Chegan a 123 as mulleres inscritas no curso de defensa persoal e protección xurídica que comezará a impartirse este vindeiro sábado

Todo un record de participación con 123 mulleres inscritas evidencia unha extraordinaria resposta que tén recibido o curso de “Defensa Persoal Feminina e Protección Xurídica contra Violencia de Xénero, que organiza o Concello de Porriño a través da Policía Local. Ainda que a meirande parte son de Porriño e bisbarra, tamén hai mulleres de Vigo e Pontevedra que se inscribiron. “De calquera idade e profesión: hai desde rapazas de 12 anos ata mulleres de 65 e de todo tipo de traballos avogadas, sicólogas, amas de casa, estudantes, xubiladas… Estamos encantados da resposta obtida que supera calquera previsión que poideramos ter de antemán”, valorou Daniel Rodríguez, Inspector Xefe da Policía Local que coordina a organización.
Por este motivo, para garantir o aforo e a comodidade para o desenrolo das clases, o curso impartiráse na pista 1 do Pavillón Municipal de Deportes. “As mulleres serán repartidas en grupos de dezaoito para que cada monitor poida ensinarlles do mellor xeito”, segundo explicou o Inspector Xefe que ofreceu a roda de prensa coa presenza de Eva García, alcaldesa de Porriño, a concelleira de Seguridade, Lourdes Moure e mailos monitores que levarán as clases de adestramento.
As clases comezarán pasado mañán, dia 4 e impartiránse durante os tres seguintes sábados do mes de maio.
Unha gran novidade deste curso é que tamén proporcionará ás mulleres participantes formación xurídica sobre lexítima defensa, uso proporcional e medo insuperable que ofrecerá o maxistrado Juan José Trashorras.
“O que faremos será intercalar as clases prácticas de defensa persoal coa formación xurídica que impartirá o maxistrado para resulta máis levadeiro”, indicou o Inspector Xefe da Policia Local. Ademaís o último sábado do curso haberá outra novidade para comprobar a efectividade da apredizaxe entre as mulleres participantes e a súa capacidade de resposta, segundo anunciou Daniel Rodríguez.

Tamén presentouse na mesma roda de prensa o curso de “Violencia de Xénero: ámbito xurídico e tecnolóxico forense”, adicado ó persoal dos Corpos e Forzas de Seguridade e profesionais que interveñen na atención e investigación desta casuística. Impartiráse no Centro Cultural Municipal a partir do luns 6. As sesions continuarán diariamente ata o venres 10. Actualmente conta con 25 inscritos.
Neste curso participarán como instructores dende responsables policiais ata profesionais do mundo de Dereito. Entre os relatores están anunciados Santiago Martínez, Oficial da Policía Local de Vigo; José Manuel Alonso Regueiro, xefe da Unidad de Atención á Familia e á Muller da Comisaría de Vigo, a maxistrada Belén Rubido, xuiza decana de Pontevedra e titular do Xulgado Penal nº 4 e Juan Sagredo, fiscal coordinador da área de Vigo.

Perto de 100 mulleres inscritas para o curso de Defensa Persoal e Protección Xurídica contra violencia de xénero

Unha extraordinaria resposta tén recibido o curso de “Defensa Persoal Feminina e Protección Xurídica contra Violencia de Xénero” con perto de 100 mulleres inscritas, segundo datos da Policía Local de Porriño. Ainda que a meirande parte son de Porriño e bisbarra, tamén hai mulleres de Vigo e Pontevedra que se inscribiron. Por este motivo, para garantir o aforo e a comodidade para o desenrolo das clases, o curso impartiráse no Pavillón Municipal de Deportes, segundo adiantou Daniel Rodríguez, Inspector Xefe da Policía Local que coordina a organización.Mañán xoves día 2, a partir das 13 horas presentaráse en roda de prensa no salón de plenos do consistorio o programa de formación que recibirán as mulleres inscritas a partir do vindeiro día 4 e nos tres seguintes sábados do mes de maio.Tamén presentaráse na mesma roda de prensa o curso de “Violencia de Xénero: ámbito xurídico e tecnolóxico forense”, adicado ó persoal dos Corpos e Forzas de Seguridade e profesionais que interveñen na atención e investigación desta casuística. A roda de prensa será protagonizada pola alcaldesa de Porriño, Eva García; a concelleira de Seguridade, Lourdes Moure e mailo Inspector Xefe da Policía Local, Daniel Rodríguez.

