección de situacións de perigo, integrando na súa vida diaria hábitos de seguridade persoal e promovendo a súa confianza e autoestima.
Para participar non é preciso inscripción previa.
FOLLA DE INSCRICIÓN CAMPAMENTO SEMANA SANTA 24
FOLLA DE INSCRICIÓN CAMPAMENTO SEMANA SANTA 24
Este recurso está dirixido a nenos/as de idades comprendidas entre os 3 e os 14 anos (ambos incluídos) e ten un aforo limitado a 50 participantes. Desenvolverase en instalacións municipais os días 25, 26, 27 de marzo e o 1 de abril en horario de 8:30 a 14 h.
O prazo de isncrición abrirase o luns 18 de marzo ás 9 h e rematará o venres 22 de marzo á mesma hora. Pode realizarse a través da sede electrónica ou presencialmente no rexistro do Concello do Porriño.
A selección dos/as participantes realizarase previa baremación segundo a data e hora de presentación da solicitude. Terán prioridade os/as nenos/as empadroados/as no Porriño.
O Porriño comeza a vestir as súas rúas con nomes de muller. No marco da programación do Día Internacional da Muller colocáronse por primeira vez varias placas en espacios públicos que lles darán nome de mulleres que polas súas ideas e acción se convertiron en referente para moitas outras, impulsando cambios e deixando a súa pegada na nosa sociedade ata o día de hoxe.
A primeira en descubrirse foi a da Praza “Oito de marzo”, no parque da urbanización Alameda. Tal e como explicou o alcalde, Alejandro Lorenzo, “reflexará no día a día a loita polos dereitos das mulleres que se reivindica este día. Deste xeito, esta reivindicación estará presente os 365 días do ano lembrando que foi moito o que se conquistou e moito o que queda aínda por conquistar para acadar unha igualdade real e efectiva entre homes e mulleres”.
“Outra das rúas é para unha precursora do feminismo, Concepción Arenal,”, continuou o rexedor. Neste caso trátase da rúa de acceso ao colexio Hermanos Quiroga.
Por último, a antiga Travesía Antonio Palacios A chamarase dende hoxe rúa “Rosalía de Castro”, en homenaxe á gran mestra das letras galegas e referente na defensa da liberdade e dos dereitos da mulleres “Rosalía foi unha pioneira do pensamento feminista e unha loitadora incansable contra o a exclusión das mulleres nunha sociedade abertamente clasista e machista”, incidiu Lorenzo.
Cabe destacar que todas estas rúas estaban incluídas xa no rueiro municipal, tratándose por tanto das primeiras de moitas.
“Queremos que a importancia que teñen as mulleres na nosa sociedade se vexa reflexada no rueiro, ata o de agora inxustamente non era así, pero hai que seguir dando pasos neste sentido e así o faremos”, conluíu o rexedor.
Os actos conmemorativos do #8M continuarán esta tarde, a partir das 18 h no parque do Cristo co espectáculo infantil “A igualdade non ten idade”, seguido da lectura da Declaración Institucional, a proxección dun vídeo conmemorativo que da voz a mulleres do Porriño e, para finalizar a xornada, o concerto de Law.
O Concello do Porriño presentou hoxe a súa programación conmemorativa do 8M, Día Internacional da Muller, con actividades de visibilización sobre o papel das mulleres en diversos ámbitos e a relevancia de seguir reivindicando unha igualdade real e efectiva.
“Este 8M temos que seguir loitando pola igualdade real entre homes e mulleres, hai que avanzar na visibilidade e concienciación e protexer ás mulleres desde todos os ámbitos de responsabilidade”, apuntou a concelleira de Igualdade, Carolina González, “Este Concello e o Goberno Local están moi concienciados coa igualdade, co impulso de políticas para que a sociedade avance en igualdade e inclusión”.
Son varias as iniciativas incluídas nesta programación coas que se pretende chegar a toda á sociedade. Comezando pola instalación do renovado Punto Violeta, que estará durante toda a xornada do 8M instalado na praza Arquitecto Antonio Palacios, con persoal cualificado que ofrecerá información en materia de igualdade, e tamén a colocación das bandeiras conmemorativas que xa penduran da fachada da casa consistorial.
Como sempre defendeu o goberno municipal, a educación é un pilar clave na loita contra a desigualdade de xénero. Por iso están incluídas actividades específicas para as/os máis pequenas/os, como o espectáculo musical “A igualdade non ten idade”, dinamizado con xogos e dinámicas para amosar unha sociedade na que conflúen persoas diferentes na súa esencia pero iguais en dereitos e oportunidades. Será na praza do Concello ás 18 h. De seguido, ás 19:30 h, a actuación musical de LAW.
Outro dos actos importantes deste programa é a colocación de varias placas nas rúas e prazas do Concello co nome de mulleres que polas súas ideas e accións convertíronse en referente para moitas outras, deixando a súa pegada na nosa sociedade. Todas elas, están incluídas no rueiro municipal, pero dende o executivo avanzan que serán máis as rúas que levarán nome de muller.
No marco da campaña “Mulleres con eco”, colocaranse no centro urbano varios contenedores co rostro de importantes mulleres galegas que tiveron que facerse oco nun mundo predominado polos homes, simbolizando a importancia do seu traballo e do de moitas mulleres máis na construccón dunha sociedade igualitaria.
