Deportes

Ainda está aberta a inscrición para a primeira carreira popular “San Silvestre Solidaria Concello do Porriño”

O vindeiro 30 de decembro, como preludio á celebración da xa tradicional Festa nocturna de Pre-Fin de Ano, O Porriño acollerá a primeira edición da “San Silvestre Solidaria Concello do Porriño”. Está prantexada como unha carreira popular, nun circuito urbano, moi asequible que se pode cubrir correndo, andando, como se queira.

Neste intre 305 persoas anotaronse xa para participar. O concelleiro de Deportes, David Alonso agarda que “a inscrición para esta carreira popular pegue un arreón nestes días ata o 25 que remataremos o prazo”.
“Queremos que os porriñeses e porriñesas e os veciños dos concellos próximos veñan a queimar calorías e os excesos do Nadal ó longo dun circuito plano, de só 3 quilómetros de lonxitude e cunha finalidade solidaria pois cada inscrito/a deberá traer 1 kilo de alimentos non perecedoiros para “SOS Porriño”, manifestou David Alonso.

O edil quixo agradecer “de xeito sobranceiro a colaboración do Club Atletismo de Porriño e ós funcionarios municipais pola súa colaboración e a dous patrocinadores “Mahou” e “ABanca” ola súa achega”.

O concelleiro de Deportes compareceu na presentación da I San Silvestre acompañado de Ana Belén Gómez, atleta porriñesa que é ademáis funcionaria municipal, que ven de facer unha marca de 3 horas, 10 minutos, 13 segundos para completar os 42 kilómetros na pasada “2019 Chicago Marathon Bank of América”.
Ana manifestouse “agradecida” polos recoñecementos recibidos, pola organización desta primera San Silvestre “porque é unha forma divertida, saudable e solidaria de rematar o ano”, e “pola contribución dos voluntarios que son fundamentais para a celebración deste tipo de eventos”, dixo Ana Belén.
Tamén participou na presentación Alberto Insúa ó que presentou David Alonso como “o emblema dunha carreira popular porque participar e chegar dos últimos merece o maior respeto e admiración”. Alberto chamou a todos a participar nesta Carreira “ainda que sexa andando, paseando coa mascota ou disfrazados porque se trata de disfrutar”, declarou.

O peche das inscricións rematará o 25 de decembro.
Para realizar a inscrición hai que entrar no seguinte enlace

https://carreirasgalegas.com/…/37916098-26ce-d3d2-3711-39f1…

20/12/2019 in Alcaldía, Deportes, Servizos sociais

Pleno municipal meteórico en apenas 5 minutos

Apenas cinco minutos durou a sesión plenaria extraordinaria celebrada onte á noite pola corporación municipal de O Porriño. Nese intre a alcaldesa Eva Garcia tivo tempo para disculparse públicamente co voceiro municipal do PP polo acontecido no anterior pleno da corporación. E ademáis, debatiuse e votouse o único asunto da orde do día.

De tal xeito que a corporación municipal acordou desestimar as alegacións presentadas contra o expediente de crédito extraordinario 4/2019. As alegacións procedían de Urbano Gónzalez, cuñado do anterior alcalde do PP, Nelson Santos. Pero desestimaronse por unanimidade dos presentes (16 concelleiros por que faltou Manuel Carrera).

A continuación votouse a aprobación definitiva do crédito citado que respaldaron PSOE, EU SON y BNG con 8 votos namentres o PP abstivose o que permite aboar a empresa “Eulen” unha débeda de 470.000 € polo servizo da piscina municipal, reclamada a través de sentenza xudicial.

18/12/2019 in Alcaldía, Deportes

O Porriño acollerá o Campeonato de Galicia de Ciclo Cross en todas as categorías que reunirá 400 participantes

Un circuito de 2,5 kilómetros, habilitado no Velódromo do Porriño e na súa contorna, acollerá a celebración do Campeonato de Galicia de Ciclo Cross 2019 que terá lugar o domingo 29 de decembro. Disputaránse ó títulos autonómicos masculinos e femininos, en todas as categorías, desde cadetes ata master 60, cunha previsión de 400 participantes.
Este ano, as probas teñén valor engadido pois en xaneiro celebraráse en Pontevedra o Campeonato de España de Ciclo Cross de tal xeito que o test de Porriño servirá para que a Federación Galega de Ciclismo decida os seleccionables pola nosa comunidade autónoma.


