Educación e tecnoloxía arquivos - Páxina 22 de 44

Recomendacións de UNICEF Galicia para familias porriñesas

A OMIX do Concello do Porriño, Cidade Amiga da Infancia, faise eco da iniciativa do Comité de UNICEF Galicia para trasladarnos diversas iniciativas a fin de sobrelevar o aillamento domiciliario, compartindo información útil vencellada cos dereitos da infancia e a alarma contra o coronavirus.

Marta Andrade Blanco, responsable de Sensibilización e Políticas de Infancia do Comité de Unicef Galicia explica que esta proposta pretende axudar ás familias con nenos e nenas nestes días.

Por iso, dende UNICEF queren compartir alguns artigos publicados na súa web.
Son os seguintes (están en castelán):

-¿Cómo explico una epidemia a los más pequeños?-
https://www.unicef.es/educa/blog/explicar-epidemia-educacion-infantil
[1]

-El nuevo coronavirus y el derecho a la educación-
https://www.unicef.es/blog/nuevo-coronavirus-derecho-educacion [2]

-#EducaCOVID19: ¿Por qué es importante educar sobre el coronavirus?:
https://www.unicef.es/educa/blog/covid19-por-que-es-importante-educar-sobre-el-nuevo-coronavirus
[3]

-Para plantar cara al nuevo coronavitus en casa: Uso saludable de las
tics: https://www.unicef.es/educa/blog/uso-saludable-tics

-Educación contra el coronavirus: 10 tareas de la rutina diaria:
https://www.unicef.es/educa/blog/10-tareas-rutina-diaria-familia

Por último UNICEF Galicia indica que de xeito regular actualizanse os contidos na web www.unicef.es/educa

17/03/2020 in Alcaldía, Educación e tecnoloxía

SUSPENDENSE A FEIRA APÍCOLA, A MOSTRA DA CAMELIA E OUTROS EVENTOS PROGRAMADOS

A aplicación das medidas para evitar a propagación da pandemia do coronavirus “Covid-19” motiva unha vaga de suspensións e cancelacións de actos públicos, feiras e festas no Porriño.
Ademais de para evitar a concentración de persoas, moitos de eses eventos non poderían celebrarse tampouco pola decisión do Concello de pechar diversas instalacións municipais como Centro Cultural, Biblioteca, Centro Cívico e Escola de Música, segundo acordouse onte.

De tal xeito, a Concellería de Cultura, Igualdade e Festexos confirma que SE SUSPENDEN:
– A presentación do ‘spot’ publicitario “Insistir, persistir, resistir e nunca desistir” da campaña pola igualdade co gallo do 8M que estaba prevista hoxe no Centro Cultural Municipal
– O Encontro de Corais que organizaba a Polifónica San Brais de Budiño que ía ter lugar mañá sábado na Igrexa de Santa María do Porriño
– As Masterclass de Banda que estaban a impartirse nos mércores deste mes na Escola Municipal de Música do Porriño
– A XXXII Feira Apícola das Rías Baixas que debería celebrarse o vindeiro sábado 21 cancelándose tanto as xornadas técnicas como a instalación de postos de venda
– A IX Mostra da Camelia que organizaba a AAVV San Salvador de Torneiros e que por tanto non se celebrará nas datas anunciadas de 28 e 29 de marzo.
– Tamén cancelase a representación teatral “As aventuras de Nabiza Girl”, con Isabel Risco que estaba para o venres 27 no Centro Cultural Municipal
– O VIII Festival de Bandas do Porriño que estaba previsto para o sábado 28
– “Ecopercussión”: suspendense tanto os obradoiros para escolares nos centros do Porriño que estaban concertados nas dúas próximas semanas como a exhibición final que estaba datada para o luns 30 de marzo.

13/03/2020 in Alcaldía, Cultura e festas, Educación e tecnoloxía, Igualdade

Charlas sobre emprendemento para alumnos de O Porriño

O Concello do Porriño, a través da Oficina Municipal de Información á Xuventude (OMIX), celebra hoxe martes 10, dúas charlas para alumnos de centros de ensino porriñeses para orientación sobre saídas profesionais.
Impartense nos Institutos “Ribeira do Louro” e “Pino Manso” destinadas aos estudantes dos últimos cursos dos Ciclos Formativos que poideran estar a valorar emprender como saída profesional.

