Servizos sociais

Once penados con condeas non privativas de libertade cumpriron 500 xornadas de traballos sociais no Concello do Porriño

Once penados con condeas que non implicaban cárcere cumpriron máis de 500 xornadas de traballo pola comunidade en diversas tarefas en servizos municipais do Porriño durante o segundo semestre do ano 2019.
O Concello de O Porriño colabora co Centro de Inserción Social “Carmen Avendaño” de Vigo en facilitar o cumprimento desas condeas mediante traballo en beneficio á comunidade (coñecido polas siglas TBC) a persoas penadas por delitos leves con condeas non privativas de libertade.

Desde xuño ata decembro de 2019, oito homes e tres mulleres realizaron esas cincocentas xornadas de traballo social en quendas de oito horas nas brigadas de limpeza, parques e xardíns do Concello. A meirande parte desas xornadas de traballo realizanse en días laboráis agás en catro casos que resolveron o tempo de condea traballando en fines de semana, segundo explicou Sergio Casal, concelleiro de Medio Ambiente.

Neste ano 2020 que vén de comezar, xa hai dous penados que iniciaron o cumprimento das súas condeas de traballo social (un, hoxe e outro o pasado día 4) e un terceiro empezará o vindeiro luns 13.

O Código Penal contempla os traballos en beneficio da comunidade (TBC) para aquelas persoas condeadas a menos de dous anos de cárcere e que non teñan antecedentes penais. A meirande parte deste tipo de penados procede de condeas por delitos de tráfico e contra a seguridade vial (por exceso de velocidade ou sobrepsar os límites de alcoholemias).

09/01/2020 in Alcaldía, Limpeza, Parques e xardíns, Servizos sociais

A corporación aprobou por unanimidade a adxudicación do SAF á empresa “Sociser”

O derradeiro pleno municipal da corporación local de O Porriño en 2019 aprobou por unanimidade boa parte dos asuntos que configuraron a orde do día. Entre eles, o máis sobranceiro foi a adxudicación definitiva á empresa “Sociser Galicia” do Servizo de Axuda no Fogar (SAF). Tratase dun contrato por dous anos -prorrogable- que conta un orzamento de 1,9 millons de euros, segundo explicou o concelleiro de Servizos Sociais, David Alonso.

Na sesión, de caracter ordinario, tamén aprobaronse por unanimidade varias altas no inventario municipal de camiños en Budiño ou en Pontellas así como a prórroga de concesión de supermercado na Praza de Abastos que ven ocupandose desde 2011.

Tamén aprobaronse por maioría, agás as abstencións dos 2 concelleiros de EU Son, para arrendamento de parcelas municipais para explotacións mineiras en Atios así como nos montes Carrascal, Laxedo, Cerola e Faro, entre outros. 

No debate destes asuntos, o voceiro de EU Son cuestionou ó goberno municipal sobre o estado de cobro dos canons por parte das empresas mineiras. Pedro Pereira, concelleiro de Urbanismo respostou que en breve o Concello artellará procedementos xurídicos para a reclamación de débedas ós adxudicatarios que non estean ó día nos seus pagos. 

A unanimidade rachouse en algúns outros asuntos como a moción presentada por EU Son para demandar da corporación municipal un acordo en contra do proxecto de universidade privada que promove ABanca. A moción foi derrotada polos 8 votos en contra do PP e 5 abstencións (PSOE e Manuel Carrera).  

 

 

26/12/2019 in Alcaldía, Benestar, Educación e tecnoloxía, Servizos sociais, Urbanismo, comercio e industria, Vías e obras

A Corporación Local celebrará o xoves 26 a derradeira sesión plenaria de 2019

O Concello do Porriño despedirá o ano político-municipal 2019 cunha derradeira sesión plenaria, de carácter ordinario, que se celebrará o xoves 26, a partires das 18 horas.

Terá dez puntos na orde do día ademáis de mocións, rogos e preguntas. De antemán o asunto máis salientable é a proposta de adxudicación definitiva do Servizo de Axuda no Fogar (SAF) á empresa “Sociser Galicia”.     

Tanto este asunto como os demáis da orde do día informaronse nas comisión municipais de Urbanismo, Economía e Fazenda e Servizos Sociais e Igualdade, celebradas o pasado mércores 18.

 

23/12/2019 in Alcaldía, Servizos sociais

Ainda está aberta a inscrición para a primeira carreira popular “San Silvestre Solidaria Concello do Porriño”

O vindeiro 30 de decembro, como preludio á celebración da xa tradicional Festa nocturna de Pre-Fin de Ano, O Porriño acollerá a primeira edición da “San Silvestre Solidaria Concello do Porriño”. Está prantexada como unha carreira popular, nun circuito urbano, moi asequible que se pode cubrir correndo, andando, como se queira.

