A corporación municipal do Porriño celebrará este mércores, ás 14 horas, un pleno extraordinario. Tratase dunha sesión obrigatoria para a aprobación das actas pendientes de sesións anteriores, como suliña a orde día da sesión que adxuntamos.
A sesión tamén servirá para a despedida dalguns dos actuais concelleiros e concelleiras en funcións que non repetirán na vindeira corporación que saiu das furnas do pasado 26M e que se constituirá o sábado 15.
Tres alumnos porriñeses foron galardoados no IV Concurso de Debuxo Infantil do Consorcio do Louro que este ano tiña como lema “Os Investigadores da Auga trala pista do ciclo integral da auga”.
Os tres nenos porriñeses premiados foron Brais Rodríguez Valoria, do CEIP Antonio Palacios, Mario Rocha Pérez e Andrea López Ramilo
Coincidindo coa celebración do día mundial do medio ambiente, fíxose a
entrega dos premios Os catro primeiros premios, un por cada Concello consorciado, recibiron unha tableta electrónica e os oito finalistas, dous por Concello, recibiron unha pulseira de actividade.
Os representantes dos Concellos de O Porriño, Salceda de Caselas, Mos e Tui así como a Directora de Augas de Galicia agradeceron a participación dos nenos nesta cuarta convocatoria, na que se presentaron preto de 250 debuxos, e resaltaron a importancia de concienciar sobre a importancia da boa xestión e do uso responsable dun ben escaso e prezado como é a auga.
Os 12 debuxos seleccionados serán utilizados para editar un calendario do ano 2020 que, como xa é costume, será distribuído polo Consorcio en diferentes puntos.
Os debuxos gañadores poden consultarse tamén accedendo á web do Consorcio na dirección
www.consorciodolouro.es
Incluímos os debuxos dos trea lumnos porriñeses galardoados
Zona Franca sacou a concurso o estudo de implantación da futura Cidade do Transporte que o presidente deste organismo público, David Regades xa anunciara que desexa implantar no Porriño. De feito o estudo de arquitectura que gañe o concurso, ademáis de se embolsar 300.000 euros, terá o encargo de redactar o proxecto sectorial e de urbanización, segundo as bases da convocatoria publicada o pasado 4 de xuño e que rematará o 8 de xullo.
A Cidade do Transporte deberá acoller un gran parking para camións, hotel, restaurante, gasoliñeira, taller mecánico e de reparacións. O propósito é desaloxar de Vigo o aparcamento indiscriminado de camións e trailers ofrecendo ós camioneiros unha alternativa cómoda e próxima ás principais vías de comunicación. Precisamente a elección de Porriño facilitará as conexións coa autovías A-52 e A-55 así como coa Autoestrada do Atlántico AP-9.
A delegación que representou a Porriño no I Encontro de Participación Infantil e de Adolescencia de Galicia celebrado este pasado fin de semana en Castrelo do Miño tivo unha actuación sobranceira. Os catro alumnos Carla, laura, Anxo e Pablo que acudiron en representación dos nenos e nenas de Porriño tiveron protagonismo nos debates das ponencias sobre Educación, Cambio Climático, Pobreza, Protección e Participación.
A delegación estivo formada por dous alumnos do CEIP Cruz Budiño e outros dous do CEIP Antonio Palacios, acompañados dun monitor e pola responsable da OMIX de Porriño, Noelia de la Fuente.
En total acudiron a Castrelo do Miño 50 nenos e nenas de toda Galicia. Á sesión de clausura acudiron a Directora Xeral de Familia de la Xunta e a Presidenta de UNICEF Galicia.
Porriño, nomeada por UNICEF dende 2018, “Cidade Amiga da Infancia”, ten por ilo a obriga de celebrar anualmente o pleno municipal infantil – como fixo o pasado 10 de maio- para dar voz á infancia e que as súas opinións sexan tidas en conta na toma de decisións polo Concello.
