A Escola Municipal de Música do Porriño conta na actualidade con 14 profesores que semanalmente imparten clases de linguaxe musical e das diferentes especialidades instrumentais ós mais de 150 alumnos de todas as idades. Conta á vez con seis agrupacións que dan cabida no só ós alumnos da escola, senón tamén a todos os vecinos e veciñas do Porriño e contorna que queiran formar parte das mesmas.
A Escola Municipal de Música do Porriño está configurada como un primeiro paso para todos os alumnos que desexen estudar académicamente nun Conservatorio, xa que os seus curso de Grao Elemental está programados seguindo as pautas de esixencia para una futura proba de acceso a Grao Medio. Nesta escola de música, ademais impártense clases ata segundo curso de Grao Medio.
Especialidades da Escola de Música
A Escola imparte as seguintes clases:
- Música e Movemento I (4 e 5 anos).
- Música e Movemento II (6 e 7 anos).
- Linguaxe Musical e Educación Auditiva 1º Grao Elemental.
- Linguaxe Musical e Educación Auditiva 2º Grao Elemental.
- Linguaxe Musical e Educación Auditiva 3º Grao Elemental.
- Linguaxe Musical e Educación Auditiva 4º Grao Elemental.
- Linguaxe Musical e Educación Auditiva 1º Grao Medio.
- Linguaxe Musical e Educación Auditiva 2º Grao Medio.
Especialidades instrumentais
Violín, viola, violonchelo, percusión, guitarra, piano, canto, gaita, clarinete, frauta traveseira, saxofón, óboe, fagot, trompa, trompeta, bombardino, trombón, tuba e percusión tradicional.
Agrupacións musicais da Escola de Música do Porriño
Banda de música
A Banda de Música está aberta a novas incorporacións. Todas a persoas interesadas poden poñerse en contacto directamente coa escola.
Banda infantil de música – Mini banda do Porriño
A Mini Banda do Porriño é unha nova formación presentada no Festival das Letras Galegas 2024 da Escola de Música. Está dirixida por David Trastoy Oseira e conta con instrumentos de vento madeira, vento metal e percusión, tocados por unha ducia de estudantes da Escola de entre 8 e 14 anos de idade.
Orquestra de corda
Os alumnos e alumnas de corda da Escola de Música Municipal do Porriño, teñen nesta agrupación unha oportunidade para por en valor os aspectos aprendidos durante as clases individuais nas diferentes especialidades pero de forma colectiva.
Grupo de música tradicional
Sen dúbida, una agrupación tradicional pon en valor a cultura dun pobo. Desde a Escola de Música dase a oportunidade aos alumnos que cursan Gaita e Percusión Tradicional para que, conxuntamente, traballen un repertorio específico nunha agrupación destas características. Pódense incorporar todas as persoas interesadas.
Coral infantil
Composta por voces brancas, case todos alumnos da escola que cursan desde 1º curso ata 4º de Grao Elemental. Ademais, esta agrupación está pensada para todos os nenos e nenas que queiran participar da mesma, sexan ou non alumnos do centro. É una actividade de carácter gratuita.
Coral polifónica
Para os adultos, sexan ou non alumnos do centro. Na actualidade está fomada por 46 voces mixtas e participan fundamentalmente nos festivais organizados pola escola. Os interesados, poden participar desta actividade poñéndose en contacto coa escola.
Profesorado da Escola Municipal de Música do Porriño
David Trastoy Oseira, director da Escola e da Agrupación Musical do Porriño.
Rocío Álvarez González, profesora de linguaxe musical e saxofón, e xefa de estudos.
Pilar Moráguez, profesora de canto.
Jacobo García, mestre de linguaxe musical, educación vocal e auditiva, corais e violoncello.
José Miguel Pérez Pereira, profesor de trompeta, linguaxe musical e música e movemento.
Suso Alonso, profesor de percusións tradicionais e do grupo de música tradicional.
Juan Álvarez, profesor de clarinete e linguaxe musical.
Enrique Comesaña Barreiro, mestre de frauta traveseira.
Xoel González, mestre de percusión.
Fabio Salgado Hermida, profesor de violín e do grupo orquestral.
Serghei Maximov, profe de violín e viola.
Violetta Tin, profesora de piano.
Meily Téllez, profesora de guitarra.
Diego Alonso Vila, profesor de gaita e do grupo de música tradicional.
Contacto da Escola de Música
Dirección: Avda. Domingo Bueno, 13, 1ª planta. 36400 O Porriño
Teléfono: 604 14 06 78 / 986 34 46 39
Email: escolademusicamunicipal@oporrino.org
Horario de clases: Luns a venres de 16:00 a 22:00 h
Horario de atención: Luns a venres de 16:30 a 20:30 h
CURSO 2024/2025
Formulario de inscrición: descarga aquí. Datas de entrega en Rexistro do Concello: 1-15 de xullo de 2024.
Lista de admitidos: publicarase unha vez terminada a fase de inscrición.
Matriculación: se formalizará na última semana de agosto de 2024 por Rexistro do Concello.
Comezo do curso 2024/2025: 11 de setembro.