Os ‘mellores callos do mundo’ este domingo, 1 de outubro, no Porriño

O Porriño agarda superar as 20.000 racións o vindeiro domingo, día 1 de outubro, na que será a XXIV ‘Festa dos Callos’, coa que se pon fin ao Cristo deste 2017.

A presentación da mesma, na que participaron este martes a alcaldesa, Eva García de la Torre, o concelleiro de Comercio, Marcelino Coto, o presidente dos hostaleiros do Porriño, José Manuel Fernández, a presidenta da Asociación de Comerciantes (ACIPOR), Juana Pérez, a a xerente da mesma, Noelia Conde, contou coa intervención dunha das protagonistas da festa deste ano a coñecida Lola Manisca, quen aportou a súa experiencia e as súas lembranzas desta festa que, como indicou “ten moitos máis anos ca min”.

Preto de 50 locais, restaurantes e bares ofrecerán callos cociñados con distintas receitas-algunhas delas seguen a ser un segredo que gárdase en cada familia- e que se servirán a un prezo de 4,5€ a ración con pan e a cazola, ou 4€ se son para levar.

Programaciòn das ‘Festas do Cristo 2017’, para este luns, día 25 de setembro

Este luns, día 25, dentro da programación das ‘Festas do Cristo 2017’-que pode consultarse na web ecultura.net- Obradoiros Infatís na Carpa do Roxy de 12 a 14:00h. e de 17:30 a 20:30; antes, no Parque do Cristo, primeiro pase da Banda Cultural de Arcade; dende as 6 da tarde, Charanga Turres Band, polas rúas do centro.

A película ‘Canta’, suspendida o sábado día 23, proxectarase finalmente este luns, ás 6 da tarde na Carpa do Roxy.

Ás 8 e media da tarde, tamén no Parque do Cristo, nova actuación da Banda Cultural de Arcade; ás 9 e media, na Praza de Antonio Palacios, ‘América Tributo’ e Banda de Nash no Espectáculo Tributo a Queen e as 10 e media da noite, volta a Banda Cultural de Arcade á Praza do Cristo.

O xornalista e escritor porriñés Diego Giráldez pregoeiro das ‘Festas do Cristo 2017’, este sábado día 23

Este sábado, día 23, ás 12 e media do mediodía, na Praza de Antonio Palacios, o escritor Diego Giráldez, será o encargado de ler o pregón co que darán comezo as Festas do Cristo 2017.

Diego Giráldez (O Porriño, 1976), é licenciado en Historia da Arte, exerceu o xornalismo en distintos medios escritos e dixitais. Durante cinco anos, traballou na redacción do xornal ‘A Peneira’ dirixindo unha das súas cabeceiras comarcais e coordinando o seu suplemento cultural, ‘Kalaikia’ a nivel galego. Ao tempo, colaboraba como columnista de opinión cos xornais ‘A Nosa Terra’ e ‘Xornal de Galicia’ e, a través de reportaxes culturais, co El País. Na actualidade, escribe no diario Praza Pública -formando parte do seu consello de redacción- e na revista ‘Luzes’.

Ten varios libros publicados relacionados coa historia do Porriño, dirixiu a revista de recuperación histórica local ‘Malladoura’ e fundou e dirixiu o ‘CanZine’, a publicación oficial do Festival de Cans.

En 2016, a editorial Xerais publicou o seu primeiro traballo literario “Galería de saldos”.

En 2010, recibiu o Premio Literario “José Saramago” de relato curto. En 2011, no Porriño, concedéronlle o Premio Círculo “Cultura”. En 2015, fíxose co primeiro accésit do Certame Nacional de Narracións Breves “Modesto R. Figueiredo” e en 2016 gañou o premio literario “Manuel Murguía”, o máis importante certame de relato curto de Galicia. Nos premios “Fervenzas Literarias” de 2016, o seu libro “Galería de saldos” foi elixido polos lectores o segundo mellor traballo de narrativa galega e Diego Giráldez “mellor autor galego do ano”.