Finalmente foron 205 os participantes na sexta edición do Tríatlon Concello do Porriño que se disputou con boas condicións meteorolóxicas, a pesares de que a choiva fixo acto de presenza un par de veces, tanto na saída en Tui como despois en Porriño. Pero de xeito pasaxeiro.
A organización brillou pola súa eficiencia que foi louvada polos participantes. As Policías Locais de Tui e máis de Porriño así como a Garda Civil de Tráfico, o persoal da Comandacia Fluvial de Tui e máis de douscentos voluntarios encargaronse de manter a orde e seguridade tanto dos participantes como do público.
No aspecto deportivo, brillante triunfo de Diego Paz, triatleta de Ponteareas, orixinario da parroquia de Cristiñade e pertenecente ó club “Arcade Consultores Inforhouse”. Chegou en cabeza xunto con Brais Canosa á transición da rúa Domingo Bueno, ó remate do tramo de bici, e marcou as diferenzas no treito final de carreira a pé. O seu tempo final foi de 59′ 59″.
Na categoría feminina igualmente dominou sen discusión Cristina Torres, do club “Tríatlon Mar de Vigo”. Cruzou a liña de meta cun tempo de 1 hora, 14′ 28″. Ainda que na foto aparece outro, hai que restalle cinco minutos que foi a diferenza entre a saída do homes e das mulleres en Tui.
Eva García de la Torre, alcaldesa de O Porriño e Enrique Hernández, en representación da Federación Galega de Tríatlon entregaron os galardóns ós gañadores nas diferentes categorías que referimos a continuación.
CLASIFICACIONES VI TRIATLON CONCELLO DE PORRIÑO
Masculina
1 Diego Paz,
2 Brais Canosa
3 Marcos Vila
Femenina
1 Cristina Torres
2 Patricia Alvarez
3 Sandra Sobreira
Cadete femenino
1 Antia Pazos
Cadete Masculino
1 Javier Fernández
Junior masculino
1 Yago Carballo
Veteranos femenina
1 Patricia Alvarez
Veteranos masculino
1 Agustin Ríos
Primera triatleta local
Rocio Blanco
Primer triatleta local
Diego Pereiro
A Concellería de Igualdade do Concello do Porriño informa que un ano máis organízase o Campamento de Verán 2019, cofinanciado pola Deputación Provincial de Pontevedra, como medida de conciliación da vida laboral, persoal e familiar.
Esta actividade vai dirixida a tod@s rapaces e rapazas nados entre os anos 2007-2014 ambos inclusive.
A folla de inscripción poderá descargarse desde a páxina web do Concello (Folla de inscripción) que xunto a documentación requerida deberá presentarse no rexistro municipal. A admisión será por orde de presentación de solicitudes.
O prazo de inscripción abrirase o luns 10 de xuño e pecharase o xoves 20 ual mes. As solicitudes presentadas antes ou despois dos días sinalados carecerán de validez.
Para calquera dúbida pódese contactar co CIM do Concello do Porriño, sito no 3º andar da casa consistorial ou chamando ao 986337429.
A sétima edición do Festival de Bandas de Música que organiza a Escola Municipal de Música de Porriño estará adicada ó sétimo arte. Baixo o título “Música & Cine”, o concerto ofrecerá pezas de bandas sonoras de películas moi recoñecibles.
Tocarán a banda da Escola Municipal de Música de Porriño e a Agrupación Musical de Belesar (Baiona).
O concerto programado para o sábado 8, desenrolará se no Parque do Cristo, a partir das 21 horas.
A Asociación de Veciños San Salvador de Torneiros organiza a terceira edición da Festa da Cervexa Artesanal do Val da Louriña. Comezará hoxe venres ás 20 horas coa actuación da escola de gaitas “Agarimo”. Logo pasarán polo escenario “The Turre’s Band” e “Aragonat Band”.
