Novas

O Porriño aposta pola xestión ética das colonias felinas co seu primeiro protocolo de actuación

O Concello de Porriño deu un paso histórico ao licitar por primeira vez o servizo de captura, esterilización e solta (CES) de gatos nas colonias felinas do municipio. O contrato, adxudicado á asociación protectora de animais INMA por un importe superior aos 23.000 euros, ten como obxectivo garantir o benestar destes animais e o control da súa poboación, aliñándose coa lexislación vixente e promovendo unha xestión ética e responsable das colonias.

O servizo licitado inclúe unha serie de medidas fundamentais para o manexo adecuado dos gatiños da rúa. Entre elas, destácanse a atención veterinaria integral, que abarca desparasitación, vacinación, e microchipeado; a captura e a súa posterior liberación no seu lugar de orixe ou, no seu caso, a súa entrega en adopción.

O método CES implementarase coa intención de controlar a poboación de gatos e mellorar as súas condicións de vida. O procedemento realizarase co máximo respecto cara aos animais, empregando gaiolas trampa baixo supervisión para evitar o estrés dos felinos. Todos os animais capturados serán avaliados por veterinarios antes de ser esterilizados e marcados para facilitar a súa identificación e seguimento.

Ademais, o pasado pleno municipal aprobou o primeiro protocolo de control de colonias felinas, que regulará a inscrición de novas colonias, o rexistro de voluntarios, e os procedementos para a adopción de gatos. Este protocolo ten como finalidade mellorar a calidade de vida dos felinos e  fomentar a concienciación sobre a importancia da esterilización e a adopción.

Con esta iniciativa, o Concello do Porriño quere reforzar o seu compromiso co benestar animal e coa colaboración de colectivos e voluntarios, quen serán clave na xestión das colonias e o desenvolvemento das accións establecidas no protocolo.

“O noso principal obxectivo é garantir o benestar animal e controlar a poboación de gatos rueiros, que poidan convivir connosco sen molestias e en boas condicións sanitarias”, explica a concelleira de Medio Ambiente, Antía Carrera, “pero tamén queremos fomentar a concienciación e colaboración da sociedade en xeral, que se impliquen e coñezan a importancia de coidalos”.

No mesmo sentido expresouse o alcalde, Alejandro Lorenzo, “en definitiva o que buscamos é implementar unha xestión responsable das nosas colonias felinas e promover un modelo de convivencia harmónica entre os animais e a veciñanza. Porque O Porriño somos todos”

 

 

02/01/2025 in Alcaldía, Medio Ambiente

A cativada do Porriño promete moitos sorrisos e abrazos para este 2025

Como xa é tradición no  Porriño, o último día do ano chega por partida doble, e a celebración comezou este 29 de decembro coa festa do Pre-Fin de Ano Infantil, unha xornada única na que centos de nenos e nenas disfrutaron dunha mañá chea de música, diversión e actividades especiais na Praza do Concello. O evento, organizado polo Concello, marcou o inicio das festas previas á tradicional Noitevella, que, como cada ano, ten lugar un día antes na vila do Louro.

Desde as 11 da mañá, pequenos e grandes disfrutaron da festa mentres os máis pequenos deron as badaladas á súa maneira. Nun escenario decorado para a ocasión, a animación, os obradoiros navideños, os personaxes infantís e a música envolveron ás familias nun ambiente de pura maxia.

Alma, Daniela e Triana foron as encargadas de dirixir as badaladas para dar a benvida ao novo ano, un ano que, como dixeron, “será un novo comezo para todos os nenos e nenas do Porriño. E por iso estamos aquí xuntos, porque nós somos como o novo ano, somos o futuro”.

As mestras de cerimonia fixeron público un compromiso da cativada da vila: “Hoxe aquí, xuntos, prometemos estudar un montón e aprobar todo no cole e no instituto. Prometemos que cada mala cara converterase nun sorriso este 2025 e cada mala palabra, nun abrazo”. Xusto antes de comezar a soar as badaladas deixaron ben claro que “este ano seguro será o mellor ano, pero iso hai que empezalo como se merece”.