No Porriño estarán o vindeiro 29 de decembro loitando polo título principal na categoría élite masculina e polo maillot coa bandeira de Galicia, os porriñeses Jorge Punzón, Luis Fernández Oliveira e Jacobo Ucha que terán ó monfortino Saúl Lopez coma o maior rival. Na categoría élite feminina, o título debería ser unha cuestión entre Diana Blanco, do club “Banbanzabike” e Chus Barros, do “Spol”
No acto de presentación, Begoña Carpinteiro, secretaria da Federación Galega de Ciclismo lembrou a “enorme tradición ciclista do Porriño que seuguen a manter viva os clubs locais cun enorme traballo de canteira e categorías bases. A representante da Federación ponderou a colaboración co club local “A.D.Avanza” na organización deportiva do Campeonato de Galicia que ten ó Concello do Porriño como patrocinador.
Precisamente en representación do Concello, David Alonso, concelleiro de Deportes manifestou a súa “satisfacción por contribuir desde o Concello ó apoio ó ciclismo que é emblema do noso concello”. O edil indicou que “o ciclismo ten unha longa tradición na nosa vila co traballo de clubs como o ‘Spol’ e Horacio Barros; de tantos ciclistas moi recoñecibles no pelotón nacional ata chegar ó A.D. Avanza que está a realizan un fenomenal traballo de base”.


Na presentación tamén participou o ex ciclista porriñés, Abel Maceira, entrenador do “A.D. Avanza” onde imparte a súa experiencia. O que fora campeón de España de ciclo cross no ano 1997 e antes obtivera o mesmo título en categorías inferiores, mostrouse esperanzado do papel que “varios e varias ciclistas porriñeses de categorías base do noso club van realizar neste Campeonato de Galicia”

18/12/2019 in Alcaldía, Deportes

Pleno extra da Corporación e tres comisións informativas municipais convocadas para o mércores tarde

O pleno da Corporación local do Porriño desestimará presumiblemente mañá mércores as alegacións presentadas contra o expediente de crédito extraordinario 4/2019, a fin de garantir o pagamento a empresa “Eulen” de 470.000 €. Tratáse de aboar os servizos prestados pola devandita empresa polo servizo da piscina municipal, por recoñecemento de débeda por sentenza xudicial.

Este será o punto único da orde do día deste pleno extraordinario da corporación porriñesa, que se celebrará a partir das 19 horas.

Previamente convocaronse tres comisións informativas municipais que se celebrarán entre as 17 e as 18 horas. Son as comisións de Urbanismo; Economía e Fazenda e Servizos Sociais e Igualdade. Nesta última comisión informaráse a adxudicaxción definitiva do Servizo de Axuda no Fogar (SAF) á epresa “Sociser Galicia”.     

 

17/12/2019 in Alcaldía, Deportes, Servizos sociais

A Xunta de Voceiros acordou celebrar dous plenos municipais máis antes de que remate o ano

A  corporación local de Porriño celebrará dous plenos antes que remate o ano, un deles de carácter extraordinario, ademáis da sesión ordinaria mensual. O pleno extra terá lugar o mércores 18 (excepcionalmente en horario de tarde) e a sesión ordinaria pasará ó xoves 26, debido a festividade de Nadal.

A Xunta de Voceiros celebrada onte á tarde, presidida pola alcaldesa Eva García contou coa participación de Abel Estévez (PP); Pedro Ocampo (EU SON) e Pedro Pereira (BNG). Disculpou a súa ausencia, Manuel Carrera.

A rexidora propuso a celebración de ese pleno extra para desestimar as alegacións ó expediente de xeneración de crédito 4/2019 para el pago de servicios a la empresa EULEN.

Pola súa banda, o primeiro tenente de alcalde, Pedro Pereira prantexou que se celebren as comisións informativas municipais o mesmo mércores 18, en horario de tarde, con anterioridade ó pleno extraordinario. Acordase celebrar as comisións a partires das 17 horas, para dictaminar asuntos de urbanismo e a adxudicación definitiva do Servizo de Axuda no Fogar (SAF), entre outros temas. De tal xeito que o pleno extraordinario celebraráse a partires das 19 horas.

Por outro lado, o pleno ordinario de decembro que pasa ó xoves 26, terá lugar no seu horario habitual as seis da tarde.     