Para rematar, impulsáronse unhas xornadas de defensa persoal para mulleres: unha dirixida ao alumnado de 1º de bacharelato –que contará coa presenza da xuíza do Xulgado de 1ª Instancia e Instrucción nº3 do Porriño- e outra aberta a todas as mulleres que queiran participar. Estas últimas impartiranse no pavillón municipal e teñen como obxectivo que as participantes desarrollen máis confianza nelas mesmas e no seu entorno, aprendan estratexias de prevención e detección de situación de perigo e inegren na súa vida diaria hábitos de seguridade persoal.
A xornada do 8M rematará coa lectura da declaración institucional e a proxección do vídeo conmemorativo.
A concelleira avanzou durante a presentación, que neste momento o executivo traballa “no V Plan de Igualdade do Concello do Porriño, un plan viable e alcanzable coa perspectiva de xénero en todas e cada unha das áreas”.
Pola súa banda, o alcalde, Alejandro Lorenzo, concluíu reivindicando “a necesidade traballar a prol da igualdade os 365 días do ano” e para iso “é preciso que as administracións nos involucremos e sexamos quen de involucrar tamén a todos os axentes sociais. A defensa dos dereitos das mulleres é cousa de todas e todos”.
O vindeiro 12 de febreiro comenzará o Campamento de Entroido para os e as máis pequenas da casa ; e como ben sendo costume, o mesmo desenvolverase no C.E.I.P Plurilingüe Xosé Fernández López e instalacións municipais
O lugar de entrega e recollida dos e das participantes será na porta principal do centro escolar no horario, de 8:30 a 14:00 horas.
Os rapaces e rapazas deberán levar roupa cómoda : calzado cómodo e outro de reposto para poder utilizar ,no seu caso, as pistas do pavillón , unha mochila co calzado de reposto, unha merenda e auga.
No caso de precisar algunha vestimenta diferente , serán as monitores e monitores as persoas encargadas de comunicalo.
Recordade as únicas persoas autorizadas a entregar e recoller aos rapaces e rapazas do Campamento de Entroido serán as que instaron a solicitude . En caso de ser outra persoa a encargada, ésta, deberá ser maior de idade e levar xunto ós monitores e monitoras a autorización correspondente, asinada con copia dos D.N.I ou N.I.E da persoa autorizante e autorizada.
Nas seguintes ligazóns pódese descargar información relativa ao desenvolvemento do Campamento de Nadal 2023 – 2024 do Concello do Porriño que dará comezo o vindeiro 22 de decembro, así como a listaxe completa de admitidos/as no mesmo.
A Secretaria Xeral da Igualdade, Sandra Vázquez, acompañou hoxe ao alcalde do Porriño, Alejandro Lorenzo, e á concelleira de Igualdade, Carolina González, na presentación do novo Punto Violeta do Concello do Porriño.
O concello conta dende hai máis dun ano con este recurso nos seus festivais, concertos e actividades, unha área segura na que se acolle e acompaña de maneira inmediata ás mulleres que sexan vítimas de agresión sexual, ademais de levar a cabo unha función informativa e de sensibilización.
Ata o de agora, de maneira provisional, estaba instalado baixo unha carpa morada, un elemento pouco privado á hora de denunciar unha agresión machista. Hai que ter en conta que se trata do primeiro lugar físico de contención para unha muller que acaba de sufrir un acoso, polo que se require dun espazo pechado e protexido que ofrezca seguridade e privacidade á vítima ante esta situación.
O novo Punto Violeta móbil, unha autocaravana con varios habitáculos, ofrece as condicións acaídas para unha atención inmediata e ademais dispón no mesmo espacio dunha oficina informativa e de denuncia.
A Secretaria Xeral de Igualdade quixo agradecer “ao alcalde e ao todo o equipo de goberno que impulsen iniciativas como a que hoxe presentamos, unha autocaravana Punto Violeta para dar acubillo ás vítimas dunha agresión sexual . Despois de velo en primeira persoa pode ser un proxecto piloto que recollan outros concellos” e apuntou que “para traballar en contra das agresións sexuais temos que facelo dende o conxunto da sociedade, dende todas as administracións e entidades”.
Pola súa banda, Carolina González, engadiu que, como ata o de agora, estará presente en todos os actos multitudinarios “co fin de converterse nun referente para as mulleres, un lugar seguro ao que acudir en caso de sentirse coaccionadas, de ser agredidas ou simplemente para aclarar dúbidas. Persoal cualificado as atenderá e dará asesoramento xurídico”.
O alcalde concluíu incidindo na importancia de dar a coñecer este recurso “para que todas as mulleres o identifiquen como un lugar seguro ao que acudir, no que se garantiza a confidencialidade e o anonimato. Queremos que todos e todas poidamos disfrutar do noso pobo e das nosas festas sen medo, dende o respecto e a responsabilidade”. Lorenzo lembrou que o Punto Violeta é un dos recursos Viogen cos que conta o Concello do Porriño para seguir traballando na prevención da violencia contra as mulleres e na intervención directa cando estamos fronte a unha posible agresión, como son o Centro de Información á Muller (CIM) e a adhesión ao servizo de atención e protección para víctimas da violencia de xénero (Atenpro), un servizo telefónico de atención e protección para víctimas. Por outra banda o corpo da Policía Local do Porriño está adherido ao sistema de seguemento integral dos casos de violencia de xénero asinado mediante convenio co Ministerio do Interior