O deportista Daniel Fernández fai unha parada no Porriño na súa ruta de 180 quilómetros en bici, nun so día, para darlle visibilidade ao Alzheimer

Daniel Fernández Cerzón fixo unha parada este venres no Porriño na ruta que comezou hoxe e e que ten coma obxectivo darlle visibilidade ao Alzheimer e, ao tempo, recadar fondos para a Asociación Galega de Familiares de Enfermos de Alzheimer (Afaga).

O deportista de Gondomar, que saíu de Vigo ás 9 e media da mañá tiña coma desafío facer 180 quilómetros en bicicleta seguindo por Redondela, Mos, Porriño, Ponteareas, Salceda, Tui, A Guarda e Nigrán e volvendo a Vigo.

Daniel, que foi recibido diante do Concello pola alcaldesa, Eva García de la Torre, a concelleira de Igualdade e Benestar, Soledad Girón, o concelleiro de Comercio, Medio Ambiente e Urbanismo, Marcelino Coto, e o presidente de Afaga, Juan Carlos Rodríguez, ademais doutros representantes da asociación, xa completara outros dous desafíos igual de duros: o pasado mes de maio estivo correndo 24 horas sen parar por Praia América e o mes pasado fixo o mesmo no Parque de Castrelos, en Vigo.

O Porriño di “non” á proposta de ADIF de “encaixar” o paso a nivel situado no centro do casco urbano

“Non”. Esa foi a resposta que deu a maioría da Corporación do Porriño, este xoves á directora xeral de Explotación e Construción de ADIF, Isabel Pardo de Vera, na xuntanza que mantivo no Concello coa alcaldesa, Eva García de la Torre, e os voceiros dos grupos políticos municipais.

ADIF traía coma proposición a de “encaixar” o paso a nivel que atravesa o centro do Porriño, que os peóns cruzasen por baixo da vía, por un paso soterrado ao que accederían nun ascensor, e os coches circulasen por un paso elevado situado a uns metros do paso a nivel.

A alcaldesa, que foi a única que compareceu ente os xornalistas, subliñou que esa pretensión de ADIF non é aceptábel e que o único que faría é que a actual situación do paso a nivel se alongase “cen anos máis”.

Para García de la Torre non hai máis solución que un cambio do trazado da vía o cal, lembrou, os responsábeis de ADIF vían posible en 2006, contando para elo co acordo entre o Goberno do Estado, o Goberno de Galicia e os concellos de Mos e O Porriño.

Ate que non se atope unha solución definitiva, a Corporación do Porriño esixiu que as medidas de seguridade sexan extremas, logo de moitas incidencias e fallos nas barreiras do paso a nivel e grande velocidade –de ata 150 quilómetros por hora- á que circulan os trens polo centro do Porriño.

A Policía Local informa dos cortes do tráfico e prohibicións para aparcar polas Festas do Cristo

A Policía Local informa de que co gallo das ‘Festas do Cristo’, procederase ao corte do tráfico rodado e non se permitirá estacionar en varias rúas do centro do Porriño.

O venres, día 22: dende as 3 da tarde, non se poderá aparcar na rúa Parque Infantil, dende o cruzamento coa rúa Salgueira, na beira esquerda en dirección a Vigo; tamén estará prohibido estacionar, dende as 3 da tarde, na rúa Pío XII, dende o cruzaemnto da rúa Fontevella con Ramón González; tamén en Manuel Rodríguez-dende o Celtiña ata a floristería Dina-nas, dúas beirarrúas, dende as 9 da noite.

Ese mesmo día, dende as 10 da noite estará cortada ao tráfico esta rúa dende o cruzamento do Celtiña ata Leandro Diz (Bar Colleo con Pinzas).

Sábado, dia 23: dende as 10 da mañá, estará prohibido estacionar na rúa Parque Infantil, dende a rúa Salgueira, na marxe esquerda, sentido Vigo; dende as 3 da tarde, tamén na rúa Pio XII, dende o cruzamento de Fontevella con Ramón González; dende as 9 da noite non se poderá aparcar en Manuel Rodríguez, dende o Celtiña ata a Floristería Dina-nas dúas beirarrúas-.