Al alcaldesa toma a palabra para propoñer que se celebre un pleno extraordinario o día mércores 18 en horario de tarde para desestimar as alegacións o expediente de xeración de crédito 4/2019 para o pago de servizos a empresa EULEN.

O representante do BNG, Pedro Pereira, propón a celebracións das comisións informativas o mesmo día con anterioridade horaria do pleno para dictaminar asuntos da Comisión de Urbanismo, a adxudicación definitiva de Servizo de Axuda no Fogar e algún expediente pendente para a celebración do pleno ordinario do mes de decembro.

Acórdase celebrar comisións informativas o día mércores 18 de decembre a partir das 17:00 horas e pleno extraordinario a partir das 19:00 horas; asómesmo acórdase celebrar pleno ordinario o día xoves 26 de decembro as 18:00 horas.

Na orde do día dese pleno ordinario de decembro NON LEVARÁSE AINDA para a súa aprobación, o Plan de Mobilidade Sostible do Concello de O Porriño cuias conclusións xa tén no seu poder o goberno municipal.

Segundo explicou Pedro Pereira a intención do goberno é “invitar ós grupos políticos a súa revisión para posibles aportacións”.

Pedro Ocampo, de EU Son solicitou a posibilidade de subir o documento a unha plataforma e Pedro Pereira indicoulle que dispón de documento impreso e tamñen en formato dixital.

Pereira engadiu que o goberno quere levar o Plan de Mobilidade a pleno no mes de xaeiro de 2020 “co maior consenso posible”.  

13/12/2019 in Alcaldía, Deportes, Tráfico, Urbanismo, comercio e industria

Reparadas as humidades no acceso principal ó Pavillón 1 e no ximnasio

A reparación das humidades no acceso principal ó Pavillón 1 do Polideportivo Municipal xa están prácticamente rematadas. En consecuencia, tamén pudo reabrirse o ximnasio sito debaixo que padecía filtracións e permaneceu pechado ata que consumaron as obras de reparación do acceso.

David Alonso, concelleiro de Deportes comprobou hoxe o resultado das obras realizadas que se financiaron cunha achega de 41.503 € aportada pola Deputación de Pontevedra con cargo ó Plan Concellos 2018/2019. A reforma foi executada pola firma “Revcom Energías Renovables SL”.

O colectivo de persoas inscritas en ximnasia de mantemento xa voltaron a utilizar o ximnasio do mesmo xeito que persoal da Garda Civil que o empregan por convenio co Concello.
Neste local, situado debaixo do acceso, colocouse unha superficie de espuma para aillar do parquet que atópase deteriorado polas humidades. “En breve mudaremos ese solo de parquet o que intentaremos que se faga nun fin de semana para aminorar molestias ós usuarios”, manifestou o concelleiro de Deportes.

21/11/2019 in Alcaldía, Deportes

Primeira reunión de traballo do equipo de goberno coaligado “moi constructiva”, segundo a alcaldesa

A alcaldesa Eva García presidiu esta mañá a primeira reunión de traballo dos seis concelleiros do goberno municipal de coalición formado por PSOE e BNG.
Esta primeira reunión foi valorada pola alcaldesa Eva García como “fluída e moi constructiva”.
A alcaldesa detallou que “puxemos en antecedentes ós novos compañeiros de goberno sobre as actuacións en marcha, especialmente nos asuntos que van ser competencia deles para que vexan como están como por exemplo os actos para o 25N Día contra a Violencia de Xénero así como os preparativos para Festas de Nadal”.
Estas reunións de traballo do equipo de goberno coaligado vanse celebrar semanalmente para establecer liñas de actuación conxuntas, segundo acordaron.


Pedro Pereira e Cami Moreira incorporaronse desde onte xa de xeito efectivo ó goberno municipal.
Segundo o pacto de goberno de coalición que se firmou o pasado 15 de outubro, Pedro Pereira é o primeiro tenente de alcalde e Lourdes Moure, voceira socialista ocupa a segunda tenencia de alcaldía.
Ademáis Pedro Pereira asume as competencias de Urbanismo, Infraestructuras, Ordenación do Territorio, Movilidade e Xestión de Traída de Augas.
Pola súa banda Cami Moreira levará Cultura, Festas, Igualdade, Xuventude e Normalización Lingüística.