REUNION DA COMISION DE SEGUEMENTO CONTRA A VIOLENCIA DE XÉNERO

A Mesa de Coordinación contra a Violencia de Xénero reuníuse hoxe na casa consistorial de Porriño coa asistencia de responsables da Subdelegación do Goberno, da Garda Civil, da Policía Local e do Centro de Información á Muller e Servizos Sociais do Concello de Porriño. A alcaldesa, Eva García de la Torre e Lourdes Moure, concelleira de Seguridade presidiron a reunión de traballo que tratou diversas medidas de coordinación entre estas institucions e as forzas e corpos de seguridade. Asimesmo revisaronse as últimas cifras sobre denuncias, ordes de protección de víctimas e de afastamento de agresores.
Porriño é un dos once concellos da provincia de Pontevedra que está integrado no Sistema de Seguemento Integral da Violencia de Xénero (VIOGEN) para a prevención de situacions de risco e protección das víctimas.
Precisamente os representantes do Concello informaron ós restantes asistentes das actividades formativas que se desenrolarán ó longo do mes de maio nos diversos eidos da seguridade feminina e protección xurídica e tamén do tratamento das víctimas e os protocolos de actuación ó cargo dos profesionais que teñen que atenderlas

CURSO SOBRE VIOLENCIA DE XÉNERO PARA PERSOAL DAS FORZAS E CORPOS DE SEGURIDADE

Axentes das Forzas e Corpos de Seguridade e profesionais que traballen coas víctimas de violencia de xénero son os destinatarios dun curso promovido polo Concello de Porriño, a través da Policía Local, e co apoio da Secretaría de Estado de Igualdade.
O curso incidirá en moi variados aspectos: dende como tén que ser a primeira actuación policial ante un suposto de violencia de xénero, o posterior seguimento dun caso a través das ordes de protección ás víctimas e afastamento dos agresores, ata os novos tipos de violencia de xénero en formato dixital e a través dos dispositivos móbiles.
As clases desenvolveránse no Centro Cultural Municipal de Porriño, entre o luns 6 ata o venres 10 de maio. A inscripción pódese realizar a través do email, no enderezo electrónico administracion.policialocal@oporrino.org
No curso participarán como instructores dende responsables policiais ata profesionais do mundo de Dereito. Entre os relatores están anunciados Santiago Martínez, Oficial da Policía Local de Vigo; José Manuel Alonso Regueiro, xefe da Unidad de Atención á Familia e á Muller da Comisaría de Vigo, a maxistrada Belén Rubido, xuiza decana de Pontevedra e titular do Xulgado Penal nº 4 e Juan Sagredo, fiscal coordinador da área de Vigo.

Xa hai 25 mulleres inscritas no curso de defensa persoal feminina e protección xurídica que está a organizar o Concello

O Concello de Porriño xa está a recoller inscripcións para o curso de defensa persoal feminina e de protección xurídica, prantexado para mulleres de calquera idade, que se impartirá durante catro sábados do mes de maio, a partir do día 4. Neste intre xa hai 25 mulleres inscritas, segundo informou a Policia Local.
As interesadas poden realizar a súa inscripción directamente no Concello, tamén no Pavillón Municipal de Deportes, no Ximnasio Jovhen Sport ou ben por e-mail no enderezo electrónico: administracion.policialocal@oporrino.org
As prazas son ilimitadas. De tal xeito que inicialmente estáse a prever que as clases de defensa persoal impartiránse no ximnasio “Jovhen Sport” pero se a afluencia de mulleres é maior, pasarían ó Pavillón Municipal.
A instrucción sobre técnicas e chaves para defensa persoal ás mulleres serán desenroladas por axentes da Policía Local e profesores especializados. E a información sobre protección xurídica será impartida polo maxistrado Juan José Trashorras, titular do Xulgado Penal número 1 de Pontevedra. No seu caso o maxistrado explicará ás mulleres participantes as diferencias entre lexítima defensa, o medo insuperable e o uso proporcional da forza.
A idea deste curso parte da Policía Local de Porriño. Financiase cos fondos do Pacto de Estado contra a Violencia de Xénero, tramitados a través da Secretaría de Estado de Igualdade.