Esta mañán a concelleira de Educación, Lourdes Moure compartiu unha de esas charlas cos alumnos asistentes no IES Ribeira do Louro aos que dixou que “agardamos que estas charlas vos sexan productivas para axudarvos a elixir un futuro profesional ainda que tamén vos digo que non vos obsesioneis nin frustreis que a vida da moitas voltas e ofrece moitas alternativas”.

Esta tarde, a partir das 16,30 horas impartiráse ao alumnado de ciclos do IES Pino Manso.

Baixo o título “Mitoloxía do emprendemento”, as charlas son impartidas por instructores da empresa “Kidcode” que colabora coa OMIX en diversas actividades formativas e que comparten cos alumnos a súa propia experiencia como emprendedores e emprendedoras.
Entre outros contidos, as conferencias expoñen os diferentes tipos de emprendemento de negocios e empresas segundo os sectores e informan sobre a creación e rexistro de marcas.

10/03/2020 in Educación e tecnoloxía

Por terceiro ano consecutivo realizase o intercambio de escolares franceses e porriñeses, promovido pola Concellería de Educación

Por terceiro ano consecutivo o Concello do Porriño realiza intercambios escolares ó abeiro do irmandamento que hai tres anos suscribiouse coa Municipalidade de Le Fronçac, por iniciativa de Lourdes Moure, concelleira de Educación que se materializou en 2017. A maiores, a partir de este ano, vanse consumar outros dous irmandamentos que canalizarán máis intercambios de escolares porriñeses con Croacia e Italia, segundo a planificación que leva a cabo a concelleira Moure Varela.

Como consecuencia, unha delegación de alumnos de secundaria da municipalidade francesa xa se atopa no Porriño onde permanecerán ata o venres 6 de marzo. Dende a súa chegada o pasado venres 28, xa fixeron un treito do Camiño Portugués a Santiago, entre Tui e Porriño. Hoxe martes realizaron unha visita a Santiago de Compostela e nos vindeiros días teñen programadas diversas actividades culturais e de lecer.
Como é habitual, estes alumnos franceses reciben aloxamento nas casas e coas familias de alumnos porriñeses dos centros de ensino que participan: “IES Ribeira do Louro”, “Santo Tomás” e “Hermanos Quiroga”. Os estudantes porriñeses realizarán a viaxe de devolución de visita a Francia, no vindeiro mes de abril.

A vista do éxito acadado por estes intercambios e de que cada vez son máis os alumnos e familias que queren participar, a concelleira Lourdes Moure avanzou que o Concello “está a darlle unha volta a este programa”.
A concelleira indicou a pais, profesores e alumnos que “haberá que idear unha fórmula de colaboración co Concello que ata de agora corre con todos os gastos o que, lóxicamente, limita o número de participantes que doutro xeito podería ser maior”.

03/03/2020 in Educación e tecnoloxía

Concello e centros educativos coordinaron actividades para o alumnado porriñés a realizar ó longo deste ano

Representantes dos centros educativos do Porriño reuníronse coas concelleiras do goberno municipal, Lourdes Moure e Cami Moreira e persoal da OMIX para establecer a folla de ruta das actividades para o alumnado, a realizar ó longo deste ano. Programaronse ata catorce actividades diferentes que abranguen tecnoloxías, información sobre saídas profesionais, emprendemento, mellora no uso de idiomas ata outras vencelladas con mocidade, igualdade, cultura e festas.
Destacar que estas propostas serán sometidas a opinión dos propios nenos, nenas e adolescentes no próximo pleno do consello municipal de infancia que se reunirá no mes de abril. E o segundo “pleno infantil” do ano será o 20 de novembro Dia Mundial dos Dereitos da Infancia.

