A alcaldesa Eva Garcia anunciou aos membros da Comisión Especial do Líndano que O Porriño é un dos cinco municipios seleccionados, entre 33.000 ubicacións existentes en Europa afectadas por líndano, para desenvolver un programa de localización, bio-remediación e recuperación dos terreos afectados.
“É un programa piloto da Unión Europea, ben dotado economicamente, que tamén pon o acento no aspecto social para evitar a estigmatización de territorios contaminados e recuperar a súa posta en marcha”, engadiu.
A rexedora explicou que horas antes da reunión da Comisión Especial Municipal, mantivo unha reunión de traballo con técnicos da empresa pública aragonesa “Sarga” (Sociedad Aragonesa de Gestión Agroambiental) que é unha das concesionarias do financiamento con fondos europeos que resultou elixida pola UE para o desenvolvemento do programa.
Garcia de la Torre sinalou que todos os traballos en marcha “éste con financiamento da Unión Europea é o máis emocionante e ambicioso xa que non só pretende a localización e remediación dos puntos do verquido, tamén propón avanzar na recuperación da terra como solo residencial”.
A alcaldesa participou esta información aos portavoces dos grupos municipais de PP, PSOE, EUSON e BNG que asistiron á Comisión Especial, xunto con representantes da plataforma de afectadas, asociacións veciñais, sindicatos e a organización “Ecoloxistas en Acción” que se incorporou desde onte.
No transcurso da reunión da Comisión, realizada de xeito presencial, o primeiro tenente de alcalde, Pedro Pereira informou das calicatas que está facendo “Geocysa” en preto de 80 puntos do término municipal, por encargo da Xunta de Galicia. Tamén informouse dos traballos doutra empresa, “Edafotec” para desenvolver un sistema de biodegradación do líndano.
