75 nenos e nenas participan este ano no Campamento de Nadal organizado pola Concellería e dirixido aos máis pequenos e pequenas da casa.
Compartimos a listaxe de admitidos. Lembramos que o lugar de entrega e recollida dos e das participantes será na porta principal do CEIP Plurilingüe Xosé Fernández López. Os rapaces e rapazas deberán levar roupa e calzado cómodos, unha mochila con calzado de reposto, unha merenda e auga.
No caso de precisar algunha vestimenta diferente serán os monitores as persoas encargadas de comunicarllo.
As únicas persoas autorizadas para entregar e recoller aos rapaces e rapazas do Campamento de Nadal serán as que instaron a solicitude. En caso de ser outra persoa a encargada, deberá ser maior de idade e levar xunto aos monitores e monitoras a autorización correspondente asinada, achegando o DNI da persoa que autoriza e tamén o da autorizada.
