- Con 200 horas teóricas e 150 prácticas, desenvolverase en formato intensivo semipresencial nas fins de semana
O Porriño, 10 de abril de 2026. A Concellería de Xuventude do Porriño, a través da OMIX, organiza un curso oficial de Monitor/a de Actividades de Tempo Libre en formato intensivo semipresencial, que se desenvolverá nas fins de semana entre o 15 de maio e o 7 de xuño no Centro Cultural Municipal do Porriño.
A formación consta de 200 horas teóricas (presenciais e en liña) e 150 horas de prácticas. Ao rematar, obterase o título oficial, imprescindible para traballar en ámbitos como campamentos, ludotecas, extraescolares ou centros socioculturais.
O curso será impartido pola ETL Scolé, con profesionais de entidades como Avada, Xesta Brava ou NaiGaia. As sesións presenciais terán lugar os venres pola tarde e sábados e domingos en xornada completa nas datas indicadas no Centro Cultural Municipal do Porriño (Avda. Domingo Bueno, nº 9).
O prazo de inscrición está aberto ata o 30 de abril, con prioridade para persoas empadroadas no Porriño.
Inscricións: https://forms.gle/RUKe68LgQehuXmRj7 Máis info: escoladetempolibre@avada.gal | 648 87 26 09
As persoas que finalicen o curso obterán o título oficial de Monitor/a de Actividades de Tempo Libre, adquirindo as competencias necesarias para dirixir e dinamizar grupos de diferentes idades, así como para educar, coidar e promover actividades de lecer educativo.
Este título constitúe un requisito imprescindible para traballar en ámbitos como campamentos, programas de conciliación, granxas escola, ludotecas, parques de aventuras, actividades extraescolares, centros socioculturais ou establecementos turísticos, entre outros.
Para máis información: escoladetempolibre@avada.gal 648 87 26 09