Neste intre 305 persoas anotaronse xa para participar. O concelleiro de Deportes, David Alonso agarda que “a inscrición para esta carreira popular pegue un arreón nestes días ata o 25 que remataremos o prazo”.
“Queremos que os porriñeses e porriñesas e os veciños dos concellos próximos veñan a queimar calorías e os excesos do Nadal ó longo dun circuito plano, de só 3 quilómetros de lonxitude e cunha finalidade solidaria pois cada inscrito/a deberá traer 1 kilo de alimentos non perecedoiros para “SOS Porriño”, manifestou David Alonso.

O edil quixo agradecer “de xeito sobranceiro a colaboración do Club Atletismo de Porriño e ós funcionarios municipais pola súa colaboración e a dous patrocinadores “Mahou” e “ABanca” ola súa achega”.

O concelleiro de Deportes compareceu na presentación da I San Silvestre acompañado de Ana Belén Gómez, atleta porriñesa que é ademáis funcionaria municipal, que ven de facer unha marca de 3 horas, 10 minutos, 13 segundos para completar os 42 kilómetros na pasada “2019 Chicago Marathon Bank of América”.
Ana manifestouse “agradecida” polos recoñecementos recibidos, pola organización desta primera San Silvestre “porque é unha forma divertida, saudable e solidaria de rematar o ano”, e “pola contribución dos voluntarios que son fundamentais para a celebración deste tipo de eventos”, dixo Ana Belén.
Tamén participou na presentación Alberto Insúa ó que presentou David Alonso como “o emblema dunha carreira popular porque participar e chegar dos últimos merece o maior respeto e admiración”. Alberto chamou a todos a participar nesta Carreira “ainda que sexa andando, paseando coa mascota ou disfrazados porque se trata de disfrutar”, declarou.

O peche das inscricións rematará o 25 de decembro.
Para realizar a inscrición hai que entrar no seguinte enlace

https://carreirasgalegas.com/…/37916098-26ce-d3d2-3711-39f1…

20/12/2019 in Alcaldía, Deportes, Servizos sociais

O Banco de Alimentos “SOS PORRIÑO” iniciou o reparto entre familias en risco de exclusión social

Unha vez rematado o traballo de clasificación, selección e embalaxe, iniciouse esta tarde o reparto en lotes dos alimentos recollidos tanto na campaña #GivingTuesday como a través das doazóns efectúadas por diversas empresas radicadas en O Porriño.

O traballo centralizouse na sede do Banco de Alimentos “SOS Porriño” e contou coa aportación dunha duzia de voluntarios que anotaronse ó programa municipal de voluntariado que promovera a OMIX do Concello de O Porriño.

Noelia de la Fuente, responsable da OMIX e os concelleiros do goberno municipal, Lourdes Moure e David Alonso, consideran un “exitazo” a cantidade de productos non perecedoiros recollidos a través dos centros de ensino da vila que participaron no #GivingTuesday.
Por outra banda agradeceron a colaboración de diversas empresas radicadas no termo municipal como “CEAMSA”. Esta industria vencellada coas algas entregou cen lotes de productos navideños como se aprecia na imaxe na que aparece Jorge Trillo, director de recursos humans da empresa cos concelleiros David Alonso e Sergio Casal.

En vindeiros días chegaran o Banco de Alimentos “SOS Porriño” as aportacións doutras empresas radicadas na vila así como as achegas que se recollan a través da “San Silvestre Solidaria”, que terá lugar o 30 de decembro.

18/12/2019 in Alcaldía, Benestar, Servizos sociais

Pleno extra da Corporación e tres comisións informativas municipais convocadas para o mércores tarde

O pleno da Corporación local do Porriño desestimará presumiblemente mañá mércores as alegacións presentadas contra o expediente de crédito extraordinario 4/2019, a fin de garantir o pagamento a empresa “Eulen” de 470.000 €. Tratáse de aboar os servizos prestados pola devandita empresa polo servizo da piscina municipal, por recoñecemento de débeda por sentenza xudicial.

Este será o punto único da orde do día deste pleno extraordinario da corporación porriñesa, que se celebrará a partir das 19 horas.

Previamente convocaronse tres comisións informativas municipais que se celebrarán entre as 17 e as 18 horas. Son as comisións de Urbanismo; Economía e Fazenda e Servizos Sociais e Igualdade. Nesta última comisión informaráse a adxudicaxción definitiva do Servizo de Axuda no Fogar (SAF) á epresa “Sociser Galicia”.     

 

17/12/2019 in Alcaldía, Deportes, Servizos sociais

A alcaldesa e o concelleiro de Servizos Sociais visitaron en “Porremprego” os cursos de formación con 50 inscritos

Eva García de la Torre acompañada de David Alonso, concelleiro de Servizos Sociais, visitaron nas instalacións do Multisusos de Torneiros os cursos de formación para obtención de emprego que imparte gratuitamente o Concello do Porriño. Son cincoenta persoas as que se inscribiron e empezaron onte luns a súa formación que durará ata o venres 27.