En marzo terá lugar a primeira quenda da Feira Teconolóxica para alumnos de 4º de Primaria de todos os CEIP. En maio será a quenda dos CPR “Santo Tomás” e “Hermanos Quiroga” e dos alumnos de “Aceesca”. En abril celebraráse “Bootcamp”, obradoiros adicados a axudar a elixir saida profesional ós alumnos de 4º da ESO que terán lugar en cada centro (“Hermanos Quiroga”, “Santo Tomás”, IES Pino Manso e IES Ribeira do Louro).

Entre outras actividades programadas polo Concello do Porriño e os representates da comunidade educativa, realizaranse “Ecopercusión” para alumnos de 5º e 6º de Primaria; “Pinta Muros”; “Planetaria itinerante 3D” para alumnos de Infantil, Primaria e “Aceesca”; e “Cine 360º” con gallo dos 125 anos da primeira proxección, iniciativa que se fará coincidir coa Semana das Ciencias en novembro. E o 3 de decembro haberá unha especial celebración do Día da Discapacidad.

Tamén programanse ó longo do curso diversas charlas sobre educación en valores; educación afectivo-sexual e emprendemento (adicada a alumnos de IES e ciclos de FP). Por outra banda repetiráse a “Semana Branca”pola que o Concello do Porriño organizará un ano máis a visita de alumnos á neve a un prezo subvencionado prácticamente na súa totalidade pola Concellería de Educación.

Pola súa banda a Concellería de Cultura invitou ós centros educativos a colaborar nas diversas actividades vencelladas co Entroido, Maios Festival de Cans, Feira Apícola, Samaín e campañas contra a violencia de xénero.
Ademais terán lugar os irmandamentos de alumnos franceses de Fronçac (que chegarán en marzo) e porriñeses (que viaxarán en abril).

Finalmente, a petición dos directores de centros vaise valorar traer unha compañía de teatro en inglés para alumnos de 5º e 6º de Primaria e 1º e 2º da ESO, como método de mellora da comprensión do inglés oral.

14/02/2020 in Cultura e festas, Educación e tecnoloxía

Inaugurada a remodelación da biblioteca do CEIP “Antonio Palacios”

Eva García,alcaldesa de O Porriño xunto coa concelleira de Educación, Lourdes Moure e o Xefe Territorial da Conselleria de Educación, César Pérez Ares inauguraron hoxe a reforma da Biblioteca do CEIP Antonio Palacios.

O espazo replanteouse co novo mobiliário é unha “Zoa Maker” dotada con material informático e audiovisual, para atender as demandas dos 405 alumnos que actualmente están matriculados neste centro.

13/02/2020 in Alcaldía, Educación e tecnoloxía

Xunta de Goberno Local acordou adxudicar a “Covsa” as obras de humanización en rúa Doantes

A Xunta de Goberno Local acordou hoxe aprobar a adxudicación definitiva á empresa constructora “COVSA” para que execute a mellora de seguridade viaria na rúa Doantes, cun orzamento de perto de 500.000 euros. Nesa partida incluense ampliación de beirarruas, a realización dunha rotonda, o cambio da parada dos buses escolares e outras actuacións complementarias de humanización. A adxudicataria dispon ata xuño para realizar ditas obras.

Na mesma reunión do gabinete municipal coaligado PSOE-BNG presidida por Eva García de la Torre coa participación dos concelleiros Pedro Pereira, Lourdes Moure, Sergio Casal y Cami Moreira (David Alonso tivo que ausentarse) aprobaronse sendos expendentes para licitacións. Son para contratar o servizo de limpeza dos centros educativos do concello e por outra banda para contratar o servizo de telefonía fixa e móbil así como de internet para o Consistorio.

Por outra banda, a Xunta de Goberno Local aprobou remitir á Deputación o Plan de Mobilidade. Asimesmo acordouse enviar á institución provincial, para a súa inclusión no Plan Concellos, media duzia de pavimentacións de camiños municipais en Torneiros, Cavadas-Atios, Covelo-Atios, Centeans-Pontellas e A Vaquería-Budiño, así como as obras de humanización da rúa Aloques.

03/02/2020 in Alcaldía, Educación e tecnoloxía, Limpeza, Tráfico, Urbanismo, comercio e industria, Vías e obras

Pleno ordinario de xaneiro: acordada por unanimidade a cesión de parcela para o centro de formación dual de “Aceesca”

Na sesión ordinaria de xaneiro que se celebrou este mércores, o pleno acordou por unanimidade a cesión dunha parcela a asociación ACEESCA para a construcción dun centro de formación dual.