Ese mesmo día estarán cortadas ao tráfico : dende as 9 da mañá Domingo Bueno, ata o cruzamento con Pío XII; dende as 9 da noite, a mesma rúa ata o cruzamento de Fernández Areal; tamén estarán cortadas, dende as 9 da noite as rúas Pío XII e Ramón González, ata chegar a Leandro Diz.

Domingo, día 24: prohibido aparcar, dende as 10 da mañá, na rúa Manuel Rodríguez, dende o Celtiña ata a Floristería Dina, nas dúas beiras.

Cortadas ao tráfico, dende as 10 da mañá, as rúa Pio XII, Ramón González, Manuel Rodríguez ata o cruzamento con Leandro Diz.

Luns, día 25: dende as 10 da mañá estarán cortadas ao tráfico Pio XII, Ramón González e  Manuel Rodríguez, ata a rúa Xogo da Ola.

#FestasdoCristo, este martes, Antonio Serrano e o mércores, Cándido Pazó e a actuación de Xoana e MQM Band

Este martes, día 19, dentro da programación das ‘Festas do Cristo 2017’, ás 10 da noite, na Carpa do Roxy, actuación de Antonio Serrano e o mércores, día 20, no mesmo lugar, sesión dobre: ás 8 da tarde Cándido Pazó e o seu espectáculo de humor e, ás 10, Concerto de Xoana e MQM Band.

Antonio Serrano é un virtuoso do seu instrumento, unha das maiores promesas do jazz español actual e un dos músicos de sesión máis solicitados do país. Dotado dunha asombrosa facilidade técnica e uns profundos coñecementos teóricos, Serrano mostra así mesmo unha enorme versatilidade musical que queda fielmente reflectida no seu amplo historial de colaboracións. O armonicista móvese con idéntica soltura en ámbitos musicais tan distantes entre si como o jazz, flamenco, pop e clásica.

Compartiu escenario con grandes artistas como Barbara Hendricks ou Placido Domingo, con orquestras sinfónicas de toda Europa, a Wynton Marsalis, Lou Bennet oToots Thielemans a Vicente Amigo, Clarles Benavent e o gran Paco de Lucía entre moitos outros.

Cándido Pazó (Vigo, 1960), é un actor, autor teatral, guionista de series televisivas e director de escena con numerosos espectáculos estreados e premiados, entre os que destacan: O Merlo Branco (Premio Xeración Nós de Teatro Infantil 1989) Commedia, un xoguete para Goldoni …

É autor da maior parte das súas historias -inda que tamén as recolle da tradición e da literatura- e ten querencia polo chamado conto tabernario ou de tertulia: enfiados de anécdotas, sucesos e personaxes dos que demostran que a realidade supera á ficción.

Aos seus 18 anos, Xoana está inmersa nun proxecto musical que ten coma principal aliada á lingua galega, promocionando o uso desta coa axuda de ritmos coma o pop, o rock, o jazz, o funky e mesmo o reggae. En proceso está Dardos, o disco co que pretende irromper no mundo da música e utilizar esta coma un medio de denuncia. Todas as cancións xiran arredor de temas actuais que precisan ser escoitados e que mellor que a música para invitar a realizar cambios!

 

O escritor e xornalista porriñés Diego Giráldez lerá o pregón das Festas do Crsito o vindeiro sábado día 23

O vindeiro sábado, día 23, ás 12 e media do mediodía, na Praza de Antonio Palacios, o escritor Diego Giráldez, será o encargado de ler o pregón co que darán comezo as Festas do Cristo 2017.

Diego Giráldez (O Porriño, 1976), é licenciado en Historia da Arte, exerceu o xornalismo en distintos medios escritos e dixitais. Durante cinco anos, traballou na redacción do xornal ‘A Peneira’ dirixindo unha das súas cabeceiras comarcais e coordinando o seu suplemento cultural, ‘Kalaikia’ a nivel galego. Ao tempo, colaboraba como columnista de opinión cos xornais ‘A Nosa Terra’ e ‘Xornal de Galicia’ e, a través de reportaxes culturais, co El País. Na actualidade, escribe no diario Praza Pública -formando parte do seu consello de redacción- e na revista ‘Luzes’.

