Turismo

A PRAZA DO CONCELLO ACOLLERÁ A PRESENTACIÓN DO 53º RALLYE RIAS BAIXAS

A praza Arquitecto Antonio Palacios acollerá mañán martes 14 a presentación da 53ª edición do Rallye Rías Baixas que un ano máis terá a Porriño como centro neurálxico.
Ás trece horas faráse diante da casa consistorial una roda de prensa con asistencia de Eva García de la Torre, alcaldesa de Porriño; Lourdes Moure, concelleira de Seguridade; Daniel Rodríguez, Inspector Xefe da Policía Local, Julio Bernárdez, responsable do Servizo de Deportes do Concello e por outra banda, Fernando Mouriño, presidente da Escudería Rías Baixas e outras persoas do staff da organización, para detallar os aspectos deportivos e de intendencia desta edición.
O 53º Rallye Recalvi Rias Baixas é unha proba valedeira para o Campeonato Galego de Rallyes. Terá un trazado de máis de 250 kilómetros dos que 110 serán cronometrados.
O Concello de Porriño colabora un ano máis co Rallye, non só como un dos copatrocinadores, senon tamén cun importantísimo apoio loxístico xa que na nosa cidade terán lugar as verificacións técnicas e administrativos así como os distintos reagrupamentos despois dos tramos cronometrados.

13/05/2019 in Alcaldía, Deportes, Turismo

Este domingo Porriño acolle a proba ciclodeportiva “Xarotos Gran Fondo”, a festa gastronómica dos “Cachos” e a última xornada da Feira do Libro

A proba ciclodeportiva “Xarotos Gran Fondo”, organizada polo clube “Máster da Louriña” e patrocinada polo Concello de Porriño e Deputación Provincial, contará finalmente cunha inscripción de 350 participantes. O dorsal número 1 será para o ex-ciclista profesional Gustavo Rodríguez, actualmente adicado ó triatlón, que nesta edición recibirá unha homenaxe especial polos organizadores.


A proba partirá dende o Concello de Porriño onde estará tamén a liña de meta. Cubrirá unha distancia de 130 kilómetros dos que 83 serán cronometrados. Tamén haberá outras duas probas complementarias de medio fondo e mini fondo sobre distancias de de 95 km e 71km, respectivamente que reunirán perto de 200 participantes.
A alcaldesa Eva García realizará a entrega de maillots e premios ós gañadores das diferentes categorías, ó termo da competición.

Por outra banda na mesma praza Arquitecto Antonio Palacios continuará e rematará este domingo a IV Feira do Libro que conta con 8 stands de librarías. Hoxe haberá tamén cinco presentacións de libros entre os que destaca Ledicia Costas que firmará exemplares da súa última obra, “Infamia e outros libros”. A Feira do Libro de Porriño pechará ás 21 horas.

E finalmente hoxe domingo 12 de maio tamén terá lugar a festa gastronómica dos “Cachos”. Organizan a Asociación de Hostaleiros do Porriño e a Asociación Veciñal San Benito e San Sebastian, coa colaboración do Concello do Porriño.
Segundo relata a web del departamento de Cultura do Concello de Porriño, a historia deste evento festivo ven de lonxe.
“Remóntase á resistencia porriñesa para evitar a entrada dos franceses na vila. Para conmemorar aquel momento histórico levantouse un cruceiro en Porriño e, ao redor del, foi crecendo un barrio que se converteu nun dos máis emblemáticos da localidade. Honrando ao Cristo dos Afligidos comezou a celebración dunha festa en maio e aos elementos relixiosos fóronse sumando outras actividades de lecer, entre elas, a parte gastronómica coas centolas como protagonistas; un marisco que aquí chaman “cachos” como se coñece desde entón ao propio barrio. Esta festa foi gañando fama nos arredores, con todo, a principios dos 80 fóronse perdendo seguidores, ata desaparecer. Hai uns anos, e grazas ao apoio da Administración, os veciños recuperárona e para que non volva desaparecer, edición tras edición, esfórzanse por ter unha programación máis atractiva”

Haberá “cachos” (centolas), ademais tamén se poderán degustar polbo, rosca, rosquillas, pan e viño, a partir de mediodía como poden ver na imaxe do cartel que adxuntamos.