Nas aulas de “Porremprego” impartense cursos de manipulador de alimentos; monitor de comedor escolar; monitor de ludoteca; prevención de riscos laboráis; excel avanzado; conducción de carretilla elevadora frontal e conductor de carretilla elevadora retráctil. Todos eles foron elixidos en función da súa saida xa que son ocupacións que se demandan no mercado laboral.

17/12/2019 in Alcaldía, Emprego e formación, Servizos sociais

O martes comeza a traballar o grupo de voluntari@s para seleccionar e embalar os alimentos recollidos no #GivingTuesday

Mañá martes comezarán a traballar os voluntari@s inscritos para seleccionar e embalar os alimentos non perecedoiros recollidos durante a campaña #GivingTuesday (Martes para Dar), na que o Concello do Porriño implicouse conforme o acordo que acadou o pleno infantil celebrado o pasado 15 de novembro.

Segundo informa Noelia de la Fuente, responsable da Oficina Municipal da Xuventude (OMIX) “contamos xa cun importante número de persoas voluntarias inscritas para o programa municipal de voluntariado que promove a Concellería que dirixe Lourdes Moure”.

A primeira tarefa dos voluntarios será a clasificación e distribución da gran cantidade de alimentos recollidos tanto polos nenos e nenas dos centros escolares do concello como a través da colaboración cidadá.
Este traballo realizarase en colaboración co banco de alimentos de SOS Porriño, e todo o material recollido será distribuído posteriormente entre as familias con menos recursos da localidade.

Noelia de la Fuente engadiu que “se algunha persoa está interesada ainda en sumarse a este programa municipal de voluntariado poderá informarse e inscribirse na OMIX do Concello, situada no edificio do Centro Cultural Municipal.

16/12/2019 in Alcaldía, Educación e tecnoloxía, Servizos sociais

Acordada e definida a composición da Comisión para o Lindano

A Xunta de Voceiros Municipais do Concello de O Porriño, dando cumprimento a un acordo unánime acadado na última sesión plenaria, determinou onte a composición que terá a Comisión de Seguimento da Descontaminación do Lindano.

A solicitude acordada en pleno partiu do grupo EU SON cuio voceiro prantexou que na devandita Comisión houbera representantes das Consellerías da Xunta de Galicia implicadas (Sanidade e Medio Ambiente) así como dos sindicatos.

Pedro Pereira, primeiro tenente de alcalde propuxo a incorporación de membros das asociacións veciñais activas na zona.

Finalmente acordouse a creación da Comisión co seguinte composición:
– 1 Titular e 1 suplente do Grupo Socialista.
– 1 Titular e 1 suplente do Grupo Popular.
– 1 Titular e 1 suplente do Grupo do Bloque Nacionalista Galego.
– 1 Titular e 1 suplente do Grupo de Eu Son do Porriño.
– 1 Titular do Grupo Mixto.
– 1 Titular e un 1 suplente da Plataforma de Afectados do Lindano.
– 1 representante da Consellería de Sanidade da Xunta de Galicia.
– 1 representante da Consellería de Medio Ambiente, Territorio e Vivenda da Xunta de Galicia.
– 1 representante do sindicado CIG
– 1 representante do sindicato UXT
– 1 representante do sindicato CCOO
– Un representante das tres asociacións veciñais de Torneiros (Relva, Alba e San Salvador)
– Un técnico nomeado polo Concello.

13/12/2019 in Alcaldía, Seguridade, Servizos sociais, Urbanismo, comercio e industria

Porriño participa nas III Xornadas Formativas das Cidades Amigas da Infancia de Galicia

Alumn@s de centros escolares de O Porriño participarán mañán mércores en Boqueixón, nas III Xornadas Formativas das Cidades Amigas da Infancia en Galicia.
A comitiva de nen@s de O Porriño acudirá acompañados de Noelia de la Fuente, responsable da OMIX do Concello.

A sesión será inaugurada por Fabiola García, Conselleira de Política Social; Alfonso Villares. Vicepresidente primeiro da FEGAMP e alcalde do Concello de Cervo, e Myriam Garabito, Presidenta de UNICEF Comité Galicia.

A representación da infancia porriñesa intervirá, primeiramente, nun encontro coa Conselleira entre as 10 e as 11 horas, para expoñer as súas propostas para loitar contra a pobreza.
Despois a delegación de nen@s de Porriño intervirá nun coloquio sobre “Experiencias en participación nos concellos galegos” xunto cos representantes de outras cidades declaradas “Amigas da Infancia”. que pechará as Xornadas.

10/12/2019 in Alcaldía, Educación e tecnoloxía, Servizos sociais