Conclue o ciclo “As Mulleres fan Porriño” MABEL LOZANO INSTA ÓS HOMES A SER PROACTIVOS CONTRA A PROSTITUCION E A TRATA

A historia de Miguel, alcumado “El Músico”, un dos vinte propietarios da maioría dos clubs de alterne de España ata a súa detención, condena e arrepentimento, contada no documental “El Proxeneta”, de Mabel Lozano, removeu conciencias entre o numeroso público asistente anoite a proxección celebrada no Circulo Recreativo e Cultural de Porriño. A visión da película e un posterior coloquio con Mabel Lozano, directora e guionista da cinta, pechou a programación “As Mulleres fan Porriño” en torno ó 8M, Día Internacional da Muller.

Previamente á proxección, Carmela Silva, presidenta da Deputación Provincial que asistiu ó acto tomou a palabra para honrar a Mabel Lozano “polo seu compromiso coas mulleres, en suma co 52% da poboación”. A máxima responsable da institución provincial manifestou como “cargo público que son, opoñome á posible legalización da prostitución, por certo o tercer negocio que máis cartos xenera no mundo detrás do narcotráfico e a venda de armas”, engadiu.

A alcaldesa Eva García, quen actuou como anfitriona neste postreiro acto da campaña “As Mulleres fan Porriño”, suscribiu as palabras da presidenta da Deputación e lembrou o acontecido o pasado venres 8M. Recordou que unha das intervintes no acto institucional ante o Concello, refiriuse a existencia de “puticlubes” no entorno de Porriño. Esa veciña dixo que “alomenos a metade dos homes de Porriño colaboran coa escravitude dos puticlubes”. A alcaldesa sinalou que a afirmación desa veciña “non ten base científica” pero resulta evidente que a presenza deses locais indica que hai demanda”, precisou Eva García quen invitou ós homes a “non apoiar coa sua asistencia a eses locais a cosificación e humillación desas mulleres”. Nesa mesma liña Mabel Lozano, quen intervinou ó final do visionado da película, aportou un dato oficial do Goberno de España: “estad´siticamente está confirmado que o 40% dos homes, es decir ocho millons e medio de españois, consumen sexo de pago”. Polo que Mabel Lozano apelou ó 60% restante dos homes a “ser proactivos en contra da trata de mulleres e a prostitución”.

Remata o ciclo “As Mulleres fan Porriño” con Mabel Lozano e o seu documental “El Proxeneta”

Mabel Lozano presentará este serán (19,30 h) no Círculo Recreativo e Cultural a súa película “El Proxeneta, paso corto, mala leche” que investiga na trata de mulleres con fins de explotación sexual.

O relato baséase na testemuña de “El Músico”, alcume dun proxeneta arrepentido que relata as artimañas que desenrolou para convertirse nun dos máis importantes xefes da trata de mulleres en España. De feito foi condenado e cumpriu 3 anos de cárcere por captar e esclavizar unhas 1.700 mulleres.

Con este documental, Mabel Lozano prosegue a súa loita contra a prostitución dende a súa reconversión en escritora e cineasta, como proxección da súa condición de intensa activista do feminismo.

“As Mulleres fan Porriño” Interesantísimo coloquio con Leire Pajín, Carla Reyes e Carmen Avendaño

Leire Pajin, Carla Reyes e Carmen Avendaño compartiron as suas reflexions sobre a loita pola igualdade no coloquio que protagonizaron anoite dentro do ciclo “As mulleres fan Porriño”. As tres ponentes foron presentadas por Eva García, alcaldesa da vila quen agradeceulles a súa presenza no Centro Cultural Municipal así como ó numeroso público asistente.

Leire Pajín, ex ministra de Igualdade entre 2011 y 2012 definiu a situación actual como dunha “certa contradicción”. “O vaso podese ver medio cheo ou medio baleiro”, dixo. “Resulta extraordinaria a fortaleza do feminismo grazas á conexión global entre millons de mulleres que producen movementos como “Me too” que xurdiou en USA cunha enorme transversalidade”. “Sen embargo aparecen inquedantes ameazas que pretenden dividir o movemento feminista, provintes de opcions políticas de ultradereita e de quén se prestan a normalizarlles como vimos de ver en Andalucía”, engadiu a ex ministra.

Pola súa banda, a xornalista Carla Reyes, colaboradora de TVG, Onda Cero e outros medios así como presidenta da asociación “Executivas Galicia” reivindicóu a importancia de que as mulleres accedan ó mercado laboral. “A independencia económica conduce ás mulleres á libertade de decidir o seu futuro incluso nas situacions de violencia de xénero por que poden emanciparse do seu opresor”, engadiu. A presidenta da asociación de directivas empresariais de Galicia lamentou que neste intre político “poida contaminarse a reivindicación das mulleres. “Dame moítima mágoa que a loita pola igualdade se teña convertido en arma arroxadiza entre os partidos nesta longa campaña electoral”.