E así foi. Co reloxo do Concello marcando as doce en punto, os nenos tomaron as súas uvas de gominola e brindaron con champán de chocolate, facendo desta experiencia un momento inolvidable.

Un dos momentos máis agardados foi o concerto de Uxía Lambona e a Banda Molona que saíu ao escenario tan pronto sonou a última badalada para sorpresa da cativada.

Lembramos que ás 12 da noite, O Porriño vivirá a tradicional celebración pre-fin de ano cos maiores, que tamén disfrutarán das badaladas ao ritmo de El Combo Dominicano e con Raquel Atanes e Juan Fuentes como presentadores. Será na Avda. Domingo Bueno. Os actos comenzarán ás 19 h co pasarrúas das tres rondallas (Rondalla Santa Eulalia de Atios, Rondalla da AC Pontellas e Rondalla Santa María do Porriño). Ás 22 h comezará o concerto de El Combo Dominicano e ás 12 h en punto soarán as badaladas que darán paso ao 2025, que chega con cotillón, chocolate para todos e unha sesión dj para recibilo como merece.

30/12/2024 in Alcaldía, Cultura e festas

Antonio Palacios acompañará aos Reis Magos no Porriño

Como xa é tradición no  Porriño, o último día do ano chega por partida doble, e a celebración comezou este 29 de decembro coa festa do Pre-Fin de Ano Infantil, unha xornada única na que centos de nenos e nenas disfrutaron dunha mañá chea de música, diversión e actividades especiais na Praza do Concello. O evento, organizado polo Concello, marcou o inicio das festas previas á tradicional Noitevella, que, como cada ano, ten lugar un día antes na vila do Louro. 

Desde as 11 da mañá, pequenos e grandes disfrutaron da festa mentres os máis pequenos deron as badaladas á súa maneira. Nun escenario decorado para a ocasión, a animación, os obradoiros navideños, os personaxes infantís e a música envolveron ás familias nun ambiente de pura maxia.

Alma, Daniela e Triana foron as encargadas de dirixir as badaladas para dar a benvida ao novo ano, un ano que, como dixeron, “será un novo comezo para todos os nenos e nenas do Porriño. E por iso estamos aquí xuntos, porque nós somos como o novo ano, somos o futuro”. 

As mestras de cerimonia fixeron público un compromiso da cativada da vila: “Hoxe aquí, xuntos, prometemos estudar un montón e aprobar todo no cole e no instituto. Prometemos que cada mala cara converterase nun sorriso este 2025 e cada mala palabra, nun abrazo”. Xusto antes de comezar a soar as badaladas deixaron ben claro que “este ano seguro será o mellor ano, pero iso hai que empezalo como se merece”. 

E así foi. Co reloxo do Concello marcando as doce en punto, os nenos tomaron as súas uvas de gominola e brindaron con champán de chocolate, facendo desta experiencia un momento inolvidable.

Un dos momentos máis agardados foi o concerto de Uxía Lambona e a Banda Molona que saíu ao escenario tan pronto sonou a última badalada para sorpresa da cativada. 

Lembramos que ás 12 da noite, O Porriño vivirá a tradicional celebración pre-fin de ano cos maiores, que tamén disfrutarán das badaladas ao ritmo de El Combo Dominicano e con Raquel Atanes e Juan Fuentes como presentadores. Será na Avda. Domingo Bueno. Os actos comenzarán ás 19 h co pasarrúas das tres rondallas (Rondalla Santa Eulalia de Atios, Rondalla da AC Pontellas e Rondalla Santa María do Porriño). Ás 22 h comezará o concerto de El Combo Dominicano e ás 12 h en punto soarán as badaladas que darán paso ao 2025, que chega con cotillón, chocolate para todos e unha sesión dj para recibilo como merece. 

