As Festas do Cristo do Porriño comezan este domingo coa carreira ciclista “A Nocturna 2024”, e rematan o 29 de setembro coa tradicional Festa dos Callos e a final do certame “Tes Talento?”. Serán 30 días con máis de 100 actividades para público de todas a idades e todos os gustos: actividades infantís e familiares, aeromodelismo, graffiti, monólogos, teatro, presentacións de clubs deportivos, carreiras a pé, de ciclismo e motos, flashmob, e moitos e diversos espectáculos musicais, incluidos os festivais Louro Valley e o Montando Cristo e as tradicionais verbenas.
Como xa se fixo público, a porriñesa Juana da Cruz “Juaniña” será a encargada de dar o pistoletazo de saída aos días grandes desde o balcón da Casa Consistorial coincidinndo co seu cen aniversario.
“Imos celebrar xuntos unhas Festas do Cristo para recordar sempre”, explicou o alcalde, Alejandro Lorenzo, “Este é un ano de celebración e no Porriño gústanos compartir, gústanos vivir o noso pobo e festexar xuntos. O obxectivo é que a ledicia anegue toda a nosa vila”.
Na programación relixiosa salienta a misa solemne e a procesión do Santísimo Cristo da Agonía, o domingo 22 de setembro, nas que participarán a Coral Polifónica da Escola Municipal de Música, a Banda de Guerra da Brilat, a Escuadra de Gastadores, a Banda de Gaitas Os Coribantes e María Vidal.
Actividades infantís e familiares
A cativada e as familias poderán gozar dunha longa lista de actividades, que inclúen inchables, festa da escuma, circo, espectáculos de contacontos e maxia, concertos e un obradoiro musical impartido polo músico porriñés Pancho Álvarez. O Mago Teto, a Compañía Circo Chosco, María Faltri Picadiscos, Maison ou La Compañía Fantástica son algúns dos artistas que entreterán e sacarán o mellor sorriso aos máis pequenos da casa.
Actividades e exhibicións deportivas
Este fin de semana terán lugar dous dos acontecementos deportivos máis esperados das Festas do Cristo: a tradicional carreira ciclista “A Nocturna”, o sábado 31 de agosto; e a XII Milla Porriñesa 14 sept, a carreira a pé con diversas distancias para que poidan participar persoas de tódalas idades e condicións físicas. O motores das motocross volverán resoar na Dirt-Track Xacob Agra na súa XVII edición. Hai tamén espazo para outras disciplinas como o Torneo de Padel (2-15), Torneo de Tenis (21), Torneo de Fútbol Jonathan Vila (14-15).
Como ven sendo habitual nos últimos anos, a pista de aeromodelismo de Pontellas acollerá exhibicións deste deporte os días 7 e 8 de setembro. Asimesmo, os clubs deportivos farán o propio durante todo o mes para presentar as actividades deste curso, con pequenos partidos ou exihibicións, dependendo das disciplinas, na praza do Arquitecto Antonio Palacios.
A Festa Ciclista do día 29, na que participa xente de tódalas idades, pechará as actividades deportivas ligadas ás Festas do Cristo.
A música, a gran protagonista das actividades culturais
Nas festas do Cristo do Porriño haberá moitos espectáculos musicais, para grandes e novos, de diferentes estilos. No prazo dunhas poucas semanas O Porriño converterase na capital galega dos festivais, albergando a figuras da música urbana como JC Reyes, Maka ou Pignoise, no Negrita Festival os días 13 e 14; DJs aínda por facer públicos no Louro Valley, o sábado 21; e grupos rockeiros, que se desvelarán próximamente, no Montando Cristo o sábado 28 de setembro.
Os/as amantes das verbenas poderán gozar coas orquestras xa asiduas na vila, como El Combo Dominicano, Gran Parada, Panorama, Orquesta Royal ou o Grupo América de Vigo, entre outras.
DoRoxo Presbiçian, As Fillas de Cassandra e o grupo folk Milladoiro, que está a celebrar o seu 45 aniversario, deleitarán aos porriñeses/as e visitantes con sendos concertos os días 7, 20 e 21 de setembro respectivamente.
O último día de festexos, o domingo 29 de setembro, terá lugar a final do concurso “Novos talentos musicais val da Louriña 2024. Tes Talento?”; un certame para dar a coñecer a artistas afeccionados, e no que en edicións anteriores saliantaron figuras como Noemí Fernández ou Antía Caride, compoñente da Girl’s Gang.
Durante todo setembro non faltará a música das corais, as bandas, as charangas, os grupos tradicionais e os pasarrúas, que amenizarán o centro urbano do Porriño no mes das súas festas grandes.
Á música, súmanse expectáculos de baile, batalla e flashmob, e varios monólogos dos actores e actrices Oswaldo Digón, Damián Alonso, Víctor Grande, Leti da Taberna, Arantxa Treus e Darío Mares.
Outras actividades
Volve o mercadillo outlet “Merca na rúa”, os días 6 e 7, una feria de oportunidades na rúa peonil na que participan diferentes comercios da vila e localidades veciñas.
A rúa Leandro Diz acollerá os días 7 e 8 a Liga Nacional de Graffiti, pensada para que persoas de todas as idades e gustos poidan disfrutar desta expresión de arte urbana.
A Festa dos Callos é o broche final das Festas do Cristo na vila do Louro. O domingo 29 a veciñanza e tódolos visitantes poderán gozar desta festa gastronómica que chega xa á súa XXXI edición.
Pódese consultar toda a programación en ecultura.net.
![](https://oporrino.org/wp-content/uploads/2024/09/Festas-Cristo-2024-porrino-programa-1024x749.jpg)