11/05/2019 in Alcaldía, Benestar, Cultura e festas, Deportes, Educación e tecnoloxía, Turismo

A Alcaldesa de Porriño declárase “encantada de compartir nun ano moi especial” a presentación do Festival de Cans que cumpre 16 edicións

Eva García de la Torre abriu as intervencións das autoridades e representantes dos patrocinadores públicos e privados do Festival de Cans que hoxe presentouse na Casa do Cid. A alcaldesa de Porriño declarouse “encantada de estar aquí e compartir con vos esta presentación nun ano que é moi especial pola concesión ó Festival de Cans do Premio da Cultura Galega”.
Eva García lembrou “tiven ocasión de estar na entrega do galardón cos responsables do festival e unha nutrida representación da veciñanza desta parroquia que o fan posible cada ano coa súa colaboración e implicación e para mín foi un dos días máis felices deste mandato como alcaldesa”.

O Concello de Porriño mantén a súa achega de 20.000 euros ó Festival de Cans, renovada de xeito recente mediante convenio coa asociación cultural “Arela”, organizadora do evento. A aportación municipal que fora incrementada no 2018 polo goberno municipal que preside Eva García, supón reeditar a maior achega económica do Concello ó longo da historia do Festival de Cans.
O apoio do Concello non se reduce a esa subvención senón que ademáis é loxística xa que diversas concellerías cooperan para resolver cuestións de Seguridade, tráfico, Limpeza, Vías e Obras vencelladas ó desenrolo do festival.

A XVI edición do festival de Cans comezará o mércores 22 de maio. Este ano haberá 15 curtametraxes a concurso na sección oficial e de xeito paralelo unha intensísima actividade de mesas redondas e coloquios.Entre eles, de xeito sobranceiro, co director Rodrigo Sorogoyen e os organizados pola Fundación AISGE. Entre os actores e actrices que pasarán pola parroquia porriñesa citar a Leonor Waitling, Isabel Blanco, Miguel de Lira, Mariana Carballal, Raquel Espada e Carlos Blanco que recibirá o Premio “Pedrigree” en recoñecemento a súa traxectoria.
Suliñar asimesmo as actuacións musicais entre as que destacan “Marlango” (venres 24 ás 20.30 h.) e o Gran Wyoming e o seu grupo “Los Insolventes” que tocarán no concerto de peche, na medianoite do sábado 25.

07/05/2019 in Alcaldía, Cultura e festas, Turismo

CONCLUE “O PORRIÑO STREET FOOD”

Esta noite conclue “O Porriño Street Food”, evento que trouxo un ambiente de animación extraordinario ao combinarse coas diversas actividades de lecer que se desenrolaron ó longo dos tres días.


No espazo que ocupou entre a rúa peonil e a praza do Concello, congregou unha seleccionada oferta gastronómica, música en directo e un mercado con expositores de Porriño e bisbarra.
Deste xeito Porriño incorporouse a unha tendencia cada vez máis extendida que demanda estas novas fórmulas que reúnen comercio non convencional, ocio e gastronomía en espazos abertos o que se evidenciou nunha altísima presenza de público da área metropolitana.
Os seis camions con cociñas sobre rodas participantes foron os pontevedreses “Mean Dogs e “Crepes & Roll”; “Faiscas”,“Matafame” e “Gale-Truck” (todos eles de Ourense) e “Rock & Dog” (de León).
Os “food trucks” “ofreceron propostas gastronómicas suculentas e orixinais coma hamburguesas premium, bocadillos gourmet, tapas orixinais, cociña
vegana, crepes e gofres artesás e cervexas de autor.