30/12/2024 in Alcaldía, Cultura e festas

A cafetería “Paso a nivel” doa 100 menús para a cena de Nadal

Nun xesto de solidariedade e compromiso, a Cafetaría Paso a Nivel de Porriño impulsou, un ano máis, a súa entrañable iniciativa de repartir 100 menús solidarios para a cea de Noiteboa. Este xesto permitiu que numerosas familias do Porriño en situación de vulnerabilidade puideran gozar dunha tranquila velada navideña sen ter que preocuparse pola comida e só centrarse no máis importante: compartir o Nadal cos seus seres queridos.

O propietario da cafetería, José González, foi o artífice desta acción que desde hai varios anos vén levando a cabo coa colaboración do Concello do Porriño e o departamento de Servizos Sociais. Os menús, que incluían dous pratos, foron elaborados con coidado para garantir unha cea completa, saborosa e especial para cada fogar que o necesitase. Os menús foron entregados a través do SOS Porriño, que se encargou de distribuílos entre as familias máis desfavorecidas da localidade.

A tarde do 24 de decembro, os menús foron recollidos polas familias na propia cafetería, un acto sinxelo pero cheo de significado, que simboliza o espírito de unidade e apoio mutuo que caracteriza ao noso pobo.

En palabras de Abel Estévez, concelleiro de Servizos Sociais do Concello de Porriño: “Esta iniciativa non só é un acto de xenerosidade, senón tamén unha mostra de que o que significa ser un pobo solidario. Nestes días tan especiais, nos que a unión e o benestar das familias son fundamentais, agradecemos profundamente a Jose González e a todos os que colaboran con este tipo de iniciativas. Grazas a eles, moitas familias poden disfrutar dun Nadal máis cálido, máis humano e máis próximo.”

No mesmo sentido se expresou o rexedor, Alejandro Lorenzo agradecendo “o enorme xesto de Jose e de todo o persoal do Paso a Nivel. Nestes días nos que a xenerosidade e as emocións están máis presentes que nunca, persoas como eles lémbrannos que a solidariedade é a verdadeira esencia do Nadal”.

27/12/2024 in Sen categoría

Concello e AFAGA renovan o seu compromiso para mellorar a vida das persoas afectadas polo alzhéimer

O alcalde do Porriño, Alejandro Lorenzo, e o presidente da Asociación de Familiares de Enfermos de Alzheimer e outras Demencias de Galicia (AFAGA), Juan Carlos Rodríguez, asinaron un novo convenio de colaboración anual entre o Concello e AFAGA. Esta alianza reforza o compromiso de ambas as entidades para mellorar a atención ás persoas afectadas polo alzhéimer e outras demencias, a través do programa de prevención “Cultiva a mente” e de obradoiros de estimulación cognitiva e funcional.

O convenio, que prevé unha subvención de 21.000 euros destinada a financiar estes programas, ten como obxectivo primordial a prevención do deterioro cognitivo en persoas sen diagnóstico, así como proporcionar ferramentas terapéuticas a aquelas que xa padecen demencia, co fin de mellorar a súa calidade de vida e a dos seus familiares. A colaboración con AFAGA completa o servizo que se presta na súa Unidade de Atención Diurna Especializada non  Porriño, que atende a máis de 20 usuarios diagnosticados con alzhéimer ou outras enfermidades neurodexenerativas.

O alcalde do Porriño, Alejandro Lorenzo, destacou a relevancia deste acordo, subliñando que “a loita contra o alzhéimer require un compromiso firme e unha resposta integral. A través deste convenio, non só contribuímos á prevención, senón tamén na atención e no acompañamento ás persoas xa afectadas e ás súas familias. É crucial contar coa experiencia e o apoio de AFAGA para ofrecer unha atención de calidade que permita mellorar a calidade de vida daqueles que padecen esta enfermidade, pero tamén daqueles que están ao seu lado, como familiares e coidadores”.

Pola súa parte, Juan Carlos Rodríguez, presidente de AFAGA, agradeceu ao Concello do Porriño a súa colaboración constante e reiterou que “este tipo de convenios son esenciais para seguir ofrecendo programas que realmente marquen a diferenza na vida dos afectados polo alzhéimer. A prevención, a estimulación cognitiva e a atención especializada son fundamentais para mitigar o impacto desta enfermidade, que afecta cada vez a máis persoas”.

