O Campamento de Entroido, organizado pola Concellería e dirixido aos máis pequenos e pequenas da casa, celebrarase os días 3, 4 e 5 de marzo nas instalacións do CEIP Plurilingüe Xosé Fernández López, en horario de 8:30 a 14:30 h.
Compartimos a listaxe de admitidos. Lembramos que o lugar de entrega e recollida dos e das participantes será na porta principal do centro.
Os rapaces e rapazas deberán levar roupa e calzado cómodos, unha mochila con calzado de reposto, merenda e auga. Ademais, dado que celebramos o Entroido, poden traer o seu disfrace! No caso de precisar algunha vestimenta especial para as actividades, os monitores comunicarano con antelación.
As únicas persoas autorizadas para entregar e recoller aos nenos e nenas serán as que presentaron a solicitude. Se outra persoa debe facelo, deberá ser maior de idade e entregar aos monitores a autorización correspondente asinada, xunto co DNI da persoa que autoriza e tamén o da autorizada.
AUTORIZACIÓN DE ENTREGA E RECOLLIDA
Estamos preparados para tres días de xogos, diversión e moita festa de Entroido!