Ten varios libros publicados relacionados coa historia do Porriño, dirixiu a revista de recuperación histórica local ‘Malladoura’ e fundou e dirixiu o ‘CanZine’, a publicación oficial do Festival de Cans.

En 2016, a editorial Xerais publicou o seu primeiro traballo literario “Galería de saldos”.

En 2010, recibiu o Premio Literario “José Saramago” de relato curto. En 2011, no Porriño, concedéronlle o Premio Círculo “Cultura”. En 2015, fíxose co primeiro accésit do Certame Nacional de Narracións Breves “Modesto R. Figueiredo” e en 2016 gañou o premio literario “Manuel Murguía”, o máis importante certame de relato curto de Galicia. Nos premios “Fervenzas Literarias” de 2016, o seu libro “Galería de saldos” foi elixido polos lectores o segundo mellor traballo de narrativa galega e Diego Giráldez “mellor autor galego do ano”.

A Policía Local está a levar a cabo unha estreita vixilancia do cumprimento da Ordenanza de Convivencia que contempla multas por non recoller os excrementos dos cans ou deixar refugallos fora dos contedores

As concellerías de Seguridade e Limpeza veñen de iniciar unha Campaña de Sensibilización e Concienciación Ambiental que abrangue, ademais, o coidado dos espazos públicos, tanto no casco urbano coma nas parroquias, sublimando a importancia da separación selectiva dos residuos.

O obxectivo é o de promover e potenciar o valor e a necesidade social da reciclaxe, potenciando  o papel activo das veciñas e veciños, facilitándolles, dende o Concello, a súa colaboración coa finalidade de mellorar a separación do lixo, xa na casa, así coma o correcto verquido dos  refugallos orgánicos que será, obrigatoriamente, en bolsas que teñen que deixarse nos colectores que o Concello ten para elo.

Ademais, como xa anunciara o concelleiro de Limpeza, Orlando Márquez, co gallo da colocación de parte das novas papeleiras en diferentes partes do Porriño,  a Policía Local está a realizar xa unha especial vixilancia da recollida por parte dos seus donos dos excrementos que os cans deixen nas rúas.

Neste eido, o novo xefe da Policía Local, Daniel Rodríguez,  subliña que a propia Ordenanza Municipal Reguladora da Convivencia Cidadá, Limpeza de Vías Públicas e Recollida de Residuos “contempla sancións de ata 1.500€ polo seu incumprimento”.

O novo xefe da Policía Local, logo de que se repetisen os casos de aparición fora dos lugares sinalados ou en días e horas que non son os regulamentados de desproveitos voluminosos, lembra que para a súa recollida “é preciso avisar ao Concello, fixando o día e a hora para que se faga a retirada, atopándose o Punto Limpo habilitado no Polígono da Granxa, de luns a venres,en horario de mañá”.

Tamén no caso de que se deixen estes refugallos voluminosos, coma mobles, restos de obras e sobrantes de materiais de construción ou electrodomésticos, fora dos lugares indicados, ou en horarios que non foran pechados co servizo municipal de Limpeza, os axentes da Policía Local procederán a realizar a correspondente denuncia.

Este venres abre ao público no Centro Cultural Municipal a exposición fotográfica ‘Viaxando’

Dende o venres 15 de setembro, e ata o vindeiro 9 de outubro, como parte das actividades da programación das ‘Festas do Cristo 2017’,poderá visitarse na OMIX do Concello-situada na planta baixa do Centro Cultural Municipal-, a exposición de fotografía “Viaxando” que amosa os traballos presentados ao Premio de fotografía do mesmo nome.

Este Certame, conxuntamente coa exposición itinerante, está organizado por noveno ano consecutivo polas Oficinas de Información Xuvenil (OMIX) dos concellos do O Porriño , O Rosal, Tomiño, A Guarda, Baiona, Salceda de Caselas, Gondomar e o Espazo Xove de Tui dentro do traballo en rede que veñen realizando anos atrás.

Este ano participaron un total de 20 artistas de idades comprendidas entre os  12 a 30  anos e a foto gañadora foi ‘La Frontera entre el cielo y la tierra’, da guardesa Cristina Araujo.