Ambas as entidades valoraron tamén a importancia de seguir ampliando a oferta de recursos destinados ás persoas con demencia e ás súas familias no municipio. Neste sentido, falaron da posibilidade de impulsar novas iniciativas que complementen os programas existentes, sempre dende a perspectiva da prevención da demencia e a promoción de hábitos saudables para un envellecemento activo.

Con esta sinatura, tanto o Concello do Porriño como AFAGA continúan fortalecendo a súa colaboración para facer fronte ao crecente reto social e sanitario que representa o alzhéimer, co obxectivo de ofrecer ás persoas afectadas o apoio necesario para levar unha vida digna e plena.

27/12/2024 in Sen categoría

Raquel Atanes e Juan Fuentes darán as badaladas por adiantado ao ritmo de El Combo Dominicano

O Porriño prepárase para despedir o 2024 por anticipado. Un ano máis, o Concello -pioneiro neste evento- organiza unha xornada, a deste luns 30 de decembro, cunha chea de actividades para todas as idades.

A festa arrancará xa pola mañá. Ás 11.00 horas dará comezo a Festa infantil na que os máis pequenos serán protagonistas e terán o seu propio pre fin de ano con actividades, animación e pascalles de personaxes infantís. Uxía Lambona e a banda molona, será a encargada de continuar a festa tras as badaladas que soarán ás 12 do mediodía.

Ao redor das 19.00 horas iniciarase a festa grande co pasacalles das tres rondallas locais, a rondallas de Pontellas, Santa Eulalia de Atios e Santa María, que desfilarán polas rúas da vila. A continuación, sobre as 22.00 horas, dará comezo a actuación da orquestra El Combo Dominicano e a medianoite volverán soar as doce badaladas, da man da xornalista local, Raquel Atanes, e Juan Fuentes, presentadores do programa “Quen anda aí?” da TVG.

Haberá uvas, cotillón e chocolate gratuíto para todos os asistentes e unha sesión dj que promete pechar a noite ao grande.

“Desde o Concello convidamos á veciñanza e tamén a todas as persoas de fóra que así o desexen, a acudir ao Porriño a festexar xuntos de maneira anticipada o fin do ano 2024 e o recibimento do aninovo, unha cita convertida xa en tradición en Porriño”, sinala o alcalde Alejandro Lorenzo asegurando que se manterá sempre no calendario festivo e cultural do Concello.

27/12/2024 in Sen categoría

Acometemos a mellora de 13 marquesiñas cunha inversión de máis de 24.000 euros

O Concello do Porriño culminou recentemente unha serie de melloras en varias marquesiñas de autobús no municipio, con especial atención á instalación dunha nova parada na entrada do IES Pino Manso, unha intervención moi demandada pola comunidade educativa.

A nova marquesiña no IES Pino Manso, que foi completamente derrubada debido ao estado de deterioro que presentaba, renovouse cunha moderna estrutura de aceiro inoxidable (inox) de 8600 x 5000. Ademais, conta cun tellado de panel de sándwich imitación tella e un acabado interior que imita a madeira, o que non só mellora a súa funcionalidade, senón tamén a súa estética. A intervención supuxo un investimento de máis de 16.000 euros e responde á  necesidade do centro educativo, que buscaba unha maior seguridade e confort para os estudantes e persoal do instituto.

Simultaneamente, levaronse a cabo traballos de reparación en doce marquesiñas de autobús situadas en diversas parroquias do municipio, en Atios, Budiño, Mosende e Pontellas. Nestas localidades reparáronse os tellados, garantindo que os usuarios e usuarias das paradas de transporte público conten coa protección necesaria ante as inclemencias do tempo. O investimento nestas reparacións superou os 18.100 euros.