O sábado continuará a Festa da Cervexa Artesanal, a partir do mediodía amenizada pola actuación da charanga “Ronco&Fol” e con outras actuacións ó longo do día.
Para comer e lecer haberá cervexa artesá, obradoiros de elaboración, pulpeira, hamburguesas, empanada e tortilla así como postos de venda de artesanía.
Finalmente son 210 os deportistas inscritos para o Tríatlon Concello de Porriño que se celebrará mañá sábado 8 de xuño. Cun percorrido total de preto de 26 kilómetros que discurrirán dende o río Miño ata a praza Arquitecto Antonio Palacios, diante do consistorio porriñés onde estará situada a liña de meta.
A saída da proba masculina será ás 17 horas, en Tui e para a proba feminina, dez minutos despois.
As estimacións da organización que apuntaban que esta sexta edición superaría os 200 participantes, cumprironse o que ratifica a capacidade de convocatoria que tén este evento deportivo. Ademáis, a circunstancia de que o ano pasado non se disputara polo loito oficial decretado en Tui polas víctimas da explosión pirotécnica de Paramos, engadiu máis interese no retorno da proba.
O Tríatlon Concello de Porriño “tén unha especial sona entre os deportistas” segundo ponderou na recente presentación da competición, Gonzalo Triunfo, presidente da Federación Galega de Tríatlon que valoraba que “esta é unha das probas populares mellor consideradas de Galicia e de España pola súa esmerada organización”. Os especialistas valoran de xeito especial as características técnicas e deportivas deste triatlón dado que inclue as transicións de Tui, no río Miño, onde a Comandancia de Mariña; na rúa Domingo Bueno en Porriño para deixar as bicis e pasar a carreira a pé polo casco urbano porriñés ata a praza do Concello.
O tramo de natación sprint é de 750 metros, desenrolase no Miño fronte a sé da Comandancia. O tramo de bici é de 20,2 kilómetros entre Tui e Porriño e despois o tramo de carreira pedestre tén 5 kms de lonxitude. Na edición deste ano a iconografía e cartelería realizouse sobre un fondo de cor morada “como unha homenaxe ás mulleres deportistas”, segundo afirmou Eva García, alcaldesa de O Porriño na presentación que pola mesma razón de fondo, tivo como madriña á ciclista porriñesa Ana María Gónzalez Cuña, actual subcampeona de España e de Galicia de BTT Master 40.
No palmarés de anteriores vencedores do Tríatlon Concello de Porriño destacan Martín Carrera, triatleta del Club Natación Riveira que gañou duas edicións, Diego Paz e o exciclista profesional Gustavo Rodríguez que se impuxera na primeira edición, en 2013. En categoría feminina Aida Valiño, unha das mellores traitletas de Galicia gañou en 2014 e inscribiu o seu nome nun palmarés no que aparecen tamén Iria Huertas e María Martínez, entre outras.
O Concello de Porriño participará esta vindeira fin de semana no I Encontro de Participación e Adolescencia de Galicia que terá lugar no concello ourensán de Castrelo do Miño.
Porriño estará representado por unha delegación composta por catro alumnos de colexios da cidade máis un monitor e a responsable da Oficina Municipal de Información Xuvenil (OMIX) de Porriño, Noelia de la Fuente Pérez. O alumnos son dous do CEIP Cruz Budiño e outros dous do CEIP Antonio Palacios que participaran no recente pleno infantil celebrado no Concello o 10 de maio.
Porriño, nomeada Cidade Amiga da Infancia por UNICEF en 2018, celebra anualmente o pleno municipal infantil para aplicación da Convención sobre os Dereitos do Neno. Tratase de dar voz á infancia e que as súas opinións sexan tidas en conta na toma de decisións a nivel municipal. Nese eido co, UNICEF promove tamén a celebración dos consellos de participación infantil e de mocidade a nivel rexional como o que se celebrará o sábado 8 e o domingo 9 en Castrelo do Miño. Acudirán en total 50 nenos e nenas de toda Galicia.