O terreno de 8.000 metros cadrados que serán adecuados polo Concello para que ACEESCA acometa a execución do proxecto.
A cesión é por 30 anos.

O tenente alcalde, Pedro Pereira explicou que a parcela cumpre cos requisitos que a entidade precisaba.

29/01/2020 in Alcaldía, Educación e tecnoloxía, Urbanismo, comercio e industria

Este xoves comeza o ciclo “Bibliosaúde” que de novo amosa a sobranceira labor da Biblioteca Municipal no eido da divulgación

Este xoves día 23 arrincará na Biblioteca Municipal unha novidosa proposta de conferencias, un ciclo divulgativo chamado “Bibliosaúde”.
Na primeira quenda tratase o tema do desenvolvemento visual, incidindo de xeito especial nos nenos e nenas tendo en conta que 1 de cada 4 rapaces non é diagnosticado ou é mal diagnosticado e no mundo hai 217 millóns de persoas con problemas visuais.

Lucila Tó García-Miranda será a encargada de impartir esta primeira conferencia. É unha óptica-optometrista especializada en terapia visual baixo unha filosofía do comportamento, con máis de 25 anos de experiencia e que dirixe o seu propio centro en Andorra.

Esta nova proposta da Biblioteca Municipal está na liña do desenvolvemento de programas formativos polos que ten destacado nos últimos anos de xeito sobranceiro.
Para 2020 elixiuse o ámbito da saúde en resposta ó Obxectivo nº 3 da Axenda 2030 para o Desenvolvemento Sostible, auspicíada pola ONU, que propón aos centros bibliotecarios apoiar o acceso público a información sobre saúde e benestar.

22/01/2020 in Alcaldía, Cultura e festas, Educación e tecnoloxía

EU Son e BNG proporán ó pleno que o Concello de O Porriño apoie a manifestación en defensa da sanidade pública

Entre as comisións informativas municipais que se van celebrar este mércores para preparar o vindeiro pleno, engadiuse a convocatoria da Comisión de Asuntos Sociais na que os grupos municipais de EU Son e BNG presentan sendas mocións en defensa da sanidade pública.
Ambas formacións políticas levarán ó pleno a proposta de que o Concello de O Porriño apoie a manifestación en defensa da sanidade pública que terá lugar o 9 de febrero.

Lembramos que ademáis está convocada a Comisión Municipal de Cultura que inclue a renovación por catro anos do convenio coa Sociedade de Xestión do Xacobeo para a xestión do Albergue de Peregrinos pois o anterior databa de 2008. Na mesma trataráse a moción que presenta o PP para amplar os horarios de funcionamento da Biblioteca Municipal, e outra moción de EU Son para a regulación do uso da pirotecnia no concello.

No que atinxe ás restantes Comisións Municipais, cancelouse a de Contas por innecesaria xa que a desestimación de alegacións á Conta Xeral de 2019 realizarase directamente polo pleno da Corporacion.

Haberá Comisión de Urbanismo que tratará diversos asuntos propostos para o pleno polo concelleiro de Infraestructuras Pedro Pereira. Entre eles figura a cesión dunha parcela no Polígono das Gándaras á asociación “Aceesca” para a construcción do centro de formación dual. O terreo está a continuación do Parque de Bombeiros.

Por último, está convocada a partir das 18 horas, Comisión Municipal de Economía que tomará coñecemento do recurso de “Urbaser” contra a adxudicación do contrato de limpeza viaria e do fallo do Tribunal de Contratos Públicos de Galicia. A mesa de contratación reunida a pasada semana decidiu excluir á firma “Ascan” e trasladar ó pleno da Corporación Local que resolva a readxudicación do contrato de limpeza ciaria en favor da segunda empresa mellor puntuada que foi “Urbaser”. O asunto xa foi tratado previamente na xunta de voceiros municipais celebrada o pasado xoves 16.
Nesta comisión tamén se debatirá unha moción de “EU Son” para establecer unha regulación dos contratos menores.