O alcalde do Porriño, Alejandro Lorenzo, quixo destacar a importancia destas melloras: “Desde o Concello sempre traballamos para responder as necesidades da nosa comunidade, e a renovación destas marquesiñas era unha necesadide urxente e real. A do IES Pino Manso era unha das solicitudes máis insistentes da comunidade educativa, e nos enorgullece poder dar resposta a esta demanda, mellorando a seguridade e a comodidade dos nosos mozos e mozas. Seguiremos traballando para mellorar as nosas infraestruturas e garantir unha contorna máis segura e accesible para todos.”

23/12/2024 in Alcaldía, Vías e obras

O Porriño corre por unha boa causa: Carreira solidaria de Nadal

O Concello do Porriño celebrará a tradicional Carreira de Nadal o vindeiro domingo 29 de decembro, un evento aberto a todas as idades. A proba, cun percorrido accesible de tan só 4 quilómetros, consistirá en dúas voltas ao circuíto urbano (2+2 quilómetros) e terá como punto de saída a Praza Arquitecto Antonio Palacios ás 11:00 horas.

Esta carreira non só será unha oportunidade para practicar deporte, senón tamén para mostrar o lado máis solidario do pobo. Todos os participantes deberán deixar un donativo solidario, que deberá ser unidade de produtos ou alimentos para bebés (como artigos de hixiene, cueiros, leite ou cereais) ou pasta tipo macarrón ou espiral.

Estes produtos serán posteriormente distribuídos polo programa municipal de alimentos SOS Porriño entre as familias do municipio con menos recursos, colaborando así a mellorar as súas condicións durante estas festas.

A inscrición á carreira é totalmente gratuita e poderá realizarse a través da ligazón dispoñible en ecultura.net , que estará aberto ata as 23:30 h do 27 de decembro. Tamén se poderá inscribir de forma presencial o propio día do evento, na zona habilitada para tal fin preto da saída da proba, antes de que comece a carreira.

Todos os corredores deberán estar na zona de saída 10 minutos antes do inicio da proba para poder colocarse de forma adecuada e garantir o bo desenvolvemento do evento.

A Carreira de Nadal está organizada polo Concello do Porriño, en colaboración co Club Atletismo Porriño, que contribúe á promoción do deporte en familia e á creación de eventos que unen o deporte e a solidariedade.

Desde o Concello do Porriño convidan á veciñanza a unirse a esta xornada festiva e solidaria que promete ser un éxito rotundo.

23/12/2024 in Alcaldía, Deportes

Clausuramos o Plan Integrado de Emprego que formou a cen persoas

O Concello de Porriño celebrou este mércores a clausura do seu Plan Integrado de Emprego (PIE), un programa que, grazas á colaboración entre a administración local, a Xunta de Galicia e os actores empresariais e comerciais do municipio, conseguiu un alto grao de inserción laboral para os seus participantes.

No acto, que tivo lugar nas instalacións de Porremprego, recibiron o seu diploma os 100 beneficiarios do programa, arroupados por representantes dos polígonos industriais e comercios locais  e as técnicas do PIE, Patricia Gallego e Rosa María Molinos, responsables do desenvolvemento do programa.

O acto contou tamén coa intervención de autoridades como a concelleira de Emprego e Formación, Rosario Costas, o alcalde, Alejandro Lorenzo,  o director territorial de Emprego, José Antonio Rodríguez Fachado e a delegada territorial da Xunta de Galicia en Vigo, Ana Ortiz, quen resaltaron a relevancia deste tipo de iniciativas para mellorar as oportunidades laborais e sociais no municipio.

Durante a súa intervención, Patricia Gallego, técnica do PIE, fixo un balance exhaustivo dos resultados do programa, facendo especial fincapé na súa transcendencia para as persoas que participaron. No mesmo sentido se expresou a concelleira, Rosario Costas, sinalando que  “o noso obxectivo sempre foi proporcionar formación, orientación e oportunidades reais de emprego. O éxito de hoxe, con 79 persoas que traballaron grazas a este programa, reflicte a eficacia das políticas activas de emprego implementadas”. O programa contou con máis de 600 orientacións individuais, 705 horas de formación especializada e 112 contratos de traballo. A destacada cifra de 35 persoas que realizaron prácticas en empresas subliña tamén a relevancia do contacto directo co mundo empresarial.