Por último Carmen Avendaño, presidenta da Fundación “Érguete” relatou a súa particular loita pola igualdade dende a perspectiva das “nais contra a droga”, o movemento do que a activista viguesa ten sido adalid. “Éramos un grupo de nais de rapaces con adiccions que tivemos que facer frente a un problemón; tivemos que facer unha cátedra dende a ignorancia” dixo Avendaño quen tivo unha lembranza moi agarimosa coa porriñesa Dori, “un dos pilares de ‘Erguete’.

Renovado o convenio co Circulo Recreativo e Cultural

Eva García, alcaldesa de O Porriño firmou coa presidenta do Círculo Recreativo e Cultural da vila, a renovación do convenio anual de colaboración entre ambalas dúas entidades. A firma realizouse no despacho da Alcaldía e revalida o convenio para o presente ejercicio de 2019 por un importe de 20.000 euros. A achega económica do Concello prodúcese pola cesión das instalacions do Círculo para acoller actos da programación municipal como está a ocurrir nesta semana con alguns dos eventos programados na campaña “As mulleres fan Porriño”.

De cara a 2020, a alcaldesa Eva García tratou con María José Gónzalez, a presidenta do Círculo a posibilidade de ampliar a achega económica municipal.

A Concellería de Igualdade colabora na organización das ‘Xornadas de desenvolvemento, superación e crecimento persoal’, o vindeiro día 29 no Centro Cultural Municipal

O Concello do Porriño, a través da súa Concellería de Igualdade, que dirixe Soledad Girón, vén a colaborar no desenvolvemento dunhas xornadas sobre crecemento persoal, que se celebrarán o vindeiro día 29 no Centro Cultural municipal ,ás 5 da tarde, que abordarán unha temática actual e importante como é o coidado do benestar individual, coñecer as ferramentas necesarias para facer unha boa xestión das súas emocións e sintomatoloxía.

“O Concello sempre apostou, e seguirá nesta liña, por mellorar na medida do posible a vida diaria dos seus cidadáns,neste caso abordando, as súas circunstancias emocionais, e seguindo a liña de actuación contemplada no III Plan Municipal de Igualdade de Oportunidades”

O obxectivo principal das xornadas é colaborar na cobertura das necesidades básicas dos veciños e veciñas do Porriño. A participación dos poñentes é totalmente altruísta e todos e todas eles e elas non dubidaron en participar no proxecto.

Solicítase que as persoas asistentes traian un produto perecedoiro ou non; principalmente e pensando nos máis pequenos : leite , galletas, cacao ou sucedáneos. Finalizada a xornada ,o recadado, se lle entregará ao Banco de Alimentos ou ao organismo que o mesmo Concello indique, ao fin de que desde alí se faga o reparto entre as familias máis necesitadas.

A presentación correrá a cargo da concelleira de Igualdade, Soledad Girón Girón e os distintos debates será moderados por José Luis Carnicero Carrera.

As relatorios son as seguintes: ‘A propósito do amor en parella’, a cargo de Manuel Conde, formación en Intelixencia emocional e PNL pola Universidade de Camilo José, socio fundador do proxecto ‘Falla con éxito’, director e fundador da Editorial Supérate; ‘Reiki, el viaje interior’, por Susana Míguez Silva, terapeuta, licenciada en Filoloxía Hispánica, mestra de Reiki; ‘1,2,3 Despierta’, por Mónica Martínez, coach especializada en superación de medos; ‘Unha forma diferente de comunicar’, a cargo de Javier Cebereiros, doutor en comunicación; ‘Sueña y gana’, por David Huerga Hierro, Xogador profesional de Póker, emprendedor e inversor, viaxeiro, aventureiro, aprendiz, apaixonado da vida; ‘Da medicación á reflexión’, por Stella Maris Méndez, Médico especialista en Medicina Familiar e Comunitaria. Coach especializada en Xestión de estres laboral crónico e prevención de Burnout en persoal Sanitario; ‘O reto de superar o imposible’, por María José Freire, educadora social especializada en intelixencia emocional, licenciada en Ciencias do Traballo, diplomada en empresas e actividades turísticas, formadora especializada en desenrolo e superación persoal e docente voluntaria en colaboración con diversas ONG´S.