- A data de inscrición vai dende hoxe ata o 29 de agosto ás 14:00h
O Porriño, 1 de agosto de 2025.- O Concello do Porriño vén de publicar as bases reguladoras para a instalación de postos de venda, tómbolas, casetas e atraccións nas vindeiras Festas do Cristo 2025.
As persoas interesadas poden acceder ás bases das Festas do Cristo 2025 pinchando nas seguintes ligazóns :
BASES INSTALACIÓN DE POSTOS E ATRACCIÓNS FESTAS DO CRISTO 2025
BASES INSTALACIÓN PUESTOS Y ATRACCIONES FIESTAS DEL CRISTO 2025
Así mesmo, a documentación tamén pode recollerse presencialmente nas oficinas do Concello, en horario de 9:00 a 14:00 h, ata o 29 de agosto. Toda a documentación requerida deberá ser presentada no Rexistro Xeral do Concello ou a través da sede electrónica municipal.
Estas bases establecen as condicións técnicas e administrativas para garantir a correcta organización e seguridade das festas, así como unha distribución equilibrada dos espazos destinados á venda ambulante e ás atraccións.
As Festas do Cristo 2025 celebraranse durante todo un mes cun amplo programa que incluirá máis de cen actividades para todos os públicos , rematando coa tradicional Festa dos Callos e a final do certame “Tes Talento?” na primeira fin de semana de outubro.