O alcalde do Porriño, Alejandro Lorenzo, incidiu no impacto positivo deste programa para a sociedade porriñesa, resaltando que “un traballo digno non só mellora a vida das persoas, senón que tamén é a chave para garantir a liberdade e o benestar social”. Asegurou que o Concello continuará apostando por iniciativas que fomenten a formación e a inserción laboral, porque “o futuro do Porriño constrúese con esforzo, colaboración e ganas de mellorar, e as administracións estamos para construir ese futuro de oportunidades con vós”.

A implicación do sector empresarial

Unha das claves do programa foi, sen dúbida, a colaboración do sector empresarial e comercial local. No acto estiveron presentes representantes dos polígonos industriais da Granxa e As Gándaras,David Sobral e Santiago Gomara, Indalecio e da asociación de comerciantes ACIPOR, Noelia Conde, cuxo apoio e participación é clave O alcalde destacou a súa implicación: “O papel do sector empresarial é esencial na xeración de emprego. O apoio e compromiso dos empresarios do Porriño contribúe sempre directamente ao éxito destas iniciativas”.

19/12/2024 in Alcaldía, Emprego e formación

Creadores emerxentes mostran as súas obras no Centro Cultural do Porriño

O Centro Cultural do Porriño será o escenario dunha innovadora exposición de arte contemporánea centrada no fogar e a familia, un proxecto que pretende achegar a arte actual ao público e xerar diálogos en torno a estes conceptos universais.

Baixo o título “Origen es: familia e fogar” a mostra inaugurarase o vindeiro 23 de decembro ás 18 h, permanecerá aberta no horario habitual do Centro Cultural ata o día 3 de xaneiro de 2025 e contará con máis de 20 obras de arte creadas por 14 artistas: Alba Fernández, Alicia Prieto, Andrea Chas, Ángel Cerezo, Carlos Tenorio, Carolina Ferro, Evian Alves, Iago Rodríguez, Iñigo Barreiro, Jimena Arenas, José Paniagua, Lucía Rodríguez, Saray M. Santos, Sofía Neira.

Os participantes son alumnos e alumnas da Facultade de Belas Artes da Universidade de Vigo, así como graduados e artistas amateurs. A selección de piezas abarca diversas disciplinas, como pintura, escultura, textiles e incluso arte audiovisual, ofreciendo aos visitantes unha ampla e actualizada visión do panorama artístico actual.

Esta iniciativa xorde como parte dun traballo da asignatura “Xestión, ámbito artístico e mundo profesional”, impartida polo profesor Xosé M. Buxán Bran, que tamén exerce como decano da Facultade de Belas Artes e que, xunto coa comisaria da mostra, Ángela Estévez, presentou a mostra na Casa Consistorial.

Nesta proposta, pediuse ao estudantado do último curso que deseñase e xestionase un evento artístico real, brindándolles a oportunidade de aplicar os coñecementos adquiridos e conectar co público a través da arte. E ese foi o caso da comisaria desta exposición, a porriñesa Ángela Estévez, quen debuta como xestora nun evento destas características. Con esta mostra, Ángela non busca soamente mostrar o talento emerxente, senón tamén acercar a arte contemporánea a persoas alleas ao eido artístico, fomentando a interese e a reflexión en torno ás temáticas propostas.

Arte para xerar diálogo

O fogar e a familia son conceptos profundamente persoais e universais ao mesmo tempo. A través desta exposición, os artistas compartirán os seus puntos de vista e experiencias, invitando ao público a reflexionar e dialogar sobre a importancia, os desafíos e as diversas interpretacións destes temas no contexto actual.

Esta iniciativa representa un espacio de encontro entre creadores e espectadores, onde a arte actúa como unha ponte para o entendemento e a comunicación. Desde a organización agradeceron  ao Concello do Porriño a súa colaboración, destacando quea Concellería de Cultura sigue apostando pola arte e a cultura como piares fundamentais para a comunidade.

19/12/2024 in Alcaldía, Cultura e festas