19/11/2019 in Alcaldía, Cultura e festas, Deportes, Educación e tecnoloxía, Emprego e formación, Igualdade, Limpeza, Parques e xardíns, Servizos sociais, Tráfico, Turismo, Urbanismo, comercio e industria, Vías e obras

Aberta a inscrición para a “I San Silvestre Solidaria Concello do Porriño”

O Concello do Porriño anuncia a apertura das inscricións para a primeira edición da carreira “San Silvestre Solidaria” que se disputará o 30 de decembro.
Terá un percorrido moi accesible, urbano, de tan só 3 quilómetros e estará aberta a todas as idades.
O comezo da carreira será ás 20.00 horas con saida desde a praza do Concello. Todos os corredores/as deberán colocarse na zona de saída alomenos 10 minutos antes do comezo da proba.

Persíguese un fin solidario de xeito que todos os corredores/as deberán traer 1 kilo de alimentos non perecedeiros, que se destinarán ó Banco de Alimentos. Haberá unha estancia debidamente sinalada para deixar os produtos.

No que atinxe os premios, haberá agasallos para o corredor/a máis lonxevo; para os que terminen nas seis posicións elixidas o azar (comunicaranse por esta canle as posicións antes da proba). E tamén serán galardoados o primeiro corredor e primeira corredora do Concello do Porriño.

O peche das inscricións rematará o 25 de decembro.
Para realizar a inscrición hai que entrar no seguinte enlace

https://carreirasgalegas.com/…/37916098-26ce-d3d2-3711-39f1…

14/11/2019 in Alcaldía, Deportes, Servizos sociais

Rematou o soño do CD Pontellas: caeu eliminado en Tolosa na previa da Copa do Rei

O CD Pontellas caeu eliminado esta noite no estadio de Berazubi fronte o Tolosa CF que gañou por 1-0.
O único tanto acadouno o equipo local no minuto 61. Os intentos dos xogadores do club porriñés por empatar foron infructuosos.
Deste xeito remata a traxectoria do “Tellas” nesta ronda previa da Copa do Rei que supuxo un premio engadido ao feito histórico do ascenso a Terceira despois de proclamarse campeón do seu grupo de Rexional Preferente na tempada pasad. Un premio, ainda que moi oneroso para a economia do club que solicitou e recibiu unha achega económica extra do Concello, de 4.000 €, para afrontar os gastos que acarreou participar nesta ronda previa.

O equipo, cadro técnico e directivas partiron anoite, ó remate do partido, en viaxe de volta cara a Pontellas. 

 

13/11/2019 in Alcaldía, Deportes

O PONTELLAS PARTIU DE VIAXE A TOLOSA ONDE MAÑÁ CONFIA EN SEGUIR FACENDO HISTORIA

A plantilla do CD Pontellas partiu ás 10,30 horas en autobús cara a Tolosa onde mañá mércores confía en seguir facendo historia. Teñen por diante unha viaxe de preto de 10 horas, cunha parada en León para comer.


O equipo da pequena parroquia porriñesa de apenas 2.000 habitantes xogará contra o Tolosa a eliminatoria previa da Copa do Rei que este ano habilitou a RFEF como premio ós equipos campeóns dos seus respectivos grupos de Rexional Preferente que ascenderon a Terceira División.
Caso de superar esta previa en terras vascas, o “Tellas” tería na seguinte ronda un emparellamento cun equipo de Primeira División –agás os catro que están a xogar na Champions League-.

A alcaldesa Eva García e o concelleiro de Deportes, David Alonso acudiron ó campo de San Campio, lugar de reunión e partida da expedición, para desexar sorte e ánimo ós xogadores, cadro técnico e directiva do CD Pontellas.
Eva García dixoulles que disfrutarán “do momento histórico que estades a vivir que xa ninguén vai quitarvos”.
Hai una semana, David Alonso, concelleiro de Deportes informou que o goberno municipal porriñés acordou outorgar unha achega extraordinaria de 4.000 € ó C.D. Pontellas. Tratase dunha aportación especial, a maiores da subvención anual que o Concello de O Porriño ten conveniada con C. D. Pontellas.
A presidenta do club local, Marta Costas tiña solicitado nunha reunión recente coa alcaldesa e co concelleiro de Deportes axuda económica e loxística do Concello debido ós gastos extraordinarios que lle supón a este modesto club afrontar a súa histórica participación na Copa do Rei.

12/11/2019 in Alcaldía, Deportes