A oferta gastronómica estivo complementada dende o venres pasado por diversas actividades musicais e de animación infantil que reflexamos nas fotografías que acompañan esta información.


A organización estivo a cargo da OMIX de Porriño e a empresa de eventos “Galicia Street Food”.

05/05/2019 in Alcaldía, Cultura e festas, Turismo

Porriño será a capital do ciclismo pontevedrés durante as vindeiras semanas coas probas “Xarotos” e “Challenge Rías Baixas” que reunirán perto dun milleiro de participantes

A cidade de Porriño converteráse na capital do ciclismo pontevedrés durante as vindeiras semanas ó reunir a perto dun milleiro de participantes nas probas que organiza o club ciclista “Master da Louriña”. Unha de elas, a “Xarotos Gran Fondo” co patrocinio do Concello de Porriño e Deputación Provincial, definese como “proba ciclodeportiva” que se disputará o domingo 12 de maio.
Para a “Xarotos” agardánse más de 500 ciclistas, segundo estimación dos organizadores. Na categoría absoluta disputaráse sobre unha lonxitude de 130 kilómetros dos que 83 serán cronometrados. Tamén haberá outras duas probas complementarias de medio fondo e mini fondo sobre distancias de de 95 km e 71km, respectivamente. A saida será dende a praza do Concello de Porriño. O percorrido de cada unha das tres modalidades será neutralizado os primeiros 19km de cada opción e os últimos 28 km serán sen cronometraxe.
O outro evento organizado por “Master da Louriña” é a “Challenge Rias Baixas” que cumprirá a súa terceira edición. Tratase dunha proba para categorías xuvenil e “master” homologada pola Federación Galega, conta cos patrocinios dos Concellos de Porriño, Mos e Ponteareas e terá lugar o fin de semana do 22 e 23 de xuño.
“Ambas competicions movilizarán en total un milleiro de ciclistas de Galicia, Asturias, Castela e Norte de Portugal que converterán Porriño no epicentro destes eventos que dende a Federación Galega de Ciclismo valoramos moitísimo e agradecemos a colaboración dos concellos pola súia sensibilidade para con noso deporte”, sinalou Juan Carlos Múñiz, presidente federativo.
A alcaldesa Eva García manifestou a súa satisfacción “polo movemento económico, a dinamización social e o ambiente que suporán estas probas para a hostelería e comercio de Porriño” que ademáis “volve a reinvidicase como O Concello do Deporte”.


Na presentación das probas tamén estiveron presentes a concelleira de Turismo de Mos e o concelleiro de Deportes de Ponteareas e o ciclista profesional Gustavo Rodríguez, excorredor do equipo galego “Xacobeo” e hoxe en día adicado ó triatlón. Está piques de participar o vindeiro sábado no Mundial de Triatlón de Longa Distancia que se celebrará en Pontevedra.
A organización das probas decidiu render unha homenaxe a Gustavo quen recibiu de mans do presidente do club “Master da Louriña”, Juan José Alvarez Cerdeira, un maillot especial e anunciou que será o anfitrión e referente destes eventos.

30/04/2019 in Alcaldía, Deportes, Turismo, Urbanismo, comercio e industria

Inminente estrea do “Porriño Street Food”

“O Porriño Street Food” trae á nosa cidade un festival que concentrará nun mesmoespazo unha seleccionada oferta gastronómica, música en directo e un mercado con expositores de Porriño e bisbarra. Deste xeito Porriño incorporase a unha tendencia cada vez máis extendida que demanda estas novas fórmulas que reúnen comercio non convencional, ocio e gastronomía en espazos abertos. “Ademáis a capacidade de convocatoria deste tipo de eventos e a boa previsión meteorolóxica para o vindeiro fin de semana fan prever unha altísima presenza de público da área metropolitana e polo tanto un importante retorno económico para Porriño”, valorou a alcaldesa Eva García que presidiu a conferencia de prensa.

“O Porriño Street Food” desenrolaráse na praza Arquitecto Antonio Palacios a partir das 21 horas da noite do vindeiro venres 3 de maio. Seis camions con cociñas sobre rodasou “food trucks” segundo a denonimación inglesa, instalaránse na praza. Os participantes serán os pontevedreses “Mean Dogs e “Crepes & Roll”; “Faiscas”,“Matafame” e “Gale-Truck” (todos eles de Ourense) e “Rock & Dog” (de León). A organización, a cargo da OMIX de Porriño e a empresa de eventos “Galicia Street Food” instalarán carpas, mesas e cadeiras para o público asistente.Os “food trucks” “ofrecerán propostas gastronómicas suculentas e orixinais que comprenderán hamburguesas premium, bocadillos gourmet, tapas originales, cocinavegana, crepes e gofres artesás e cervexas de autor”, dixo Crisóbal Cudeiro, responsable da empresa organizadora. Segundo dixo “ a elección de Porriño para este evento queserá a primeira vez que se celebre, responde ás características de esta cidade e á excelente colaboración por parte do Concello, declarou Cudeiro.A oferta gastronómica manteráse ata o domingo 5 do “Porriño Street Food” e estará complementada por un mercado con 10 comerciantes da cidade e por actuacionsmusicais diarias que contribuirán á animación.

29/04/2019 in Alcaldía, Benestar, Cultura e festas, Turismo, Urbanismo, comercio e industria

CONCLUIDA A VIAXE DO GRUPO DE ESTUDANTES FRANCESES DE INTERCAMBIO CON PORRIÑO

A comitiva de 16 estudantes franceses procedentes de Fronçac que visitaron Porriño durante unha semana concluiron hoxe sábado a súa presenza en Galicia e retornaron a mediodía por vía aérea, dende Oporto, ó seu país.
Tratábase da viaxe de devolución de visita á que fixeron previamente a Fronçac alumnos porriñeses do IES Ribeira do Louro e dos colexios “Hermanos Quiroga” e “Santo Tomás”, concretamente o ano pasado. Estas actividades desenrolanse ó abeiro do acordO de irmandamento que suscribiron o Concello de Porriño e a vila de Fronçac.
A xeito de despedida, na tardiña do venres, a comitiva de estudantes mailos profesores acompañantes e as familias que lles acolleron estes días participaron nunha recepción ofrecida polo Concello de Porriño. E como lembranza fixeron o posado que recolle a imaxe adxunta.


Orlando Márquez, concelleiro do goberno municipal foi o anfitrión debido a una indisposición da alcaldesa Eva García que disculpou a súa ausencia.
Na semana que a comitiva francesa permaneceu entre nós, coñeceron Santiago de Compostela; varias industrias do sector da pedra dos polígonos de Porriño; fixeron un treito do Camiño Portugués dende Tui e recibiron no rocódromo do Polideportivo Municipal unha clase escalada a cargo do alpinista Jesús Martínez Novas.

20/04/2019 in Alcaldía, Cultura e festas, Educación e tecnoloxía, Turismo

A COMITIVA DE ESTUDANTES FRANCESES DE INTERCAMBIO CON PORRIÑO VISITARON HOXE EMPRESAS SENLLEIRAS DO SECTOR DA PEDRA

Esta mañán a comitiva de 16 estudantes franceses máilos profesores acompañantes visitaron as instalacions das empresas “Blokdegal” e “Granilouro” para coñecer de primeira mán a importancia do sector da pedra na economía e na industria porriñesa. Trátase doutra das actividades culturais, de ocio e deportivas organizadas polo Concello de Porriño en colaboración co IES Ribeira do Louro e os colexios Santo Tomás e Hermanos Quiroga para este grupo de estudantes de intercambio procedentes da vila francesa de Fronçac que están entre nós dende o pasado domingo.
O mércores no horario matinal terán una actividade na sála “Ingrávida” cunha presentación de curtas rodados en Francia e de tarde recibirán unha clase de escalada no rocódromo do Polideportivo a cargo do alpinista Jesús Martínez Novas.
O xoves realizarán un treito do Camiño Portugués, entre Tui e Porriño en compañía das familias porriñesas que lles están a dar aloxamento. E o venres 19, a alcaldesa Eva García ofreceralles unha recepción no Concello coma despedida antes de que emprendan o día seguinte a viaxe de volta ó seu país.

16/04/2019 in Alcaldía, Educación e tecnoloxía, Turismo

UNHA VIAXE TURISTICA A SANTIAGO ABRIU O PROGRAMA DE ACTIVIDADES PARA OS ALUMNOS FRANCESES DO INTERCAMBIO CON FRONÇAC

A comitiva de 16 estudantes franceses máilos dous profesores acompañantes partiron hoxe en autobús ata Santiago onde realizan unha ampla visita turística. Esta excursión á capital galega é a primeira das actividades culturais, de ocio e deportivas organizadas polo Concello de Porriño en colaboración co IES Ribeira do Louro e os colexios Hermanos Quiroga e Santo Tomé para este grupo de estudantes de intercambio procedentes da vila francesa de Fronçac.

A comitiva chegou onte a Porriño e recibiron un avasallo de benvida nas instalacions do Círculo Recreativo Cultural xunto coas familias porriñesas que aloxan nas súas casas ós estudantes galos, do mesmo xeito que fixeran familias francesas cos alumnos do IES Ribeira do Louro e os colexios Santo Tomás e Hermanos Quiroga que viaxaron o ano pasado ata Francia.

O programa de actividades continuará mañan martes cunha visita ás instslacions de  “Blokdegal” e outras empresas de transformación do sector da pedra en Porriño. Nos vindeiros días realizarán un treito do Camiño Portugués, entre Tui e Porriño ou recibirán unha clase de escalada no rocódromo do Polideportivo a cargo doalpinista Jesús Martínez Novas  O venres 19, a alcaldesa Eva García ofreceralles unha recepción no Concello coma despedida antes de que emprendan o día seguinte a viaxe de volta ó seu país.

15/04/2019 in Alcaldía, Cultura e festas, Educación e tecnoloxía, Turismo

CHEGAN HOXE A PORRIÑO OS ALUMNOS FRANCESES DO INTERCAMBIO DE ESTUDANTES CON FRONÇAC

Este serán, a partir das 20 horas, o Concello de Porriño ofrecerá un agasallo no Círculo Recreativo Cultural ós 16 estudantes franceses do intercambio coa vila gala de Fronçac que chegarán hoxe, por vía aérea ata Oporto e logo por estrada ata nosa cidade. Tamén asistirán o agasallo as familias porriñesas que aloxarán nas súas casas ós estudantes galos, do mesmo xeito que fixeran familias francesas cos alumnos do IES Ribeira do Louro e dos colexios Hermanos Quiroga e Santo Tomás que viaxaron o ano pasado ata Francia.
Durante a estancia dos estudantes franceses que se alongará hasta o sábado 20, desenrolaránse diversas actividades de cultura, ocio e deporte organizadas polo Concello de Porriño en colaboración co IES Ribeira do Louro e outras entidades. De tal xeito que mañán luns día 15 realizarán unha viaxe ata Santiago de Compostela; o martes coñecerán “Blokdegal” e outras empresas de transformación do sector da pedra en Porriño. O mércores asistirán na Sala “Ingrávida” a unha presentación de curtas e detardiña, recibirán no rocódromo do Polideportivo Municipal unha clase a cargo do alpinista porriñés Jesús Martínez Novas. O xoves realizarán un treito do Camiño Portugués, entre Tui e Porriño. E finalmente o venres 19, a alcaldesa Eva García ofreceralles unha recepción no Concello coma despedida antes de que emprendan o día seguinte a viaxe de volta ó seu país.

14/04/2019 in Alcaldía, Educación e tecnoloxía, Turismo